CHAPITRE XX

Explanation de la mort d'Achilles, selon diaeraes opinions. De la suraenue de Pyrrhus en lost des Greoz. Et d'Earypjlus de Mjsie en lost des Troyens. Comment Helenus fut prias prisonnier. Auec recitation des six Destinées, quant à Ipa rinse ou garde de Troye.

Certains iours passez, la feste et solennité d'ApoUo Tymbree approcha. Et furent données treues et abstinence de guerre dun costé et dautre, pour vaquer à icelle. Et ainsi que les deux exercites estoient occupez aux sacrifices, le Roy Priam voyant le temps opportun, enuoya Ideus le héraut deuers Achilles, en luy mandant quil estoit prest dentendi'e au mariage de Polyxene. Toutesuoyes Dares dds Phrygie met que ce fut la Roy ne Hecuba, au nom de Priam. Et ainsi que le Duc Achilles parlamentoit secrètement de ceste matière auec ledit héraut Ideus en vn boscquet, qui estoit autour du temple d'Apollo, ceux de lost des Grecz le sceurent. Et y eut tantost grand suspeclion (1) et murmure entre larmee : car la plus part des seigneurs et des gensdarmes disoient que bien congnoissoient la pensée d'Achilles auoir despieça esté estrangee d'eux. Laquelle chose leur tournoit à grand indignation et suspection : car desia il auoit esté bruit, quil deuoit trahir larmee et la liurer au Roy Priam. Toutesfois à fin que les-

(l) souspecoit (mscr. de Qen&va).

i9ù ILLVSTRATIONS DE GAVLE, ET

dits gens de guerre ne se mutinassent soudainement, et pour iceux appaiser, Aiax Telamonius ensemble Diomedes et Vljsses, sen allèrent vers ledit temple d'ApoUo : auquel Achilles estoit desia entré, tout seul, et sans baston ny armures : comme celuy qui ne se doutoit de nul mauuais tour, à cause du lieu qui estoit saint, selon lopinion dadonques : ou autrement pource que ses destinées le menoient à la mort procbaine.

Or se tindrent illec au dehors du temple iceux trois Princes dessus mentionnez Aiax, Diomedes, et Vljsses, se pourmenans par dessouz les arbres : et espioient quand Achilles sortiroit, à fin de laduertir du bruit qui estoit en larmee : et ladmonnester amiablement à ces fins, que désormais il se deportast de tenir parlement secret auec les ennemis de toute Grèce. Et endementiers Paris Alexandre qui de longue main auoit pourietté toute son emprise,' auec son frère Deïphobus, se vint adresser au iouuenceau Achilles estant tout seul audit temple, en luy faisant grand accueil et bien venue. Et à fin quil ne se doutast de rien, Paris le mena deuant le grand autel du Dieu Apollo, comme par manière de vouloir confermer et ratifier, par serment solennel, le traité du mariage dentre luy et Polyxene : et le tint illecques aucune espace de temps en deuises. Et quand il sembla temps dacheuer leur emprise, Deïphobus vsant de faux semblant et flaterie par grand trahison, vint embrasser et baiser Achilles, ainsi comme par manière de le festoier, et remercier des choses esquelles il àuoit consenty, par les conuenances et articles dudit mariage : si le tenoit estroit et ferme sans le lascher. Adonques Paris desgayna couuertement vne courte dague quil auoit souz sa robe, et en bailla à Achilles parmy les costes plusieurs coups mortelz. Et quand luy et Deïphobus le vei-

SINGYLARITBZ DE TROYB. UVRK. II. IMl

rent cheoir et voultrer (1) en son sang qui bouillonnoit horàf des playes en grand affluence, ilz se ietterent à grand bastei hors du temple, par vne faulse poterne, et sen allèrent à Troye. Ainsi fut trompé par faulse et vilaine trahison, celuy qui autresfois en auoit vsé enuers le tresnoble Hector, duquel la mort fut lors vengée. Et ne se donnèrent nulle conscience iceux deux frères de prophaner le temple de leur Dieu Apollo, mais quilz poussent circonuenir leur ennemy. Toutesfois Dares de Plirygie recite autrement la mort d'Achilles : disant quil fut tué auec Antilochus filz de Nestor, et que Paris et ses compaignons estoient armez et bien embastonnez. Et que Achilles et Antilochus se deffendirent fort de leurs espees, en se couurant de leurs manteaux. Mais Dictys de Crète ha desiamis cy deuant la mort dudit Antilochus occis par le Prince Memnon, ainsi il pouuoit mourir deux fois. Les poètes aussi la descriuent dautre manière : et mesmement Ouide en la fin du dixième liure de sa Métamorphose : disant que Paris le tua en bataille rengee, dun coup de flesche, à layde du Dieu Apollo, lequel adressa le trait en lieu mortifère, au pourchas et instigation du Dieu Neptune, pource que Achilles auoit autresfois occis le beau Cygnus filz diceluy Neptune. Oultreplus, Bocace en la Généalogie des Dieux la recite encores dune sorte : disant que Achilles tout desarmé alla de nuict audit temple d' Apollo pour traiter du mariage de Polyxene. Or estoit il inuulnerable par tout le corps, excepté la plante du pied : car comme nous auons recité assez amplement au premier liure, sa mère la ieune Thetis qui estoit Fee et Magicienne, luy auoit plongé tout le corps es vndes de Styx, le fleuue infernal, excepté ladite plante du

(I) de voltulare, rouler.

i93 : ILLVSTRATIONS DE GAVLB, ET

pied, par laquelle elle le tenoit, si ne fut point mouillée de ladite eaue. Parquoy Paris tresiuste (1) archer, ce sachant, et estant musse dedens ledit temple, et voyant Achilles à genoux, adressa vne flesche dedens icelle plante, laquelle estoit passible à receuoir playe et naurure, et par ainsi le tua.

Touchant ce poinct, il y ha quelque peu de fiction poétique, laquelle le preallegué Bocace declaire en ceste manière : Thetis mère d' Achilles, plongea son enfant es vndes de Styx, la palu infernalle. Or Styx est interprété tristesse et labeur. Et par ainsi elle le rendit impossible à naurer. Cestadire, quelle le feit nourrir en tous exercices laborieux, et appartenans à la guerre. Et fut tout mouillé desdites vndes, et eut tout le corps endarcy comme fer, excepté la plante du pied : car s^on les physiciens, en icelle plante, y ha aucunes veines qui respondent aux reins, et aux parties veneriques, et incitent à amours, comme il appert quand on cateille (2) vne personne, en ceste partie. Ainsi Achilles estoit inuulnerable, cestadire difficile à naurer, par tout autre moyen : mais par le moyen damours, il estoit mol et de léger à blesser. Aussi finablemenl il en mourut. Parquoy appert que toutes lesdites recitations diuerses de sa mort retournent à vne mesme chose.

Or met nostre acteur souuent nommé, Dictys de Crète : que quand Vlysses Roy d'Itaque et de Paphlagonie (3) veit Paris et Deïphobus, lesquelz estoient saillis hors du temple, tous esmuz et tous effrayez comme dessus est dit, il dit à ses compaignons, cestasauoir Aiax Telamonius et Diomedes,

(1) c.-à-d. adroit.

(2) Cf. catillare, fl. kitteUn^ chatouiller.

(3) Chanfelonie (mscr. de Genève), chau/eloHÙ (éd. 1516 et 1528).

SINOYLABITEZ DE TROYE. UVRK II. 195

lesquelz attendoient quand Achilles viendroit hors du tem- i pie, que ladite saillie ainsi hastiue de Paris et Deïphobus, nestoit point sans cause. Si entrèrent soudainement dedens le temple, et trouuerent le Duc Âcbilles gisant estenda sur le pauement, lequel au moyen des parfondes playes quil auoit receiies, auoit desia perdu tout son sang, et labouroit aux extremitez de la mort. Âdonques Aiax Telamonius sescria en disant : « Ha, Achilles, mon beau cousin, certainement maintenant se treuue vray ce quon ha maintesfois dit : cestasauoir quil nestoit homme viuant sur terre, tant preux et tant puissant, qui teust iamais sceu surmonter par viue force et droite prouesse, sans vser de trahison. Mais on congnoit ores que ta folle témérité tha destruit, veu que tu tes fié entes ennemis capitaux. » Adonc Achilles tirant le dernier souspir, dit ces mots seulement : a Deïphobus et Alexandre mont circonuenu par fraude et par aguet, pour lamour de Polyxene. » Alors il rendit lesprit : et les trois Princes dessusdits lembrasserent et le baisèrent en grands pleurs et lamentations. Et luy dirent vn piteux adieu, ainsi quil sangloutoit hautement en mourant par grand destresse. Puis au dernier, Aiax Telamonius son cousin germain, qui estoit le plus fort et le plus robuste de tous les Grec2, print le corps mort sur ses espaules, et lemporta hors du temple. Mais les Troyens saillirent incontinent hors de leurs portes, tous armez en faisant grand bruit, pour auoir le corps d' Achilles, à fin den faire comme il auoit fait en son viuant de celuy du Prince Hector.

Les Grecz dautre part, qui desia sauoient le tout, se meirent en armes, et vindrent au deuant des Troyens. Là y eut vn fier rencontre des deux armées : Aiax bailla le corps d' Achilles, à ceux qui estoient prochains de luy, puis se fourra eu la meslee : et du premier coup occit le Prince u. 13

194 ILLVSTRATIONS DE GAVLE, ET

Asius, frère de la Royne Hecuba, et plusieurs autres. Aussi Aiax Oïleus Duc de L ocres, et Menelaus Roy de Lacedemone, entrèrent en la presse, et feirent grans abbatiz de leurs ennemis, iusques à les mettre en fuite, et faire retourner en la cité. Ainsi le corps d'Achilles fut emporté aux nauires, et fut fort plaint et lamenté des Princes, qui presques tous estoient ses parens. Mais la pluspart des gensdarmes nen menèrent point trop grand dueil, pource que le bruit auoit couru souuentesfois, quil auoit voulu trahir larmee et la liurer aux Troyens. Toutesfois aucuns le regrettoient beaucoup, et disoient que la fleur de cheualerie du monde estoit perie. Si luy furent faits grands obsèques et somptueux, et fut bruslé solennellement le corps, et mis en cendres, et icelles posées en vn vaisseau dor, et sepulturees au port de Sigee, auprès de celles de son amy Patroclus. Aiax Telamonius long temps après les autres, en mena vn dueil merueilleux, pource quil estoit son cousin germain.

Mais au contraire, les Troyens en feirent grand ioye et grand feste, et mettoient iusques aux cieux lindustrie et bonne emprise de Paris, lequel auoit plus fait dexploit sans estre armé, que tous les autres nauoient peu faire à tout leurs armures en bataille. Et pour augmenter la liesse du Roy Priam et des siens, suruint à Troye le Prince Eurypylus filz de Telephus Roy de Mysie, et de madame Astioche fille de Priam : auquel iceluy Priam son ayeul auoit promis en mariage sa fille Cassandra, et auoit enuoyé à sa mère vne vigne toute dor. Si fut receu ledit Eurypylus par les Troyens en grand honneur et triomphe, car ilz auoient singulier espoir en sa prouesse, et en ses vertus. Aussi en ce mesme temps, arriua en lost des Grecz Pyrrhus filz d'Achilles, et de Deïdamie fille au Roy Lycomedes de lisle

SINGVLARITEZ DE TROTE. LIVRE n. i9S

de Scyros. Lequel Pyrrhus trouua encores les ouuriers qui besongnoient à la sépulture magnifique de son père. Et fut informé de la manière de sa mort. Si conforta sur icelle les Myrmidons, et autres gensdarmes qui estoient à sondit feu père, et les recueillit en son seruice. Les Princes de Grèce festoierent le ieune damoiseau Pyrrhus : et luy racontèrent les vaillances, prouesses et faits darmes de son progeniteur : en lenhortant à semblables choses. Et il leurrespondit courtoisement, qui! se donneroit peine, de non estre trouué dégénérant à la noblesse paternelle. Et pource quil estoit ardant et eschauâe de combatre des le lendemain, ilz luy conseillèrent dattendre iusques à ce que ses gens et ses chenaux fussent délassez et refreschis.

A chef de deux iours, Pyrrhus surnommé Neoptolemus, cestasauoir nouueau cheualier, se tira aux champs auec ses Myrmidons, ayant auprès de luy Aiax Telamonius son oncle. Les Troyens ne sosoientplus auenturer de combatre, pource quilz perdoient tous les iours beaucoup de leurs gens, et craingnans Pyrrhus filz d'Achilles nouuellement suruenu. Toutesfois par lenhort et persuasion du Prince Eurypylus de Mysie, neueu de Priam, ilz sarmerent souz la conduite de Paris, Deïphobus, Helenus, et les autres enfans. Toutesuoyes Eneas ne sy voulut onques trouuer, pource quil auoit dissension auec Paris : et le hayoit, à cause de ce quil auoit violé et prophané le temple d'Apollo Tymbree, en y commettant le meurtre d'Achilles, par les vertuz duquel Dieu Apollo les Troyens auoient tousiours esté preseruez et deffenduz. Donques quand les deux armées furent prochaines, et les trompettes eurent donné signe de bataille, les deux osts sentrehurterent par grand noise et contention. Toutesfois lacteur ne met point, qui eut du meilleur ou du pire, mais auant que la meslee se

196 ILLVSTRATIONS DE GAVLB, ET

departist, Helenus filz de Priam se tourna du costé des Grecz : et se rendit à Chryses archiprestre d'Apollo de Sminthe, duquel dessus est parlé. Combien que Ouide au XIII. de sa Métamorphose, dit quil fut prins prisonnier par yiysses. Et durant la bataille, larchiprestre Chryses interroga Helenus le sage vaticinateur, de toutes les destinées de Troye, et Helenus luy respondit à tout. Alors quand les Grecz furent de retour en leurs tentes, larchiprestre Chryses feit faire silence, et leur diuulga hault et cler tout ce quil auoit aprins d'Helenus, cestasauoir dedens quel temps Troye seroit destruite : laquelle chose se deuoit faire par le moyen d'Eneas et d'Antenor. Si trouuerent que toutes ces choses saccordoient à ce que le prestre Calchas leur auoit souuentesfois prognostiqué. Seruius commentateur des Eneïdes de Virgile sur ce passage :

Fracti bello, fatisque repalsi

Ductores Danaùm... (1)

dit que les Grecz auoient trois Destinées de leur costé, touchant la prinse de Troye. Et les Troyens en auoient aussi trois de leur part quant à la conseruation dicelle. La première destinée des Grecz estoit, quil failloit quilz conquestassent les cheuaux Feez du Roy Rhésus de Thrace, auant quilz eussent esté abruuez au fleuue Xanthus , ainsi que dessus est dit. La seconde, quilz eussent aucun personnage de la génération de Cacus, filz de lupiter et d'Egina. Et pource enuoyerent ilz quérir premièrement Achilles en lisle de Scyros : et puis consequemment son filz Pyrrhus. Et la tierce estoit, quil leur estoit mestier dauoir en leur armée

(1) EnéicU II, 14.

81NGVLÀRITEZ DE TROTE. LIVRE II. i97

les saiettes (1) d'Hercules, sans lesquelles ilz eussent labouré en vain. Et à ceste cause feirent ilz venir Philoctetes, comme ia est dit. Les trois Destinées du costé des Troyens estoient : Que durant la vie de Troïlus Troye ne seroit iamais prinse, comme cy deuant ha esté touché : ny aussi tant quilz garderoient bien limage de Pallas, appellee Palladium : et tant que le sépulcre de Laomedon, qui estoit sur la porte Scee, demourroit en son entier. Desquelles choses ie croy que Helenus informa les Grecz. Or auoient iceux Grecz tout ce que leur faisoit mestier à la prinse de Troye, quant ausdites destinées : cestasauoir les chenaux du Roy Rhésus, Pyrrhus de la lignée de Cacus, et les saiettes d'Hercules. Et les Troyens de leur costé auoient desia perdu lune de leursdites destinées, qui leur faisoit mestier à la garde de Troye, cestasauoir la vie de Troïlus. Or venons à voir comme les saiettes d'Hercules exploitèrent en ladite guerre.

(1) Le mscr. de Genèye ajoixie faialles.

198 ILLVSTRATIONS DE GAYLE, ET