CHAPITRE XIX
Declaratioa de la mort d'Hector, et des diuerses opinions dicelle. De la cruauté dont Achilles vsa enuers le corps dudit Hector. Comment Priam le vint racheter pour lenseuelir. De la suruenue de Penthesilee, et de Memnon neuea de Priam. Et de la mort de tous deux. De linutilité de Paris, quant à la conduite de la guerre. Et de la mort de Troïlas.
Nostre actevr Dictys de Crète met en son troisième liure : Que peu de iours après que le Duc Achilles eust renforcé son vœu, de iamais ne coucher autre part que sur la terre nue, iusques à ce quil eust prins vengeance de celuy qui luy causoit tant de dueil : comme nouuelles fuslent venues soudainement en larmee des Grecz, que le Prince Hector estoit allé au deuant de Penthesilee Royne des Amazones , laquelle venoit au secours de Priam : Achilles à tout vne partie de ses plus féaux Myrmidons secrètement et en grand haste, alla anticiper le passage par où Hector deuoit passer et se meit illec en embûche. Et ainsi que le preux Hector qui de tel aguet ne se donnoit garde, passoit vn fleuue à gué, Achilles qui lespioit de pied coy, se rua sur luy par grande impétuosité, sans lescrier aucunement, et le feit auironner et circonuenir de toutes pars. Si le meurtrit illec traytreusement et de vilain fait sans nul remède : et occit aussi tous ceux qui laccompaignoient, excepté lun des bastards de Priam, auquel il
SINGVLARITEZ DE TROTE. LIVRE II. 181
coupa seulement les deux poings. Et ainsi atourné le renuoya en la cité, pour faire foy à son père de ces tristes nouuelles. Toutesfois Dares de Phrygie met autrement la mort dudit Hector : disant, que Achilles le tua ainsi qui! vouloit despouiller de ses armes vn Duc nommé Polybetes, par luy occis. Le poëte Homère aussi en son Iliade recite encore autrement la mort dudit Hector, et plus & Ihonneur d'Achilles, mais ie madhere plus à mon acteur Dictys : lequel mesmes estoit de la nation Grecque. Et neantmoins la vérité du fait Iha contraint de reciter la mort d'Hector, au grand deshonneur d'Achilles.
Quand donques le tresdesloyal Achilles eut occis traytreusement la fleur des nobles hommes de tout le monde, pour plus designer sa rage effrénée, il le despouilla de ses armes, puis le lia par les piedz : et commanda à son aurigateur Automedon, de lattacher derrière son chariot. Ce fait, il se meit dedens, et Automedon gouuerna les freins des cheuaux , les esguillonnant par grande impétuosité, parmy vne large campaigne, à la veiie et regard des citoyens de Troye, qui pouuoient aisément voir et choisir leur iadis tresuaillant deffenseur, ainsi estre trainé vilainement. Et pouuoient congnoitre ses armes, dont les Grecz leur faisoient la monstre, par grand huée et dérision. Et aussi la suruenue du bastard du Roy Priam , auquel Achilles auoit les mains coupées, comme dessus est dit, en feit assez ample tesmoignage. Alors vn merueilleux dueil sesleua parmy la grand cité de Troye : tellement que des terribles cris et huées qui se faisoient par le populaire, les oiseaux mesmes en tomboient du ciel, comme recite nostre acteur. Toutes les portes furent fermées : et y eut vne piteuse mutation en la cité. Et ne pensoient les Troyens autre chose, sinon que les Grecz viendroient de nuict assail-
182 ILLVSTRATIONS DE GAVLE, ET
lir leurs murailles, et les prendroient incontinent : attendu la mort de leur chef et de leur totale deffense. Et en oultre, fut le bruit esleué par aucuns, disans que Achilles auoit contraint larmee de la Royne Penthesilee, de se rendre de son costé. Ainsi estoit Troye en grand doute et perplexité.
Et endementiers Achilles entraina vilainement le corps du noble Hector iusques au tombeau de Patroclus. Et illecques le coUoqua sur la terre, par manière de vantise et glorifiance, à la veiie de tous les Grecz, ausquelz il plaisoit beaucoup de le voir ainsi, comme celuy qui souloit estre le plus redouté de leurs ennemis : et comme ceux qui peu prisoient le demeurant. Et pource que le fait de la guerre estoit désormais ainsi comme en seureté, ilz saddonnerent à toute liesse. Et le lendemain Achilles pour faire honneur à feu son amy Patroclus, meit sus vn grand tournoy, et célébra les ieux funèbres de toutes manières desbatemens au tombeau dudit Patroclus, en distribuant par grand largesse, diuerses manières de prys à ceux qui mieux le feroient. Et quand lesdits ieux furent flnez, chacun sen retourna en sa tente.
Le lendemain matin, le triste Roy Priam vestu de robe de dueil, sans auoir regard à sa dignité Royale, partit de la cité de Troye, et sen vint en la tente d' Achilles. Iceluy bon Prince ancien sappuyoit sur lespaule senestre de sa fille la belle Polyxene. Et auec luy estoit la noble Andromacha, femme du feu Prince Hector et ses deux ieunes enfans, Laodamas et Astyanax. Et après luy venoit vn chariot chargé dor, dargent et de précieux draps. Ce spectacle estoit piteux et misérable à merueilles : car le noble vieillard à tout sa barbe chenue se ietta aux genoux du ieune Duc Achilles, et luy tendit ses mains iointes pleurant par
SmOTLARITEZ DE TROTE. LIVRE n. 185
grand véhémence, à fin de lesmouuoir à miséricorde : luy suppliant quil voulsist prendre les dons et richesses quil luy auoit amenées, et luy rendre le corps de son bien aym^ filz Hector. Laquelle chose Achilles luy accorda finablement, et len laissa aller luy et tous ceux et celles qui estoient venuz auec luy sains et saufz. Toutesuoyes Homère au dernier Hure de l'Iliade met, quil ny alla que Priam tout seul auec Ideus le héraut, souz la conduite du Dieu Mercure. Et encores y allèrent ilz de nuict, de peur destre apperceuz des autres Grecz. Et quand ilz furent de retour à Troye, les Troyens sesmerueillerent de la debonnaireté des Gregois : et recommencèrent vn dueil inénarrable sur la mort d'Hector. Puis le sepulturerent en grand pompe, auprès de la sépulture du Roy Ilion son ancestre. Et endementiers il y eut treues lespace de dix iours : pendant lesquelles les Troyens ne finerent de lamenter la mort de leur bon Prince Hector. Et fait à présupposer aussi que la Nymphe Pegasis Oenone, laquelle estoit à Cebrine, eut sa part de la douleur de sa mort : comme celle qui laymoit de grand cœur, auec les Cebriniens lesquelz estoient de sa seigneurie. Enuiron ces iours arriua à Troye la Royne Penthesilee : de laquelle est faite ample mention en nostre œuure de Grèce et de Turquie, et du Royaume des Amazones. Elle amena vne belle armée de dames et dautres peuples ses voisins. Mais quand elle sceut que le trespreux Hector estoit mort, elle ne voulut point seiourner à Troye : ainçois délibéra de sen retourner en sa terre, comme celle qui pour le haut bruit des vertuz d'Hector y estoit venue comme aucuns estiment. Toutesuoyes Paris Alexandre feit tant enuers elle, quil la retint à force dor et dargent quil luy donna. Et peu de iours après, elle délibéra de sortir aux champs : et ordonner son armée séparément arrière des
îWÊ ILLVSTRATIONS DE GATLE, ET
Troyens, comme celle qui se fioit beaucoup en la prouesse de ses damoiselles. Mais ce nonobstant, quand elle fut en la raeslee, elle fut légèrement (1) abatue et nauree à mort par le Duc Achilles, et les Trojens rechassez dedens leur cité. Toutesfois on ne toucha aux autres Amazones, pour la supportation du sexe femenin, ainçois se contournèrent tous les Grecz à regarder par grand admiration la Royne Penthesilee qui labouroit aux extremitez de la mort. Achilles la voulut faire enseuelir honnorablement : mais Diomedes Roy d'Etolie plus cruel quun ours, y contredit, etluy mesmes la traina par les piedz dedens le fleuue Xanthus : là où elle acheua de mourir. Et cest la recitation de nostre acteur Dictys de Crète. Combien que Dares de Phrygie recite autrement la mort de ladite Royne et en autre temps, disant, quelle fut tuée par Pyrrhus filz d'Achilles : et que au parauant elle auoit fait plusieurs merueilleux faits darmes.
Le iour ensuiuant le Prince Memnon filz iadis de Tithonus frère de Priam, qui sen estoit allé es Indes, quand Hercules le Grec démolit Troye, suruint en grand triomphe et gloire pour secourir son oncle. Et amena vne belle et grosse armée de Persans, Indiens et Ethiopiens. Et tant de gens et de cheuaux et si bien armez et bardez, que cestoit vne grand beauté de les voir venir par terre. Mais son autre exercite venant par mer, de laquelle estoit conducteur vn Duc de Syrie, nommé Phala, fut deffaite en lisle de Rhodes : comme nous auons dit plus à plein cy deuant. Or estoit icelle armée par terre si grande, quelle ne peut toute loger dedens la cité. Et gueres ne seiourna Memnon dedens icelle, quil noffrit tantost la bataille aux Grecz. Si tira tous
(1) c.-à-d. rapidement.
SINGULARITBZ DE TROTE. LITEB II. 185
ses gensdarraes hors des murs : et les autres Princes et enfans de Priam les leurs. Si ostoit yne chose merueil» leuse, de voir tant de gens armez et accoustrez de si diuerses sortes : tant denseignes estranges ventilantes au vent : et douyr tant de langages non ressemblans lun lautre. A laborder les Grecz ne peurent supporter le faix des Persans et Troyens. Le Prince Memnon y feit beaucoup darmes, tua beaucoup de nobles de Grèce, et tourna toute leur puissance en fuite, iusques aux nauires : tellement quesilz neussent esté preseruez par le bénéfice de la nuict, il estoit fait d'eux à iamais. Tant estoit le Prince Memnon redoutable et bon guerroyeur. Dont si les Grecz furent estonnez à ce coup, ce ne fut pas de merueilles. Et eurent conseil ensemble, lequel dentre eux trestous combatroit corps à corps contre Memnon. Si escheut le sort à Aiax Telamonius. Ce fait, ilz sallerent reposer pour la nuict.
Quand le Soleil matutin eut rendu le iour cler, les Grecz ordonnèrent leurs batailles dune part : et aussi feirent le trescheualereux Memnon et les Troyens de lautre. Et quand lestour fut commencé de toutes pars aspre et horrible, assez y en eut de morts, et dautres si naurez, quil leur conuint quiter la place. Entre lesquelz Antilochus filz de Nestor Roy de Pylon, cheut par vn coup de lespee du Prince Memnon. Mais Aiax Telamonius des quil peult voir son opportunité, sadressa à Memnon, et le deffia, en luy présentant combat singulier, cestadire corps à corps. Et quand le preux Memnon se veit ainsi prouoqué, il neust garde de faire refuz, ainçois descendit prompteraent de dessus son chariot à terre, pour combatre à pied. Alors se séparèrent les deux armées, pour faire place aux deux champions : et regardoient le combat, à grand peur et attention. Memnon chancela dun coup que Aiax luy donna en lescu. Et pour
ILLVSTRATIONS DE GAVLE, ET
le garder de tomber, aucuns de ses gens accoururent autour de luy. Laquelle chose voyant Achilles, il saillit au mylieu, et dun coup de sa pesante hache, quilentesa (1) sur Meranon, il lestendit mort à terre. Dares de Phrygie le conte dautre sorte : et dit que Achilles fut premièrement nauré par Memnon , à la rescousse du corps de Troïlus. Ainsi les Troyens, Indiens, Persans et Ethiopiens, voyans leur Duc et capitaine occis, oultre leur espérance, perdirent tout le courage et ne pensèrent fors de se sauner à la fuite. Toutesfois le gentil cheualier I^olydamas fîlz du baron Panthus, cuida ralier les Troyens et iceux encourager, mais il fut tué par Aiax, et Glaucus filz d'Antenor par Diomedes. Atreus et Echion bastard de Priam, furent occis par Achilles, auec Asteropeus Roy en Peonie, ou Hongrie, et plusieurs autres. Tellement que toute la terre estoit arrosée de sang humain et la campaigne ionchee de corps morts. Apres ce que les Grecz furent lassez et saoulez de loccision des Troyens, ilz sen retournèrent en leurs tentes. Et les Troyens tristes et dolens, leur enuoyerent vn héraut, pour auoir treues densepulturer leurs morts. Laquelle chose leur fut accordée : et grand honneur et dueil fait aux obsèques du Prince Memnon, neueu de Priam. Pareillement les Grecz meirent en sépulture honnorable Antilochus filz de Nestor : et ce fait, iceux Grecz comme triomphans et victorieux, sadonnerent à faire toute bonne chère : en extollant les grands louenges et prouesses d'Aiax et d'Achilles. Là où au contraire les Troyens plouroient leur meschef continuel. Et commençoient à se soucier et repentir de plus en plus, voyans leur affoiblissement euident, et loccision quotidienne de leurs Ducz et capitaines.
(1) entra (mscr. de Genève), Un*<k (éd. 1528), enteser = intendere s= lever sur.
SIKGVLARITEZ DE TROTB. LIVRE II. 187
Peu de tours après les Grecz sarmerent, et sen allèrent deuant Troye, pour irriter ceux de dedens à bataille. Sur lesquelz Paris Alexandre feit vne saillie : mais ainçois quil y eust coups ruez ne dun costé ne dautre, les Troyens accouardiz pour linutilité de ceux qui les conduisoient, rompirent leurs ordres, abandonnèrent leurs places, et tournèrent le dos. Si en y eut (1) de morts sans nombre, et plusieurs noyez dedens le fleuue Xanthus, et aussi beaucoup de prisonniers : entre lesquelz furent deux nobles enfans de Priam, cestasauoir Lycaon et Troïlus : lesquelz Achilles feit venir deuant sa présence : et commanda incontinent quon leur coupast les gorges. Et ce feit il par grande indignation : pource que le Roy Priam ne luy auoit point encores rendu de response sur le mariage de Polyxene. Toutesfois Dares de Phrygie recite autrement la mort dudit Troïlus, disant quil fut tué en bataille par le Duc Achilles, après quil auoit par plusieurs fois desconfit et mis en fuite les Myrmidons, et fait merueilles darmes, mesmement nauré ledit Achilles. Comment quil soit, il mourut par les mains dudit Achilles, ou par son commandement. Et à ce se concorde Virgile au premier des Eneïdes qui dit :
Parte alla fugiens amissis Troilas armis lofelix puer, atqae impar congresaus Achilli.
Si fut plaint iceluy noble enfant Troïlus à Troye, par lamentation piteuse et misérable, pource quil estoit mort en la fleur de son adolescence : estant fort aymé du populaire, et chéri des Princes : comme met nostre acteur Die-
(\) en eut (macr. de Genève).
f8B ILLVSTRATIONS DE GAVLE, ET
tys de Crète. Si perdirent adonques les Troyens presques tout leur espoir : pource que, comme met Seruius sur les Eneïdes de Virgile, Troïlus auoit ceste destinée , que durant sa yie, Troye nepouuoit iamais estre prinse.
SIMGVLARITEZ DE TROIE. LlVAl H. i^
