II
242 ILLTSTRATIONS DE GAVLE, ET
Dion de Pruse, qui se fait nommer Chrysostome, cestadire bouche dor : concluant Troye non auoir esté mise en ruine et désolation par les Grecz.
Or voyons orendroit, comment il pouuoit ces choses si bien deuiner par inspiration fantastique et prophétie rétrograde : ne par quel moyen vraysemblable il peult ainsi contrarier la commune opinion du feu de Troye, cestadire de la ruine extrême dicelle. Laquelle est deriuee et persuadée iusques à nous, par les escrits autentiques de ceux mesmes qui viuoient en ce temps là, ou qui furent du siècle prochain. Si faut sauoir tout premier, que nostre contrediseur Dion de Pruse ne vint au monde, sinon régnant lempereur Traian, cestasauoir mille et trois cens ans après la captiuité Troyenne, là où le poète Homère flourissoit seulement enuiron cent ans après icelle guerre. Mais Dictys de Crète et Dares de Phrygie ont rédigé en mémoire tout ce quilz veirent et entendirent faire dun costé et dautre, pendant le siège de Troye. Le liure diceluy Dares, lequel estoit de la nation Troyenne, fut trouué escrit de sa main propre en luniuersité d'Athènes, au temps de Iulius César, par vn grand orateur nommé Cornélius Nepos, natif de Vérone en Italie, et par luy mesmes translaté de Grec en Latin, puis enuoyé à Romme au tresnoble historien Crispe Salluste.
Et lœuure de Dictys de Crète, quon dit maintenant lisle de Candie subie tte aux Vénitiens, et de la nation de Grèce, vint aucun temps après en lumière, cestasauoir du temps de lempereur Néron. Iceluy Dictys souuent allégué en ce second liure, fut cheualier stipendiare du Roy Idomeneus de Crète, et fut présent à toutes les batailles contre les Troyens. Si fut trouué son liure par cas dauenture en la manière qui sensuit :
SINGVLARITEZ DE TROYB. LIVRE II. 243
Aucuns pasteurs gardans les bestes et troupeaux auprès de la cité de Gnosus, en lisle de Crète ou Candie de laquelle fut natif iceluy Dictys, trouuerent entremy aucunes vieilles murailles ruineuses vn sépulcre, lequel comme depuis fut sceu, estoit dudit acteur Dictys de Crète. Et dedens ledit sépulcre ilz prindrent vn vaisseau destain bien clos et bien souldé de toutes pars. Âdonc eux peosans que là dedens fut enclos quelque bon gros trésor, ilz ouurirent ledit vaisseau bien en haste, mais il ny auoit pour toute proye ou butin, sinon des liures. Dont quand ilz se veirent frustrez et deceuz de leur espérance, ilz portèrent les liures au seigneur de ladite cité de Gnosus en lisle de Candie, lequel seigneur se nommoit Praxis. Et fut bien aise ledit seigneur du présent et de la treuue. Si saduisa de les faire transcrire en lettres Athéniennes, pource que les liures estoient en characteres de lettre Punique fort ancienne et mal lisable, iasoit ce que le langage fust Grec. Et cela fait, ledit Praxis vint à Romme vers le Prince Néron, pource quil le sauoit estre fort curieux de Ihistoire Troyenne, comme celuy qui estoit singulier en poésie et homme de treseslu engin, sil eust esté si heureux quil eust plustost fleschi et incliné à bonté que à malice, mais non.
Or fut Néron, non content seulement dauoir fait composer vne seconde Iliade, par vn poëte nommé Accius, ainsi que met Perse en sa première Satyre, mais aussi sessaya ledit empereur Néron, de compiler vn liure des faits de Troye : lequel il intitula Troica Neronis, cestadire les auentures de Troye composées par Néron. Lequel liure est allégué par Seruius, commentateur de Virgile, comme iay dit en la fin du premier liure. Or présenta ledit Praxis à lerapereur Néron le volume de Dictys de Crète, contenant dix liures des faits de Troye. Si fut le tresbien venu et
244 ILLVSTRATIONS DE GAVLE, ET
guerdonné hautement. Et depuis iceux liures furent conuertis en langue Latine, par vn orateur Romain, nommé Septimius. Et de dix que ledit acteur Dictys auoit composez, iceluy translateur Septimius les ha réduit à six : lesquelz nous auons maintenant bien corrects, et dont ie me suis aydé pour le plus en ce second liure.
Ces choses veûes iestime auoir fait assez ample preuue que la narration du philosophe Dion (non mie quant à son parler, qui est tout pur oratoire, mais quant à ce quil impugne la vérité historiale) doit estre réputée vaine, plate, ridicule et adulatoire, et nullement corroborée par acteurs suffisans. Et que par ce second liure, tous lecteurs et auditeurs se peuuent bien tenir pour contons et bien informez de la vérité de toute Ihistoire, à fin quen peintures et tapisseries on ne fasse plus nulz abus, sinon (1) que lerreur inueteree de Guy de la Colonne et de ceux qui lont ensuiuy, tant en rime comme en prose, lesquelz ie ne vueil pas nommer, vallent (2) mieux que ceste mienne œuure laborieuse et bien digérée. Apres laquelle mise en lumière, sil y ha aucune chose transpassee par oubly ou par négligence, le troisième liure en fera la raison : par lequel ie monstreray la vraye origine des François, des Bretons, des Turcz : et de tout ce qui est possible dalleguer en ceste matière. Laquelle à proprement dire, nest sinon vne elucidation et clarification de plusieurs acteurs renommez : dont de ceux qui sont alléguez en ce second liure les noms sont cy douant mis et les œuures. A tant ie fais fin à ce second liure des Illustrations de Gaule, et Singularitez de Troye : priant aux lec-
(1) c.-à-d. à moins que.
(2) vaillent {éd. 1516).
SINGVLARITEZ DE TROTB. LIVRE H. i45
teurs et auditeurs, quilz ne prennent les choses sinon en bonne part, et excusent les fautes par beniuolence, auecques le bon poète Virgile qui dit :
Non omaia poMumaB omnes.
De peu assez.
