CHAPITRE XV

De kmbassade enuoyee par les Grecz à Troye, pour offrir d« rendre Poljdorus, en reconurant Heleine. Et comment 11 y fut contredit par Antimacbus corrompu à force dargent par Paris. Auec recitation du bon conseil du sage Pantbus : de la response d'Hector et d'Eneas. Lopinion de deux acteurs touchant ladite ambassade : du retour dicelle en larmee : et de la mort de lenfant Poljdorus. Et aussi du débat meu entre Achilles et Agamemnon, à cause de la belle Briseis ; et de la seconde bataille, dont Hector eut le prys.

Ainsi qve lesdits deux orateurs et légats Vlysses et Diomedes se preparoient pour aller à Troye, Menelaus Roy de Lacedemone, pour lamour duquel toute la guerre se demenoit, se ioingnit de son propre gré et mouuement auec eux. Et quand ilz furent entrez par saufconduit dedens Troye, et que le populaire sceut que trois grans Princes de Grèce estoient arriuez pour traiter quelque bon appointement, ilz conuoquerent en conseil les principaux seigneurs et citoyens de Troye. Et sans souffrir (1 ) que le Roy Priam ne ses enfans saillissent du palas, tindrent illec vn consistoire. Tellement que lesdits seigneurs et populaire estans illec ententifz, le Roy Menelaus commença vne harengue brieue, faisant à son propos : et consequemment le treseloquent Vlysses en feit vne autre plus grande : tendant aux fins de remonstrer aux seigneurs, citoyens et peuple de

(1) c.-à-d. attendre.

142 ILLVSTRATIONS DE GAVLE, ET

Troye le grand forfait commis en Grèce par Paris Alexandre. Et concluant en la fin, que tout ce nonobstant, si la Royne Heleine estoit rendue auec tout ce que auoit esté prins auec elle, ilz rendroient lenfant Polydorus, lequel estoit en leurs mains.

Apres donques que Vlysses Roy d'Itaque eut fait fin à son oraison, Panthus lun des grans seigneurs de Troye, père de Polydamas, print la parole, et dit à Vlysses : Que certainement entre eux auoient bien la voulenté de remédier à ceste besongne, mais non la puissance. Pareillement le Prince Antenor disoit, quil ne tenoit point à eux ny à leur conseil, que toutes les choses nallassent bien : mais ceux qui auoient administration de la souueraineté des choses, conduisoient tout plus par voulenté que par raison. Apres lesquelles choses dites, ledit Antenor feit entrer au conseil les Princes estrangers qui estoient venuz par amitié (1) au secours de Priam, et aussi les autres Princes souldoiers. En la présence desquelz, Vlysses reïtera son oraison plus ague et plus véhémente que parauant, en appellant les Troyens tous mauuais hommes, exorbitans de raison semblables à Paris Alexandre, duquel ilz soustenoient la querele si ruineuse et si peruerse. Et amenoit son parler par si grand artifice, que tout le peuple Troyen se condescendoit à sa voulenté. Et auoient horreur tacitement en leurs courages, de loutrage fait aux Grecz. Puis selon la manière accoustumee, les plus anciens dirent chacun leur opinion par ordre. Et confessèrent tous ensemble par commune voix, que le Roy Menelaus auoit esté iniurieusement traité, attendu quil auoit receu amiablement en son hostel Paris et Deïphobus. Et que Paris auoit brisé les

(1) amistre (mscr. de Genève).

SIMGVLARITEZ DE TROTB. LIVRE II. 143

loix de toute humanité, en rauissant la femme de son hoste. Et ainsi disoient ilz tous, excepté lun diceux citoyens, nommé Antimachus, qui fut dopinion contraire. Car selon ce que met Homère en lonzieme liure de l'Iliade, ledit Antimachus auoit esté corrompu par Paris Alexandre, à force de dons et dargent, pour tenir sa bende.

Voyans donques ces choses le Prince Antenor, le sage Panthus, et les autres seigneurs, et citoyens de Troye, ilz enuoyerent au palais vers le Roy Priam deux hommes esluz à ce, pour laduertir du tout : mesmement de son filz le petit Polydorus, lequel estoit détenu prisonnier en la main des Grecz. Et quand le Roy Priam entendit ceste nouuelle, de la grand douleur quil eut, il cheut pasmé à terre, en la présence de tous. Et quand il fut remis sus, et voulut aller au conseil, ses enfans lengarderent, et luy prièrent quil ne bougeast : mais eux mesmes sen vindrent ruer impétueusement au mylieu de lassemblee, là où ilz trouuerent le dessusdit Antimachus, estriuant contre les Grecz, et soustenans la querele de Paris : lequel outrageoit fort les ambassadeurs de Grèce, disant quil ne souffriroit iamais que Menelaus partist de Troye, iusques à ce que lenfant Polydorus fust restitué sain et sauf, et aussi quon deuoit garder les deux autres : cestasauoir Vlysses et Ûiomedes, iusques à tant que ainsi fust fait. Et comme tout chacun se teust, Antenor commença à résister au contraire, et deffendre à toute puissance, que telle chose ne fust décrétée au preiudice desdits ambassadeurs, et au deshonneur du Roy Priam. Mais après longues altercations, les paroles montèrent tant dun costé et dautre, quon procéda iusques à coups donner. Toutesuoyes en la parfin Antimachus, qui esmouuoit tout le débat, fut ietté hors de lassemblee, par tous les assistans, et deClaJré mutin et sedicieux.- Et les

ieunes enfans de Priam laissèrent aussi ladite congrégation, excepté le Prince Hector,

Alors le sage vieillard Panthus dressa son parler à la fleur des nobles hommes du monde : cestasauoir Hector, lequel comme met nostre acteur Dictys de Crète, estoit le plus sage, et le meilleur de tous les enfans de Priam. Et luy commença à supplier humblement, que maintenant il voulsist tenir la main à ce, que madame Heleine fust rendue, mesmement, puis que les Princes de Grèce estoient venuz amiableraent la requérir : disant que si Paris auoit autresfois esté ardant en lamour délie, quil y auoit desia passé du temps assez pour en estre saoulé, et que chacun voyoit clerement à lœil, la grand puissance des Princes de Grèce et leur gloire et hautes emprises, et quilz auoient desia prins et depopulé beaucoup des citez du Royaume de Phrygie, et du païs circonuoisin : pour laquelle chose le Roy Polymnestor esmu de grand crainte, leur auoit deliuré lenfant Polydorus : et faisoit à présupposer, que les autres citez du tenement de Priam, pourroient bien ensuiure semblable manière de faire. Et plusieurs autres choses allegoit Panthus, lesquelles laisse pour cause de brieueté. Et quand le noble Prince Hector leut escouté tout en paix, il fut vn peu triste : et les grosses larmes luy tomboient des yeux, quand il luy souuint de son petit frère Polydorus. Toutesuoyes, il disoit que ce nonobstant on ne deuoit point trahir la personne d'Heleine, puis quon luy auoit vne fois la foy promise : mais bien pourroit on rendre tout ce qui auroit esté prins auec elle : et au lieu délie, bailler au Roy Menelaus aucune de ses sœurs, si comme la pucelle Cassandra, ou la belle Polyxene, auecques grand douaire, et grans dons.

Quand Menelaus Roy de Lacedemone eut entendu ceste

SIN6VLARITKZ DB TROYB. LITKB II. 145

response d'Hector il la print en grand et raerueilleux desdaing : et dit ainsi par grand felonnie(l) : « Ainsi mayd Jupiter le Roy des hommes et des Dieux, ie seroye donques bienheureux, sil falloit que après estre violentement despouillé de ma propre femme, ie fusse contraint de permuer mes amours et mon mariage, à lappetit de mes ennemis mortelz. )) Alors le (2) baron Eneas répliqua en ceste manière : « Roy Menelaus, de ce ne faut ia que tu te soucies tant ; car quand tout le monde lauroit iuré, si te garderây ie bien de si grand honneur, et moy, et tous ceux de ma bende, qui aymons ihonneur et le proufit de Paris Alexandre : il en est encores assez, ne te chaille, et sera, de ceux qui deffendront à main armée la maison et le Royaume de Priam contre voz iniures. Et quand il aura perdu lenfant Polydorus, si ne sera il pas pourtant destitué denfans. Vous semble il donques à vous autres Grecz quil nest loisible à nul autre fors à vous, duser de telles manières de rapines ? Ceux de lisle de Crète, qui sont des vostres, ne rauirent ilz iadis la belle Europa, fille du Roy Agenor de Sidone ? Et le beau Prince Ganymedes filz du Roy Tros nostre ancestre, ne fut il aussi esleué par eux en ceste contrée mesmes ? Que dirây ie de Medee fille au Roy Eetha ? ignorons nous, que ceux de vostre party de fresche mémoire, lallerent rauir en Colchos ? lusques icy on ha procédé par paroles, mais si vous et vostre armée ne partez soudain de ceste région, vous expérimenterez à coup (3) la grand vertu Troyenne, à vostre merueilleux preiudice : car nous auons tout premièrement de nostre part, la forte main et bon adiutoire des Dieux immortelz, et en oultre, auons grand

(1) c.-à-d. irritation. — (2) Le mscr. de Genève ajoute le beau. (3) c.-à-d. soudain.