CHAPITRE XIII

Description du dueil extrême de la noble Nymphe Pegaais Oenona, et des piteux regrets quelle feit. Et aussi des lettres quelle enuoya à son seigneur et marj Paris Alexandre, sans en obtenir response. Du diuorse quil feit auec ladite Nymphe. Et de labolition des vertus primitiues dudit Paris. Ensemble de la maison somptueuse quil feit faire.

Endementiers que ces choses se faisoient à Troye, la noble Nymphe Pegasis Oenone, estoit arriuee à Cebrine, auec ses parens et amis, là où elle menoit vn dueil inestimable, et impossible à reciter. Et combien quunchacun de ses amis sefForçast à toute puissance de la rapaiser, mesmement entre les autres y mettoit grand peine et entente le bon pasteur Royal et sa femme, auec lesquelz elle auoit long temps demeuré, du commencement quelle fut mariée à Paris, comme est dit au premier liure, lesquelz mettoient toute peine, à ce quelle portast patiemment son meschef, tout ce nonobstant se plongeoit au parfond abyme de douleur, et es ténébreuses cauernes de désolation. Car la lumière du iour luy estoit ennuyeuse, la clarté du Soleil luy offusquoit la veùe, et ne queroit que lieux solitaires, et séparez de fréquentation humaine, comme font gens contrits inconsolablement. Et quand elle se veoit esseulée, lors souspirs laggressoient, regrets lassailloient de toutes pars, en plourant geraissoit, et en gémissant plouroit. Et quand

130 ILLVSTRÀTIO^S DE GAVLB, ET

sa douce voix pouuoit auoir yssue de son dolent estomach, elle faisoit retentir les nobles montaignes Idées de son trenchant cry femenin, et prononçoit diuerses sentences piteuses, souuent interrompues par ses plaintiues exclamations entremeslees de plusieurs sangloux, disant en ceste manière :

« 0 le repos iadis de mon cœur, le seiour de toutes mes pensées, Paris le nompareil du monde, quel obstacle sest mis entre toy et moy ? quel meschef mest aduenu ? Pourquoy blesses tu si rudement mon cœur, quil faut que ie me plaingne de toy, comme de celuy qui nest plus mien ? Lesquelz des Dieux sont ce qui contrarient au comble de mes désirs ? Quel crime me saurois tu reprocher, obstant lequel ne doiue demeurer tienne à perpétuité ? Si la coulpe est de mon costé, certes ie porteray le grief en bonne patience : mais si ie seufFre à tort, cest bien raison que ie men dueille. Est il possible de discuter dont vient ceste si soudaine mutation ? Las, tu nestois point encores si gi'and ne si haut esleué, quand premièrement ie te daignay prendre à mary. Ton plus haut tiltre nestoit que dun simple bergeret, seruant autruy au lieu dun esclaue, comme orphenin et desaduoué de parentage : et ie tresnoble et tresclere Nymphe, au pais de Phrygie, fille du grand fleuue Xanthus, fus toutesuoyes contente de tespouser. Et taymay damour si franche et si loyalle, que ie prenois bien patience de reposer auec toy entremy les troupeaux et les parcs de tes bestes, là où Iherbe et les fueillettes nous administroient couche, les bayes nous estoient en lieu de sponde, (1) le tronc des arbres nous seruoit de cheuet, et les branches de courtines. Quelle noble femme, extraite de

(1) pour esponde = châlit, bois de lit.

SIMGVLAHITEZ DE TROTB. UVRE U. 1^

haut lignage fut iamais contente de laisser paternelz et maternelz délices, se gésir sur vn petit de feurre es bordes champestres mal résistantes à la neige et froidure, pour lamour de son amy, sinon moy ? ne quelle dame ou damoiselle se trouua iamais si franche et si hardie, quen postposant toute tendresse et imbecilité féminine, de suiure son espoux à la chasse parmy les hauts rochers, luy monstrer les repaires des bestes sauuages, tendre les filez, mener les chiens en queste : et faire toutes choses laborieuses, et viriles, par grand affection, si non moy lasse dolente ? Mais ceste grande amour de courage, helas, me procedoit alors (ie le confesse) à cause de ta singulière debonnaireté : et pource que tu me rendois amour mutuel et réciproque. A loccasion aussi de tes douces blandisses et gracieux entreteneraens, qui estoient adonc chastes et pudiques. Alors tu me tenois toute tienne. Tous les arbres de la grand forest Ida, estoient marquez et entaillez de mon nom. Le grand peuplier du riuage de mon père le noble fleuue Xanthus fut alors enrichi de ma deuise : là ou tu escriuis vne fois ces vers :

Quand Paris délaisser Oënone pourra XaatbuB le fleuue cler, eusus retournera. (1)

« Retourne donques, mon doux géniteur, mon tresredouté père Xanthus : et te deliure de réduire (2) tes nobles vndes contremont, au propre lieu de ta sourse : car Paris ha délaissé ta fille Pegasis. Paris Alexandre ha enuoyé la belle diuorce et répudiation à la Nymphe Oenone, iadis sa treschere espouse. 0 la dolente et malheureuse iournee

(1) Cf. Ovide Heroid. V, 30.

(2) c.-à-d. mets-toi à ramener.

122 1LLV8TRAT10NS DE GAVLE, ET

quand onques les trois hautes Déesses subirent ton iugement ! Bien me disoient les sages bergers de Cebrine, que ce nestoit que futur dueil pour moj. Bien masseuroient les anciennes preudefemmes de ceste contrée, que toutes ces choses ne tourneroient point à bon diflBnement. Aussi appert il, que lelection de ton iugement, ha sorty son effect. Tu mesprises dame luno, qui est Déesse de richesses, et préside aux mariages : cestasauoir en laissant ta suffisance et plénitude de grans biens, de Ihostel de ton père, et allant pilier et rober les Royaumes estranges, et aussi en me répudiant qui suis ta femme légitime. Tu nas aussi eu cure de Pallas, qui est maistresse de science, et prudente conducteresse des armes, et aussi Déesse de chasteté virginale : car en vsant follement de ton sens naturel, as donné commencement de grand imprudence à vne guerre de mauuaise termination, et as violé la pudicité de ton mariage. Lesquelles choses faites, tu as deliuré la pomme dor : cestadire, ton noble chef aurein qui est composé de rondeur spherique et légèrement tournant, à dame Venus, ouuriere dimpudicité, controuueresse dinceste, et forgeresse dadulteres. Et pour ton guerdon promis, elle tha rendu dame Heleine, confite en semblable delicts. Helas, quand tu partis de moy pour acheuer ceste noble conqueste, tu pleuras, ie ne scay si cestoit par feintise : tu larmoyas, et ne le saurois nier : et veis aussi mes yeux larmoyans non feintement. Si meslames noz pleurs ensemble, et nous entreliasmes si fort par doux embrassemens, que les gracieuses vignettes ne sont point si fort entortillées aux ormes, comme mes bras furent liez autour de ton col. Combien de fois te plaingnis tu de ton partement trop hastif ? Combien de fois retournas tu pour me baiser ? Quantes prières ây ie fait aux Nymphes de mer, à fin que ton retour

SIMGVLARITBZ DE TROYB. LITRE II. 125

fast brief ? Helas, tu es retourné par mes prières, mais non pour mon soûlas. lay esté humble et deuote enuers les Dieux pour celle qui occupe mon lieu. Et quand ie vais blanchir tes voiles à ta dolente retournée, iestoye si aueuglee, que peu sen faillit que ne me meisse en mer, pour aller au douant de toy : mais lasse, dolente, ie congnus tantost mon meschef prédestiné. lapperceus incontinent la matière de mon dueil perpétuel : et commençay deslors à remplir les airs de mes iustes querimonies. Plaise aux Dieux que ainsi puist Haleine se douloir, comme ie fais : et quelle se puist finablement voir destituée de celuy quelle tient pour son mary, ainsi que présentement ien suis délaissée, à fin que le mal quelle ha premièrement inféré à autruy, redonde doublement sur elle. Cest maintenant que les femmes estrangeres viennent après toy : et quelles délaissent leurs maris légitimes, et trauersent les hautes mers pour te suiure, à cause que ta félicité présente est réputée grande, depuis la réduction (1) de ta personne en la maison paternelle. Mais quand tu estois poure berger, et que tu menois paistre les brebis aux champs, nulle autre ne se vouloit dire femme du pasteur Paris, fors la Nymphe Oenone. Les autres vont après la splendeur de ta fortune, et ie madheroye seulement aux bonnes mœurs de ton personnage. Toutesuoyes ie ne forge point ceste complainte pour chose que ie admire tes richesses, ne ton palais Royal ne me meult en rien : ne aussi ne me desplait il si ie ne suis plus contée entre les belles filles du Roy Priam. Non pas pourtant quil refuse estre beaupere dune Nymphe gentile, ou que la Royne Hecuba ayt en desdaing Pegasis Oenone fille du noble Xanthus, ains me tiennent digne assez pour

(1) c.-à-d. retour.

12é ILLVSTRATIONS DE GÂVLE, ET

estre femme dun haut Prince et auoir mains propices à porter sceptre Royal. Mais ie voy que tu seulmemesprises, pource que familièrement ie souloye gésir auec toy parmy les forestz, là où iestoye plus digne de coucher en licts de pourpre. Ne vois tu pas que mon amour est plus seure que celle d'Heleine, et que nulles guerres ne sesmeuuent pour moy ? Que mon mariage ne tameine nulles nauires equippees souz tiltre de vengeance ? Ne congnois tu point que la fille putatiue de Tyndarus, fugitiue de son mary, est redemandée par armes : et que la tresorguilleuse ne tapporte autre chose pour son douaire, sinon sang et occision ? Demande à ton frère le tresnoble Prince Hector, au prudent Antenor, à ton père le Roy Priam, si elle doit point estre rendue. Enquiers toy des autres sages et aagez Princes de sa court, si elle doit point estre restituée. Cest vn tresmauuais signe et exemple, de préférer vne femme rauie en estrange contrée à celle de son païs propre, car ta cause est vergongneuse et pleine de honte. Le mary ha iuste occasion de tourner ses armes sur toy. Si tu as espérance quune femme si légèrement contournée en tes embrassemens, te soit fealle, et que ainsi le desires, tu es grandement deceu. Car tout ainsi que Menelaus se deult de son lict maculé et contaminé par amour estrangere, semblablement te plaindras tu de pareil défaut. Car quand la chasteté dune femme est vne fois entamée, voluntairement elle est tousiours après enclinee à semblable delict. Et si tu dis quelle est ardamment astrainte pour Iheure présente de ton amour, ie respons que ainsi ha elle esté autresfois de son mary Menelaus. Et toutesuoyes il se git maintenant vefue en son lict.

« 0 que tu es constituée en grand félicité, ma belle sœur Andromacha ! quand tu fus assignée à vn mary constant

SINCVLARITEZ DB TROTE. LIVRE II. if5

et permanent : et à lexemple de son frere aisné, se deuoit renger Paris : mais il est plus léger que les seiches fueillettes destituées dhumeur, lesquelles sont esparpillees au vent. Et y ha moins darrest et de pois en luy, quil ny ha es chaumes, ou festuz légers tous consumez de lardeur du Soleil. Lasse, moy dolente, bien le me prognostiquoit iadis la prudente Cassandra ta sœur germaine, et trop mha elle esté vraye prophète et deuineresse. La génisse Grecque est venue qui possède mon pasturage. La beste cornue estrangere est entrée en mon clos. Mais combien quelle soit singulière de visage, toutesuoyes est elle adultère prouuee, comme celle qui ha laissé ses Dieux familiers, sa propre fille, et son bien domestique, pour accourir après vn estranger. Et comme celle oultreplus, laquelle par ie ne scay quel Theseus (si bien du nom ie me recorde) ha encores autresfois esté rauie. Et combien que depuis elle fut recouuree, toutesuoyes si nest il pas vraysemblable, quelle en retournast sa virginité sauue, mesraement des mains dun ieune Prince tout embrasé damoureux désir. Et si tu me demandes, comment ie puis si bien estre informée de ces choses, saches mon cher seigneur Paris, que amour men ha fait enquérir. Et si dauenture aucun la vouloit excuser de coulpe, disant quelle nen peust mais, et que force luy ha esté faite : ie réplique sur ce, qui! est impossible que par tant de fois ha esté rauie, nayt baillé opportunité, occasion et consentement à son rauissage. Mais au contraire, la dolente Nymphe Oenone, demeure chaste et entière à son seigneur et mary : nonobstant que de luy soit abandonnée, et quon luy baille exemple et necesité compétente, de faire autrement. Mais auant ne la laissent les Dieux tant viure, quelle le daignast penser. Lasse, moy poure malheureuse, qui ay puissance sur toutss herbes naissans au monde.

498 ILLTSTRÀTIONS DE GAVLE, ET

laquelle me fut iadis ottroyee par le Dieu Apollo, et ie ne men scay, ne puis donner remède ! Car amour nest point medecinable par herbes. Par ainsi suis ie destituée, et demeurant sans ayde de ma propre science. Et nest herbe, racine, ne semence procréée en terre, tant soit fertile, ne Dieu aucun habitant au ciel, qui me puist donner secours, fors mon cher seigneur et amy Paris Alexandre. Celuy seul le peult faire, et bien lay desseruy. Ayes donc pitié, ô le désir de mon cœur, de celle qui en est digne. le ne tapporte point armes sanguinolentes comme font les Grecz, mais ie suis tienne, et ay tousiours esté de ieunesse. Si ne requiers autre chose, fors estre tienne le demourant de mon aage. » Ces grieues lamentations piteuses formoit loutrepasse des Nymphes, la gracieuse Oenone. Et souuent les reïteroit, sans ce que nul de ses parens et amis, damoiselles ou seruiteurs luy peussent donner ioye ne récréation, ainçois meit ius habits de pourpre et de soye, loyaux dor, riches bagues et pierres précieuses, et print habits de dueil et vefuage. Si neut plus cure de mettre à point son beau chef. Laissa ternir sa clere face, et ne luy chalut plus de sa personne, ne de chants ne de ris, ne dautres esbatemens quelconques. Mais se conformoit à la chaste tourterelle, laquelle après auoir perdu son pareil, ne fait que gémir continuellement : et ne repose plus sur branche verde. Le noble Roy Priam, et la Roy ne Hecuba qui furent informez de sa désolation, en furent fort desplaisans, comme ceux qui laymoient singulièrement : et y enuoyerent le preux Hector, et le bastard Cebrion, et aucunes des nobles dames de leur maison, pour la réduire à liesse et à bonne chère : mais combien quilz y labourassent beaucoup, et que la présence de ces personnages luy fut fort agréable, si nen changea elle rien de son propos : car celuy qui seul auoit la puissance de

SINGVLARITBZ DE TROTB. LIVRE U. 1S7

lesiouyr, ny estoit point. Toutesuoyes son estât luy fut ordonné à Cebrine bel et ample, comme dame douagere : et luy fut fait tousiours par lordonnance du Roy, meilleur appointement, quelle ne vouloit. Mesmement le preux Hector et le bastard Cebrion, et autres de la maison de Priam lallerent souuent visiter. Si feit Creusa femme d'Eneas, et Cassandra sa sœur : desquelles elle estoit merueilleusement pleinte, et trop leur estoit grieue son absence et son infortune. Ainsi persista la noble Nymphe à faire résidence en la cité de Cebrine : dont elle ne bougea iusques à la mort, comme nous dirons par temps. Et passoit son temps à composer médecines et autres œuures toutes chastes, honnestes, et vertueuses.

Le noble poëte Guide en ses epistres, met que la Nymphe Pegasis Oenone, pour cuider fleschir le courage de son seigneur Paris Alexandre, et le tourner à son amour, elle estant en ladite cité de Cebrine, comme met son commentateur Antoine Volsc luy escriuit vnes lettres, dont la teneur est presques semblable aux regrets dessus mentionnez, mais elle nen obtint aucune response, aumoins dont il soit mention : car Paris Alexandre occupé en nouuelles amours, auoit desia fait diuorce, et répudiation totale auec ladite Nymphe. Duquel diuorce fait mention Suétone Tranquille en la vie de lempereur Domitian, recitant lune des cruautez dudit tyrant, lequel feit occire vn iongleur nommé Eluidius, pource quil auoit ioué par personnages le diuorce de Paris et Oenone. Au moyen dequoy il reprenoit couuertement ledit Empereur, qui semblablement auoit répudié sa femme légitime, pour en prendre vne autre. Et sur ce passage est à coniecturer, que (peult estre) ladite Heleine enchanta Paris : car elle estoit fine ouuriere de sauoir composer certaines potions et bruuages, desquelz quand on

Wê ILLVSTRATIONS DE GAVLE, ET

vsoit, on oublioit les choses passées et toute douleur précédente, comme met expressément Diodorus Siculus au deuxième liure des Gestes antiques, disant ainsi : Potio ab Eelena in prœteritorum ohliuionem TelemacJio data. Nam potionem ad aholendum luctum, quampoëta Helenam comjposuisse scribit, etc. (1) En quelque manière que ce fust, Paris meit en oubly total lamour de la Nymphe sa première femme, iusques aux approches de sa mort, quil en eut recordation : mais ce fut bien tard, et se feit porter vers elle, comme sera dit cy après.

Paris donques saddonna deslors en auant à toute voluptueuse vie : lasciuité et mignotise efféminée : et passa le temps au ieu de la harpe, à mettre sus chansons et dittiers, dances, conuiues, et autres esbatemens, pour complaire à sa nouuelle dame, et lentretenir en plaisance. Si laissa ses vertus palladiennes, quil auoit eu en ieunesse, et ne luy chalut du haut emprendre de luno. Il se desaccoustuma de la chasse et du noble trauail dont il auoit esté parauant en recommandation louable eneruant toute la force de sa puissance corporelle, et animosité hautaine, en oisiueté vénérienne, en réduisant tout son sens et son entente, sans plus, à complaire à celle, qui sera cause de destruire luy et les siens. Et pour ce mieux faire, il feit bastir au chasteau d'Ilion, auprès du palais du Roy et celuy d'Hector, vn logis de plaisance, magnifique et hautain à merueilles : dont les sommiers estoient tous reluisans de fin or : tellement que tous les plus grans ouuriers du Royaume de Phrygie, furent embesongnez à cest édifice, comme tesmoigne le prince des poètes Homère au vi. liure de son Iliade. Et eut deux enfans de la belle Heleine, par trait de temps, des-

(1) Odyssée IV, 221. Il s'agit du fameux Nëpenthès.

SINGVLARITEZ DE TROTB. LITBB II. 129

quelz lun fut nommé Corinthus et lautre Ideus : et diceux sera parlé cy après. Maintenant il faut tourner nostre narration ailleurs.

ti.

S^ ILLVSTRATIONS DE GAYLE, ET