CHAPITRE XXII

De lesmotion des seigneurs de Troye contre Priam. Comment Deïphobus espousa Heleiae, de peur quelle ne fust rendue aux Grecz. De la trahison menée par Antenor et Eneas. Et comment Heleina feit moyenner son appointement. De la paix fourrée faite par les Grecz. Du grand cheual offert à la Déesse Minerue. De la prinse de Troye : et de la cruelle mort de Deïphobus procurée par Heleine : auec lexclamation contre icelle. Et aussi de la mort des deux enfans de Paris et Heleine.

Apres la mort de Paris et de sa femme la Nymphe Oenone : comme les Grecz assaillissent la cité de Troye sans nulle intermission, et fussent plus aspres de iour en iour : et ny eùst plus aucun espoir de résistance dedens la cité de Troye, veu que ses forces affoiblissoient à veiie d'oeil, tous les grans seigneurs de la cité sesleuerent encontre le Roy Priam, et encontre le demeurant de ses enfans. Si enuoyerent quérir Eneas filz d'Anchises, et les enfans d'Antenor : et décrétèrent ensemble que Heleine, et tout ce qui auoit esté prins auec elle, fust rendu à Menelaus. Or lauoit tousiours aymee Deïphobus, comme nous auons dit par cy deuant, presques autant, comme faisoit Paris. Parquoy quand il sceut lintention desdits seigneurs de Troye, il se délibéra dy obuier totalement. Et pour ce faire, feit incontinent amener ladite Heleine en sa maison, et la print en mariage : car alors il nestoit point prohibé par les loix, que le frère nespousast la femme de son frère après sa mort. Laquelle chose quand lesdits seigneurs de

8INGVLARITEZ DE TROTE. LIVRE II. 2M

Troye sceurent, ilz ftirent fort indignez. Et se tirèrent deuers le Roy Priam, en vsant enuers luy de hautes et oultrageuses paroles. Et entre les autres, Eneas le roux (1) parla le plus âerement. Et ânablement feirent tant quilz amenèrent Priam à force dimportunité iusques là, quil fut conclu en plein conseil, que An ténor iroit comme ambassadeur, en lost des Grecz, pour trouuer quelque appointement de paix auecques eux. Ainsi partit Antenor pour y aller, mais ce nestoit point pour traiter de la paix : mais plustost pour brasser la détestable trahison, au preiudice de son souuerain et naturel seigneur le Roy Priam et des siens. De laquelle iceluy Antenor feit secrète ouuerture auec aucuns des principaux Princes de Grèce, moyennant ce que le Royaume de Troye deuoit demourer à luy et aux siens : et que si Eneas vouloit estre féal, il partiroit au butin, et sa maison demoureroit en son entier. Geste conclusion prinse auec iceux les principaux de larmee Gregoise, Antenor sen retourna à Troye : et luy fut baillé le héraut Talthybius pour plus grand couleur et approbation de la matière de paix, mise sur le bureau.

Et quand le Prince Antenor et le héraut Talthybius furent entrez à Troye, le poure populaire et les gensdarmes qui estoient venuz au secours de Priam, leur vindrent au deuant, desirans sauoir quel appointement il auroit auec les Grecz. Mais le traytre Antenor ne leur voulut rien dire de la paix faite, pour mieux dissimuler, ains les remeit au lendemain. Et quand il fut au soupper, en sa maison, il prescha à ses enfans en la présence de Talthybius, héraut des Grecz, et leur remonstra combien il valoit mieux de suiure le party etlamitië des Grecz, que celle de Priam, en les admonnestant dainsi le faire. Et sur ce poinct, on sen

(l) (»i9<>t,Jlavus, blond, de race noble.

21â ILLVSTRATIOMS DE GAVLE, ET

alla coucher. Et le lendemain bien matin, comme tous ceux de Troye se fussent transportez au consistoire publique, pour oujr et sauoir si aucune fin se trouueroit à leur infortune, Antenor et le héraut Talthybius y allèrent. Et tantost après Eneas sy trouua, et consequemment le Roy Priam et ses enfans. Alors Antenor commença à reciter, non pas la trahison quil auoit trafiquée auec les Grecz, mais controuua vne autre forme dappointement : disant que les Grecz ne queroient autre chose, fors sen aller, poui'uen quon leur rendist Heleine, auec certaine somme dor, pour défrayer larmee. Et que oultreplus ilz auoient délibéré doffrir vn grand don à la Déesse Minerue auant leur partement. Si commença à faire vne grand harengue, recitant les maux quilz auoient soustenuz à cause de ces te si longue guerre, et que luy mesmes y auoit perdu son filz Glaucus : mais il ne luy chaloit point tant de sa mort, comme il estoit desplaisant de ce quil alla auec Paris pour rauir Heleine maugré luy : en ramenteuant les grands iniures quon auoit fait aux Grecz, et le grand tort quon tenoit d'eux, et tout pour vne femme, de laquelle iceux Grecz mesmes ne faisoient point grandement conte de la recouurer. Et ne leur en chaloit gueres, sinon autant que lobstination de Priam et de ses enfans les auoit ainsi irritez à demeurer au siège. Mais que ce nonobstant, en faisant finance de certaine quantité dor, et leur deliurant icelle Heleine, ilz seroient contens de leuer leurs sièges, et retourner en leurs contrées. Concluant ledit Antenor que iceux Troyens deuoient bien prester loreille à cest appointement, puis quil nestoit question que de fournir or ou argent. Mesmement les riches maisons se deuoient ayder chacune en son endroit, et se tailler parensemble, pour contribuer et fournir la somme qui seroit nécessaire, à fin dacheter paix. Et que si Priam

8INGTLARITBZ DB TROTS. LITBB H. tl9

ny vouloit entendre de sa part, quon le laissast ester auec« ques ses richesses, et auec celles que son âlz Paris auoit amenées de Lacederaone quand il rauit Heleine. Et en ce disant, de plus en plus il chargeoit apertement sur le Roy Priara et sur les siens, pour capter la beniuolence du peuple, et tascher de mettre ledit Roy en hayne de ses citoyens. Et oultreplus, le traytre feignoit de pleurer. Alors le populaire se print à crier et braire piteusement tout à vne voix, et tendre les mains au ciel : supplians, que pour lamour des Dieux, il trouuast moyen ainsi ou autrement, de mettre fin à leurs misères, et quil nespargnast eux ne leurs trésors, pour racheter leurs personnes, leur pais et leurs biens hors de la seruitude apparente des Grecz. Et adonc se print le triste Roy Priam à pleurer misérablement, et à traire et arracher sa barbe meslee et ses cheueux chanuz. Voyant que ores il nestoit pas seulement haï de ses ennemis, mais aussi estoit tombé en la maluueillance de ses subietz propres. Si dit à Antenor et à tous les assistans, quil leur laissoit la charge totale de lappointement, et liberté de faire la finance pour la rédemption du Royaume de Troye. Et que pource quil leur estoit ainsi deuenu hayneux, (1) il se tiendroit désormais solitaire en son palais. Et neantmoins, il approuuoit tout ce que par eux seroit fait et traité en ceste matière. Ainsi se partit lancien Roy du consistoire, et après son partement il fiit décrété par toute lassemblee, que Antenor ioint auec Eneas, sen iroient derechef vers les Grecz pour sauoir leur voulenté certaine. Et ainsi se départit le conseil.

Or sen vint Heleine secrètement enuiron la mynuict en Ihostel du traytre Antenor, comme celle qui se doutoit bien que si lappointement auoit lieu, elle seroit rendue à

(1) o.-h^. haï.

214 ' ILLVSTRATIONS DE GAVLE, ET

Menelaus. Et à ceste cause craingnoit lire et la fureur de son marj, pour la grand faute quelle auoit commise enuers luy. Si pria tresinstamment audit Antenor quil la voulsist auoir pour recommandée enuers sondit seigneur et mary, et enuers tous les autres Princes de Grèce, et quil semployast à faire sa paix, disant comme ledit Antenor pourroit bien tesmoigner, que de pieça elle auoit désiré de retourner aux siens. Et aussi on sestoit bien apperceu, que depuis la mort de Paris, toutes choses luy estoient ennuyeuses, et prenoit le temps mal en gré à Troye. Par ainsi Antenor promit de labourer à faire son appointement. Et elle sen retourna au palais de son mary Deïphobus.

A la fine aube du iour, Antenor et Eneas commissaires députez à estre loups en guise de bergers, partirent de la cité pour aller vers les nauires des Grecz. Et quand ilz y furent, ilz récitèrent en pleine audience le vouloir des Troyens. Puis tindrent conseil apart auec aucuns des principaux à ce députez : et après auoir parlé de plusieurs choses conccrnans leur affaire et leur trahison, ilz feirent mention de la voulenté d'Heleine, et prièrent tresinstamment pour elle. Et en après finablement confermerent entre eux le pact de la trahison. Et quand il leur sembla opportun, sen retournèrent à Troye auec Vlysses et Diomedes, pour feindre de faire vn accord publique. Aiax Telamonius y voulut aller auec eux, mais Eneas len garda, de peur que les enfans de Priam ne luy feissent quelque outrage. Et quand ilz furent entrez dedens Troye, les malheureux citoyens sen resiouirent, et cuidoient voir la fin de la guerre et des discords. Si fut incontinent le conseil assemblé, auquel premièrement et auant toute œuure, il fut décrété que Antimachus qui tousiours auoit soustenu la bende de Paris contre les Grecz seroit exillé et banny per-

SmOTLARITBZ DE TROTE. LIYRB II.

petuellement du Royaume de Phrygie. Et en ooltre ilz commencèrent à entrer en matière des conditions et articles de la paix.

Or aduint il, que tandis que lesdits deux Princes de Grèce, Vlysses et Diomedes estoient en conseil auec les Troyens traitans de ladite paix fourrée, ilz ouyrent vn merueilleux bruit et tumulte, qui se faisoit au palais, là où estoit le Roy Priam, auec cris et exclamations merueilleuses. Alors tous ceux qui estoient audit conseil cuiderent bien estre pris, et senfuyrent soudainement dehors, comme ceux qui pensoient asseurement que aucun aguet ou émotion sesleuast contre eux par les enfans de Priam, selon ce que autresfois en semblable cas lauoient fait. Parquoy ilz furent bien espouuentez, et se ruèrent en franchise (1) dedens le temple de là Déesse Minerue, pour estre à sauueté. Mais ne tarda gueres que aucuns qui descendoient du palais, rapportèrent que le bruit quon auoit ouy, estoit à cause que le plancher de la chambre où estoient les enfans du feu Prince Paris Alexandre, estoit effondré par infortune, et auoit esteint et estouffé lesdits enfans, qui estoient deux en nombre, dont lun auoit nom Corinthus et lautre Ideus, et les auoit euz Paris de la belle Heleine, comme nous auons dit cy deuant. Par ainsi lesdits Princes de Grèce, auec Antenor et les autres, furent rasseurez de leur peur. Et mena iceluy Antenor loger en son hostel Vlysses et Diomedes, et illec les informa de la vertu et propriété du Palladium, qui estoit vne image de bois, iadis tombée du ciel, quand le Roy Ilus qui fonda Ilion faisoit ediâer le temple de Minerue. Lequel Palladium tant quil seroit audit temple, iamais Troye ne pourroit estre prinse. Et promit ledit Antenor de sefforcer à ce quilz lauroient en leurs mains.

(1) c.-à-d. cherchèrent un asile.

2i6 ILLT8TRÂTI0NS DE GAVLB, ET

Et sur ce propos ilz sendormirent. Et le lendemain au matin furent faites les funérailles des deux enfans d'Alexandre, lesquelz moururent ainsi misérablement, comme vous auez ouy, peult estre (1) permission diuine, à fin que de si mauuaise semence ne demourast aucun fruit sur terre. Consequemment ce iour mesmes, et certains iours ensuipans, fut traité en la présence du Roy Priam et de tous les Princes de Troye, et aussi desdits Diomedes et Vlysses, commissaires de la partie des Grecz, de la manière de la paix, et appointement final entre lesdites parties. Et endementiers aucuns signes estranges et prodiges merueilleux apparurent à Troye : si comme des sacrifices qui ne pouuoient brusler sur lautel du Dieu ApoUo, et de laigle qui vint rauir les entrailles des bestes sacrifiées et les porta aux nauires des Grecz, et autres choses qui denotoient la trahison qui se brassoit et la prochaine ruïne de Troye. Aussi en ces entrefaites , Antenor trouua subtilement manière de traire la sainte image de Palladium hors du temple de Pallas : et la deliura à Vlysses, lequel lenuoya secrètement en larmee de Grecz. Finablement les Troyens appointèrent auec lesdits Grecz, quilz auroient mille talents dor et mille talents dargent. Chacun talent vallant quarante liures de douze onces la liure pour le moins. Le sage Helenus estant prisonnier en lost des Grecz, qui toutes ces choses sauoit par sa science, plouroit et lamentoit fort, congnoissant la prochaine destruction de ses parens et de son pais. Et tantost après allèrent à Troye dix des Princes de Grèce, pour arrester et conclure du tout les articles dicelle paix feinte et coulouree, et les iurer solennellement. Si recommanda debonnairement le Roy Priam à iceux

(1) $ar (éd. 1528).

SINGYLARITEZ DE TROTE. LIVRE H. 217

Princes, son fllz Helenus. Et fut feite et iuree ladite paix. Lors prindrent congé du Roy tous les Princes estrangere qui estoient venuz à son secours tant par amitié comme pour auoir souldoiers, et sen retournèrent en leurs contrées. Et ce pendant fut fabriqué le grand chenal de bois pour offrir à la Déesse Minerue. Desquelles choses ie me déporte légèrement, pource quelles sont assez communes. Toutesfois Dares de Phrygie ne met rien dudit grand cheual de bois : mais bien dit il, que à la porte Scee, par où Grecz prindrent Troye, y auoit la figure dun cheual taillé en pierre, combien que Dictys de Crète et Virgile concordent en lopinion dudit grand cheual de bois. Et aussi fait mesmes Dion en son liure de Troia non capta. Disant encores que linscription dudit cheual estoit telle : Kwofhpf», id est sacrum Achiui MinerucB Iliadi. (1)

Ainsi fut mené à Troye ledit grand cheual consacré à la Déesse Minerue, comme feingnoient les Grecz : mais il estoit plein de gens armez. Et pour la grandeur fallut rompre les murailles de Troye et la porte Scee, pour le mettre dedens. Et y fut receu à si grand ardeur et liesse des Troyens mesmes, que iusques à femmes et petis enfans trestous meirent la main aux cordes et aux cables, pour ayder à traîner en la cité ceste grand statue de cheual à leur malheureuse destinée. Ce fait les Grecz feirent semblant de trousser tous leurs bagages, et mettre tout en leurs nauires, partir du port de Sigee et rentrer en mer. Mais de nuict le cauteleux Sinon, afFaité de par les Grecz, et ayant ceste charge, ouurit le ventre du grand cheual, dont il saillit Pyrrhus filz d'Achilles, et vne grand cohorte de gensdarmes. Puis feit signe de feu quand il veit son

(1) IllasterIon (mscr. de Oecôve).

"Wf^ ILLVSTRATIONS DE GAVLE, ET

heure, à fin que les autres Grecz marchassent. Ainsi furent surprins en leurs licts les poures Troyens endormis , tant par ceux qui estoient saillis de dedens le cheual, comme par les autres qui vindrent du port de Sigee, et entrèrent par la bresche de la muraille. Lors fut faite yne horrible boucherie des Troyens : sans auoir mercy des femmes ne des petis enfans, et dura la tuerie toute la nuict. Sur la pointe du iour, les Grecz sadresserent tous à vne flotte vers le palais de Deïphobus, lequel auoit espousé dame Heleine après la mort de Paris, comme dessus est dit. Et illec Menelaus tout furieux et plein de rage, pour se venger dudit Deïphobus le print et luy coupa tout premièrement les oreilles, puis après luy trencha les deux bras, et consequemment luy osta le nez, et le deshacha en tant de pièces, que cest horreur de le reciter : parquoy il le feit mourir à grand tourment et misère, comme met nostre acteur Dictys de Crète. Et à ce concorde Virgile au VI. des Eneïdes, disant :

Atque hic Priamidem laaiatum coi-pore toto Deiphobum videt et lacerum crudeliter ora, Ora manusque ambas, populataqiie tempora raptis Auribus, et truncas inbonesto yulnere nares. (1)

Mais auant sa mort, il se deffendit vaillamment, et tua beaucoup de Grecz, comme met ledit Virgile. Laquelle cruelle vengeance, comme on peult supposer, fut prinse par Menelaus, pource que Deïphobus auoit esté cause principale du rauissement d'Heleine, et nen auoit point esté moins amoureux que son frère Paris, comme dessus est dit. lasoit ce que Dares de Phrygie tienne opinion contraire