CHAPITRE XXIIII
Comment Heleine après sa mort fut réputée Déesse de beauté par la folle erreur des Payena idolâtres. Et des temples qui furent esleuez à Ihonnear délie : auec l'e citation daucuns fabuleux miracles faita par elle et ses frères Castor et Pollux, qui sont par les Poëtes mis au cercle du zodiaque faisans le signe de Gemini : et autres choses.
Ainsi fina misérablement ses vieux iours Heleine limpudique, pour laquelle tant de hauts hommes et nobles auoient esté deflaits. Et de tant fut elle plus malheureuse, quelle ne fut plainte ne plouree de personne. Et à peine scây ie si elle fut digne dauoir sépulture : si me semble quun si vilain defînement luy estoit deu et à bon droit : et ne fust ce que pour la grand trahison et inhumanité dont elle vsa enuers Deïphobus. Mais après la mort dicelle, laage aueuglee et erronée du temps dadonques, qui estoit prodigue de forger nouueaux Dieux et Déesses par idolâtrie, meit et rengea ladite Heleine au nombre et catalogue des Déesses immortelles : car autrement il eust semblé quon luy eust fait tort et iniure. Attendu que desia ses deux frères Castor et Pollux estoient stellifiez et translatez au ciel, faisans le signe de Gemini, cestadire les iumeaux qui régnent au mois de May. Et aussi considerans quelle nés toit pas de moindre condition que sa voisine lo, fille d'Inachus, Roy d'Arges, iadis rauie par lupiter, et transformée en vache :
SUfGTLARITEZ DE TROTB. UVBE II. 231
laquelle estoit adorée en Egypte souz le nom d'Isis. Ne aussi que Ëuropa, fille du Roy Agenor de Sidone, iadis rauie par lupiter, laquelle estoit déifiée en Crète, comme met Dictys au commencement de son liure. Et pareillement aduisoient les hommes prudents et discretz dudit temps passé, que Heleine meritoit aussi bien destre faite DeesM comme Iphigenia, sa cousine germaine, fille du Roy Agamemnon et de sa sœur Clytemnestre : laquelle Iphigenia estoit desia déifiée au pais d'Achaie, et luy sacrifioit on dun cruel sacrifice : cestasauoir dhosties humaines, comme met Hérodote en son quatrième liure. Pareillement nestoit point Heleine de pire estime que Medee la forte enchanteresse, iadis fille du Roy Eeta, de Colchos, et femme de lason. Laquelle Medee fut aussi après sa mort réputée haute Déesse, selon que tesmoigne Bocace au quatrième liure de la Généalogie des Dieux. Pour lesquelles considérations et causes peremptoires, le peuple dadonques fort superstitieux et enclin à idolâtrie, édifia par grand deuotion ou plustost damnation, à ladite Déesse Heleine, vn temple somptueux au territoire de Therapne dont elle estoit natiue. Et, comme iecroy, fut appellee Déesse de beauté. Et feit aucuns miracles fabuleux dont ien reciteray icy vn, car il est bien digne de mémoire.
Le Prince des historiens (1) Hérodote au sixième liure de son histoire, recite que Ariston, iadis Roy de Sparte ou Lacedemone, eut trois femmes lune après lautre, dont la dernière fut remplie de souueraine beauté par accident miraculeux ainsi que vous orrez, car en son enfance elle auoit esté la plus laide créature du monde : mais elle fut faite belle par les mérites et vertuz de la Déesse Heleine,
(1) des histoires (mscr. de Genève).
i23S ILLVSTRATIOMS DE GATLE, ET
en ceste manière : cestasauoir, comme ladite dernière femme du Roy Ariston fust ainsi laide et difforme en son enfance, et il tournast à grand "desplaisir des parents délie, lesquelz estoient riches gens et puissans, ilz auoient si grand dueil de ladite difformité, quilz deffendirent expressément à sa mère nourrisse quelle ne la monstrast à personne viuant, comme ceux qui mieux leussent aymee morte que viue. Laquelle chose voyant ladite mère nourrisse, elle se pourpensa de telle chose. Tous les matins elle la portoit au temple de la Déesse Heleine qui estoit au lieu appelle Therapne, en la prouince de Laconique assez près du temple de Phebus. Et presentoit ladite fille deuant lidole ou simulacre de ladite Déesse, en faisant son oraison bien deuotement à icelle, et priant, qui luy pleust deliurer la fille quelle nourrissoit, de sa grand laideur. Si aduint après quelle eust long temps continué ladite prière et oraison, vn iour quelle partoit dudit temple sapparut à elle la Déesse Heleine en forme dune femme, et luy demanda que cestoit quelle portoit entre ses bras. Et comme ladite nourrisse eust respondu que cestoit vne fille : la Déesse luy commanda de la luy monstrer, mais la nourrisse refusa de ce faire, disant que les parens de lenfant le luy auoient deffendu : toutesuoyes la Déesse Heleine luy feit commandement derechef, quelle luy fust monstree, et que lenfant en vaudroit beaucoup de mieux, si elle lauoit veu. Ainsi fut contente la mère nourrisse de la descouurir. Et la Déesse Heleine la print, et luy applania le chef aucune espace, puis la rendit à la nourrisse, disant que ceste fille deuiendroit la plus belle fille de Lacedemone. Et sur ce poinct se disparut. Et aduint depuis ainsi, car elle fut si tresbelle, que ledit Roy Ariston de Lacedemone trouua manière subtilement de loster à vn autre Prince de Lace-
SINGVLARITEZ DE TROTB. LIVRl II. 233
demone, à qui elle estoit desia mariée, et lespoQsa pour sa grand beauté, et eust délie vn ûh nommé Demaratbus qui depuis fut Roy de Lacedemone. Ledit acteur Hérodote, aussi en son second liure, met quen Egypte il y auoit vn temple dédié à Heleine, souz le tiltre de Venus estrangere : car aucuns estiment, que après le rauissement d'Heleine, Paris et elle furent transportez celle part.
Encores feirent vn autre miracle euident pour lamour de leur sœur la Déesse Heleine Castor et Pollux, ses frères translatez au ciel par la fabulosité des poètes, et faisans vn signe du Zodiaque appelle Gemini. Lequel miracle ou plustost fable ie narreray souz brieueté. Il fut iadis vn poète Lyrique, nommé Stesichorus, natif de lisle de Lesbos quon dit maintenant Methelin, duquel raconte Pline en son histoire Naturelle, que luy estant enfant au berseau, vn rossignol vint chanter sur sa bouche, en signifîance quil seroit vne fois tresdoux et tressingulier poète. Iceluy Stesichorus donques entre autres choses quil feit, composa vn dittier, plein diniures, contumelie et diffamation encontre Heleine, pource quelle auoit causé par son adultère la destruction de Troye. De ce libelle diffamatoire furent fort indignez les Demydieux Castor et Pollux, estans au cercle du Zodiaque. Et de fait, pour venger liniure faite à leur sœur, par leur puissance deïfique tollurent la veiie audit poète Stesichorus, tellement que le poure homme ny veit plus goutte, dont il fut fort estonné et scandalisé. (1) Toutesfois à chef de pièce, il luy vint vne aduision en son dormant, qui fut telle : cestasauoir, quon ladmonnestoit de ditter vne palinodie : cestadire faire vn chant contraire à celuy de parauant, et se desdire de ce quil auoit dit con-
(I) e.>-à*d. troublé et déshonoré.
254 ILLVSTRATIONS DE GA.VLE, ET
tre Ihonneur d'Heleine. Adonc le poëte ioyeux, quand il sceut quil ne tenoit que à cela, commença à composer vn beau lay à la louenge de la Déesse Heleine : et insera toutes vertuz et belles choses dont il se sceut aduiser, en requérant mercy à dame Heleine, Déesse de beauté. Et chanta ledit lay mélodieusement sur sa harpe, parquoy il recouura prestement lusage de ses yeux. Ces choses sont prises au troisième liure de lart d'Aymer, auquel le noble poëte Ouide dit ainsi :
Probra Terapnese qui dixerat antè marit», Mox cecinit laudes prosperiore lyra.
Et Horace aussi en ses Odes dit en ceste manière :
Infamis Helense Castor offeusus vice Fraterque magni Castoris, victi prece Âdempta vati reddidere lamina.
Marsille Ficin, en ses epistres, met que le Prince des poètes Homère, pour auoir trop vitupéré la belle Heleine, fut tousiours depuis aueugle, ne iamais ne recouura sa veiie, pource que onques ne se voulut repentir ne recongnoitre quil auoit mal fait. Mais vn grand orateur de Grèce, nommé Isocrates, ne feit pas ainsi, sachant que cest trop dangereuse chose de mesdire des dames, ainçois escriuit plusieurs louenges de ladite Heleine.
Si la deïté de la Déesse Heleine auoit aussi grand vertu maintenant comme au temps passé, ie deuroye auoir belle peur dauoir encouru son ire et indignation, attendu que iay tant publié ses vices et diuulgué ses vitupères. Pline au deuxième liure de Ihistoire Naturelle, met que ces flambôttes de feu, quon voit aucunesfois par les voiles noc-
SINGYLARITEZ DE TROTB. LITRE O. 235
turnes au bout des lances des gensdarmes, ou sur les antennes des nauires, et font certain bruit comme oyseaux et se transportent de lieu en autre, quand il y en ha deux ensemble, elles sont salutaires, et signifient bon heur et nauigage prospère. Si disoit on anciennement que cestoient Castor et Pollux, lesquelz on inuoquoit comme Dieux en la mer : mais sil nen y ha quune toute seule, elle est malheureuse et de mauuais présage. Si la nommoit on iadis Heleine, ou selon lexpositeur de Fulgentius Placiades, Vrania. En ce temps cy on lappelle vne Furolle, (1) et dit on quelle meine noyer les gens. Et plus ne sauroie rien produire, faisant au propos en ce second liure, sinon que comme met Higinius en son liure intitulé d'Astronomie poétique, lune des sept estoilles, nommées Pléiades, ne se peult voir à plein depuis la destruction de Troye. Car ladite estoille est Electra, fille du grand géant Atlas et mère de Dardanius, duquel yssirent les Troyens. Laquelle print si grand desplaisance de la ruine diceux, que onques puis ne voulut monstrer sa claritude pleniere.
(1) e.-à-d. fumerolle ou feu-follet.
2S0 ILLVSTRÀTIOIfS DE GAVLE, ET
