CHAPITRE XVIII
Des conuenances rompaes entre lus deux ostz, et de la bataille renou* iiellee par Pandarus de Ljcie : des grands prouesses d'Hector : des treues prinseï pntre les armées, et de la reconciliation d'Achilles auec Agamemnon. Comment ledit Achilles senamoura de Polyxene : recitation de la mort du Roy Sarpedon de Lycie : et aussi de celle de Patroclus de Myrmidone, qui fut tué par Hector^ et antres choses.
Tandis donques que le beau Paris Alexandre auoit esté soustrait du combat mortel, et quil vaquoit à choses vénériennes, comme dessus est dit, le Roy Menelaus, semblable à vn ours enragé, couroit ça et là, pour voir sil trouueroit Paris nulle part. Et ny auoit nul des Troyens ne des Grecz, qui peust ne sceust dire, quil estoit deuenu : car ilz ne leussent osé dissimuler, à cause des serments faits, et des conuenances establies. Et aussi quilz aymoient mieux que Paris mourust tout seul, que de continuer si dangereuse guerre. Alors le Roy Agamemnon parla haut et cler, et dit ainsi : « Escoutez, vous Troyens, Phrygiens, Dardaniens, Lyciens, Paphlagoniens, et généralement tous ceux qui sont venuz au secours de Priam : vous voyez que la victoire de ceste bataille est deuers mon frère Menelaus : et pourtant cest à vous à faire maintenant de rendre Heleine, et toute la richesse qui ha esté apportée auec elle de Lacedemone. Et en oultre, nous rémunérer de guerdons honorifiques, telz
178 ILLVSTRATIONS DE GÀVLE, ET
quil sera iugé estre conueuable (1), lesquelz soient transferez à nous, et à noz successeurs. » Quand Agamemnon eut dit ces paroles, tous les Grecz extollerent son oraison par grand admiration. Mais les Troyens honteux et confuz de leur propre vergongne, ne tardèrent gueres à briser les conuenances. Car Pandarus de Lycie, lun des plus iustes archers du monde, à linstigation de Laodicus filz d'Antenor, tira occultement vne saiette au Roy Menelaus, et le naura en la cuisse, tellement quil le falut porter hors de la bataille. Combien que Dares de Phrygie mette que ce fut par Paris, que ledit Menelaus fut nauré. Et iusques icy iay suiuy la narration du poète Homère. Maintenant ie vueil retourner à mon acteur Dictys de Crète.
Iceluy Dictys en son deuxième liure, met que Pandarus de Lycie, pour renouueler la meslee, et briser les conuenances, ne se tint point à ce coup, ainçois tira dune venue plusieurs flesches, et blessa beaucoup des Grecz. Mais finablement Diomedes en deliura la place et le tua. Lors recommença lestour (2) merueilleux et mortel dun costé et dautre. Et y furent naurez des Princes Troyens, Eneas, Sarpedon, Glaucus, Helenus, Euphorbius, et Polydamas. Et des Grecz oultre ledit Menelaus, Vlysses, Merion et Eumelus. En la fin sans sauoir iuger qui eut du pire ou du meilleur, la nuict suruint, qui les départit. Homère sur ce passage, descrit vne belle bataille faite corps à corps, entre Aiax Telamonius et le Prince Hector. Et aussi fait Dares de Phrygie : combien que nostre acteur nen disse mot. Et ne fut vainqueur ne lun ne lautre diceux deux champions : mais se départirent après auoir donné grans dons lun à
(1) convenables (éd. 1528).
(2) c.-À-d. le choc, la mêlée.
S1NGVLARITEZ DE TROYB. LITRE II. 175
lautre. Et ce fait, les Troyens se parquèrent entre le port et la cité. Et se tindrent aux champs aucun temps : cestasauoir, iusques à ce que Ihyuer suruenant et les pluyes, les feirent rentrer à Troye. Et endementiers, Aiax Telamonius auec son armée, et aucuns des gens d'Achilles allèrent courir parmy le pais de Phrygie. Si en gasterent beaucoup, et prindrent aucunes citez, et ramenèrent grand nombre de butin.
En ce temps mesmes dhyuer, le trespreux Hector saillit de Troye à tout son armée pour combatre les Grecz : et les Grecz aussi sortirent contre luy : et se trouuerent en la campagne accoustumee. Mais Hector par sa prouesse et vertu les contraingnit de fuyr, et de quérir sauueté en leurs nauires, là où il y eut plusieurs merueilleux faits darmes exploitez, tant dun costé que dautre : car Hector les pressoit iusques à bouter le feu dedens leurs fortifications, et dedens leurs nauires mesmes. Et peu sen faillit quilz ne fussent alors du tout desconfits. Car Achilles ne se voubit point armer, pour la hayne quil auoit au Roy Agamemnon : mais Aiax Telamonius, cousin germain dudit Achilles et second en vaillance après luy, feit si bonne résistance, quil naura Hector dun grand coup de pierre. Et lors désistèrent les Troyens de combatre aux nauires, et se retirèrent à Troye. Neantmoins aucuns des ^nfans de Priam furent tuez en icelle iournee. Et tantost après Rhésus Roy de Thrace venant au secours de Priam, fut occis cauteleuseraent par Diomedes et Vlysses. Et ses chenaux merueilleux et Feez (1) furent amenez en lost des Grecz, auant quilz poussent boire au fleuue Xanthus : car si vne fois ilz y eussent peu estre abruuez, leur destinée estoit telle, que iamais
(l)/<HCff (éd. I5l6);/w»(ëd. 1528).
174 ILLVSTRATIONS DE GAVLE, ET
Troye neust esté prinse. Et de cecy nous parlerons encores plus à plein au dernier liure. Les Thraciens qui estoient audit Roy Rhésus se cuiderent mettre en deffense : mais ilz furent tous desconfits. Et tantost après les Troyens vindrent demander aux Gregois treues et abstinence de guerre, laquelle chose ilz obtindrent.
Durant les treues, larchiprestre d'Apollo de Sminthe, dont dessus est parlé, vint en lexercite des Grecz remercier les Princes de sa fille Chryseis ou Astynome qui luy auoit esté rendue. Aussi Philoctetes seigneur de Methon et de Melibee, retourna de lisle de Lemnos auecques ceux qui lestoient allé quérir, et apporta les saiettes d'Hercules, iasoit ce quil ne fust pas encores assez fermement guery de la morsure que le serpent luy auoit fait au pied, comme dessus est touché. Lors tindrent conseil les Princes de Grèce : pour faire appointement entre le Duc Achilles et le Roy Agamemnon. Et à ceste cause furent enuoyez vers le Duc Achilles deux grans personnages : cestasauoir Vlysses et Aiax Telamonius, lesquelz en exécutant leur charge, offrirent à Achilles lune des filles du Roy Agamemnon en mariage, auec la dixième partie de son Royaume pour le douaire dicelle : et cinquante talents dor : dont chacun talent, pour le moins, valoit quarante liures dor à douze onces pour liure. Et tant exploitèrent iceux moyenneurs, que finablement après longues difficultez, à linstance de Phénix gouuerneur d'Achilles et de Patroclus son mignon, iceluy Duc Achilles reprint samie et concubine Hippodamie ou Briseis , laquelle Agamemnon iura solennellement nauoir iamais touchée. Et fut faite la paix entre lesdits Achilles et Agamemnon. Pendant aussi le temps hyuernal et les treues, les Grecz se trouuerent souuentesfois auec les Troyens au temple d'Apollo Tymbree,
SIMGTLARITEZ DE TROYB. LIVftB II. i75
hors des murs de Troye. Et les Grecz pour euiter oysiueté sexerçoient tousiours aux armes, mais non les Troyens. Et en oultre plusieurs citez d'Asie se soustraioyent de lamitié de Priam, voyans quil auoit du pire.
Vn iour donques entre les autres que la Royne Hecuba faisoit sacrifice au Dieu Apollo, le Duc Achilles désirant voir les cerimonies et les coustumes Troyennes, alla en son simple estât auec peu de compaignie au temple dessusdit : auquel il veit entre les autres filles de Priam, la tresbelle pucelle Polyxene, sur laquelle il ietta les yeux par si ardante concupiscence, quil fut esprins de son amour oultremesure : et saugmenta ce désir en luy iournellement de plus fort en plus fort. Tellement que certains iours après il enuoya secrètement son aurigateur nommé Automedon deuers le Prince Hector, pour traiter mariage entre luy et ladite Polyxene. Icy y ha contrariété apperte entre ces deux tresanciens acteurs, Dares Phrygien, et Dictys de Crète : car ledit Dares met, que Hector estoit desia mort, et que le iour que Achilles senamoura premièrement de Polyxene on faisoit lanniuersaire d'Hector. Quoy que soit, ie nay pas entrepris de les mettre daccord : ainçois me suffit de suiure lordre principal de mon acteur Dictys de Crète.
Hector donques, selon la recitation dudit Dictys, feit response à Automedon messager d'Achilles, qui si son seigneur vouloit auoir Polyxene, il estoit nécessité quil feist de deux choses lune, ou quil liurast toute larmee des Grecz es mains dudit Hector : ou à tout le moins quil luy baillast quatre des principaux personnages : cestasauoir le Roy Agamemnon et son frère Menelaus, leur cousin Aiax Telamonius et Aiax Oïleus. Dont quand Achilles entendit ces choses, il fut fort indigné, et iura tous ses Dieux par grand
i76 ILLVSTRATIONS DE GAVLE, KT
fureur, que au premier estour quil rencontreroit Hector, il le tueroit. Et ce nonobstant si estoit il tousiours si espris et si frappé de lamour de ladite Polyxene, que souuentesfois il couchoit hors de sa tente, comme vn homme forcené. Tant que Automedon son aurigateur fut contraint den aduertir les autres Princes de Grèce : à fin quilz se donnassent garde, que son seigneur Achilles ne feist quelque mauuais pact ou conuention auec les Troyens, à leur grand preiudice. Et endementiers plusieurs citez du Royaume de Troye, en délaissant le parti de Priam, venoient offrir secours aux Grecz. Si commença dapprocher le beau printemps.
Les froidures hyuernales passées, et le ioyeux temps vernal flourissant, la guerre commença aspre et cruelle, entre les deux nations. Et se feit la quatrième bataille. Les Troyens se trouuerent aux champs dun costé, et les Grecz de lautre. Illec fut tué Pyrechmus Roy de Peonie, quon dit maintenant Hongrie, lequel tenoit le parti de Priam : et mourut par les mains de Diomedes Roy d'Etolie. Et Agamas Roy de Thrace, par les mains d'Idomeneus Roy de Crète, quon dit maintenant Candie. Le preux Hector y feit merueilles darmes, et y occit plusieurs Princes. Et aussi sy esuertua grandement Achilles meu de grande indignation, pour le refus quon luy auoit fait de Polyxene : mais il naccomplit pas sou serment quil auoit fait, cestasauoir de tuer Hector au premier estour quil le rencontreroit. Toutesfois il occit le noble Philimenis, Roy de Paphlagonie, et le gentil Cebrion bastard de Priam : duquel est beaucoup parlé au premier liure. Iceluy Cebrion estoit aurigateur, cestadire conducteur du chariot d'Hector. Mais le prudent Helenus filz de Priam, en la meslee naura Achilles dune saiette en la main, et le contraingnit à pisser la bataille. Aussi plusieurs des enfans de Priam
SINOVLARITRZ DE TROTE. LIVRE II. i77
furent occis alors. Et y eut à vn des coings de larmee^ bataille corps ft corps entre Patroclus de Myrmidone, et le Roy Sarpedon de Lycie, filz de Jupiter : lequel Sarpedon y mourut par les mains dudit Patroclus. Et à ce concorde- Homère en son Iliade, iasoit ce que Dares de Phrygie mette quil fut tué par Palamedes. En oultre, Deïphobus fut nauré par Patroclus, et son frère bastard Corgaton y receut mort, tant feit darmes ce iour ledit Patroclus. Et après innumerable occision tant dun costé que dautre, sans estre vaincuz ne vainqueurs, à cause du vespre suruenant, la retraite fut sonnée. Lors les Troyens et Lyciens emportèrent le corps du Roy Sarpedon de Lycie, de Corgaton, (1) et de Cebrion, bastards de Priam, et menèrent grand pleur et grand dueil : si les enseuelirent auec pompe somptueuse. Et quand la noble Nymphe Pegasis Oenone, estant en la cité de Cebrine, sceut la mort dudit Cebrion de Cebrine son singulier amy et bienuueillant, elle en mena aussi vn dueil extrême. Dautre part les Grecz vindrent visiter le grand batailleur Achilles, lequel auoit esté nauré par Helenus, et louèrent hautement les grands vertus et vaillances de Patroclus. Et le lendemain au fin matin, ilz bruslerent les corps des morts et les enterrèrent.
Apres aucuns iours passez que les naurez furent guéris, les Troyens feirent vne saillie hors de Troye : laquelle fut de si grande impétuosité, (2) et tellement surprindrent les Grecz, que de prinsaut ilz en tuèrent beaucoup. Entre lesquelz furent occis Archesilaus Roy de Beotie, et Schedius Roy de Phocide, qui est en la région d'Athènes. Et y furent naurez Mengel et Agapenor d'Arcadie : Patroclus de Myr-
(î) Qorgatron (mscr. de Genève),
(â) de grand ingenuotiié (mscr. de Qeuàve).
178 ILLVSTRATIONS DE OAVLE, ET
midone, vint au secours de ceux de son parti par grand effort, mais sa fortune ne fut pas telle quelle auoit esté en la bataille précédente : car il fut premièrement nauré par Euphorbius filz du Baron Panthus, et consequemment tué par le preux Hector. Et y eut fiere et obstinée bataille, pour le corps de Patroclus : car les Troyens le vouloient auoir pour le deshonter, et mutiler vilainement : et les Grecz le defFendoient, pour lenseuelir honnorablement. En après iceluy Euphorbius qui auoit premièrement nauré Patroclus, fut circonuenu par Aiax et Menelaus, et occis par eux. Mais finablement les Grecz furent vaincuz en grand deshonneur, et y perdirent beaucoup de leurs gens. La nuict sauua le demeurant. Et sen retournèrent en leur fort et en leurs nauires, portans le corps de Patroclus, pour la mort duquel, Achilles (qui nestoit pas encores guery de sa playe faite par Helenus) mena vn merueilleux dueil et lamente, comme celuy qui tousiours auoit esté son mignon et son singulier amy. Geste nuict là, les Grecz feirent songneusement le guet, pour la grand crainte quilz auoient des Troyens : et le lendemain bien matin enuoyerent quérir force bois es forestz de la montaigne Idée, pour brusler solennellement le corps de Patroclus. Si furent faites ses funérailles en grand honneur et triomphe, selon la superstition dadonques.
Peu de iours après que les Grecz furent refectionnez du labeur de leurs grands veilles, ilz tirèrent leurs armées aux champs par vn beau matin, et se tindrent là tout le iour : attendans les Troyens pour voir silz sortiroient. Mais les Troyens ne se bougèrent pour lors : et ne faisoient que regarder larmee des Grecz par leurs tours et créneaux. Et ce voyans iceux Grecz sur le soleil couchant se retirèrent en leur fort et en leurs nauires. Mais le lendemain à la
SINGVLARITBZ DB TROYB. LIVRE II. 479
fine aube du iour, les Troyens les vindrent resueiller, et les Guidèrent surprendre en desarroy comme en la bataille précédente : toutesfois ilz furent vertueusement reculiez par les Grecz, et ne peurent longuement durer quilz ne tournassent en fuite. Si en y eut beaucoup de morts et de naurez à ceste fois. Entre ceux qui y furent occis du costë des Troyens, fut le plus apparent Asius Hirtacides, (1) seigneur de Sestos et d'Abydos, grand amy d'Hector. Diomedes Roy d'Etolie y print douze prisonniers : et Aiax Telamonius quarante. Entre lesquelz furent Pysus et Euander bastards de Priam. De la part des Grecz aussi y fut occis Ceneus Roy de Scythie, quon dit maintenant Tartarie : et Idomeneus Roy de lisle de Crète, ou Candie, y fut nauré. Apres donques que les Troyens se furent retirez, les Grecz ausquelz le camp demeura, gaignerent grands despouilles des morts. Et ietterent au fleuue Xanthus ou Scamander tous les corps des Troyens, à fin que iamais neussent sépulture. Et ce feirent ilz par despit de loutrage, que les Troyens auoient voulu faire au corps de Patroclus. Puis après ilz présentèrent leurs prisonniers au félon Achilles, lequel les fait incontinent tous occire, au tombeau de Patroclus : mesmement lesdits deux bastards de Priam, Pysus et Euander : et puis commanda les ietter aux chiens et aux oiseaux. Et deslors il feit vœu exprès, que iamais ne coucheroit en lict, iusques à ce quil auroit vengé la mort de son amy Patroclus.
(1) ffitaréUs (mscr. de Genève).
480 ILLVSTRATIONS DE GAVLB, ET
