SIMGVLAKITEZ DE TROYE. LITRE II
feuz contiûuelz qui se faisoient en larmee des Grecz pour brusler les corps des morts, saillirent hors de Troye et fat faite la seconde bataille, en laquelle emporta le prys du costé des Troyens le Prince Hector, auee le Roy Sarpedon de Lycie : et du costé des Grecz les Koys Diomedes et Menelaus, dont la nuict suruenant feit faire cesse.
Ces choses faites, les Grecz voulurent establir Achilles chef de toute larmee : pource que Agaraemnon ne vouloit rendre la belle Astynome, autrement appellee Chryseis, à son père Chryses. A loccasion dequoy la mortalité de plus en plus senforçoit parmy eux, et mouroient misérablement grand nombre de gens et de bestes. Toutesuoyes finablement Agamemnon fut content de restituer ladite Chryseis : pourueu quen son lieu fust baillée la belle Hippodamie, autrement dite Briseis, fille du Roy Brises de Pedase, dont sera faite plus ample mention au dernier liure. Chacun saccorda à ce pour le salut commun de toute larmee, excepté Achilles, auquel il competoit le plus : car il la tenoit pour samie et chère concubine. Mais ce nonobstant, Agamemnon vsant de sa puissance Royale, comme chef de toute larmee, enuoya quérir par deux herau tz ladite Hippodamie, ou Briseis es tentes du Duc Achilles, et la feit mener es siennes. Et ce faisoit il, par despit de ce que le prestre Calchas, par ladueu et asseurance dudit Achilles, auoit declairé que la peste ne cesseroit iusques à ce que Agamemnon eust rendue ladite Chryseis à son père.
Ainsi fut renuoyee la belle à son père honnestement accompaignee des deux grans personnages : cestasauoir Diomedes et Vlysses. Lesquelz dabondant offrirent grans dons au temple d'Apollo de Sminthe, pour appaiser Tire diceluy Dieu. Et par ce moyen cessa la pestilence en larmee des Grecz. Si fut aussi enuoyee en lisle de Lemnos cer-
iSO ILLVSTRATIONS DE GAVLE, ET
taine portion de la proye et butin conquis sur les ennemis, àPhiloctetes seigneur de Methon et de Melibee, lequel estoit demouré malade en ladite isle, à cause de la morsure dun serpent, comme dessus est dit. Mais Achilles tenant à grand iniure labstraction de sa concubine Briseis, ou Hippodamie, en conceut en son courage vne terrible indignation contre les Grecz, mesmement contre le Roy Agamemnon : et se tint àe là en auant en son pauillon, auec son amy Patroclus, et son gouuerneur Phénix, et son aurigateur Automedon, et ses autres Myrmidons. Et sur ce propres fonde et commence toute sa noble matière du volume de Tlliade, le prince des poètes Homère.
En ces entrefaites, le tresnoble Prince Hector, chef et conducteur de toute larmee Troyenne, feit saillir hors des portes de la cité, toute la belle cheualerie d'Asie la mineur, quon dit maintenant Turquie ou Natolie : ensemble les Princes tant de la maison du Roy Priam, comme ses vassaux, amis, alliez, et souldoiers : desquelz les noms et seigneuries sont spécifiées assez competentement au premier liure, et seront encores plus au dernier. Les Grecz aussi meirent leur armée en front, et ordonnèrent leurs esles et leurs batailles. Mais Achilles se tint à lescart auec ses Myrmidons, et ne se voulut point renger en ordonnance des autres, à cause de la hayne et dissension quil auoit auec le Roy Agamemnon, pour lamour de sa concubine Hippodamie quil luy auoit tollue. Quand donques les armées tant des Grecz que des Troyens furent rengees bien à point, ne lune partie ne lautre ne feit semblant de se bouger ne dentamer la bataille, mais se tindrent tous coys sans rien faire, pour ce iour. Et quand ce vint sur le tard, chacun sonna la retraite de son costé. Dont Achilles ce voyant, pensa de se venger du Roy Agamemnon, et cuida surpren-
SIMGVLARITEZ DE TROTE. LITBB H. 15t
dre son armée en desarroy et donner sur luy, à tous ses Myrraidons : mais Vlysses sen donna bien garde. Parqaoy Achilles sans rien faire, mais tout transmué de courroux, sen retourna en ses tentes, et les Troyens à Troye. Et ceste nuict furent ordonnez par les Grecz Aiax et Diomedes explorateurs pour la nuict. Et Dolon Troyen fut aussi establi par Hector, à aller guetter lost des Grecz : mais il fut surprins par lesdits Aiax et Diomedes, et après auoir sceu le secret des Troyens, ilz tuèrent ledit Dolon.
152 ILLVSTRATIONS DE G^VLE, ET
