CHAPITRE XVI

Narration dane iournee assignée pour batailler, entre les Grecz et les Troyens. Et de la couardise de Paiis encontre Menelans : de laigre reprehension que Hector luy feit à ceste cause. Et comment Paris soffrit à combatre Menelaus corps à corps. De la forme des conuenances sur ce prinsea. Et comment à Haleine retourna le désir de son premier m&vj. Et des deuises du .Roy Priam auec ladite Heleine.

Certains iours passez sans rien faire, iournee fut assignée dune part et dautre, en la belle campaigne qui est entre la cité de Troye, et le port de Sigee : et fut fait de tous costez grand appareil de bataille. Toutesuoyes Achilles ne sy trouua point : car il ne se vouloit plus armer, par despit du Roy Agamemnon. Et pource quen ceste iournee il y eut vne bataille singulière, cestadire corps à corps entre le Roy Menelaus et le beau Paris, laquelle est diffusément narrée par le prince des poètes Homère au troisième liure de son Hiade, et bien coulouree de fleurs poétiques : et aussi est récitée en brief et plus succintement par Dictys de Crète en son deuxième liure, ie vueil icy marrester vn petit à descrire ledit combat, pource quil est beau et délectable, et sent bien son antiquité. Et pour ce faire, ie translateray presques mot à mot ledit Homère sur ce passage. Et nonobstantant ie ne relenquiray point de trop loing la vérité historiale de nostre acteur Dictys de Crète.

Or dit iceluy noble prince de poètes Grecz mis en Latin par Laurens Valle : Que quand les armées Troyennes

SUIGTLARITEZ DE TROTE. LITBE 11. 155

furent ordonnées chacune souz son chef et conducteur, et furent diuisees en esles et en esquadres, elles marchèrent audeuant desGreczqui desia approchoient. Là eut grand oy et grand huée faite du costé diceux Troyens, ne plus ne moins que les grues ontaccoustuméde faire au temps matutin quand elles partent des régions Septentrionales, et volent par lair en grands compaignies, vers la grand mer Oceane, pour faire cruelle guerre et mortifère aux petis Pygmiens. Et au contraire, les Grecz sans noise et sans clameur, mais sans plus fremissans par grand ire, tacitement en eux mesmes hastoient leurs pas, reuoluans en leurs courages par quel moyen ilz pourroient vaincre leurs ennemis, et deffendre eux et les leurs. A la venue donques des Troyens, ou pour mieux dire à la course, si grand pouldrerie sesleua en la campaigne, mesmement à layde du vent qui souffloit, que ce sembloit vne de ces bruines espesses qui sont ennuyeuses aux bons bergers des champs, et agréables aux larrons nocturnes. Laquelle nieble bruineuse est aucunesfois amenée par le vent Auster sur la cruppe des hautes montaignes, tellement que la pouldrerie (1) offusquoit la veiie des deux armées et ne pouuoit on choisir de lœil, plus loing dun iet de pierre.

Et quand lesdits deux exercites furent si prochains lun de lautre, que desia on sapprestoit pour batailler, Paris Alexandre homme de singulière beauté, marchoit fîerement, et à grans pas, douant toutes les armées de Troye, prouoquant et deffiant par hautes paroles, à bataille singulière tous les plus forts des Grecz. Or portoit il pour sa cotte darmes, vne riche peau de leopart toute estoffee dor et de pierrerie. Son arc et son carquois, et deux dards resplen-

(I) pouldriere (mscr. de Qenèvo).

154 ILLVSTRATIOISS DE GAVLE, ET

dissans en sa main. Et quand le fort batailleur Menelaus leut veu et entendu, il se resiouit en telle manière que fait vn lyon familieux, quand il rencontre vu grand cerf cornu, ou vn chamois lequel est poursuiuy des chiens et des veneurs. Ainsi par grand ardeur et espérance de venger son iniure, il descendit promptement de son chariot et se meit à pied comme il estoit aorné. Si se présenta deuant Paris, marchant hastivement alencontre de luy. Alors Paris Alexandre des quil veit son mortel ennemy Menelaus, luy venant alencontre, il fut frappé dune peur soudaine : et arresta tout court son allure. Puis se commença à retirer vers ses gens : tout ainsi que fait vn pèlerin passant par la montaigne : lequel quand il apperçoit en sursaut quelque horrible dragon en son chemin, se trouble et estonne de primeface, puis après pallit et tremble, et presques en se laissant choir recule arrière.

A ce spectacle, la fleur de cheualeri^ Hector, tout enflambé d'ire et de mal talent, commença à vitupérer son frère par paroles ignominieuses : et luy dit en ceste manière : « Dysparis (1) et non Paris de beauté nompareille, mais tout perdu en lamour des femmes, hardy de paroles et lasche à leffect, combien eust il mieux valu que tu ne fusses iamais né ? Et pleust ores aux Dieux que ainsi eust esté, ou que tu fusses mort en ieunesse, auant que commettre vn tel deshonneur, mesmement deuant les yeux de tout le monde. Ne vois tu combien de liesse ces Grecz perruquez et calamistrez en ont receu, et à bon droit, comme ceux qui cuidoient que ainsi comme tu es le plus beau de tous, aussi tu fusses le plus cheualereux ? là où maintenant ilz entendent bien, quil y ha en toy trop plus de beauté que de vail-

(1) c.>à*d. funeste.

SIKG?LARITEZ DE TROYB. LITRX II. «186

lance. Assez as tu de formosité et bonne taille de corps et de membres, mais le courage test défaillant. Et neantmoins, comme tu soyes tel, tu as osé auec vne bende de gens esluz, et vne armée bien equippee, aller en région estrange suborner la femme dautruy. Et comme tu fusses esprins de la merueilleuse beauté délie, combien quelle eust vn mary bon à la guerre, tu las prinse en la région d'Achaie : et las amenée par deçà, (1) à la totale destruction de monseigneur nostre père, du Royaume aussi , et de tout le nom Troyen, et à lesiouissement de noz ennemis, et perpétuelle infamie de toy mesmes. 0 quel deshonneur, qui nas osé attendre Menelaus ! Dont vient cela ? Certes pource que tu congnois quel homme il est à la guerre : et combien celuy fait à redouter, à qui tu as osté sa femme. Certainement entre ces tourbillons de guerre , harpes ne lues dont tu te scais ayder, ne seruent rien à la victoire : ny aussi le beau chanter ou danser, ne lelegance de forme, ne les cheueux blonds et bien peignez, qui sont dons veneriques, ne toutes telles semblables choses. Et à fin que tu saches, voicy tous les Troyens, lesquelz pour defiendre ton crime et ton forfait ont comprins les armes, maintenant sont tous estonnez de ta crainte et faute de cœur, et nont plus courage aucun de combatre. » Lors Paris respondit ainsi à son frère aisné :

« Selon le droit de ta nature, monseigneur mon frère Hector, tu nas pas trop oultrageusement reproché ma lascheté : Car ton corps et ton courage ne sont non plus fatiguez de labeur quotidien, ne plus ne se meuuent pour aucun rencontre, que fait vne dure coignee, laquelle le charpentier ou bocquillon exerce continuellement à couper bois. Et par ce moyen, le trenchant dicelle, dur, acéré, et bien trempé,

(1) Aucune cédille (ëd. 1516 et 1528).

156 ILLTSTRATIONS DE GAVLE, ET

saffine iournellement, par la perseuerance de lœuure. Mais ie te prie, ne me vueilles point mettre au deuant, par manière de reproche et vitupération, les dons de la Déesse Venus. Car les biens faits, que les Dieux nous contribuent (1) ne se doiuent point reprocher, pource quilz ne sont point donnez selon la voulenté des hommes, mais selon le plaisir de Dieu mesmes. Et si tu veux ores que ie combatte corps à corps encontre Menelaus, commande que tous les Troyens, ensemble les Grecz cessent et se tiennent coys, en regardant le combat que nous ferons nous deux, duquel ilz seront iuges et tesmoings : Et quiconques demourera vainqueur, cestuy là ayt Heleine à femme, sans nul contredit, pour laquelle ceste guerre sest esmue : ensemble toute la richesse, qui fut apportée de Lacedemone : et tous les autres, fassent foy et serment de sen retourner en leurs contrées, les Troyens à Troye, et les Grecz en Grèce. »

Quand le noble Prince Hector eust ouy les paroles de son frère Paris, il fut merueilleusement ioyeux : et se transporta incontinent au mylieu des deux armées. Et tant de sa forte voix, comme de sa lance quil tenoit par le mylieu, faisoit arrester les compaignies de ses gensdarmes, et les Troyens obéirent incontinent. Mais les Grecz de leur costé, en marchant tousiours, tiroient flesches, dards, et pierres de fonde. Laquelle chose voyant le Roy Agamemnon, il dit à ses gens : « Déportez vous vn petit, enfans. Si contenez voz mains, et retirez voz corps : Car comme iapperçois, Hector veult traiter quelque chose auecques nous. » A laquelle voix les Grecz se désistèrent incontinent. Et après le bruit appaisé, se tindrent tous coys et paisibles, autant que faire se pouuoit, et demourerent ententifz pour

(1) c.-à-d. accordent.

SIMGVLARITEZ DE TEOYE. LITRE II. 157

escouter. Adonc Hector estant au mylieu des deux osts dit ainsi : « Oyez moy, vous Troyens, ensemble vous autres Grecz : et entendez par moy ce que dit mon frère Paris Alexandre, à loccasion duquel toute ceste guerre sest meue entre nous. Il veult et désire que Troyens et Grecz, tant dun costé que dautre en mettant ius leurs armures ne fassent que regarder. Et quon les laisse faire eux deux seulement : cestadire, que luy et Menelaus au mylieu de ces deux exercites, debatent leur querele par force, et par armes. Et quiconques d'eux deux vaincra, que Heleine soit sa femme, sans contradiction : et ayt aussi toute la richesse amenée de Lacedemone. Et les autres fassent serment, de sen retourner chacun en sa maison : cestasauoir les Troyens à Troye, et les Grecz en Grèce. » Ainsi parla le preux Hector. Alors vnchacun tenant silence, le Roy Menelaus feit sa harengue à tous les deux osts, et dit en ceste manière :

« Prestez moy escout, vous Grecz et consequemment vous Troyens : car ma iuste douleur mimpute nécessité de respondre, principalement entre tous les. autres. Donques il me plait tresbien, et si me consens de grand courage, que quiconques de nous deux mourra en ceste bataille, soit mort pour luy seulement : et que tous les autres sen retournent incontinent chacun en sa maison, sans plus guerroyer : à fin quun chacun soit doresenauant quite et deliure des grands peines et labeurs, lesquelles vous Grecz auez soustenu pour deffendre mon droit, et vous Troyens pour la cause d'Alexandre. Et que par ceste transaction, vous en soyez affranchis. Apportez donques icy en présence deux aigneaux lun masle, et lautre femelle : et que le masle soit sacrifié au Soleil, et la femelle à la Terre. Et nous fournirons du tiers pour offrir au souuerain Dieu lupiter. Mais

premièrement et auant toutes choses, amenez cy le Roy Priam qui establisse ces conuenances luy mesmes, à fin que aucun de ses enfans, ainsi quilz sont lasches et desloyaux, ne fassent ces choses irrites et de nulle valeur, par fraude et par malengin. Car tousiours les esprits de ieunes gens sont muables et sans grand fiance. Mais ores si le bon vieillard est présent à cest appointement, et quil préside à iceluy, certainement en considérant les choses passées, et les présentes et futures, il se donra garde que ces pactions icy soient fermes et stables, et que paix finale se fasse incontinent entre les deux armées, ainsi quil est de mestier. » Des que le Roy Menelaus eut fine sa parole, tant les Grecz comme les Troyens sesiouirent dune grand liesse, esperans que désormais ilz se reposeroient dune tant périlleuse et mortelle guerre. Eux donques séparez lun de lautre par petit dinterualle , descendirent des chariotz : boutèrent leurs chariotz tous de reng : et meirent ius leurs lances et leurs dards. Puis Hector enuoya deux heraux en la cité, pour aller quérir le Roy Priam, à fin quil fust présent à faire icelles conuenances, et pour apporter des aigneaux. Et le Roy Agameranon commanda aussi à son héraut nommé Talthybius, quil allast aux nauires pour apporter le troisième aigneau. Et pendant que lesdits heraux se hasterent de faire chacun ce que leur estoit enchargé. Iris la messagère de la Déesse luno, descendit de lair, et print la forme de lune des filles du Roy Priam nommée Laodice femme du Prince Elycaon pour annoncer à Heleine le combat et le camp mortel qui se deuoit faire entre Menelaus et Paris. Et la trouua quelle tisoit vn noble ouurage de fine pourpre, pour faire vn manteau grand et ample, auquel elle auoit desia peint à lesguille plusieurs des faits de la guerre Troyenne. Adonc Iris sapprocha, et luy dit en ceste manière :

SraGVLABITEZ DE TROTB. UVRI II. 159

« Or vien maintenant, la tresbelle espouse de mon frère Paris, vien voir vne chose meruei lieuse qui se fera ores entre les Troyens et les Grecz : car aux champs où ilz se deuoient rencontrer par grand affection pour deffaire lun lautre, ilz ont présentement laissé la bataille, et sont au mesmes lieu près lun de lautre, tous coys faisans silence appuyez sur leurs escuz. Et sont leurs lances plantées auprès deux : car Alexandre doit tantost combatre auec Menelaus, pour voir auquel tu demoureras pour femme. Si es constituée pour le guerdon de la victoire entre les deux parties. » Ainsi que la Déesse Iris disoit ces choses, il entra en la douce poitrine de la belle Heleine, vn grand désir de son premier mary, de ses parens, et de son pais. Si saccoustra hastiuement dun fin rochet de lin, et partit de sa chambre : mais au long de sa belle face luy decouroit vn grand ruisseau de larmes. Et la suiuoient deux de ses damoiselles, lune nommée Ethra fille de Pytheus, et lautre Clymena. Et comme elle fut venue légèrement (1) à la porte Scee, elle monta les degrez pour aller en la haute tour dicelle porte.

En ladite tour estoit le bon Roy Priam, auecques les plus anciens des Princes et seigneurs de Troye : cestasauoir Panthus, Antenor, et autres qui plus nestoient duisans à porter armes, à cause de leur vieillesse, mais bien estoient ilz propices au conseil. Si se seoient autour du Roy Priam : et deuisoient de plusieurs choses entre eux, et ressembloient les crinsons ou cigales lesquelles au temps desté mussees entremy lombrage des branches fueillues ont accoustumé de chanter doucement. Mais quand iceux Princes apperceurent Heleine marcher parmy la grand tour large et spacieuse, ilz disoient lun à lautre tout bassement :

(1) c.-à-d. rapidement.

Ifll ILLVSTRATIONS DE GATLE, ET

« Certes ce nest point chose estrange, si les Troyens et les Grecz soustiennent tant de maux , et par si longue espace, pour vn tel visage, qui ne semble point estre de femme humaine, ainçois plustost dune Déesse immortelle. Mais toutesuoyes posé quelle soit dune beauté si diuine, si seroit ce chose plus seure de la renuoyer en son hostel, que de la retenir à force, à fin quelle ne soit cause de perpétuelle misère à nous et aux nostres. » Ces paroles disoient iceux anciens Princes ensemble : Mais, le Roy Priam en appellant Heleine dit ainsi : n Viença, ma tresdouce fille, et tassied icy près de moy, à fin que tu voyes ton premier mary, et tes autres parens et amis. Et ne cuide point que ie te vueille improperer, ne donner reproche de ceste guerre, qui cause tant de larmes : car ie ne men plaings sinon aux Dieux ausquelz il ha pieu me molester par tant de malheurs. Sied toy icy, ma fille, et me dis qui sont ces personnages que ie Toy là surpasser les autres, tant en hauteur de stature, comme en resplendeur daornemens. » Et lors Heleine, la Déesse des femmes, luy dit ainsi : « Mon tresredouté seigneur et beaupere, ta parole et ton regard, me sont tousiours à crainte et à vergongne. Que pleust ores aux Dieux, que ie fusse morte de mort obscure, quand premièrement ie suiuis ton filz, en laissant mon mary, mes compaignes, et ma fille vnique Hermione : car tant de maux ne sen fussent ensuiuis. Et ne me fusse point ainsi tourmentée de pleurs et de larmes, comme ie fais. Mais ie suis contente dobeïr à ton commandement, et toy informer de ce que desires sauoir. » Ainsi luy commença Heleine à designer tous les Princes de Grèce. Lesquelz Homère descrit audit passage. Mais à cause de brieueté ie men déporte à présent : car assez seront spécifiez au dernier liure.

SIlfGTLARITEZ DE TROTS. LIVRB il. 161