CHAPITRE XXni

De la mort mûerable du Roj Priam : et seruitade de la Rojn« H«caba, Cassandra et Ândromacha. Comme Aiax Telamoniua fut dopi* Dion qaoD feiet mourir Haleine, maii elle fut rendue k Menelaas. De la mort do PolTxene et de sa mère Hecuba. Dea gestes d« Menelaas et de ladite Heleine» après leur partement de Troye. De la nouuelle Troye fondée sur le fleuue du Nil. Répétition de Tlepolemus Roj de Rhodes : et des opinions de la mort dicelle Heleine.

Les songes auerez, les vaticinations des prudens aduenues, les respons du Dieu ApoUo mis à effect, selon les destinées, le noble Roy Priam et la Royne Hecuba veirent leur grand cité de Troye ainsi prinse et emflambee, et mise en désolation, par la nourriture quilz auoient faite de leur enfant Paris, contre ladmonition des Dieux dont ilz auoient trop tardiue repentance. Et oultreplus, iceluy iadis trespuissant Roy, contraint en sa vieillesse desia impotente, de fuyr au temple de lupiter, cuidant y obtenir franchise et immunité, mais en vain, veit premièrement occire son fllz Polytes, entre ses bras, par le meurtrier Pyrrhus filz d'Achilles. Et consequemment sentit loutrageuse espee dudit Pyrrhus dedens ses entrailles. Et vomit son sang et son ame ensemble, auec plusieurs regretz et querimonies. Et la noble pucelle Cassandra se veit abstraire par force et violence, hors du temple de Minerue, où elle estoit courue à refuge, pour preseruer sa virginité. Et expérimenta la cruauté des Grecz, que souuent elle auoit prédit par sa sapience et

ILLVSTRATIONS DE GAVLE, ET

linhumanité d'Aiax Oïleus, son tyranniseur et violateur sacrilège.

Quand donques toute la pourprise (1) de Troye eut esté exposée et abandonnée au feu et à lespee, à pillage et à dissolution, ainsi que guerre et hostilité ont de coustume, excepté les maisons des traytres, qui furent reseruees auecques leurs biens et familles : et que les nobles femmes furent prinses prisonnières, la Royne Hecuba iadis si haute Princesse se veit vefue, et tombée en la misérable seruitude de ses ennemiz. Lors Aiax Telamonius qui veit Heleine entre les autres, comme met nostre acteur Dictys de Crète, commanda prestement et fut dopinion quelle fust occise, et à bon droit, comme celle par qui tant de maux et tant de labeurs estoient aduenus aux Grecz par lespace de dix ans. Et comme il y eust plusieurs Princes concordans à lopinion d'Aiax, et que Heleine estoit en balance destre liuree à mort par commune sentence et décret, adonques le Roy Menelaus retenant encores la primitiue amour de son mariage, se mit en peine deuers lesdits Princes de Grèce, et tant les pria lun après lautre, à layde d'Vlysses et de son éloquence, quen la parfin il obtint quelle auroit la vie saune, et luy seroit rendue et restituée sans contredit et sans sort : car toutes les autres dames et Princesses prisonnières furent distribuées par sort, excepté la noble pucelle Polyxene, qui fut baillée au cruel bourreau Pyrrhus, filz du traitre Achilles, pour sacrifier son sang virginal au tombeau de son père. Cassandra vint es mains du Roy Agamemnon : Ethra et Clymena, demoiselles d'Heleine, furent baillées à Demophoon, filz de Theseus, et à vn autre Prince noji^é Achamas. Andromacha, iadis femme d'Hector, par

^XU.^c.ràrCl, .l'enoeinte.

8INGVLABITEZ DE TROTE. UYBl; U. 223

sort tomba en la puissance de Pyrrhus : et lancienne Rojne Hecuba deuint serue et esclaue à Vlysses. Mais son grand courage ne peut gueres durer en telle seruitude, ainçois donna tant doccasion aux Grecz dabreger ses iours et tant les oultragea et maudit, quilz la lapidèrent et enseuelirent auprès de la ville d'Abydos. Ainsi rentrèrent les-* dits Princes en mer, pour tirer chacun en sa contrée, combien que auant leur partement aduint (1) plusieurs choses, si comme le débat à cause du Palladium, ou à cause des armes d'Achilles, dont sensuiuit la mort d'Aiax Telamonius : et autres choses dont ie me déporte : car ce nest pas mon propos principal, et aussi elles sont assez communes, loiht à ce, que ma narration déterminée ne sarreste singulièrement fors sijr Heleine.

Or treuue ie peu dacteurs qui ayent escrit des gestes et auentures de ladite Heleine et de son mary Mençlaus, après les faits de Troye. Et ce peu qui en est escrit, si nây ie encores veu nul historien qui les ayt rédigez en langue Gallicane. Si messaieray de recueillir icy ce que ien ay peu amasser. Premièrement messire Bocace en son xi. et XII. liure de la Généalogie des Dieux : allegant pour son acteur Eusebius au liure des Temps, met que après la destruction de Troye, Menelaus se meit en mer auec ses gens et sa femme Heleine, pour tirer à son Royaume de Lacedemone. Mais la mer se leua haute, et les vents et la tem- ' peste les transportèrent en Egypte : là où regnoit pour lors vn Roy nommé Tuoris, (2) autrement dit Polybius, selon Homère : lequel receut ledit Menelaus et sa femme en son hostel, et leur feit bonne chère. Et illec perdit Menelaus le

(1) o.-à-d. il advint.

(2) Turris (mscr. de Genève).

224 ILLVSTRATIONS DE GATLE, ET

gouuerneur de son nauire, nommé Canopius : lequel mourut au riuage par la morsure dun serpent, et fut enseuely auprès de lane des boucques ou entrées du fleuue Nilus, laquelle entrée depuis à ceste cause fut appellee Canopique. Et illec se conseilla ledit Menelaus de tous ses affaires à Protens le sage deuin. Diodorus Siculus au premier liure des Gestes antiques, met que certain nombre de Troyens lesquelz Menelaus auoit emmené prisonniers auec luy , quand ilz furent sur ledit fleuue du Nil en Egypte, se boudèrent ensemble : et en prenant cœur bataillèrent aucunement contre luy, tant quilz le contraingnirent finablement à leur bailler liberté de construire vne cité sur ledit fleuue, ce quilz feirent, et lappellerent la nouuelle Troye. Et puis Menelaus en prenant congé dudit Roy d'Egypte, radressa son chemin pour retourner en son Royaume de Lacedemone : mais auant il print terre en lisle de Crète, quon dit maintenant Candie : et illec visita son cousin Idomeneus Roy de ladite isle, comme met nostre acteur Dictys. Et quand les habitans de ladite isle sceurent la venue de dame Heleine, ilz vindrent de toutes pars par grans troupeaux et compaignies pour voir ladite Heleine, et congnoitre celle qui tant auoit fait parler délie : et par laquelle presques tout le monde auoit esté en émotion de guerre.

Au partir de lisle de Crète, qui estoit le huitième an de la destruction de Troye, tant auoient ilz erré par mer, comme met Bocace au xii. liure, iceluy Menelaus et sa femme Heleine, nauiguerent iusques en leur païs de Péloponnèse, quon dit maintenant la Moree : et abordèrent premièrement en la cité de Mycenes selon la narration de nostre acteur Dictys de Crète en son dernier liure. En laquelle cité de Mycenes, estoit leur neueu Orestes filz iadis du Roy Agamemnon. Or auoit nagueres iceluy Orestes tué sa mère

sniGVLAIlITEZ DB TROTB. UTKB II. W

Glytemnestre, et son ribaud Egisthus, ù cause que eux tous deux conspirans ensemble, auoient meurtry son père Âgamemnon après son retour de Troye. Et à ceste cause Menelaus indigné de la mort de ladite Glytemnestre, sœur germaine de sa femme Heleine, tascha et meit peine de faire dommage et desplaisir à son neueu Orestes : mais il en fut destourbé par le populaire. Toutesfois il procura que ledit Orestes fust adiourné personnellement en la cité d'Athènes par douant le grand conseil des Prostrés et Philosophes nommez Areopagites, lesquelz estoient iuges souuerains et comme les seigneurs de parlement de toute Grèce, ainsi que les Druydes souloient estre en Gaule, comme tesmoigne Iulius César en ses Commentaires. Si fut force à Orestes dy aller pour respondre du cas par luy perpétré touchant la mort criminelle de sa mère Glytemnestre. Mais après la cause bien ventilée, il fut declairé quitte, deliure et absoulz de ladite mort de sa mère par arrest et iugement final desdits seigneurs Areopagites. Et dabondant fut réintégré et restably en la possession pacifique du Royaume de Mycenes, comme vray héritier de son feu père le Roy Agamemnon. De la secte desdits Areopagites Philosophes de grande estime, fut depuis S. Denys Apostre de France quand il fut conuerty par S. Paul en ladite cité d'Athènes. Or donc endementiers que ce iugement se faisoit, Menelaus et sa femme Heleine retournèrent en leur Royaume de Sparte ou Lacedemone , auquel ilz furent receuz de leurs subietz paisiblement.

Orestes Roy de Mycenes fut fort courroucé et malentalenté contre son oncle le Roy Menelaus à cause du dommage quil luy auoit pourchassé et du destourbier quil luy auoit prétendu faire. Toutesuoyes au moyen du Roy Idomeneus de Crète, son parent^ lappointement fut fait entre II. 48

226 ILLVSTRATIOMS DE GAVLE, ET

ledit Orestes et Menelaus. Si sen alla Orestes à Lacedemone vers son oncle Menelaus : lequel le festoya et luy bailla en mariage sa fille Hermione, comme met Dictys de Crète : mais selon lopinion des autres, il ne feit que confermer ledit mariage. Car comme nous auons desia dit au commencement de ce liure, le Roy Menelaus au parauant ; cestasauoir pendant le siège de Troye, auoit promis sadite fille Hermione à Pyrrhus, filz d'Achilles. Et dautre costé, le Roy Tyndarus, père d'Heleine et ayeul dicelle Hermione, lauoit desia fiancée audit Orestes, ignorant de la promesse faite à Pyrrhus par Menelaus, comme met Antoine Volsc au commencement des epistres d'Ouide. Si aduint, que Pyrrhus après son retour de Troye, souz tiltre et couleur de la promesse que luy auoit fait Menelaus, voulut auoir ladite Hermione. Et de fait, la tollut et rauit par force et hauteur (1) à son espoux Orestes : et lemmena en son païs. Mais depuis iceluy Orestes laboura tant, quil trouua subtilement manière de faire tuer ledit Pyrrhus, son aduersaire et compétiteur, au temple d'Apollo en Delphos. Et par ainsi recouura sans nul contredit sa femme Hermione : et peult estre que Menelaus loua et ratifia le mariage audit Orestes, selon lopinion de Dictys dessus mentionnée. Et des faits dudit Pyrrhus, et comment il emmena en son païs Andromacha, vefue d'Hector, et depuis la donna en mariage à Helenus, filz de Priam, nous en parlerons plus à plein au dernier liure.

Hermione fille d'Heleine, combien quelle fust douée de grand beauté, ne fut point si lubrique, ne si inconstante que sa mère. Car combien quelle fust rauie malgré elle

(1) c.-à-d. arrogance. (Cf. aîtitudo du Ducange = haussage, haultainneté.)

SINGYLARITEZ DB TROTE. LIVRE II. 227

par Pyrrhus, à qui son propre père lauoit fiancée en son absence, neantmoins elle adhéra tousiours en courage, (1) à son premier espoux et cousin Orestes. Et quand elle fut retournée auec luy, ne labandonna onques en nulles de ses aduersitez : mais luy tint bonne et loyale compaignie. E t eut de luy vn filz, aussi nommé Orestes, qui succéda à so n père, et fut vaillant homme et grand conquereur. laques de Bergome, en son troisième Hure du Supplément des chroniques, allegant son acteur Isocrates, recite que quand Heleine commença à deuenir vieille et ridée, et elle se regardoit en vn miroir, elle se prenoit à rire tant quelle pouuoit, en se moquant de la folie de ceux qui par si grand ardeur et obstination auoient poursuiuy vne si aspre guerre pour vne chose si caduque et de si petite durée. Et vrayement elle auoit raison de sen truffer. (2) Et autre chose ne treuue ie de ses faits auant sa mort. Et touchant la mort délie, ie nay peu trouuer que deux acteurs qui en parlent. Dont lun est Dion, duquel nous auons parlé au prologue de ce second liure. Lequel met que icelle Heleine fut tuée traîtreusement dedens Troye, par son neueu Orestes, filz du Roy Agamemnon. Et vn autre dit, quelle mourut en lisle de Rhodes. Mais pour mieux clarifier Ihistoire, il est nécessité de reciter preallablement la narration de Tlepolemus, Roy de Rhodes, à cause duquel elle mourut.

Tlepolemus (3) donques, comme met Bocace au xiii. liure de la Généalogie, fut filz d'Hercules, et de la Nymphe Astyoche, descendue de la lignée de Mars, laquelle il auoit rauie en vne cité de Laconique, nommée Epire, qui est en

(1) e.-à'd. en son cosur.

(2) truffier (mscr. de Genève).

(3) Tlepolenius (ëd. 1516).

228 ILLVSTRATIONS DE GAVLE, ET

la contrée de Péloponnèse, quon dit maintenant la Moree, dont estoit Heleine. Celuy Tlepolemus filz d'Hercules auoit vn ancien oncle, frère de sa mère nommé Licemmon, lequel il tua ou de coup de mesauenture, ou peult estre à son essient. Parquoy il fallut quil abandonnast ledit païs, quon dit maintenant la Moree. Si feit faire des nauires, et passa en lisle de Rhodes, auecques grand nombre de gens, et auec sa femme nommée Polypo, laquelle auoit en sa ieunesse esté compaigne et familière de la belle Heleine, pource que les seigneuries de leurs parens estoient voisines. Aussi habitèrent ledit Tlepolemus et sa femme Polypo en la noble isle de Rhodes, en y acquérant la domination et tiltre de Royaume. Et quand ce vint que le bruit de la guerre Troyenne sesleua parmy Grèce et les isles marines, pour le rauissement d'Heleine, ledit Tlepolemus, Roy de Rhodes, y alla auec les autres Princes, ses aflfins et prochains. Et mesmement auec Phidippus et Antiphus, ses neueux, descenduz de la lignée d'Hercules, comme sera dit au troisième liure. Et y mena neuf nauires, comme met Homère au deuxième de l'Iliade : mais finablement il y fut occis par les mains de Sarpedon, Roy de Lycie. Dont sa femme la Royne Polypo (1) mena grand dueil : car il estoit fort beau, comme met Ouide au xii. de sa Métamorphose, en parlant dudit Tlepolemus, et disant ainsi :

Herculis, ôRhodi» ductor pulcherrime classia.

Par lequel vers, comme met le commentateur, on peult coniecturer quil estoit tresbeau ettresgrand.

Pour reuenir donques à nostre propos, Antoine Volsc, commentateur des epistres d'Ouide, allegant vn acteur

(I) Poliwo (toscr. de Genève).

SINGVLARITEZ DB THOYl. UVRE U.

Grec, met sur lepistre d'Hermione à Orestes, que après la mort du Roy Menelaus, qui fut naturelle comme ie imagine, deux des citoyens de Sparte ou Lacedemone, dont lun auoit nom Nicostratus et lautre Megapenthus, ietterent la Royne Heleine hors de la cité et de tout le Royaume de Lacedemone, sans luy assigner, ne lieu pour habiter, ne douaire pour viure. La cause pourquoy ilz lexillerent en cest estât, iceluy acteur ne la met point : mais il est à présupposer, que ce fut pource quelle estoit haye de tout le monde, à cause des grans maux qui auoient esté perpétrez poor lamour délie. Quand donques elle se veit ainsi expulsée du Royaume de son feu mary, elle ne sceut à qui se retirer, comme celle qui estoit vefue, vieille et odieuse à vn chacun, et qui nauoit plus nulz parens en vie. Si saduisa de sen aller à Rhodes, vers son ancienne compaigne et amie la Royne Polypo, qui aussi estoit vefue de son mary le Roy Tlepolemus, comme dessus est dit : et de fait y alla. Et quand elle fut en Rhodes, ladite Royne Polypo luy feit assez bon recueil de prime face : et seiourna Heleine aucune espace leans faisant bonne chère. Or les damoiselles et femmes de chambre de ladite Royne Polypo hayoient mortellement Heleine, pource que leur seigneur le Roy Tlepolemus auoit prins mort à cause délie. Si conspirèrent vn iour parensemble de la faire mourir, et de fait la menèrent à vn beau verger par manière desbatement : mais quand elle y fut, elles luy mirent vue corde au col, et la pendirent et estranglerent à vn arbre.

230 ILLVSTHATIONS DE GAVLE, ET