W6TLARITBZ DE TROTS. LIVRE

traiture, estant im Tâcobins de Vâlëiiôe fen Daiiphîné. Et aucuns de ses os nous donnent foy et coniecture de la proportion de sa corpulence : car desdits os il y ha partie à la sainte chapelle de Bourges, dediee par le Roy René, duc d'Aniou et conte de Prouence. Et ce fust tesmoigné au Roy treschrestien et tresvictorieux, Loys douzième, luy seiournant en sa cité de Valence sur le Rhône. Iceluy Géant (comme iay ouy dire, estre contenu es chroniques du Dauphiné) estoit seigneur du pais. Et comme il est vraysemblable, estoit yssu ou allié de la noblesse Troyenne. Ladite maison de Tournon porte en ses armes vn Lyon rampant, en champ mesparty : qui sont les armes de Troye. Lautre costé semé de fleurs de lyz, qui sont les armes de France.

Pareillement se glorifie estre dextraction Troyenne, la maison de Neufchatel, en la franche conté de Bourgongne, lesquelz peuples se disoient anciennement Sequanois. Et de leur quartier procède la riuiere Sequana dite en François Seine, assez congnue par tout le monde, à cause de la Royale cité et vniuersité (1) de Paris, quelle mespart en deux, et fait la diuision de la Gaule Belgique, auecques la Celtique. Icelle maison d'Orenge et de Neufchatel, qui se dit Troyenne, ha esté voulentiers alliée auec celles de Bretaigne et Bourbon, qui sont de mesmes. Et vêla comment les lignages sentretiennent de toute antiquité, comme il appert par leurs généalogies, le plus communément.

Dautrepart, oultre et plusauant que ledit pais de Bourgongne, cestasauoir pardela le fleuue du Rhiii en Allemaigne, au païs de Soaue, et en vne contrée diceluy, laquelle se nomme Franconie, ou France orientale, il y ha vne bonne ville nommée Phorcen, qui nest pas loing de la

(1) c.-à-d. communauté. '

cité de Vlme, là où on fait les bonnes fustennes, et autres villes circonuoisines, dont les peuples se disent estre procréez daucune bende de Troyens, dont deux Princes, lun nomme Phorcys et lautre Ascanius, estoient chefz et conducteurs, tous deux vassaux de Priam, et qui le secoururent en sa guerre, iouxte ce que met le poëte Homère en son Iliade :

Phorcys et Ascanius Phrjgias daxere cateraas, Longe ex Âscania.

Et ce recite et afferme vn acteur tresrenomme, Messire lean Rheuclin (1) natif de ladite ville de Phorcen en France Orientale, au commencement dun liure tresmerueilleux, quil ha de nostre temps composé et intitulé, de verbo miri- Fico. (2) Pareillement la cité de Mayence, en AUemaigne, qui est des appendences de France Orientale, sur le Rhin, fut fondée par vn Troyen nommé Maguntius. Ces choses veiies, il nous faut retourner à nostre propos principal de Francus filz d'Hector, et de Sicamber son filz.

De la grand antiqaitë, force et renommée des Sicambriens et François, prouuee par autoi;itez publiques, trop plus que les chroniques de France nen font mention : et comment il y auoit deux nations Sicambriennes, et des fondations des citez faites par eux. Puis est prouué suflSsamment, que les anciens acteurs ne nommèrent iamais les François sans les Sicambriens, auec autres nations leurs voisines et alliées.

Novs commençons desia bien à entendre, comment la noblesse des Troyens exilée de son propre païs doultre mer,

(1) Reuchlin, le célèbre humaniste, né à Pforzheim.

(2) Spire, 1494, in fol., sur les noms sacrés employés dans lei mystères grecs, juifs et chrétiens.

SmGVLAWTEZ DE TROYK. LITEE III.

coramençoit à reflourir, et saugraenter par toute Europe, enuiron le temps que la grand cité de Sicambre fut fondée par Francus filz d'Hector. Laquelle cité il nomma Sicambre, du nom de sa tante Sicambria, sœur du Roy Priam, et dicelle cité fait grand conte et mention la chronique de Bucalus, comme on peult voir par icelle. Or régna en icelle, le tresnoble Francus filz d'Hector, iusques au temps quil rendit le tribut de nature. Et à luy succéda son filz Sicamber, régnant par lespace de soixantedeux ans, selon les chroniques de Tongres. Lequel ensuiuant les trasses de son père Francus et de son ayeul Hector, ainsi comme il fut terrible et redoutable aux ennemis, aussi fut il doux et traitable à ses subietz et débonnaire Prince à ceux qui! auoit vaincuz et subiuguez par grand prouesse darmes. Et se fit tant aymer des siens, que eux mesmes qui parauant du nom de son père sapelloient François, aymerent mieux deslors en auant estre dits et reclamez Sicambriens : jasoit ce que lun et lautre nom leur demoura tousiours, comme synonimes et indifférons. Tout ainsi que les enfans d'Israël se nommoient aussi luifz, de- par le père et le filz, cestasauoir, lacob et ludas. Car il est asauoir, que au temps passé les Princes portoient tant dhonneur et reuerence à leurs ancestres ou supérieurs, que par dessus leurs noms et surnoms, ilz portoient encore voulentiers ceux de leurs prédécesseurs et prochains : ainsi comme il appert de lulus Ascanius, filz d'Eneas, lequel pour le record de ses nobles ancestres et soulagement des siens, portoit aussi les noms de Dardanus et Laodamas. Et ce met expressément Seruius, sur le quatrième des Eneïdes de Virgile.

Long temps après, cestasauoir enuiron deux cens quatre vingts ans, depuis la destruction de Troye, et auant la fondation de Romme, deux cens ans ou enuiron, vne bende

302 ILLVSTRATIONS DE GAVLE, ET

diceux Sicambriens souz leurs Ducz, Troiades et Torgotus, descendirent sur le Rhin et fondèrent la ville de Bonne, auprès de Coulongne sur le Rhin, et consequemment la ville de Zanthes, en la Duché de Cleues, laquelle iusques auiourdhuy , sappelle ainsi de par le fleuue Xanthus qui passoit parmy Troye. Autrement es anciennes chroniques, elle est dite, Troia Francorum, comme iay trouué par la légende de saint Victor, de la légion de Thebes, dont il y ha vn beau monastère en ladite ville de Zanthes, iadis fondé par sainte Heleine, mère de lempereur Constantin le grand : et est vne tresbelle petite ville et assise en beau lieu, et là où on fait grand quantité de ces fines toillettes quon nomme communément de Holande, pource quilz sont prochains des Holandois.

Selon lesdites chroniques de Tongres, iceux Sicambriens yssuz de la haute Sicambre, occupèrent par succession de temps, tous les païs quon dit maintenant Cleues, Gheldres et luliers. Et se nommèrent tousiours Sicambriens lesdites nations, comme il appert, par les Commentaires de Iules César. Pourquoy il est notoire, quil y auoit deux nations Sicambriennes, cestasauoir la haute et la basse. Et diceux Sicambriens yssirent les Cimbres, merueilleuses et redoutables nations.

Pour lesquelles choses prouuer, il appert par les historiens, poëtes et orateurs Romains, quilz ne nommèrent iadis gueres lune nation sans lautre, cestasauoir, comme alliées et inséparables, lune de lautre, François, Gaulois, Soaues, Sicambriens, Cimbres, Germains et autres telles nations circonuoisines, précédées de leurs anciens estocz le grand Hercules de Libye et le preux Hector de Troye : comme sera veu par le decours de ce liure. Et à ce propos ie puis alléguer plusieurs acteurs faisans foy de ce que ie

S1N6VLARITEZ DE TROTB. LIVRB lU. 303

dis : entre lesquelz est le poëte Claudian bien renommé, lequel estoit en bruit du temps de lempereur Honorius, à la louenge duquel et pour exalter le quatrième Consulat dudit empereur Honorius, il met ces beaux yers :

Ante ducem nostrum flauam sparsere Sicambri Csssariem, pauidoque orantes murmure Fraoci Procubuere solo. luratur Honorius absens, Imploratque tunm supplex Alemannia Domen. Basterav venere truces, venit accola sylasa Bi'UcteruB Herciniae, latisque paludibas exit Cimbrus : et ingeates Albim liquere Cherosci.

Plus ledit Claudian au premier Panegjric des louenges de Stilicon, lieutenant dudit empereur Honorius, dit ce qui sensuit : parquoy on peult congnoitre que de son temps les François estoient habitans de la montaigne Noire en Soaue, oultre le Rhin, là où il y ha grand force de venaison :

-Rbenumque minacem

Corûibas infractis ade6 mitescere cogis,

Ut Sueuus iam rura colat, flexosque Sicambri

In falcem curuent gladios, gemiuasque viator

Cum videat ripas, quse sit Romana requirat.

Ut iam trans fluuium non indignante Cayco

Pascat Belga pecus : mediumque ingressa per Albim

Gallica Francorum montes armenta pererrent :

Ut procul bercini» per vasta silentia syluœ

Yenari tut6 liceat, etc.

Et à ce mesmes propos Sidonius ApoUinaris, euesque d'Auuergne, qui flourissoit au temps de Theodoric, Roy des Ostrogothz, lequel tenoit le pais d'Aquitaine, en flatant ledit Théorie dit ainsi : Francorum et peniiissimas palU'

304 ILLVSTRATIONS DE GAVLE, ET

des intrares tenerantihus Sicamhris. Et S. Hierome lequel Tiuoit au temps que Pharamond fut couronné premier Roy des François, dit ce qui sensuit, à la grand louenge de la nation Françoise : Jnter Saxones quippe et Alemannes gens non tam lata quàm valida, apud historicos Germania, nunc verô Francia mcatur.

Par lesquelles choses il appert facilement quil y auoit deux contrées qui se nommoient Sicambre : esquelles habitoient les François, après la destruction de Troye, cestasauoir Sicambre haute et basse. Les hauts Sicambriens estoient comme dessus est dit, en Pannonie, quon dit maintenant Hongrie : et les autres en la basse Allemaigne, es païs de luillers, Gheldres et Cleues. Desquelz hauts Sicambriens François estoit le Roy Clouis premier Chrestien. Auquel Roy Clouis, iasoit ce que S. Remy nignorast point quil fust Roy des François, dit en le baptisant : Mitis depone colla Sicamber : Adora quod incendisti : Incende quod adorasti. Et ce met expressément Grégoire, archeuesque de Tours, en sa chronique.

le mesbahis comment plusieurs historiens de France nont fait autre mention de la plus grand antiquité de lorigine des François et des Sicambriens. Et ne donnent autre prerogatiue à ceste nation, sinon comme si le nom de France fust tout nouuel et moderne, et quil neust esté illustre, noble, ou congnu, sinon du temps que lempereur Valentinian leur donna franchise et relaxation de tribut pour dix ans : à fin de guerroyer et dompter les Alains, comme silz ne fussent nommez Francz ou François pour autre chose, ce qui nest pas vraysemblable : attendu que Cicero, prince deloquence qui fut du temps de Iulius César, fait mention expresse du nom des François, en vne epistre quil escrit à son amy Atticus. Et quant au nom des Sicam-