CHAPITRE XXV

Conclusion et confirmation véritable de ce second liure, par la confutation et explanation du liure de Dion de Pruse, qui se intitule de Troye non prinse : auecques ample probation comment Lacteur ha auiuy en ceste histoire les vrajs acteurs autentiques.

PovTce que plusieurs nobles hommes, et autres gens modernes, ont entre leurs mains vn petit traité autresfois translaté de Grec en Latin, par François Philelphe, et diceluy font grosse estime par nouuelle curiosité, pource que Lacteur diceluy veult donner à entendre, par vn tas de diuers syllogismes, contre lopinion de tout le monde, que Troye ne fut onques prinse par les Grecz. A ceste cause au préambule du prologue de ce second liure, iay mis deux vers d'Ouide, certifians le contraire. Et si iceux ne suffisent pour ramener ceux qui sont abusez à saine intelligence, ie ramenteuray icy encores vn demy mètre de Virgile qui le confermera, cestasauoir cestuy cy :

-Rult alto à culmine Troîa.

Laquelle allégation des deux acteurs, si tresrenommez doit bien suffire encontre la seule assertion, cestadire affirmation douteuse, dun homme peu autorisé. Et si dauenture on refuse le tesmoignage des poètes, aumoins deura on adiouster foy à Diodorus Siculus, historien tresapprouué, lequel ha recueilli toutes les antiquitez du monde. Et dit

SmCULARITEZ DE TROTE. LITU H. 237

en la fin de son sixième et dernier liure, ces propres mots : Qua omnia anie hélium Troianum acta sunt. Déserta (1) Troia, Gares opibus aucH, etc. Mais encores la pertinacité(2) de ceux qui se fondent en ceste fantasie estoit si obstinée, que nulle apparence de veritë autorisée ne peult obtenir lieu daudience enuers eux. Toutesnoyes ânablement seront ilz contraints de se laisser vaincre par démonstrations raisonnables. Pour laquelle chose faire, il faut entendre que celuy qui soustient par ses escrits Troye non auoir esté destruite par les Grecz, estoit vn Philosophe nommé Dion, natif de la cité de Pruse, en la prouince de Bithynie, prochaine de la région de Troye, en Asie la mineur, quon dit maintenant Natolie ou Turquie. Or y ha il eu de tous temps hayne mortelle et inueteree entre ceux d'Asie la moindre, et ceux de Grèce, qui ne sont séparez lun de lautre, sinon par linterpos du destroit de la mer Hellesponte, comme on pourroit dire France et Angleterre. Et pource que iceluy Dion estoit Asiatique, et quil luy sembloit tourner à grand honte, à ceux de son parti, de ce que leurs ancestres se laissèrent ainsi suppediter par la nation Gregoise, à ceste occasion il sessaya de recouurer leur honneur, en cuidant persuader et faire acroire aux Iliens, cestadire aux Troyens, quil nen auoit rien esté. Laquelle chose estoit bien aisée à faire ausdits liions qui de son temps habitoient le lieu, où fut iadis Troye, autrement dite Ilion. Dautre part, pour vne gloire et ostentation de sa science philosophale, il sefforça de monstrer que le bon poëte Homère en plusieurs passages de son Iliade, auoit contredit à soy mesmes. Et pour ce faire, il ameine seulement en

(1) Deleta (mscr. de Genève).

(2) fartidnacité {éà. 1516).

ILLVSTRATIONS DE GA.VLE, ET

ieu vn tas dargumentations friuoles de peu de verisimilitude et de moindre efficace. Dont en blasmant et vitupérant lexcellence du prince des poètes Homère, comme feit iadis vn autre philosophastre nommé Zoïlus, lequel tourmenté du mauuais esprit denuie, se feit nommer par vn tiltre abominable Homeromastix, cestadire leflayau d'Homère.

Et après auoir composé vn liure tout plein de diffamation detractoire, tendant à anichiler la gloire du poète Homère : ledit Homeromastix et son liure furent par Ptolomee, Roy d'Egypte, recueillis et traitez selon leur desserte. Cestasauoir comme vn iuste Prince doit traiter mesdisans, flateurs et détracteurs. Comme ces choses escrit Nicolas Perot, euesque de Siponte en sa Cornucopie.

Mais encores souffrons vn petit que la poésie d'Homère Boit forcluse daudience , et pour impugner la dicacité, cestadire ienglerie de nostre aduersaire, par vn moyen extrauagant : faisons semblant de nous ioindre auec le père des historiens Herodotus Halicarnasseus : lequel trop plus antique que Dion, met au deuxième liure de son histoire, que après le rauissement d'Heleine, Paris ayant vent contraire, erra par la marine, et alla aborder à lune des bouques du fleuue appelle de Nil, en Egypte, qui est maintenant en la possession du Souldan. Et pour lors regnoit en Egypte vn sage et iuste Roy nommé Proteus, lequel congnoissant et sachant la rapine et violence perpétrée par la folie de Paris Alexandre, filz du Roy Priam, commanda de donner larrest à la belle Heleine, en son païs d'Egypte, et depuis la rendit à son mary Menelaus. Parquoy on pourroit coniecturer que la guerre neust point esté deuant Troye, pour recouurer Heleine : et par conséquent que Troye nayt point esté prinse par les Grecz. Et ce qui meult le bon historien Hérodote descrire ce que dessus, cest

SWGYLARITEZ DE TROTE. LIVRE U. 930

pource quil se dit auoir esté amplement informé par les Prestres et Philosophes d'Egypte de toute Ihistoire d'Heleine. Or si ledit Dion se fust armé de lautorité dudit Hérodote, il eust beaucoup fortifié son cas, et eussions eu plus à faire de les confuter et conuaincre tous deux ensemble. Mais ainçois iceluy Dion reboute lautorité du prince des historiens Hérodote comme de nulle apparence. Mais quelle autre approbation plus clere et plus ample voulons nous pour fortifier nostre cas, sinon de Stesichorus poëte Lyrique : lequel auoit autrefois esté de lopinon dessusdite ? Mais finablement il fut contraint de se desdire, et de chanter vn chant contraire, lequel sappelle Palinodie en Grec, comme met Marsille Ficin de Florence, en ses epistres. Et escriuit ledit Stesichorus en ceste manière, adressant ses yers à Heleine : Non veriis sermo ille fuit, Neque nauibus altis Existi fugiens : Neque adisti pergama Troia.

Puis donques que le philosophe Dion, ne baille aucune faueur au propos dessus narré d'Hérodote, Prince des historiens, faisons luy aussi ce plaisir, que de refuser et reietter du tout ledit Hérodote, mesmement quant à ce quon pourroit inférer et conclurre que la cité de Troye nayt point esté mise en ruine par les Grecz, et venons à reciter par manière dabreger toute la narration dudit philosophe Dion, à fin quil ne puist sembler que ne layons assez curieusement leiie.

Tout premièrement iceluy Dion, qui ne tend à autres fins, fors demonstrer les œuures du souuerain poëte Homère, pleines de mensonges et ineptitudes, cestadire choses mal à propos et de petite valeur, dit auoir esté amplement certifié de toute la vérité de, Ihistoire Troyenne, par les Prestres du pais d'Egypte, ainsi comme ia est dit du dessus^ nommé Hérodote, historien Grec. Mais pour les deux pre-

M9 ILLVSTBATIONS DE GÀVLE, ET

Biiers poincts principaux, ledit philosophe Dion nye que Heleine fust iamais mariée au Roy Menelaus, ne rauie violentement par Paris Alexandre, filz du Roy Priam de Troye. Et dit iceluy Dion comme il sensuit :

« Que comme plusieurs grans seigneurs de diuerses contrées du monde esmuz et incitez à cause de la grand renommée de la beauté d'Heleine, fille du Roy Tyndarus, se fussent tirez en la cité de Lacedemone, pour icelle Heleine demander solennellement en mariage au Roy Tyndarus son père, Paris, filz du Roy Priam de Troye, partant des marches d'Asie la moindre quon dit maintenant Turquie, se trouua auecques les autres Princes en merueilleuse pompe et somptueux arroy. Et combien que le Roy Agamemnon, lequel auoit desia espousé Clytemnestre, sœur de la belle Heleine, cuidast bien pratiquer que son frère Menelaus eust en mariage ladite Heleine, à fin de mieux corroborer et fortifier son alliance, neantmoins Paris Alexandre, filz du Roy Priam, fut préféré et tenu en plus grand estime que ledit Menelaus et tous autres compétiteurs. Et ce, à cause de la grandeur et richesse de son parentage, et de la présentation de sa personne. Si espousa Paris la belle Heleine, légitimement, par lautorité du Roy Tyndarus père délie, en grand ioye et triomphe, sans répugnance ne contradiction quelconque. De laquelle chose après quelle fut faite, le Roy Menelaus fort ialoux et desplaisant, attendu quil auoit esté frustré et deceu de son espérance, feit vne grand plainte et querimonie, tant au Roy Agamemnon son frère, comme aux autres Princes de Grèce : en leur remonstrant que cestoit trop grand honte à eux tous, dauoir souffert que la fleur et lexcellence du monde fut ainsi emmenée arrière deux par vn Prince estranger. Et que à tousiours mais, cecy leur seroit imputé à reproche et à lâcheté de courage.

SINGVLARITBZ DK TROYK. LIVRR U. %ki

Car il pourroit sembler aux postérieurs, que nul deutre eux neust esté digne, ne bon assez, dauoir en mariage vne si belle dame. Alors, comme raconte iceluy Dion, la noblesse Gregoise emflambee de despit et indignation, à ceste cause délibéra daller recouurer Heleine par force darmes. Et fut la guerre criée par tout, et Troye assiégée long temps. £t entre les autres choses qui sy feirent, Achilles y fut tué par les mains d'Hector, et Paris occis par Philoctetes. Puis ânablement pource que les deux parties sennuyoient de leurs pertes quotidiennes, lappointement fut moyenne par Vlysses. (1) Et furent les Grecz condamnez à ce que, pour lamende honnorable des torsfaits (2) commis par eux contre les Troyens, sans ce quilz eussent droit, ou iuste querele, ilz oflfriroient vn grand Cheual à la Déesse Minerue, cestadire Pallas, laquelle chose faite ilz sen retournèrent en leurs régions, sans ramener Heleine : car Hector la donna en mariage à son frère Deïphobus. Et depuis ladite Heleine fut tuée traytreusement par son propre neueu nommé Orestes, filz du Roy Agamemnon.

Et dautre part, Menelaus nosa retourner en son païs, mais sen alla en Egypte, et espousa la fille du Roy dicelle contrée. Finablement iceluy acteur Dion met que le Roy Priam trespassa plein de gloire et de félicité humaine, et le preux Hector succéda en son règne tresflourissant. Lequel enuoya Eneas et Antenor faire conquestes en Italie : et son frère Helenus en Grèce, et luy mesmes, cestasauoir Hector, subiuga par armes vue grand partie d'Asie, puis mourut en extrême vieillesse, laissant son héritage paisible à son filz Scamandrius. (3) Et cest le sommaire du liure de

(1) Uîiaes (ëd. 1516).

(2) forfaidz (éd. 1528).

(3) Scamndrus (âd. 1516 et 1528).