INGVLARITEZ DE TROTS. LIVRE III

œuures sont eschappees des boutiques des imprimeurs, tant à Lyon, comme à Paris, assez mal corrigées. Car k peine sauroit on garder les compositeurs de leurs incorrections (quelque diligence quon y fasse) mais les fautes soient imputées à eux. Et pensent les lecteurs et auditeurs que ce ne Tient point du vice de Lacteur qui leur donne bons et vrays exemplaires. Toutesuoyes il me semble que ce présent troisième liure est imprimé assez feablement par Maistre Raoul Cousturier, et digne assez destre veu et leu et prisé, comme la façon de lun des disciples de ta dénomination. Et quand il plaira à ta bénignité faire ouuerture des tiennes nobles œuures, et icelles publier par impression, on congnoitra facilement que tout ce peu que iay de grâce et de félicité en ce langage, vient de ta discipline : à laquelle ie suis tenu, toute ma vie. Et comme à tel, cestasauoir, à mon iuge, et à mon arbitre, iadresse ce présent Prologue, et la veiie et récognition de toute lœuure, tendant aux fins de persuader aux treshauts Princes de Chrestienté, quilz sont afBns et alliez ensemble de toute ancienne origine, de la noblesse de Troye. Et à ceste cause idoines et capables de recouurer par leur inestimable puissance et vertu, leur ancien héritage, des règnes de Priam, sur la nation Turque, qui lusurpe sans droit. Ce que lesdits seigneurs extraits dun mesme sang pourroient bien faire : pourueu quilz fussent vnis par concordance finale, comme autresfois ilz ont esté. Ce que Dieu nous doint grâce de voir en brief : et à eux Ihonneur et le triomphe, dune si tresglorieuse victoire.

De peu assez.