SINGVLARITEZ DE TROYE. LIVRE III

briens, il est certain que es histoires Romaines en est faite ample mention : cestasauoir, dun Duc des Sicambriens nommé Molon, lequel combatit contre Dru sus, attenant de prochain lignage, à lempereur Octauien Auguste : mais ledit Duc Molon fut vaincu et mené en triomphe à Romme. Pour laquelle victoire ledit Drusus acquit le surnom de Germanicus, comme le plus noble des autres, et mourut à Mayence, sur le Rhin, qui est en France Orientale, là où on voit encores vn grand édifice antique fait en mémoire de luj.

Geste victoire depuis cousta cher aux Romains, car les Sicambriens et Soaues, cestadire François, souz la conduite dun autre Duc nommé Ariminius, mirent à mort cruelle et sans mercy ne raison, trois légions Romaines, des garnisons mises par ledit Drusus Germanicus sur les frontières du Rhin, desquelles légions estoit chef, Quintilius Varus : et auec eux furent defiaits six autres légions de souldoyers estrangers, quilz nommoyent pour lors auxiliaires. Laquelle perte est par les historiens contée entre les infelicitez d'Auguste : car autrement cestoit le plus heureux Prince qui onques fut : et de cest inconuenient (1) il cuida mourir de dueil. Et fust faite ceste grand desconfiture à Nuremberg, qui est vne grosse ville d'Allemaigne, située en France orientale, et aux autres lieux et fors tant deçà comme delà le Rhin, où les garnisons Romaines se tenoyent.

Par ainsi voyons nous, que de toute antiquité les armes belliqueuses des Sicambriens, François et Germains, ont esté redoutables à Lempire de Romme, auquel finablement ilz ont tollu la monarchie du monde, et ont succédé en leur lieu. Donques pour monstrer encores mieux que la

(1) c.-à-d. malheur.