SINGULARITEZ DE TROYE. LIVRE II

pendence de toute la noblesse d'Europe. Si leur fut oultreplus ramentu par les Roys Agamemnon et Menelaus frères, et mis au deuant le serment solennel quilz auoient fait ensemble, aux espousailles de la Royne Heleine, comme dessus lia esté dit. Parquoy lesdits deux Roys frères les appelloient tous de leur foy. A laquelle chose ilz ne furent aucunement contredisans : mais dun commun accord, et par iteratiue ratification, se vouèrent trestous ensemble, de sarmer pour la querele de Menelaus, et pour la recouurance de sa femme Heleine. Selon ce que dit Ouide, au premier liure de lart d'Aymer :

lurabant omnes in laesi verba mariti :

Nam dolor vnius publica causa fuit.

Et à ce concorde Thucydides au commencement de son liure. Si fut décrété en commune assemblée, que pour se déterminer de tous poincts à future vengeance, on se deliberast de mettre sus vn merueilleux appareil bellique : et que chacun mandast son ban et arriereban en sa terre. Quon assemblast souldoiers par tout où on pourroit : et quon contribuast aux communs frais de la guerre. Et par accord vniforme, fut eslu vn lieu opportun, là où lesdits Princes se trouueroient, pour prendre plus ample conclusion sur le fait dicelle emprise. Lequel lieu selon Dares Phrygien fut en la cité d'Athènes : et selon nostre acteur Dictys de Crète, fut en la cité d'Argos, au Royaume d'Etholie, appartenant à Diomedes. Et est à noter, quil y ha plusieurs Argos : cestasauoir, Argos en Achaie, Argos en Amphiloce, et Argos en Pelasge. Ainsi quand ilz eurent opportunité, chacun desdits Princes se trouua en ladite cité d'Argos en Etolie. Desquelz Princes, Barons et Roys, remémorer et designer les noms vn pour vn, et spécifier leurs

139 ILLVSTRAT10^S DE GAVLE, ET

Royaumes et seigneuries, ie me déporte maintenant, pource que mention en sera faite en plusieurs endroits de ce liure là où le cas escherra. Et encore plus amplement au dernier liure. Et quand ilz furent en ladite cité d'Argos, selon nostre acteur Dictys de Crète, Diomedes Roy d'Etolie les receut en grand triomphe. Aussi Agamemnon auoit apporté de son Royaume de Mycenes grands sommes dor en masse. Lequel or il départit libéralement ausdits Princes, à fin que chacun d'eux fust plus prompt et plus courageux à la guerre. Vlysses fut eslu pour aller quérir Achilles estant en lisle de Scyros chez le Roy Lycomedes, ainsi que plus à plein est dit au premier liure. Aussi ledit Vlysses amena Philoctetes auec les saiettes d'Hercules, lesquelles estoient fatales, et faisoient mestier (1) à la conqueste de Troye, comme sera dit cy après.

Quand le ieune Prince Achilles fut arriué en la cité d'Argos en Etolie, tantost après il fut enuoyé en Delphos pour consulter loracle du Dieu ApoUo en son temple tresrenommé, et sauoir quelle fin prendrait ceste guerre, et quelles choses leur estoient nécessaires à la démener. Si luy fut baillé pour collegat et compaignon Patroclus de Myrmidone. Et de fait y allèrent, et y trouuerent le prestre Calchas Troyen, filz de Tester, lequel aussi y estoit venu de la part du Roy Priam, comme met Dares de Phrygie, à fin dauoir aduisement de la conduite de son aflfaire. Car en ce temps là les Princes neantmoins (2) nulles guerres ne faisoient ne aucunes emprises, sans premièrement auoir le conseil et response de leur Dieu diabolique Apollo : lequel les trompoit et abusoit bien souuent. Et de ce temple de Delphos nous auons fait bien ample mention au premier liure. Or

(1) c.-à-d. besoin. — (2) c.-à-d. aucunement.

SINGVLARITEZ DE TROTB. LIVRE II. 133

par le respons et commandement d'Apollo, le prestre Calchas ne retourna plus à Troye, mais sen alla auec Achilles : et se tint tousiours depuis du party des Grecz. Et quand ledit Calchas fut en la cité d'Argos, il feit ûiire vn merueilleux et exécrable serment à tous les Princes de Grèce, selon les anciennes cerimonies, pource quil estoit grand deuinatif (1) et augure. Cestasauoir quil commanda apporter au mylieu du marché de la cité d'Argos vn porc masle, et le sacrifia, et coupa en deux pars. Puis meit lune des pars en ladite place, du costé d'Orient, et lautre du costé d'Occident. Et commanda à tous lesdits Princes, quilz passassent entredeux, ayans leurs espees nues, et quilz ensanglantassent les pointes de leursdites espees, au sang diceluy porc. Et leur feit faire plusieurs autres superstitions à ce nécessaires. Lesquelles accomplies, ilz iurerent derechef par leur loy, et feirent vœu publique destre ennemis perpétuels du Roy Priam de Troye, et que iamais ne romproient ou desampareroient leur armée, iusques à ce quilz eussent mis à destruction le Royaume de Phrygie et la cité d'Ilion, et que chacun d'eux eust couché auec aucune des nobles femmes de Troye. Lesquelles choses parfaites purement et deuotement, selon leur manière, ilz feirent solennelz sacrifices au Dieu Mars et à la Déesse Concorde. Toutesuoyes Virgile tient que ledit grand serment fut fait au port d'Aulis en Beotie, quand il dit :

Non ego cum Danais Troiaoam exscindere gentem Âalide iuraui, clasaem ve ad Pergama mUi, etc. (2)

Oultreplus lesdits Princes establirent au temple de luno

(1) divinateur (mscr. de Genite).

(2) Eoéid. IV, 425.

♦84 ILLVSTRATIONS DE GAVLE, ET

de ladite cité d'Argos, le RoyAgamemnon, chef et empereur de toute leur armée, tant pour les grands richesses dont il abondoit, selon vn acteur Grec nommé Thucydides, comme pource que la guerre se mouuoit pour son frère Menelaus. Puis après chacun sen retourna en son Royaume, pour faire marcher les armées par mer et par terre, au port d'Aulis qui est en Beotie. Duquel nous ferons plus ample mention au dernier liure.

Lors fut toute Grèce esmue, toute Achaie troublée, et les isles circoniacentes en grand ardeur de vengeance appeler. Car les peuples tumultuans en émotion bellique, se présentèrent horriblement affectionnez à venger lopprobre de leurs seigneurs, et se monstrerent prompts et appareillez à si iuste guerre. Et pendant lespace de deux ans continuelz (comme met nostre acteur Dictys de Crète) se feit préparation de cheuaux,de bardes, de harnois, de chariotz, de lances, de nauires, et de toutes autres choses nécessaires à ladite guerre. Et au bout desdits deux ans, toutes lesdites preparatiues de nauigage, et autres choses, furent en uoyees deuant audit port d'Aulis en Beotie, ausquelles chacun desdits Princes de Grèce auoit fourni selon sa puissance. Lesquelles auitaillees et equippees bien et deûement, selon le commandement du Roy Agamemnon, qui à toutes ces choses donnoit ordre, comme chef de larmee, iceux Roy s et Princes, à iour nommé, se trouuerent à tout leurs gensdarmes, audit port d'Aulis, le cinquième an du rauissement d'Heleine. Auquel port ilz demourerent par long temps, à cause que le Roy Agamemnon auoit coursé la Déesse Diane, comme nous dirons au dernier liure. Finablement après ladite Déesse Diane appaisee, et que Palamedes eust esté créé chef de larmee, en déposant Agamemnon, et depuis derechef iceluy Agamemnon restably, iasoit ce que Dares

SINGTLARITEZ DB TROYE. LIVRB II. 135

de Phrygie mette ladite déposition et restauration d'Agaraemnon auoir esté long temps après : cestasauoir pendant le siège do Troye, et quil fut bon temps pour nauiguer, les filles du Roy Anius de lisle de Delos, lesquelles estoient Fées, comme met Dictys de Crète, remplirent les nauires des Grecz de tous biens en abondance. Et ilz feirent voile hors dudit port d'Aulis, ayans pour guide Philoctetes, iadis escuyer d'Hercules, lequel auoit esté autresfois auec son maistre et les Argonautes deuant Troye, comme met Dares de Phrygie, tellement que lesdits Grecz abordèrent au Royaume de Mysie, qui est voisin de la basse Phrygie. Et de prime face enuahirent iceluy Royaume : et tuèrent le Roy Teuthras, (1) seigneur diceluy : naurerent aussi Telephus gendre de Priara. Et puis feirent appointement auec ledit Telephus au moyen du Roy Tlepolemus de Rhodes, et autres ses parens yssuz de la lignée d'Hercules : comme ces choses seront plus à plein mentionnées au dernier liure. Et ce fait, pource que Ihiuer approchoit, iceux Princes de Grèce furent conseillez de sen retourner en leur pais sans faire autre exploit pour ceste année là : mais délibérèrent de retourner prochainement sur le territoire de Troye.

En ce temps là le bruit fut parmy Troye la grand, au moyen des marchans qui vindrent de diuerses régions de deuers les marches et frontières de Grèce, que tous lesdits Princes Gregois ayans fait ligue et confédération ensemble, deuoient retourner sans nulle faute, incontinent après Ihyuer passé, à plus grand puissance que iamais. Alors commencèrent ceux de Troye à rauoir plus grand peur que deuant. Et ceux à qui le fait de Paris auoit despieu des le commencement, ne se tenoient point de dire, quon auoit

(1) Tenthras (mscr. de GenèvA).

136 ILLYSTRATIONS DE GAVLE, ET

tort des Grecz, et que cestoit mal fait de mettre en danger vne telle multitude de peuple, pour le péché daucuns. Tout ce nonobstant, Paris et les autres participans de son mauuais conseil, enuoyerent endementiers plusieurs capitaines et commissaires , pour cueillir souldoiers et demander secours de toutes pars, et de toutes les régions circonuoisines : et leur feit faire commandement de retourner le plus légèrement quilz pourroient. Laquelle chose se hastoit ainsi, parles enfans de Priam, à fin quilz preuenissent les Grecz, et que tout le faix de la guerre fust transporté en Grèce, auant que les Grecz sen donnassent garde. Mais Diomedes Roy d'Etolie, qui fut informé du tout par ses espies, préoccupa (1) lintention des Troyens, et notifia hastiuement leur emprise par toute Grèce : en les enhortant quilz se despeschassent de commencer à passer en Asie, auant quilz fussent surprins en leurs maisons mesmes, par leurs ennemis. A quoy les autres Princes furent prompts et ententifz. Et se trouuerent trestous diligemment derechef au port d'Aulis, au commencement du beau printemps, qui estoit le VIII. an depuis le rauissement d'Heleine, comme met nostre acteur Dictys de Crète, en son histoire : et le commencement du IX. Et sur ce poinct leur suruint Telephus Roy de Mysie, et gendre de Priam, dont nous auons dessus parlé. Lequel par loracle d'Apollo fut contraint se venir faire guérir de la playe que luy auoit faite Achilles au voyage précèdent. Lequel après estre guery, pour recongnoissance du bien fait, sofirit estre leur guide et conducteur, iusques à la région de Troye.

Par ainsi nauiga toute larmee de Grèce en vne flotte, en Asie la mineur, quon dit maintenant Turquie ou Natolie,

(1) c.-à-d. devança.

SINGVLARITEZ DE TROYK. LIVRI II. i37

ayant ensemble le nombre donze cens quarante nauires : comme met Dares de Phrygie. De prinsaut ilz gaignerent lisle de Tenedos, et consequemment le port de Sigee. Si vint en ces entrefaites au secours de Troye, Sarpedon Roy de Lycie combien quil eust esté beaucoup sollicité par Psalis Roy des Sidoniens de tenir le party des Grecz : comme met Dictys de Crète. Protesilaus Roy de Phylace, fut le premier de tous les Gregois qui print terre audit port de Sigee : et aussi fut ce le premier qui y receut mort prédestinée, par les mains du preux Hector, selon Dares Phrygien, combien que nostre acteur Dictys met, que ce fut par Eneas. Et fut ceste bataille la première entre les Grecz et les Troyens. Aussi y furent tuez deux des enfans de Priam. Consequemment Telephus Roy de Mysie, gendre de Priara, print illec congé des Grecz, et sen retourna en son Royaume. Et Cygnus filz de Neptune, vassal de Priam, lequel estoit inuulnerable, fut suffoqué et esteint par la force d'Achilles. Aussi la cité de Metore, appartenant audit Cygnus, fut prinse, et ses enfans amenez en lost des Grecz, comme sera plus à plein touché au dernier liure. Encores furent prinses autres citez, du territoire de Troye. Si fut exhibé sacrifice de cent bœufz à ApoUo de Sminthe, par le Prince Palaraedes de Nigrepont. Lequel sacrifice Paris cuida empescher, et suruint à tout grand quantité de gensdarmes : mais il fut rebouté par Aiax Telamonius et Aiax Oïleus et plusieurs des gens de Paris tuez. Et en faisant ledit sacrifice, Philoctetes fut mors au pied par vn serpent, et adonc il fut enuoyé en lisle de Lemnos, pour estre guery par les prostrés de Vulcan.

En après Palamedes de lisle d'Eubee, quon dit maintenant Nigrepont, fut meurtry traytreusement, et ietté dedens vn puits par Diomedes et Vlysses, ayans enuie de la

138 ILLVSTRATIONS DE GAVLE, ET

grâce et autorité quil auoit en lost, iasoit ce que Dares de Phrygie, contre lopinion de tous, mette (1) quil fut tué dune saiette par Paris Alexandre, et encores long temps après. Mais iay entreprins de suiure lordre dudit Dictys. Aussi lisle de Lesbos, quon dit maintenant Methelin, fut prinse par Achilles, et le Roy dicelle nommé Forgarite vassal de Priam, lequel auoit fait beaucoup dennuy aux Grecz, y fut tué. Et sa fille la belle Diomedee emmenée en seruage : et plusieurs autres citez depopulees dont sera faite mention au dernier liure. Consequemment vn Roy de Scythie, ou Tartarie, nommé Ceneus vint à Iay de des Grecz. Achilles depopula la prouince de Cilice : print la principale cité dicelle nommée Thebes : et tua Eetion père d'Andromacha, et ses sept enfans : desmolit aussi la cité de Lyrnesse, et occit le Roy dicelle, nommé Faction : et emmena sa femme appellee Astynome, fille à Chryses archiprestre du temple d'Apollo de Sminthe, Puis conquist la cité de Pedase, dont le Roy nommé Brises se pendit de dueil : et Achilles emmena la fille dudit Brises, laquelle auoit nom Hippodamie, comme ces choses seront plus à plein désignées au dernier liure. Et tant exploita iceluy Achilles, quil print sur le Roy Priam et sur ses alliez douze citez par mer, et onze par terre, comme tesmoigne Homère au ix. liure de son Iliade. En ce temps mesmes, Aiax Telamonius cousin germain dudit Achilles, infestoit par armes, couroit et pilloit tout le Cherronese de Thrace : cestadire le riuage de Grèce, opposite à Asie la mineur, quon dit maintenant Turquie. Auquel riuage estoit situé le Royaume de Polymnestor, lequel auoit espousé madame Ilione, fille de Priam, comme plus à plein est dit au premier liure. Mais quand ledit Roy

(1) mect (mscr. de Genève).

SINGVLARITEZ DE TROYB. LIVRE 11. 139

Polymnestor congnut la puissance des Grecz, il commença à auoir peur, et ne tint gueres contre eux, ains feit appointement. Or luy auoit enuoyé le Roy Priam le plus ieune de ses filz nommé Polydorus, à fin que secrètement et seurement il le nourrist. Mais ledit Roy Polymnestor, en faisant sa paix le deliura audit Aiax Telamonius, et oultre ce, luy donna grand quantité dor et dargent, et richesses, et remplit toutes les nauires dudit Aiax de blez et de vins, assez pour vn an, et par sermens exécrables renonça à lamitié et alliance de Priam, son beaupere, et fut receu au party des autres Prince de Grèce.

Ces choses faites, Aiax Telamonius emmenant auec luy lenfant Polydorus, repassa la mer, et print son]chemin vers la haute Phrygie, et depopula toute la région mettant tout à feu et à sang : tua le Roy Teuthrancius qui osa combatre à luy corps à corps : brusla sa cité, et emmena sa fille nommée Tegmessa. Et quand lesdits deux Princes, Achilles et Aiax Telamonius, furent retournez chacun de son quartier, ilz amenèrent grand proye en lost des Grecz, et furent receuz à grand gloire et triomphe, et couronnez de chapeaux de laurier, comme preux et victorieux. Nestor Roy de Pylon, le sage vieillard, et Idomeneus Roy de Crète, furent ordonnez commissaires à départir tout le butin. Astynome, fille de larchiprestre Chryses, fut adiugee au Roy Agamemnon, pour serue et pour esclaue : Hippodamie tille du Roy Brises de Pedase, lequel sestoit pendu de despit, comme dessus est dit, et auec Diomedee fille du Roy Forgarite de Methelin, furent distribuées à Achilles. Et Tegmessa fille du Roy Teuthrancius, en la haute Phrygie, à Aiax Telamonius, comme plus à plein sera dit au dernier liure. Ce fait, ledit Aiax Telamonius recita publiquement les pacts et conuentions quil auoit fait auec

iiO ILLVSTRATIONS DE GAVLE, ET

Polymnestor Roy de Thrace, et leur deliura Polydorus le petit filz de Priam. Lesquelles choses ententiueraent considérées, Vlysses et Diomedes, furent ordonnez pour aller en ambassade au Roy Priam, et luy deliurer son filz Polydorus pour recouurer Heleine.

SINGVLARITEZ DE TROTE. LITRE II. 141