VI

SINGVLARITEZ DB TROYB. LITRB' H. 2i9

touchant la mort de Deïphobus : disant quil fut occis par Palamedes de Nigrepont, long temps deuant la prinse de Troye. Toutesuoyes ie marreste plustost ausdits deux acteurs tressuflBsans Dictys et Virgile, lesqueh ioints ensemble sont à préférer à vn tout seul.

Dit oultreplus ledit noble poëte Virgile audit passage, que celle tresperuerse Heleine participant au conseil de la trahison de Troye, auec Antenor et les autres, fut celle qui bailla le signe de feu aux Gregois de dessus les murailles de Troye, souz ombre de célébrer les sacrifices de Bacchus auecques les dames de Troye. Puis osta tous les harnois, armures et bastons hors de la chambre et palais de son mary Deïphobus qui dormoit parfondement, et de rien ne se doutoit. Mesmement desroba elle lespee de dessouz son cheuet. Et elle mesmes appella Menelaus, et le guida en la chambre dudit Deïphobus, à fin de rappaiser, par ceste manière de faire, sondit mary Menelaus, et dabolir ses anciens forfaits par ce nouueau seruice.

0 chienne tresdetestable, lisse enragée et vipère tresdangereuse ! Combien y ha il de différence de toy à la noble Nymphe Pegasis Oenone? Certes, autant quil y ha de chois dune chieure infâme à vne brebis noble, dune femme chaste à vne paillarde : et autant quil y ha de distance entre vn doux courage féminin plein damour pudique, et vne affection de louue eschauffee, qui nappete que lexecution de son ardeur libidineuse et effrénée. Comment oses tu tant demeurer en vie ? Ne vois tu point que ta ribaudise ha honny et contaminé toute ceste noble maison, et que ta luxure puante ha mis à néant la hautesse dun si triomphant lignage ? 0 visage de Seraine à queiie de couleuure, orde vile meretrice, toute pourrie et vermolue diniquité, tu rends bien vn guerdon serpentin de Ihonneur quon te

220 ILLYSTRATIONS DB GAVLE, ET

fait. Tu te deuois plustost précipiter du haut des nobles murailles qui sont démolies à ton occasion : tu te deuois plustost lancer dedens le feu qui est esprins par ton péché. Mais à fin que ta chaleur inextinguible ne defFaille à homme, tu vses maintenant de sanglantes blandices et de flateries abominables, enuers ton fol mary Menelaus, tout rassoté et tout abesty, lequel tu soulois vitupérer et moquer. Et maintenant il accolle et embrasse couuoiteusement ton corps tout corrompu par amour vénérienne et estranger. (1) Et baise ta bouche, encores sentant Ihalaine de tes adultères, sans oser faire aucune mention reprochable de tes vilains forfaits : ainçois te recueille, comme tout aise et tout familleux (2) de ta vaine beauté après si longue absence : là où au contraire il deuroit luy mesmes sacrifier aux Dieux infernaux ton ame laide et impudique, toute pollue dinfameté, et lenuoyer de sa propre main auec les ombres damnées. Et à ce propos Eneas Troyen parlant à Dido de Carthage, au second liure des Eneïdes, et recitant la ruïne de Troye, se vante, que pendant la force du feu nocturne, il trouua Heleine toute seule mussee au temple de Vesta. Et luy esmu de grand maltalent, eut voulenté de la tuer, pour estre vindicateur de tant de maux qui par elles estoient aduenuz. Mais la Déesse Venus mère dudit Eneas, sapparut à luy visiblement, et luy defifendit de commettre vne si grande lascheté. Et certes elle nestoit point assez bonne, de mourir de la main dun homme, ainçois estoit reseruee à plus vile mort, comme sera dit cy après.

(1) estrmgiere (éd. 1528).

(2) ç.-à-d. affamé.

81NCVLARITEZ DE TROTE. LITU II. 221