CHAPITRE XXI
Répétition de Ihistoire de Philoctetes, et des saiettes d'Hercules. Du combat corps à corps, fait entre Paris et ledit Philoctetes : et de la mort de Paris : auec recitation de diuerses opinions sur icelle. Comment son corps fut porté à Cebrine. Du grand dueil que sa femme la Nymphe Oenone en mena : et comment elle mourut sur ledit corps : et furent ensepulturez ensemble.
Il me semble, quil est mestier de repeter icy en brief, la narration de Philoctetes, combien que desia en soit touché en diuers lieux de ce volume. Et ce ferons nous, en ensuiuant lautorité de Seruius en son comment du m. des Eneïdes, et autres acteurs. Philoctetes donques fut filz de Pean, et compaignon iadis du preux Hercules en toutes ses emprises. Et quand iceluy Hercules se brusla en la montaigne Eta, qui est entre Thessale et Thrace, pour limpatience du venin de la chemise, que sa femme Deianira luy auoit enuoyee, auant sa mort il feit iurer audit Philoctetes son escuyer, que iamais nenseigneroit à homme viuant les reliques ou remanant de son corps, ainçois le tiendroit à tousioursmais secret et celé. Et pource luy donna il pour vn don spécial, ses saiettes Faees qui estoient empoisonnées du fiel de Ihorrible serpent Hydra, ayant sept testes, lequel iceluy Hercules occit es marestz de Lernee. Et quand au commencement de la guerre Troyenne les Grecz eurent eu response du Dieu Apollo en son temple de Delphos, quil estoit mestier dauoir les saiettes d'Hercules, pour subiuguer
SINGVLARITEZ D£ TROYE. UTRB II. 199
Troye, Vlysses Roy de lisle d'Itaque fut commis à les aller chercher. Et feit tant quil trouua Philoctetes seigneur de Methon et de Melibee en Thessale auquel il demanda nouuelles de son seigneur Hercules. A quoy Philoctetes respondit quil nen sauoit nulles. Toutesfois quand Vlysses leust fort pressé et contraint de le luy enseigner : il confessa quil estoit mort, et luy monstra le lieu de sa sépulture, non par parole, mais par signe, en luy enseignant du pied de peur de se pariurer. Et sur ce poinct il fut mené par Vlysses en larmee des Grecz qui lattendoient au port d'Aulis en Beotie, et y apporta lesdites saiettes : et y amena sept nauires, comme sera dit au dernier liure. Si fut fait et estably guide et conducteur de larmee, pource que autresfois il auoit esté à Troye auec Hercules. Mais en allant, lune desdites saiettes luy tomba sur le pied, dont il auoit monstre la sépulture d'Hercules, pour le péché de son pariurement. Et luy feit vne playe horrible, et de si grand puanteur et si intolérable, à cause du venin du serpent Hydra, dont le fer estoit empoisonné, que les Grecz furent contraints de laisser ledit Philoctetes en lisle de Lemnos, quon dit maintenant Stalamine. Toutesuoyes nostre acteur Dictys de Crète qui suit la vérité historiale, met que Philoctetes fut mors par vn serpent au port de Sigee, quand Palamedes faisoit son sacrifice de cent bœufz au Dieu Apollo de Sminthe. Et que ledit Philoctetes fut renuoyé en icelle isle de Lemnos pour estre médecine par les prestres de Vulcan : et luy fut enuoyé en ladite isle sa part du butin ainsi comme sil eust esté présent à la guerre. Et quand il fut presques guery, Vlysses fut derechef commis à laller quérir, et le ramenast en larmee des Grecz, comme tout ce ha cy dessus esté dit. Or voyons maintenant lexploit quil y feit à tout son arc et ses flesches : en ensuiuant nostre
liîèè ILLTSTRATIONS DE GAVLE, ET
acteur au troisième liure de son histoire, lequel estoit présent à la guerre Troyenne.
Le lendemain que le sage Helenus fut prins, comme est dit au chapitre précèdent, les Princes dune part et dautre produisirent leurs armées aux champs, et commença vn estour grief et horrible, tellement que au premier poindre, il y mourut beaucoup de Troyens et aussi de Mysiens, desquelz estoit conducteur le Prince Eurypylus, neueu de Priato. Et comme les chefz souuerains des deux armées désirassent de toutes leurs puissances mettre fin à la guerre, ilz sadresserent les vns vers les autres par grand animosité : cestasauoir Duc contre Duc, Roy contre Roy, et Baron contre Baron, ainsi quilz se trouuerent : et conuertirent tout le faix de la bataille sur leurs propres personnes. Alors Philoctetes seigneur de Methon et de Melibee vint à Paris Alexandre : et le deffia à combatre de lare et des saiettes, auquel vsage ilz estoient tous deux singulièrement recommandez. Et Paris ne refusa point ce combat : parquoy du consentement des deux armées Vlysses et Deïphobus assignèrent vne place deliure (1) au milieu de deux osts, en laquelle lesdits deux champions combatroient seul à seul.
Icy appert euidemment la grand dissension de diuers acteurs, qui recitent en diuerses sortes la mort de Paris : car Dares de Phrygie met expressément quil mourut par la main d'Aiax Oïleus Duc de Locres, après que Paris eust premièrement nauré à mort ledit Aiax dune flesche au costé. Laquelle narration répugne totalement à lautorité de Dictys de Crète, et de Virgile au commencement des Eneïdes, lesquelz disent tous deux par accord, que ledit Aiax Oïleus retournant en son pais fut foudroyé es rochers de
(1) o.-à-d. Hbre.
SINGYLARITEK DE TROTE. UVRB II. WK
lisle de Nigrepont» comme nous dirons plus à plein au dernier Hure. Dautre part Bocace en sa Généalogie des Dieux, met encores autre opinion de la mort de Paris, disant quil fut tué par Pyrrhus filz d'Achilles. Mais ie ignore sur quel acteur il se fonde touchant ce poinct. Si madhere ie plus à lautorité de nostre acteur Dictys de Crète, car sa narration me semble plus vraysemblable, et autrement les saiettes d'Hercules neussent de rien seruy douant Troye. Et mesmes le philosophe Dion qui ha escrit de Troye non prise, (1) dit que Paris fut tué par Philoctetes.
Or met donques nostredit acteur Dictys de Crète : que quand les armées Gregoise et Troyenne furent séparées, et se tindrent coyes dune part et dautre, pour voir le combat seul à seul, qui se deuoit faire à tirer de lare, entre Paris et Philoctetes : les cors, les busines, les trompettes et les clairons, bondissans mélodieusement : les pennons et les banieres ventilans au vent, la resplendeur des hamois dorez reflamboyans contre le soleil : Paris Alexandre richement armé, mais prochain de sa mort, benda son fort arc, tira vne flesche de sa trousse, et la meit en corde. Si descocha magistrallement, mais il faillit à attaindre son aduersaire : car les destinées qui vouloient abréger sa vie, ne souffrirent point que son coup eust aucun effect. Et ce voyant Philoctetes meit soudainement en coche lune des saiettes de son feu seigneur Hercules, teinte au fiel du tresuenimeux serpent Hydra : et la desbenda dune puissance incredible, tellement quelle feit autre exploit que nauoit fait celle de Paris : car elle luy perça la main senestre, doultre en oultre. Et ainsi comme Paris crioit et vociferoit horriblement pour la grand douleur quil sentoit à
(I) Dloa Chrjsostome, Tpoiùedc ùitip roD "Utov /tji AIAmci.
20t ILLTSTRATIONS DE GAVLB, ET
cause du yenin, Philoctetes se hasta den traire vne autre, laquelle sadressa iustement dedens lœil dextre de Paris : et consequemment de la tierce il luy cousit les deux iambes ensemble : et le meit en tel poinct, quil ne valoit pas mieux que mort. Car le venin estoit si véhément que iamais ny auoit remède de guerison. Et quand les Troyens veirent Paris ainsi mal atourné, ilz saduancerent tous à vne flote, pour recouurer (1) le corps de la main des Grecz, à viueforce, à fin quilz ne luy feissent outrage. Là y eut vn terrible meurtre dun costé et dautre. Toutesfois les Troyens labourèrent tant, quilz recouurerent Paris presques mort et oultré (2) : et lemporterent vers la cité, fuyans tant quilz pouuoient. Aiax Telamonius et ses gens les chassèrent iusques aux portes. Car lun empeschoit lautre, et y mourut vn merueilleux nombre de gens. Ceux qui peurent entrer les premiers montoient incontinent aux créneaux et iettoient pierres et dards sur Aiax et les autres Grecz : mais Philoctetes les guerroyoit fort de son arc. Les autres Grecz aussi auoient enuironné la cité de toutes pars, et y liurerent vn fort assaut, tellement que combien quelle fust vertueusement deffendue par ceux de dedens, si eust elle esté prinse sans nulle faute, si la nuict suruenant neust fait retirer les Grecz. Lesquelz sen retournèrent en leur fort et en leurs nauires : et attribuèrent grand gloire et hautes louenges à Philoctetes, occiseur de Paris. Mais il faut penser que Menelaus fut celuy qui luy en sceut le meilleur gré de tous.
Il est assez facile à croire, quun dueil merueilleux et inestimable sesleua en la grand cité de Troye, touchant la mort de Paris : mesmement par le bon Roy Priam et la
(1) rescourre (mscr. de Genève). — (2) c.-à-d. ti'épassë.
SMGVLARITEZ DE TKOTE. LIYRE U. S03
Royne Hecuba, voyans et considerans iournellement le comble de leur malheur estre aggraué. Et aussi la belle Heleine en feit grans pleurs et lamentations, comme met Dares de Phrygie. Lequel recite que le Roy Priam feit faire le lendemain les obsèques et pompe funèbre, magnifique et hautaine pour son ûlz Paris : et Heleine suiuoit le corps faisant grans cris et vlulations. Et oultre ce, nostre acteur Dictys de Crète, met que les frères, parens et amis, et seruiteurs de Paris Alexandre, menèrent et conduisirent son corps tout embaumé despices aromatiques à la manière des Princes, hors de la cité de Troye vers la Nymphe Oenone sa première femme, laquelle se tenoit à Cebrine, comme dessus est dit, pour illec estre ensepulturé. Lacteur ne met point pour quelle raison Paris y fut ainsi porté. Toutesfois, il est à coniecturer, que à Iheure de sa mort, il ordonna ainsi le faire, ayant regard parauenture de lauoir abandonnée contre droit et raison : et sachant quelle seule estoit sa femme légitime et non mie Heleine.
Quand donques le triste présent (que les nobles enfans de Priam, et autres parens et amis du feu Prince Paris Alexandre, lesquelz nostre acteur ne nomme point, ensemble ses seruiteurs tresdesolez apportoient à Cebrine) approcha dicelle : et que le chariot et la pompe funeralle (telle quil appartient à filz de Roy) fut sur les limites de ladite cité enuiron à demy lieiie, le populaire qui le sceut par les Pasteurs venans des champs, fut soudainement esmu, et commença à faire grans cris et grands lamentations, à cause de ce que Paris estoit congnu et aymé de ieunesse en ladite contrée, comme celuy qui y auoit prins nourriture, ainsi que nous auons dit au premier liure. Et la noble Nymphe Pegasis Oenene, toute surprinse et espouuentee de ce dueil et tumulte soudain que faisoit le peuple, se meit
904 ILLVSTRATIOKS DE GAVLE» ET
aux fenestres de son hostel, et entendit quilz se desconfortoient ainsi, pour la mort de son feu seigneur et mary Paris Alexandre : et à ceste mesme heure suruint vu messager exprès enuoyé par les enfans de Priam. Lequel en plourant amèrement dit à ladite Nymphe : « Madame, il me desplait de tannoncer ces tristes nouuelles. Ton feu seigneur le Prince Alexandre est mort, et tameine on le coi^s : pource quil ha eslu sa sépulture près de toy. — Près de moy ? dit la Nymphe, à qui le cœur cuida fendre de dueil. Et certainement près de moy sera il enseuely, et moy auprès de luy, sil plaist aux Dieux, hien brief. » Alors commença elle à faire vn cry merueilleux, et vne lamentation pitoyable. Ses damoiselles et ses seruiteurs et amis, mesmement le bon pasteur Royal et sa femme, lesquelz auoient nourry Paris, y accoururent auec leurs enfans, et menoient presques tel dueil comme elle. Si descendit tantost la Nymphe de son hostel, et se meit à chemin vers la porte, pour aller au douant du corps de son feu mary. Et tous ses parons, seruiteurs et amis la suiuoient, ensemble les citoyens et citoyennes de Cebrine menans grand dueil. Au douant du corps de son feu mary alla la tresdolente Nymphe Pegasis Oenone : non pas comme femme assaisonnée de son bon sens, mais comme furieuse, forcenée et aliénée totalement de raison, par la force et violence de lamour chaste et pudique quelle auoit tousiours portée enuers luy. Son beau sein descouuert, comme celle qui auoit ia desrompu tous ses vestements : sa clere face toute sanglante et violée de ses ongles : ses beaux cheueux aureins rompus, esparpillez et volans par monceaux autour délie. Et faisoit si grans cris, par les rues et par les chemins, et iettoit de son triste estomach vociférations si trèshautes et si piteuses vlulations féminines, quelles pane-
SnfGTLARITBZ DB TftOTE. LIYBS U. M
troîent les oreilles des escoutans iusques au cœur. En formant ses piteux regretz misérables en ceste manière :
« Helas, mon cher seigneur Paris, helas, mon doux amy Alexandre : bien tha honny la mauuaise adhérence de la Greque estrangere : et bien te rendit guerdon mal courtois la Déesse Venus, quand elle tempescha délie. Helas, mon doux amy, assez te deuoit suffire la franche amour chaste et pudique dont ie taymoie lasse, dolente. Assez te deuoiflB^ admonnester les oracles des Dieux et les vaticinations des prudens. Trop par trop est maudite, et de maie heure née la femme par qui tant de hautz hommes meurent. Et trop mha elle causé de dueil par lespace de dix ans. Auquel temps rien ne me detenoit en ce monde, fors la vie de toy, mon cher espoux, combien que meusses répudiée. Mais ores est venu le temps, que ma douloureuse ame lassée destre en ce triste corps, sen ira prendre repos aux champs Elysees, ains (1) que la tienne me puist redarguer de tardiueté. Vien donques mort, ma tresdesiree et ma bien voulue, Tien tost à moy. Tu mas fait trop grief outrage, en osant toucher la personne de mon trescher espoux. Et dun mesmes coup de ton dard, as commencé dabreger ma vie auec la sienne : mais ie te le pardonne, et taduoue de tout, pourueu que tu poursuiues diligemment ta pointe, sans que ie languisse plus. le le tiendray à vn singulier bienfait : moyennant que tu acheues en haste le demeurant de mon doul(Kireux viure. 0 mort tresdouce et tresamiable, il mest aduis que ie sens voleter cy entour lesprit de mon amy qui mappelle. Certainement ie te suiuray en brief, mon tresamoureux cœur. le te prie mattendre : car meilleur compaignie ne saurois ie trouuer. le désire et quiers de tout
(1) c.>à>d. avant que.
206 ILLVSTRATIONS DE GAVLE, ET
mon pouuoir le chemin à la mort. Adieu, noble Roy Priam, mon tresredouté seigneur et beaupere : adieu, madame Hecuba et toutes mes belles sœurs : car de mes beaux frères nen reste plus gueres. Saluez moy, mes amis, mes priuees compaignes. le vous voys précéder : car ie suis certaine que après moy ne tarderez vous gueres, tant est enflambé le feu de vostre malheureuse destinée, au moyen de la Grecque estrangere. »
Telz et semblables plaints espandoit (1) parmy lair, en cheminant, la tresdesesperee Nymphe. Ses femmes et pucelles, voisines et amies, la cuidoient conforter en vain. Et neantmoins eux mesmes auoient bon mestier de confort. Et quand le chariot de dueil trainé à chenaux noirs, houssez de mesmes, et auironné de grand luminaire, sur lequel estoit le corps gisant en vn riche lict de parement, couuert de drap dor, et fourré dhermines, commença à approcher, et les frères et amis de Paris alentour : et que dautre part la Nymphe marchoit auec ses gens, lors veissiez vous vn piteux rencontre. Lors se prindrent toutes les deux bendes dune part et dautre, à crier et braire pitoyablement. Mais quand la Nymphe fut si près du corps de son mary, quelle le peut choisir à plein : le chariot sarresta, et elle monta dessus. Si veit son seigneur ainsi deffait et piteusement atourné, comme celuy qui estoit tout enflé du venin des saiettes mortifères. Lors cessa son crier : car la voix luy deffaillit ensemble le cœur. Si voulut embrasser le corps, mais ses bras neurent ne force ne puissance : ainçois sestendit dessus pasmee de grand angoisse. Certainement cestoit vn piteux* regard de voir icelle tresloyale Nymphe ainsi perturbée, gisant sur le corps de son desloyal mary. Et
(1) espar doit (mscr. de Genève).
8IHGVLAMTEZ DE TROTB. LITRE II. 207
bien monstroit elle la grand noblesse et franchise de son courage : et la vraye amour coniugale, pleine de chasteté, dont elle auoit tousiours esté garnie, nonobstant que sa partie luy eust fait toute rudesse. Tous les autres parens et amis, tant délie comme de Paris, estoient tous transportez de douleur. Et ny auoit nul qui se sceust contenir de grand pitié.
A chef de pièce quelle fut reuenue de pasmoison toute pasle et descoulouree, elle ietta piteusement en circonférence ses yeux desia ternis et obscurcis de ténèbres de mort, dont elle estoit prochaine : et fait vnchacun des assistans plourant et larmoyant autour délie. Si feit aucuns parfonds souspirs et sangloux difficiles : puis regarda le corps de son seigneur et mary, ainsi misérablement appointé qui parauant estoit si beau. Et derechef tourna son regard vers ses parens, amis et seruiteurs, comme celle qui monstroit à son semblant manière de plaindre et lamenter la piteuse façon de la mort de son seigneur et mary : car desia la parole luy estoit forcluse à force de douleurs mortelles qui laggressoient. Les assistans grans et petis fondoient tous en larmes tacitement : et nen y auoit pas vn qui eust sceu ouurir sa bouche pour sefforcer de donner confort à la Nymphe. Finablement quand lextreme destresse de sa douleur la pressa si fort quelle ne la pouuoit plus porter, elle tourna sa face sur le visage de son amy et mary Paris, et tantost après embrassa tout le corps estroitement : et en iettant le dernier souspir mortel, le cœur luy serra et fendit en son amoureux estomach, et lors rendit elle lesprit en se debatant aucune espace. Et demoura ainsi sur le lit de parement.
La pluspart des assistans cuidoient quelle fust derechef tombée en pasmoison : mais aucunes des plus sages matro-
ILLTSTRÂTIONS DE GAVLE, ET
nés de Cebrine qui là estoient, et mesmement la bonne nourrisse de Paris, et autres, congnurent bien que cestoit le dernier souspir quelle auoit fait, si coururent vers elle, et sentirent tantost quelle ne tiroit plus ne poux ny halaine. Assez lappellerent par son nom, et assez la tirèrent en plourant : mais cestoit pour néant, car son esprit vital sen estoit volé. Lors renouuella le cry plus hautain, et le à\i&X plus aspre que iamais. Lors veissiez vous la bonne nourrisse de Paris et les pucelles de la Nymphe, destordre leurs poings, battre leurs poitrines, rompre leurs cheueux, et dessirer leurs atours, pour le trespas de leur maistresse. Le bon pasteur Royal brayoit et lamentoit sans mesure. Les frères et amis de Paris, et les seruiteurs domestiques recommencèrent leurs plaints, et fut la huée plus aigre que deuant. Les citoyens et citoyennes de Cebrine la plaingnoient comme leur bien aymee dame : et ny auoit si dur cœur qui ne creuast de pitié, et qui ne noyast en multitude de larmes. Ainsi conduisirent ilz le triste chariot dedans la cité, chargé de deux corps pour vn. Et feirent illec les obsèques et faits funéraux à la manière de ce temps là, en grand honneur et Royale magnificence : et en grand pleur et lamentation. Puis sepulturerent ensemble les deux amans, en vn riche tombeau et de grand somptuosité, ainsi que met nostre acteur Dictys de Crète : et Strabo le conferme au xm. de sa Géographie, comme desia auons dit et allégué au premier liure. Les mots diceluy Dictys sont telz en la fin du quatrième liure de son histoire : iSed fertur, Oenonen (1) mso AUxandri cadauere^ adeà commotam, (2) vH amissa mente ohstupeÂeret : ac paulatim j>er mœrorem
(1) Oenone (mscr. de Qenàvâ).
i^ commuiata (ibid.).
SINGVLARITBZ DE TROYK. LIVRB II. 309
déficiente animo concideret. Atque ita tno eodemque funere cum Alexandro contegitur. Et quand ces choses furent sceûes à Troye, le Roy Priam et la Royne, et tous ceux de sa maison en furent tant esbahis et tant estonnez, que plus ne pouuoient, de la grand merueille. Et plaingnirent beaucoup la noble Nymphe.
210 ILLVSTRATIOMS D£ GAVLE, ET
