DE FRANCE ORIENTALE ET OCCIDENTALE
CESTADIRE DE GAVLE ET DE TROYE.
Dédié à treshaute, treschretienne et sacrée Princesse, madame Anne, par la grâce de Dieu, deux fois Roy ne de France, Duchesse de Bretaigne Armorique : Mbrcyrb iadis réputé Dieu d'Eloquence, et de bonne inuention, Salut et félicité tousiours prospérante en la vie présente et future. (1)
Virgilias lil>. m. Aeoeldos :
Unam/aciamus vtranque
Troiam animis : maneat nostros ea cura nepotM.
De ryne et Taatre Troye, vne mesme faisons : Et à ce noz neueaz dun courage induisons.
Les rvines de Troye la grand, comme vne treslamentable et trespiteuse Tragédie assez esclarcies, nettoyées et purgeees de tout erreur fabuleux, par le second liure pre-
(1) Dans rédition Qeofiroj ds Marnef, 1513, on troure le titre
248 ILLVSTRATIOWS DE GAVLE, ET
cèdent de noz Illustrations , Roy ne tresohrestienne , et Princesse tresmagnanime, et ledit liure dédié, et présenté par ton treshumble Secrétaire, et Indiciaire lean le Maire de Belges, à la tresbenigne virginale excellence de la tienne tresaymee, et première fille de France, resplendissante au ciel des vertus humaines, comme la clere estoille matutine nommée Venus, laquelle précède le Soleil, et est par les Mariniers appellee Diane, et par les Laboureurs et Pèlerins, lestoille lournalle, vraye et certaine prenonciateresse du iour, et le seul espoir et soûlas de ceux qui bayent les ténèbres obscures de la nuict ennuyeuse. Restoit encores, Royne tresdebonnaire, ce troisième liure à parfaire, lequel estoit par moy reseruê de long temps, au nom tresauguste de ta hautesse Royale : comme à la Princesse qui dignement représentes au monde, la grand Déesse om-
BuiTant, donné plus loin par Tédition 1549 (J. de Toarnes) : « Le tiers livre des Illustrationg de Gaule et Singularitez de Troje, intitule nouvellement de France Orientale et Occidentale, ouquel principalement ast (est) comprinse au vray la généalogie historiale du tressainct, tresdigne et treschrestien Empereur Charles le grand : Père de Loys le débonnaire, premier de ce nom.
« Laquelle généalogie tant en ligne féminine comme masculine est deduicte de père en filz depuis Francus filz légitime Dhector de Troye jusques a Pépin le brief premier roy des Francoys en ceste généalogie. Et ny a riens en ce livre qui soit commun es autres histoires de France et qui ne soit prouve par raisons et allégations autenticques. Et le tout correspond au premier et au second livre des Illustrations. »
Et au dessous de la vignette, on lit encore : « Lecteurs et auditeurs benivolentz, prenez le bien en gre et le gardez dinjure et doultraige comme vous avez fait les autres precedentz de vostre bonne grâce. Et lactenr vous en prie : affin quil congnoisse que la nation francoise ne soit point ingrate de ses petiz labeurs. Pour lesqaelz mettre au net, il a beaucop veille et traveille. »
SINf.TLARITeZ DÉ TROtB. LITBE III. 249
nipotente et céleste ivno qui se peult interpréter iwans OMNEs : oestadire, aydant à vnchacun. Laquelle paissanee et vertu priuilegiee, est vne chose presques diuine. Or est ladite Déesse luno, & laquelle tu es comparable, dame des trésors et richesses mondaines, dominateresse des Royaumes et seigneuries, maistresse et patrone des saintes alliances des loyaux mariages non corrompuz ne yiole2. A icelle toutes nobles et belles Nymphes et chastes pucelles sont semantes et humbles pedisseques. Et dicelle les Paons, aux plumes dorées et versicolores, meinent le chariot enrichy de perles et de précieuses gemmes, par toute la région aërine, dont elle ha la domination. Elle seule peult fleschir la tresredoutable seuerité de lupiter Altitonant, le Roy des Dieux : cestadire, seigneur des Princes. Et si est mère de la Demydeesse Hebe, Princesse de ieunesse, espouse du trespreux Hercules, desia stellifié au ciel, par augure ou apparence deraonstratiue, de fortitude et bonne destinée. Tu donques, sacrée maiestë Reginale (en laquelle toutes ces démonstrations deïflques conuiennent, par comparation telle que Ion peult faire des choses terrestres aux célestes) mérites icy à bon droit, obtenir le lieu de la Déesse luno : quant à la consécration de ce troisième liure des Illustrations : comme celle qui es couronnée et diademee du grand trésor dhonneur et de bonne fortune, compaigne de vertu, sur toutes les Déesses : cestadire Princesses du monde. Laquelle chose soit dite sans liniure des autres. Car à nulle autre naduint onques de porter deux fois légitimement sur son chef, la couronne reginale de France. Or soit assez de ce propos, quant à la cause rendue de la dedication de ce labeur, fait et adressé au nom de ta souueraine excellence : lequel ie te prie vouloir prendre en gré, selon ta clémence accoustumee, comme le principal
250 ILLVSTRATIONS DE GAVLE, ET
présent que iay encores fait aux dames : car les deux autres precedens, ne sont que les bourgeons et les fleurs : mais voicy le fruit paruenu en maturité. Là est lescaille, et icy le noyau : droit là est la peinture, et cy dedens le vif : illecques sont sans plus les deux prémices du syllogisme, mais voicy la conclusion. Venons ores aux deux vers, qui sont couchez en la teste de ce prologue : lesquelz sont proferez par le poëte Virgile, au troisième liure de ses Eneïdes, en la personne du Prince Helenus, frère d'Hector. Et est la substance desdits vers, que Helenus veult persuader à Eneas, que les deux Troyes on conioingne ensemble : cestadire, que les deux Peuples et nations sorties dun mesme tronc, on fasse vne commune perpétuelle alliance. Or auoit Helenus auecques sa femme Andromacha, vefue d'Hector et de Pyrrhus filz d'Achilles, desia édifiée et construite sa petite cité de Troye en Albanie : dont en festoyant son beau frère Eneas, qui dauenture aborda illec par mer, cherchant daller en Italie, congnoissant par lesprit de sa science de diuination, de laquelle il estoit le maistre et comme Prophète, que des successeurs dudit Eneas procederoient les Princes de lempire Romain, et les Royaumes des deux Bretaignes : cestasauoir, la grande et la petite, dont de la seconde tu es Royale dame et Duchesse. A ceste cause Helenus adraonnestoit son beau frère Eneas, que de leurs deux maisons ilz en feissent vne. Car aussi sauoit il bien, que de luy et de sa femme Andromacha, et de son neueu Francus, filz d'Hector, descendroient les plus grans Princes du monde : lesquelz regneroient de ligne en ligne, par tout Orient et Occident. Et qui mouuoit Helenus, frère d'Hector, denhorter à ce ledit Eneas ? sinon la diuine inspiration, et lesprit de prophétie, dont il estoit doué, comme dessus est dit. Et quil congnoissoit par icelle, com-
SINCTLARITEZ DE TROTK. LIYRB III. 351
bien que Troye la grand en son édifice et structure fust démolie, neantmoins son nom ne seroit iamais aboly de la mémoire des hommes : ainçois tant plus deuiendroit le siècle vieil, tant plus raioueniroit, et reflouriroit le refreschissement de la mémoire de Troye : car depuis la ruine dicelle, elle fut restaurée en Asie, sur le lieu mesmes de sa première construction par les neueux d'Hector. Et au parauant, elle estoit desia refondee en Egypte, sur le fleuue du Nil, par les exilez de Troye, qui se rebellèrent contre Menelaus et sa femme Heleine. Et en ce mesme temps, en vne partie de Macedone, qui se dit maintenant Albanie : Et depuis en plusieurs autres prouinces d'Europe : si comme en Italie, Hongrie, Allemaigne, Bretaigne : et les Gaules Belgique, Celtique, et la tienne Armorique, Royne tresillustre : comme il sera veu par ce liure. Voyla la raison qui mouuoit Helenus, frère d'Hector, de dire à Eneas la substance des vers dessus mentionnez : Faisons que noz deux maisons ne soient quune mesme chose. Ce qui aduint depuis : cestasauoir, du temps de l'Empereur Charles le grand, qui fut Roy des François Orientaux et Occidentaux : lesquelz sont du vray sang Troyen et Herculien, lesparens du Roy treschrestien, duquel tu es compaigne : et les ancestres et progeniteurs de ta propre maison mesmes. Par ainsi le dis et présuppose, que attendu quil nest rien souz le ciel qui autresfois ayt esté, qui ne puist estre derechef : iespere encores voir que ces deux maisons et nations de France Orientale et Occidentale, lesquelles vous nommez auiourd'huy Hongres, Allemans, Lansquenets, dune part : François et Bretons de lautre part, seront si vnies ensemble par bonne et prospère alliance, quelles iront par communs accords et vœuz refonder en Asie, cestadire Turquie, la grand cité de Troye : de laquelle se disent estre yssus les
252 ILLVSTRATIONS DE GATLB, ET
Turcz : et les autres disent que non. Mais iasoit ce que de tout ce le sache la pure vérité, comme celuy qui estoit présent au iugement des trois Déesses et à toutes les batailles de Troye, neantmoins ien laisseray la disputation à lean le Maire de Belges, si le cas eschet que quelque fois par le commandement de la magnanimité de ton cœur, il acheue son quatrième labeur des Illustrations de Grèce, et de Turquie. A tant treschrestienne et tresheureuse sacrée Princesse, qui peux estre moderateresse et moyenneresse du bien de la Paix vniuerselle, entre ces fortes et belliqueuses nations Troyennes et Herculiennes, et les autres alliées délies. Dieu te doint accomplir le theume (1) et lintention de mon prologue.
(1) lajln (éd. 1528).
