II. iO
ilQ ILLVSTRATIONS DE GAVLE, ET
nombre et abondance de ieunes hommes instruits noblement aux armes, et de iour en iour nous suruient assez de nouueau secours. » Quand Eneas eut fine ses paroles, Vlysses respondit doucement en ceste manière : « Par noz Dieux, il nest ia plus mestier donques, de différer noz inimitiez dun costé et dautre. Donnez signe de bataille quand vous voudrez, et ainsi comme vous auez esté les premiers en inférant liniure, soyez aussi les premiers à donner les horions : et nous vous suiurons après que nous aurez prouoquez . » Et cest iusques icy la narration de nostre principal acteur Dictys de Crète.
, Mais Dares de Phrygie met ladite ambassade auoir esté faite auant la mort de Protesilaus Roy de Phylace, et ne fait nulle mention du petit Polydorus. Dit en oultre ledit Dares, que le Roy Priam presidoit en son conseil, quand ladite ambassade vint. Et après auoir ouy leur demande fondée sur la restitution de la belle Heleine, et de la proye emmenée auec elle, luy mesmes leur remeit au deuant les iniures des Argonautes, cestadire de ceux qui nauiguerent en Colchos : leur reprocha la mort de son père le Roy Laomedon, la destruction de Troye faite par Hercules et Telamon, et la seruitude de madame Hesionne sa sœur : et aussi les opprobres et mauuais traitemens faits au baron Antenor son ambassadeur. Parquoi ledit Roy Priam refusa tout appointement de paix auec lesdits Grecz : et leur signifia la guerre ouuerte. En commandant que promptement iceux ambassadeurs eussent à vuider hors de sa cité et de son Royaume. Et cest lescrit dudit Dares. Si fait à noter quen plusieurs passages il y ha discordance entre lesdits deux acteurs Dares et Dictys : iasoit ce quilz fussent tous deux presens à la guerre Troyenne, mais ilz estoient de deux partis lun Troyen et lautre Grec. Toutesuoyes des difi'e-
SINGVLARITEZ DE TROTB. LIVRE II. i47
rents qui sont en leur narration originelle ie me passeray (le léger, en ensuiuant principalement lordre de mon acteur Dictys, pource que sa compilation est plus ample et plus disfuse, et aussi plus vraysemblable et mieux ordonnée. (1) loint à ce, que les nobles œuures du Prince des poètes Homère, et de Virgile, et aussi d'Ouide sont presques vniformes à icelle. Par ainsi lesdits ambassadeurs de Grèce ayans response de refus total, se retirèrent en leur ost, non pas sans le grand desplaisir du peuple de Troye ; lequel estoit dolent en merueilles des paroles arrogantes proférées par Ëneas. Et quand lesdits trois personnages furent de retour, en la présence des autres Princes de Grèce, ilz récitèrent à plein tous les dits et les faits des Troyens alencontre d'eux, dont ilz furent généralement fort indignez et encores plus irritez à vengeance. Si fut décrété incontinent, que le petit Polydorus seroit occis en la présence de tous ceux qui le voudroient voir au plus près des murs de Troye. Et sur ce cas ne fut pas faite grand dilation : ains fut prins ledit noble enfant Royal, et mené sur vn haut tertre, en lieu eminent près de la cité, et illec occis, et lapidé, par la multitude des Grecz, à force de coups de pierre, voyans plusieurs des Troyens qui estoient aux créneaux. Ainsi le ieune innocent porta la peine du mefifait commis par son mauuais frère Paris. Ce fait, lun des herautz des Grecz alla noncer iusques aux portes de Troye la mort dudit Polydorus, à fin quilz vinssent prendre le corps pour le sepulturer. Et pour ce faire fut enuoyé lun des herautz de Troye, nommé Ideus, auec aucuns gentilzhommes de la maison du Roy qui lemporterent tout gasté,
(1) Les Occidentaux préféraient cependant Darès. (Cf. Moland et d'HérioaiUt, Nouvelles françaises eo prose du XIY* siècle. Introd.)
i48 ILLVSTRATIONS DE GAVLE, ET
meurtry et despecé à la Royne Hecuba sa mère, laquelle en mena grand et merueilleux dueil, comme il est vrayserablable. Toutesuoyes, Virgile au*troisieme Hure des Eneïdes recite autrement la mort dudit Polydorus, et en autre temps : et aussi fait Ouide au xiii. de sa Métamorphose : disant que la Royne Hecuba fut emmenée en seruage, en passant par le Royaume de Polymnestor, son gendre qui auoit occis le petit Polydorus, pour vsurper les trésors qui luy auoient esté baillez en garde auec lenfant : dont Hecuba conuertie en rage désespérée, trouua manière de creuer les yeux audit Roy Polymnestor. Parquoy finablement elle fut mise à mort par les Grecz.
Endementiers que ces choses se faisoient, à fin que rien ne demourast entier aux alliez de Priam, Aiax Telamonius assailloit hostilement plusieurs citez appartenantes à Eneas, Antenor, et autres de la maison de Priam, et les demolissoit et depopuloit, si comme Cella, Gargarus, Marisba, Sepsis, et autres situées es montaignes Idées, qui seront plus à plein spécifiées au dernier liure. Et feit courses et gastemens : et bouta les feuz par toutes lesdites montaignes : puis ramena en lost grand nombre de bestial et autre butin. Et en ce temps mesmes Chryses larchiprestre du temple d'ApoUo de Sminthe, vint en larmee des Grecz, humblement suppliant de rauoir sa fille Astynome, iadis femme au Roy Faction de Lyrnesse, laquelle en diuisant le butin auoit esté deliuree au Roy Agamemnon, comme dessus est dit. Et pource que ledit archiprestre ne fut point ouy, grand pestilence se meit en lost des Grecz : dont le prestre Calchas prononça la cause à lasseurance d'Achilles, disant, que tel meschef ne venoit sinon pour la détention de la fille de Chryses archiprestre du Dieu Apollo : car iceluy Dieu en estoit malcontent. Et les Troyens voyons les
