CHAPITRE XVII

Reoit&tioD de la saraenue du Roy Priam au camp : dei cerimoniei faites touchant le pact dentre les deux armées. Et du combat corpt à corps fait par Paris contre Menelaus. Comment la Déesse Venu* sauua Paris, et des reproches que Heleine luy «n feit. Auec exclamation sur les fictions du poëte Homère, et dei autres faits da Paris pendant la guerre.

Ainsi qve le noble Roy Priara tenoit deuises auec la belle Heleine, les deux herautz dessus mentionnez, enuoyez par le Prince Hector, estoient arriuez en la cité de Troye, et auoient desia prins les choses nécessaires à faire les conuenances, selon ce quon leur auoit commandé : cestasauoir deux aigneaux, et du vin quilz portoient en vne peau de bouc. Et lun diceux, nommé Ideus, portant vn flascon dor, et deux hanapz de mesmes, sen alla faire son message au Roy Priam, et dit en ceste manière : « Sire, plaise toy leuer dicy, et ten venir hastiuement au camp, là où les Princes Troyens, et Grecz tattendent, et mont commandé te venir quérir, à fin que appointeraent se fasse entre eux au moyen de ta présence, car ilz sont sur ces termes, que ton filz monseigneur Paris et le Roy Menelaus doiuent esprouuer au mylieu des deux armées à la pointe de leurs espees, auquel des deux comme au vainqueur demeurera madame Heleine, et tous les trésors amenez de Lacedemone. A fin que tous les autres soient ensemble pacifiez, et que nous demourons à Troye, et les Grecz sen aillent en Grèce. » Ces u. H

162 ILLVSTRATIONS DE GAVLE, ET

choses ouyes, le bon Prince Priam fut tout troublé en son courage : neantmoins il commanda à ses escuiers quon luy amenast sa littiere, pour aller là où on lattendoit. La littiere fut tantost preste et accoustree de royaux aornemens : si se meit dedens. Aussi le Prince Antenor monta sur son chariot, pour luy tenir compaignie : et passèrent eux et leurs gens, par la porte Scee, et vindrent en la campaigne, là où les deux armées estoient. Si descendirent à terre, et marchèrent par le mylieu.

Quand le Roy Agamemnon et Vlysses, veirent venir ces deux anciens Princes, cestasauoir le Roy Priam et Antenor, ilz se tirèrent en auant. Et les herautz à tout leurs cottes darmes à la manière accoustumee, apportans les choses nécessaires à faire les conuenances, se trouuerent là. Tout premièrement ilz versèrent du vin es couppes dor, et puis baillèrent leaue à lauer, à tous les Roys et Princes dun parti et dautre. Lors le Roy Agamemnon, du fourreau de son espee, tira vn couteau bien trenchant, et coupa du poil de dessus la teste dun chacun des aigneaux. I^equel poil ou laine, fut distribuée par les mains des herautz, aux principaux et aux plus grans Princes de tous les Grecz et les Troyens. Et lors le Roy Agamemnon dressant les mains iointes au ciel, en laudience de tous, prononça les deprecations et paroles des conuenances en ceste manière :

« Pare céleste lupiter, qui présides à ce lieu cy, à cause des hautes montaignes Idées, qui as la principauté plus grande que tous les autres Dieux : et toy Sol qui vois et congaois toutes choses, vous Fleuues, toy Terre, et vous autres Dieux inférieurs qui tourmentez après la mort les hommes desloyaux, et brisans leur foy, ie vous inuoque pour tesmoings de ces pactz et conuenances, et vous supplie que vueillez quelles soient saintes et inuiolables. Si

SINGYLARITEZ DE TROTE. LIVRE II. 165

Paris auiourd'huy en ceste bataille priue mon frère Menelaus de sa vie, que Heleine et tous les trésors soient à luy : et nous nous en retournerons à tout noz nauires deuers noz Dieux domestiques. Et si mon frère Menelaus occit Alexandre, que les Troyens rendent Heleine, auec toute la richesse : et que les Grecz oultreplus soient rémunérez deguerdons honorifiques, telz qui! semblera quil se doiue faire : lesquelz guerdons aussi soient transferez à noz successeurs. Et si le Roy Priara ou ses enfans refusent de nous donner iceux prys et guerdons après la mort de Paris, iappelle derechef les Dieux à tesmoings, que pour me venger des conuenances rompues, ie perseuereray en ceste guerre : et ny aura iamais autre fin mise, fors que lune ou lautre partie soit du tout vaincue et suppeditee. » Ces choses dites, il coupa la gorge ausdits deux aigneaux, lun masle lautre femelle : et ainsi morts et sanglans quilz estoient, les meit à terre. Les autres prindrent du vin es hanapz, et en burent vn peu par manière de sacrifice, puis respandirent le demeurant en terre, en faisant prières et oraisons aux Dieux supérieurs. Dont il en y eut de telz, qui disoient en ceste manière : « lupiter, Roy des Dieux et le plus puissant de tous, et vous autres esprits célestes, vueillez que ceux ausquelz il tiendra que ces promesses et conuenances ne soient fermes et permanentes, que tout ainsi que ce vin flue et coule en terre, ainsi puissent couler et périr leurs enfans et leurs femmes. » Mais pour lors le Dieu lupiter auoit ses oreilles sourdes et estouppees, et non propices à exaucer leurs prières.

Apres ces choses faites, le bon Roy Priam parla à toute lassemblee, et dit en ceste manière : « Escoutez moy, vous Troyens, et vous aussi Grecz. Certainement mes yeux ne pourroient soustenir de voir mon trescher filz Alexandre

164 ILLVSTRATIONS DE GAVLE, ET

combatant auec Menelaus. Et à ceste cause, à fin que ie ny soye présent, ie men retourne en la cité. Le haut Dieu lupiter et les autres Dieux, ont desia en leur congnoissance et détermination, lequel des deux est prédestiné à la mort. » Quand il eut ce dit, il monta en sa littiere, et print les deux aigneaux sacrifiez, si les feit emporter auec luy. Et pendant quil sen retournoit en la cité, le Prince Hector et le Roy Vlysses assignèrent vn lieu propice à la bataille. Puis ilz ietterent sort en vne salade, auquel des deuz le premier coup seroit deu. Et les deux armées qui estoient alentour en doute et solicitude des choses aduenir, leuans les mains au ciel, faisoient plusieurs vœuz et prières. Dont les aucuns formoient leur oraison en ceste manière : « Père lupiter qui domines sur les montaignes Idées, qui as plus grand puissance que nul des autres Dieux, vueilles faire auiourd'huy que celuy qui est cause de tant de misères et calamitez, entre ces deux peuples et nations, puisse perdre la vie, et soit précipité aux enfers : et que nous autres puissions garder les conuenances inuiolablement. » Ainsi disoient la pluspart des gensdarmes. Et le preux Hector ce temps pendant ayant le visage destourné, hochoit la salade en laquelle ilz auoient ietté le sort. Si apparut tantost, que le tour de Paris estoit de ruer le premier coup. Adonques tous se rongèrent en leur lieu par ordre, iouxte leurs cheuaux et leurs armes. Et Alexandre pour estre armé plus seurement et plus pompeusement, print vn harnois de iambes, tout estofFé de fin argent, et vne cuirasse de mesmes qui estoit à son frère Lycaon, mais elle luy estoit faite et appropriée à sa poitrine, comme de cire. Puis meit en escharpe vne riche espee pendant à vne chaine dor. Et adapta et accoustra à son espaule sa grande et pesante targe : et meit en son chef, son harmet tout aomé par dessus de

81NGYLARITBZ DB TRÛYE. LIV&E 11. 10

crestes, plumas et tjrabres, horribles à regarder. Et au dernier il print vn dard esmoulu, grand et fort à merueilles, mais tel, quil sen sauoit bien ayder. Menelaus aussi de lautre part se faisoit armer de ses plus nobles armes. Et quand ilz furent tous deux armez et bien empoint : ilz se présentèrent au lieu du camp assigné, les Troyens et les Grecz estans tout alentour. Et commencèrent à marcher fièrement lun vers lautre, ayans le courage félon, et la Youlentë mal entallentee, tellement que tous ceux qui les regarde ient, en auoient grand frayeur. Et quand ilz furent assez prochains lun de lautre, ainsi que au mylieu de la place, ilz brandirent leurs dards, et tindrent leurs bras en lair à fin dauoir plus grand coup et plus seur.

Paris Alexandre, lequel deuoit ferir le premier, branla son iauelot par grand maistrise contre Menelaus, et le toucha rudement en lescu, mais la pointe se rebouta auant quelle peust passer lacier, dont la targe estoit couuerte. Alors Menelaus se dressa sur les pointes de ses piedz à tout son dard, etfeit vne brieue oraison en ceste manière : « Ottroye moy, ie te prie, ô Roy lupiter, que cestuy cy qui mha accomblé de tant de maux, soit puny selon ses démérites, à fin que ceux qui sont maintenant en vie, et toute leur postérité quand ilz en orront parler, ayent crainte de maculer les nobles maisons esquelles ilz auront esté receuz par amitié. » Et en ce disant, il contrepesa aucune espace sa lance, puis lenuoya rudement contre Alexandre. Laquelle en tresperçant le mylieu, ne passa pas seulement oultre lacier, le cuir boully, et le bois dont il estoit composé, mais aussi effondra en la cuirasse, et attaingnit Paris iusques à la chemise. Et de fait, eust entamé sa poitrine, se neust esté quil guenchit au coup, et se humilia soupplement à costé. Ce fait, Menelaus tira de sa gueine argentine sa clere

106 ILLVSTRATIONS DE GAVLE, ET

espee, et en la haussant contremont, donna vn coup sur le heaume de Paris si grand et si véhément, que lallemelle (1) vola en pièces, et le manche luy saillit hors du poing. Laquelle chose voyant Menelaus, il souspira parfondement, et en dressant les yeux aux ciel dit ainsi : « 0 père lupiter, certainement de tous les Dieux qui sont au ciel et en la terre, il nen est nul pire que toy. Nagueres quand le te faisoye ma prière, iauoye conceu espérance que Paris receuroit par mes mains le guerdon de la criminelle iniure quil mha inférée : mais maintenant mon espee du premier coup sest rompue, et ma lance ha esté iettee en vain, sans auoir entamé les membres de mon ennemy. » Par telles et semblables paroles, le Roy Menelaus blasphemoit son Dieu lupiter. Et neantmoins il se print courageusement à enuahir et à aherdre (2) à la salade de Paris, si empoigna les crestes et plumas estans sur icelle. Lesquelz (3) auoir appréhendé, il sefforçoit de le traîner du costé de ses gens : et leust fait victorieusement et à sa grand gloire, de tant plus facilement, que quand il le tiroit par sa salade, le mol gosier de Paris sestrangloit, au moyen de la chainette dorée, qui fermoit à vne boucle sur le menton. Mais soudainement la Déesse Venus fille de lupiter, quand elle congnut le meschef de Paris, vint à la rescousse, et rompit le lyen : à fin que Menelaus vainqueur, ne iouist que de la salade vuide, en lieu de Ihomme. Laquelle chose aduint par efFect : car ainsi comme Menelaus se fut tourné vers ses gens, pour leur ietter la despouille de son ennemy, et ceux leussent receùe à grand haste, et à grand joie, et que iceluy Menelaus eut prins sa

(1) c.-à-d. la lame.

(2) c.-à-d. s'attacher à

(3) suppléez : ajprè*.

SINGVLARITEZ OE TROYB. LIVRE II. 167

hasche.pour retourner incontinent sur Paris Alexandre, Dame Venus ainsi comme celle qui est haute Déesse, toute auironnee dune nuée aureine, tira inuisiblement son seruiteur Paris hors de la bataille, et le transporta soudainement dedens la cité de Troye, où elle le colloqua en vne chambre, riche et bien odorante, dedens son palais, là où son lict génial (1) et voluptueux estoit somptueusement tapissé. Et quand la Déesse Venus eut illec mis le beau Paris Alexandre, elle se transforma, et print la figure dune des femmes de chambre de la belle Heleine, nommée Gréa, laquelle estoit venue auec elle de Lacedemone, et sen alla vers ladite Heleine. Si la tira tout bellement par la robe, et luy dit ainsi : « Madame, retourne sil te plait à Ihostel, là où ton mary Alexandre tattend, et mha commandé tappeller, car il est sur vne riche couche, plus beau et plus resplendissant que nulle autre chose du monde. Et ne semble point quil ayt combatu auec Menelaus, mais plustost quil vienne de la dance. » Laquelle chose oyant la belle Heleine, de primeface ne voulut acquiescer daller vers Paris. Et dit par efFect, que iamais en la compaignie dun homme si lasche et si couard ne se daigneroit trouuer. Mais après ce quelle se ^ut apperceùe que cestoit la Déesse Venus qui ainsi la semonnoit, elle y alla. Et quand elle fut en la chambre où estoit Paris, elle sassit sur vne scabelle, tournant les yeux arrière du visage d'Alexandre, et luy dit en ceste manière : « Nés tu pas retourné de la bataille là où tu sauois que receurois mort sans remède, si ne leusses gaigné à fuyr, comme celuy qui estoit desia surmonté et prins par ton fort et robuste ennemy iadis mon mary, le Roy Menelaus ? Or tu te soulois si bien vanter de le surpasser tant en force

(1) Uctus genialis, lit nuptial.

lOS ILLVSTRATIONS DE GATLE, ET

de corps, comme en science descarmoucher. Or va maintenant et le deflfie à combattre corps à corps : mais non feras (auraoins si tu men crois) ainçois doresenauant te garderas bien de le prouoquer ainsi follement comme tu as fait ores : voire et aussi de te trouuer deuant luy en la meslee, de peur que si dauenture il te rencontre, il ne t^ tresperce de son dard, ou de son glaiue. » Et alors Paris luy respondit en ceste manière : « le te prie, mamie, ne me vueilles point molester par telles reproches : certainement ie confesse que le nay point vaincu Menelaus, mais ce ha esté au moyen de layde quil auoit de la Déesse Pallas : et neantmoins vne autresfois ie le surmonteray à mon tour. Car aussi bien ây ie des Dieux et des Déesses en mon ayde comme il ha. Or en tant quil touche le demeurant, ie te prie, faisons bonne chère, et passons le temps en liesse coniugale. Car onques mais depuis que ie couchay premièrement auec toy en lisle de Cytheree, si grand ardeur damours ne me tint quil fait présentement. » Et quand il eut ce dit, il entra en vne autre riche chambre de son palais, et Heleine le suiuit.

A bon droit feint (1) le poëte Homère que le beau Paris fut soustrait de la bataille par la Déesse Venus : cestadire par sa mollesse, lascheté et peuvaloir. Attendu que luy qui souloit estre égal en force et en vertu à son frère Hector, le plus rude cheualier du monde, est deuenu si tresefFeminé et si appaillardy, quil nha plus vigueur ne courage. Lequel exemple fait bien à noter pour tous gentilzhommes modernes. Or met oultreplus le poëte Homère en plusieurs passages de son volume de l'Iliade, que ladite Déesse Venus estoit pour les Troyens, à cause du iugement fait par Paris en faueur délie : en dénotant que lesdits Troyens estoient plus

(1) faict (mscr. de Genève).

SINGVLARITEZ DE TROTB. LIVRE II. 169

adonnez à délices et à mignotises luxurieuses que nestoient les Grecz. Et met aussi que luno et Pallas estoient du costé des Grecz : pource quilz estoient bons gensdarmes. Et auoient richesses, qui est désignée par luno : et prudence de guerroyer, qui est signifiée par Pallas. Aussi y peult auoir cause historiale pourquoy ledit poëte feint que Paris fut soustrait de la bataille par Venus. Peult estre pource que, comme recite Dares Phrygien, Eneas qui es toit estimé filz de Venus couurit ledit Paris de son escu, et le tira hors de la bataille : et le ramena sain et sauf en la cité, lasoit ce que Dictys de Crète met que Paris fut nauré en la cuisse du dard de Menelaus.

Aussi à cause de Venus le Dieu Mars estoit du party des Troyens. Car Hector qui estoit comparé à Mars en fureur de bataille, soustenoit la querele vénérienne de son frère Paris. Neptune pareillement estoit du costé des Grecz : pource que lesdits Grecz auoient la mer à commandement : et plusieurs autres nobles fantasias dudit poëte peult on voir en son œuure de l'Iliade, touchant lesdits Dieux et Déesses tenans diuerses bendes, à cause du iugement de Paris. Cestasauoir comment Venus pour lamour de son filz Eneas y fut nauree en la main par Diomedes, et Mars semblablement : et comment lesdits Dieux et Déesses aussi sentrebatirent, comme met ledit poëte en son xx. liure. Mais mon intention, ne mon pouuoir aussi nest mie dexpliquer toutes lesdites fictions, pourquoy ie men déporte. Toutesfois en tant quil touche Paris, iay recueilli dudit volume de l'Iliade, que depuis ledit combat auec Menelaus, Paris Alexandre feit les vaillances qui sensuiuent en la guerre Troyenne : cestasauoir qui! tua Menesthius filz d'Arithous (1) et de Philome-

(1) Dariothus (mscr. de Oenève).

170 ILLVSTRATIONS DE GAVLE, ET

duse. Puis naura dun dard le cheual de Nestor Roy de Pylon : et blessa aussi dune saiette Diomedes Roy d'Etolie en la main dextre : et vn autre nommé Eurypylus en la cuisse. Puis entra auec les autres dedens la fortification des Grecz, quand Hector cuida brusler leurs uauires. Mais ce ne fut point sans ce que Hector lappellast souuent couard et tardif. Oultreplus il tua vn Grec appelle Dyochus. Et autre chose nay trouué de ses faits audit liure. Dares de Phrygie met que ledit Paris tua Palamedes dune saiette. Mais tous les autres acteurs sont dopinion quil mourut par la machination faite contre luy par Vlysses et Diomedes comme dessus est dit. Maintenant faut retourner à nostre propos principal.

SniGVLARlTEZ DE TROTE. LITRE II. 171