SIHOTLAEITBZ DB TROYE. LIVRE III

gniâcence quelle estoit du temps des Romains : et auant iceux. Toutesuoyes larcheuesque de Treues est lun des principaux Electeurs de Lempire : et se intitule Arcbichancellier de Gaule. Geste cité de Treues estoit le principal seiour du Roy Pépin, père de lempereur Charles le grand : comme en la cité capitale pour lors de France Orientale. On voit encores en icelle auiourdhuy, plusieurs grans ruines et merueilleuses antiquitez , qui monstrent bien combien grande, noble et puissante elle fut iadis. Et de nostre temps y ha esté trouuee vne grand pierre, en laquelle estoient grauez de lettre antique, les vers qui sensaiuent de sa fondation :

Nini Semiramis, quse tanto coniugfe felix

Plurima possedit, sed plara prioribus addit,

NoQ contenta suis nec totis finibus orbis, i

Expulit é patrio priuignum Trabeta regno

Insignem, profugus nostram qui condidit Trbem.

lay voulentiers fait cest incident pour deux raisons : lune, à fin quon sache en quel temps la Gaule Belgique fut premièrement empoisonnée de cest erreur diabolique dido* latrie, cestasauoir, mille neuf cens quarantesept ans auant lincarnation nostre Seigneur, que ledit Trabeta fondateur de Treues feit premièrement adorer en sa cité l'Idole et statue ou simulacre de son grand père lupiter Belus, filz de Nembroth le géant, premier Saturne des Babyloniens. Lautre raison est, à fin quon voye comment de toute ancienneté la fleur de la noblesse d'Asie sest venue rendre en Europe, mesmement en Gaule : dont elle nha depuis bougé : ainçois sy est tousiours multipliée de plus en plus, comme il appert. Or reuenons maintenant à nostre propos du Roy II. 49

290 ILLVSTRATIONS DE GAVLE, ET

Bauo, cousin germain de Priam : lequel Bauo fonda la grand cité de Belges.

Comment le Roy Bauo, fondateur de la grand cite de Belges, meit en ruine la cité de Treues : pource que la seigneurie de Treues luy demandoit tribut dauoir fondé et prins habitation en leur territoire. Et des quatre Ducz du dit Roy Bauo, desquelz chacun fonda vne cité en la Gaule Belgique.

Av premier liure de ces Illustrations, il est dit que Belgius, treizième Roy de Gaule, fonda vne cité de son nom : laquelle fut dite Belges. Or à fin quil ny ayt répugnance ne reprehension en nostre histoire, et quelle soit clere et nette à mon possible, ie treuue par acteurs autentiques, quen Gaule Belgique furent iadis trois citez principales nommées Belges : dont lune est Beauuais en Picardie, qui se dit en Latin Beluacum : ou selon Iulius César Bellouacum, cité episcopale, et dont leuesque est lun des douze pers de France. Lautre est celle, dont au chapitre précèdent est touché, Treues, en basse Allemaigne, ou plustost France Orientale. La tierce est Bauais en Haynnau : laquelle à présent nest quune petite ville déserte et désemparée : mais les ruines dicelle monstrent bien que au temps passé elle ha esté de merueilleuse es tendue. Et ceste cy fut fondée par les Troyens : celle quon dit Treues en Allemaigne, par les Assyriens ou Babyloniens : et Beauuais en Picardie, fut celle que fonda Belgius, treizième Roy de Gaule : à ce que ie puis coniecturer.

Comme donques le Roy Bauo auecques ses Troyens eut fonde sa cité de Belges, au païs des Neruiens : qui depuis ont esté nommez Ha^nuiers, Namurois, Cambrisiens et

SINGTLARITEZ DE TROTE. LIVRE III. 29i

Tournisieus, ceux de Treues qui disoient à eux appartenir fout le territoire de celle contrée, comme les premiers venuz enuoyerent signifier au Roy Bauo, que luy et tout son peuple eussent à vuider hors de leur païs : ou quilz payassent et rendissent de tribut à la seigneurie de Treues, (1) comme souueraine, mille sengliers et mille cerfz, et quinze cens bestes à corne, ou autrement dedens peu de iours ilz seroient tous mis à mort par ceux de Treues.

Icelles orguilleuses menasses entendues par le Roy Bauo : il respondit, que les Troyens ne furent iamais tributaires, mais franez par tout le monde : comme ceux mesmes qui auoient aprins dexiger et receuoir tribut des autres. Et à ceste cause ne denioit il pas seulement de payer tribut à ceux de Treues : mais leur commandoit que doresenauant ilz fussent tributaires au Royaume de Belges. Lesquelles paroles esmues entre lesdites nations, la guerre y fust tantost enflambee, tellement que les Troyens prindrent de fait et de force la trespuissante cité de Treues, et la pillèrent, brusleront et démolirent de fonds en comble. Si apportèrent en la nouuelle cité de Belges vn trésor infiny de richesses, de proye et de butin. Et comme victorieux amenèrent pour prisonniers les Idoles de Treues, auecques riches vaisseaux, meubles et ornemens, seruans à leurs autelz et sacrifices. Par ainsi fut lerreur d'Idolâtrie encores plus autorisée que deuant en nostre Gaule Belgique : car oultre les Idoles de Treues, le Roy Bauo auoit amené les siennes de Troye : dont des despouilles par luy conquises, il feit faire sept merueilleux temples en sa cité : en laquelle

(1) L'id. 1528 n*a qU6 : payassent dg tribut. — Rendre signifie payer une rente. On dit encore à Liège : « Maison à vendre ou à rendi"e. »

293 ILLVSTRATIONS DE GAVLE, ET

il y auoit sept portes selon les sept planettes, et mille toars, chacune de cent coudées de haut : et de dixhuit despesseur. Puis édifia son palais par amplitude et magnificence incroyable : comme on peult voir par ladite chronique de Belges.

Ainsi creut soudainement en merueilleuse hautesse la grand cité de Belges, par la ruine de Treues : car comme dit le Philosophe, la corruption daucune chose est la génération dune autre. Si fut le Roy Bauo craint et redouté de ses voisins, et estendit sa seigneurie iusques sur le fleuue du Rhin. Et pour mieux fortifier ses alliances, il bailla aux quatre Ducz de la haute Phrygie qui lauoient accompaigné, à chacun vne de ses filles. Et leur donna franchise et liberté de pouuoir édifier chacun vne cité, sur les confins et extremitez de la Gaule Belgique. Par ainsi le premier diceux Ducz, nommé Turguncius auec sa femme et son peuple, alla fonder la cité de Tongres, sur le riuage de la mer Oceane. Et qui est vne chose merueilleuse et digne destre racontée, entre les miracles et prodiges de ce monde. Il est certain que du temps de saint Seruais, qui fut euesque de T^ues, et parent de nostre Seigneur iesvs christ, la mer se recula de Tongres, enujron trente grands lieiies d'Allemaigne, comme il appert par sa légende. Et vescut ledit saint Semais (si la chronique est vraye) iusques au temps de saint Ambroise et de saint Hierome , lequel espace peult bien contenir trois cens quatre vingts ans. Et ne sen faut pas esbahir : car lean des Temps, escuyer de l'Empereur Charles le grand, qui nestoit pas parent de Dieu : vescut trois cens ans, comme tesmoignent toutes les histoires de France et d'AUemaigne et d'Italie auec. (1) Toutes-

(1) Wallonisme.

SINGVLARITEZ DR TROTB. LIVBE III. 393

uoyes Ihistoire de Tongres ne dit pas que leur cité fut fondée par Turguncius, mais par vn autre nommé Torgotus, qui fut long temps après yssu de Sicambre et la nomma du nom de son filz, comme sera dit cy après en la généalogie de l'Empereur Charles le grand.

Des autres trois Ducz du Roy Bauo, Ion nommé Mosellanus (1) passa la forest d'Ardenne et fonda la cité de Metz en Lorraine, sur la riuiere de Moselle. Le tiers qui eut nom Morineus, édifia la cité quon dit en Latin Morinum, et maintenant elle sapelle Terouane en Picardie : cestadire, Terre vaine et inutile, et gastee par les Huns, quon dit maintenant Hongres, de laquelle le poëte dit :

Eztremique hominum Morini.-

Comme silz fussent au bout du monde. Le quart Duc, nommé Carineus ou Clarineus, en lieux palustres et sur grosses riuieres et marescages, bastit et fonda vne cité, la quelle il nomma Carinee ou Clarinee. Aucuns tiennent que cest la grand ville de Gand en Flandres, assise sur trois grosses riuieres portans bateau : là où depuis Iulius César feit faire vn chasteau. Les autres disent, que ladite Carinee ou Clarinee est la ville de Clermont en Beauuoisis, assise en trèsbeau pais à quatorze lieues de Paris, sur le grand chemin d'Amiens.

Le Roy Bauo quand il eut donné ordre à toutes les choses dessudites, se nomma et intitula oultre et pardessus le tiltre de maiesté Royale Archidruyde, qui vaut autant à dire, comme prince des Prostrés et des Philosophes, ou tel quon pourroit dire à présent vn Pape : car il estoit chef des sacrifices : et mourut honorablement du temps que

(1) Afosselanus {éd. 1513).

294 ILLVSTRÂTIONS DE GAVLE, ET

Sanson estoit iuge sur les enfans d'Israël. Si semble que le poëte Ouide en fasse mention, et vueille entendre de cestuy cy quand il dit :

Ingeniique sui dictus cognomine Largus Gallica qui Phrygium duxit in arua senem.

I, lasoit ce que Michel Riz, en son viuant dit aduocat de Naples, et conseiller du Roy, au prologue de son œuure, quil ha intitulé des Roy s de Naples, cuide que par les vers dessudits le poëte Ouide vueille signifier et designer Francus filz d'Hector : lequel vint régner en Gaule Celtique. Ce qui ne peult auoir lieu : car il lappelle vieil. Et si nous considérons bien toutes les circonstances de ceste histoire, Francus ne pouuoit auoir plus de vingt ans quand il commença à régner sur les Celtes. Vn autre acteur du temps passé, iasoit ce que son Latin ne soit pas trop élégant ou cliquant, (1) porte neantmoins tesmoignage assez ample dudit Roy Bauo, fondateur de Belges : car il dit ainsi :

Rex fuit iramensus quondam qui nomine dictus Bauo : de génère régis Priami fuit ille. Troise post miseros luctus, ignesque secundos, Pei' mare cura sociis Asise transuectus ab oris, Uenit in extreraas vbi sol se mergit in vndas, Urbem tune magnam rex Bauo condidit vnam, Qiise nimis immensa Belgis fuit illa vocata.

(1) En ronchi cliquant = clinquant.

8INGVLAR1TEZ DE TROTB. LIVRE III. 295

De Baao Belgineas, fllz et succeuear dudit Roy Bauo premier de ce nom, au temps duquel, Brutua vint en la Oaule Armorique : et fonda les Bretons et la cité de Tours. Et comment autres Princes Trojens vindrent en diuerses parties de Oaule et de Germanie, et constituèrent plusieurs nobles maisons, peuples et citez : mesmement de lantique noblesse de ceux d'Auuergne et de Chartres, prouuee par acteurs autentiques : et comment il y anoit anciennement en France vne cité nommée Bretaigne.

Apres la mort du Roy Bauo, Archidruyde et Patriarche de Gaule Belgique, succéda son filz nommé Bauo Belgineus. Au temps duquel dominoit sur les Latins en Italie lulus Ascanius, fîlz d'Eneas et de Creusa, fille de Priam : de laquelle lignée descendit depuis Iulius César, premier monarque dçs Romains. Ledit Bauo Belgineus régna quarantequatre ans en la cité de Belges : et feit vne loy, que tout son peuple mengeast en publique, en ensuiuant la coustume des Lacedemoniens : à fin que chacun fust égal : et que lun neust point denuie sur lautre. Et est asauoir, quen ce temps lii les Princes et les Peuples viuoient pour la plus part de venaison. Si estoient presques tous veneurs plus que laboureurs : car il y auoit grand foison de bestes es foretz inhabitées, et mesmement en ce quartier là de Belges, quon dit' maintenant Haynnau : là où est la forest de Niormault, (1) fille, cestadire vn membre de celle d'Ardenne. Là où encores dure et perseuere le tresnoble vsage et exercice de vénerie ou braconnerie, et chasse tant de chenaux saunages, comme de bestes rousses et noires, doiseaux de proye, de gibier et de poissons, autant Royale et franche, quen quel-

(1) Morma%lt (éd. 1513), auj. forêt de Mormal.

296 ILLVSTRATIONS DE GAVLE, ET

que autre païs quon sache. Et pource les Roys de France y enuoient vne fois lan leurs veneurs.

Au temps dudit Bauo Belgineus, vn Prince nommé Brutus, filz de Syluius Posthumus, troisième Roy des Latins, et de Lauinia, seconde femme d'Eneas, querant nouuelles contrées à habiter, comme il auoit de commandement par loracle des Dieux : vint par mer en la Gaule Armorique, quon dit maintenant la Royale Duché de Bretaigne. Et y entra par la bouche du fleuue de Loire, fonda le Croisic ou Troisic du nom de Troye, et Guerrande, passa par Nantes qui desia parauant estoit fondée : comme il est dit au premier liure des Illustrations, et monta contremont la riuiere, iusques au lieu où maintenant est assise la cité de Tours, de laquelle il fut fondateur. Et depuis rentra en mer et alla conquérir sur les Geans lisle d'Albion : et la nomma Bretaigne : maintenant elle est dite Angleterre. En laquelle il fonda vne cité principalle : et la nomma la nouuelle Troye, qui ores se dit Londres, sur le fleuue de Thamyse. Desquelles choses ie me déporte pour le présent, car ce désire vne œuure apart.

Il faut retourner aux successeurs du Roy Bauo : lesquelz à brief dire, estendirent leur seigneurie par force et prouesse darmes sur toutes les Gaules et Germanies, aussi auant quelles sestendent, mesmement le sixième de ceste lignée nommé Brunehaut, qui fut contemporain au Roy Dauid de ludee. Iceluy Brunehaut, Prince magnifique et de grand cœur, feit faire les chaussées, dont on voit iusques auiourdhuy les trasses en beaucoup de lieux de la basse AUemaigne et de France : mesmement du costé d'Amiens en Picardie. Et dura ceste lignée des Roys Belgiens, iusques au temps de luUes César, lequel occupa toutes les Gaules : après auoir occis en bataille Andromadas, le der-

» 8INGTLARITBZ DE TBOTE. LIVBB III. â97

nier des Roy s Belgiens, sur le fleuue de Saœbre, et sur le mesme lieu, dont Lacteur de ce liure est né.

Aussi se treuuent autres peuples, nations et maisons, tant en France comme en Alleraaigne, estre yssuz des Troyens, mesmeraent la nation d'Auuergne, entant quil touche les parties de pardeça, iouxte lautorité de Lucao, qui dit en sa Pharsalie :

Âruerni Latios ausi sd fingere fratres, Sanguine ab Iliaco.

Et Sidonius Apollinaris, euesque des Auuergnois, la répète au septième liure de ses epistres : en se complaingnant de linfelicité de son temps et de la seruitude en laquelle ilz estoient tombez par Theodoric, Roy des Vesegothz, de la nation d'Allemaigne : lequel pour lors occupoit toute Aquitaine. Les paroles dudit euesque Sidonius sont telles : AriternoTum proTi dolor seruitus, qui si prisca replicarentur, (1) audebant se qtiondam fratres Latios (2) dicere : et sanguine ah Iliaco populos computare. Maintenant ilz nont que faire de sen plaindre : car ilz sont pacifiquement traitez souz les maisons Troyennes et Herculiennes des Princes de France et de Bourbon.

Auecques lancienne noblesse et estimation des peuples d'Auuergne, Strabo au quatrième liure de sa géographie, adiouste et adioint celle du peuple de Chartres : pource que vnchacun desdits deux peuples est habitant sur le fleuue de Loire, et nomme lesdites nations tresillustres, cestadire tresnobles : comme il appert par ses paroles icy après mises : Inter Ligerim et Sequanam fluui%m trans

(1) replicentvr (éd. 1513).

(2) latio{éd. 1513).

ILLTSTRATIONS DE GAVLE, ET

Rhodanum atque Ararim, gentes ad iSeptentrionem adiacent, Allolrogihus et Lugduni incoUsmcini. fforumillustrissimi Aruerni et Carnuti. Per vtrosque delatus Liger amnis, in Oceanum ejluit. Et pource que ledit acteur nombre entre les plusnobles peuples habitans en Gaule, sur la riuiere de Loire, ceux de Chartres, il est tout notoire quil parle de toute la prouince de Touraine, laquelle sestend iusques à la mer de Bretaigne Armorique : car par leurs limites et non par autres, la riuiere de Loire entre en la mer Oceane. Pourquoy il est vray semblable, que du temps dudit acteur Strabo, qui fut durant le règne de l'Empereur Octauien Auguste, ceux de Chartres auoient grand prerogatiue sur les citez Armoriques.

Touchant la cité de Tours, il est certain quelle fut fondée en Ihonneur et au nom de Turnus, neueu de Brutus, lequel fonda en Aquitaine vne autre cité nommée Britannia, tresnoble et tresgrande. Laquelle fondation toutesuoyes ie nafferme pas icy témérairement, mais ie le prouueray bien en autre temps et lieu. Quant aux autres fondations faites par les Trojens en Gaule, auant quelle fut nommée France, tous les historiens concordent en ce, que vn Prince Troyen nommé Tolosus fonda la cité de Tolouse en Aquitaine. Parquoy ie treuue vraysemblable, quil fut de la compaignie du Roy Brutus. Encores iay entendu par commune renommée, quil y ha deux nobles maisons particulières pardeça, qui se disent estre yssuz des Troyens, dont lune est la maison de Tournon, sur le fleuue du Rhône, du costé des montaignes de Viueretz (1) et d'Auuergne. En ce quartier fut trouué du temps du Roy Loys vnzieme, encores estant Dauphin, la sépulture et les os dun Géant, ayant de hauteur vingtdeux piedz, selon ce que monstre sa pou-

(1) auj. le Vivarais.