CHAPITRE XIIII

Récitation faite par les ambassadeurs de Grèce, retournez à Lacedemoue, de leur exploit. Et de la détermination que les Grecz prindrent à se venger. De la forme du grand serment, que le prestre Calchas leur feit faire ensemble, et de leurs preparatiues. Et comment ilz nauiguerent premièrement iusques à Mysie près de Troje : et puis.sen retournèrent en Grèce. Et puis derechef nauiguerent à Troye, et prindrent le port de Sigee, et autres choses : mesmement, par quel moyen ilz eurent en leurs mains lenfant Polydorus filz légitime de Priam et feirent plusieurs conquestes.

Apres qve les trois Princes Grecz ambassadeurs dessus mentionnez, cestasauoir Menelaus, Palamedes, et Vlysses furent partis de Phrygie ainsi que dessus est recité, ilz exploitèrent tant par mer, quilz arriuerent en la cité de Sparte ou Lacedemone : là où les autres Princes de Grèce, et d'Achaie quon dit maintenant la Moree, descendus de la lignée de Pelops, les attendoient de pied coy, et moult leur auoit tardé leur tant longue demeure. Et après que lesdits legatz eurent recité en plein consistoire la somme de leur exploit : cestasauoir le refus de leurs demandes, lobstination des Troyens, et le danger des espies quilz auoient eschappé au moyen d'Antenor, la grande indignation de tous lesdits Princes se redoubla oultre mesure : lofifense contumelieuse les aguillonna par aspresse redoublée : et la vergongne inférée, se représenta cent fois plus grande, voyans si outrageuse iniure estre faite à la nation Grecque, et la vili-