II. SO

506 ILLVSTRATIONS DE GAVLE, ET

nation des Sicambriens et François nest pas de si récente mémoire, ne de si tardiue renommée que les communes histoires disent, nous auons le poëte Martial en ses Epigrammes, et luuenal en ses Satyres, qui font mention des Sicambriens, et désignent et pourtrayent leurs façons et habitudes, presques comme si on veoit à lœil, de quel* forme et sorte ilz estoyent adonc, tellement que vn peintre bien entendu les pourroit bien contrefaire après les deux vers qui sensuiuent. Dont lun monstre, quilz auoyent les cheueux crespelez, recorcelez (1) et retortillez, tout ainsi comme les hauts Allemans les portent iusques auiourdhuy. Lautre dit quilz auoyent la face et le regard terrible, effroyeuse et redoutable. Et cest quant aux Sicambriens.

Martialis :

Grinibos in nodum tortis Tenere Sicambri.

luuenalis :

Tanquam de getis aliqaid toruisque Sicambris.

Entant quil touche de prouuer que la nation Françoise estoit en grand estime et vigueur long temps parauant le règne de l'Empereur Valentinian, et que les armes Françoises , pour conseruer leur liberté Troyenne et Herculienne, contre la tyrannie des Romains, ne faillirent onques à se defFendre ou assaillir : cecy nous tesmoigne vn grand historien, nommé Flauius Vopiscus, en la vie de l'Empereur Valerius Aurelianus, duquel porte le nom la cité d'Orléans, et aussi le souloit porter la cité de Geneue en Sauoye, car il en fut fondateur. Or y eut il entre ledit Aurelian et Valentinian, huit Empereurs. Et dit ledit

(l) c.-à-d. retroussés. Cf. recourcer.

SINGYLARITEZ DE TROTB. LIVRE III. 307

acteur Vopiscus, que comme les François courussent et gastassent toute la prouince de Gaule, ilz furent par ledit empereur Aurelian vaincuz en bataille rude et difficile à Mayence sur le Rhin, qui est en France orientale, et les plusnobles d'eux menez en triomphe à Romme. Et voicy les propres motz dudit acteur : Idem {Aurelianus) apud Magontiacum Tribunus legionis sexta Gaîlicanœ, Francos irruentes cum vagarentur per totam Galliam, sic adflixit, vt trecentos ex his captos, septingentis interemptis suh corona vendiderit. Unde iterum de eo facta est cantUena :

Mille Francos, mille Sarmatas semei occidimus. Mille, mille, mille, mille, mille Persas quserimus.

Laquelle chanson se chanta au triomphe dudit Empereur, quand il ût son entrée triomphale à Romme, Parquoy il appert comment les Romains, vainqueurs de plusieurs nations, estimoient à grand honneur et gloire dauoir deffait vn petit nombre de François. Et si voit on par ceste preuue, que de tout temps ilz estoient renommez en lexercice des armes, voire plus de six vingts ans auant quilz constituassent Pharamond Roy sur eux. Lequel Pharamond commença régner, lan cccc.xx. selon Gaguin. Et Aurelian fut fait Empereur, lan après lincarnation deux cens quatre vingts et dixneuf selon laques de Bergome.

Apres ledit empereur Aurelian, ses successeurs conséquents, cestasauoir, Florianus, Aurelius Probus, Proculus le tirant : et depuis Constantin le grand et iuste monarque, yssu du sang de Troye, eurent affaire auz François : comme il appert par leurs histoires et panégyriques : cestadire, décantations de louenges, dont vn acteur nommé Raphaël de Volaterre, en son vingt et troisième liure des Commen-

508 ILLVSTRATIONS DE GAVLE, ET

taires vrbains, met que ledit empereur Aurelius Probus, natif de Pannonie, triompha des François, des Goths, des Parthes et des Sarmates. Aussi pour vne gloire singulière, il voulut porter en ses tiltres, les surnoms desdites nations par luy vaincues, et les fit grauer en sa sépulture à perpétuelle mémoire, desquelz tiltres celuy de France estoit le premier. Et la teneur estoit telle : C<Bsar Aurelius Probus : Imperator : Francicus : Gothicus : Parthicus : Sarmaticus. lestime quil porta voulentiers ledit surnom de Francicus, pource quil se sentoit estre yssu des François, lesquelz premièrement habitèrent en Pannonie, en laquelle contrée fut iadis fondée la grand cité de Sicambre par les Sicambriens ou François. Mais pour mieux entendre ceste histoire, il faut congnoitre la situation de Sicambre en Pannonie, et pourquoy elle ha changé son nom. Et sappelle ores Bude en Hongrie.

Sensait la situation de la grand cité de Sicambre, iadia fondée par Francus filz d'Hector, en Pannonie, sur le grand fleuue Dunoe. Et comment depuis vn Prince nommé Buda, frère de Attila, Roy des Huns, changea son nom à ladite cité de Sicambre, et la nomma Bade en Hongrie.

La terre de Pannonie, qui du temps de Troye sappelloit Peonie, comme au chapitre ensuiuant sera bien amplement declairé, se diuise en deux : cestasauoir, la haute et la basse. La haute Pannonie est auiourdhuy Larchiduché d'Autriche : et la basse Pannonie est le Royaume de Hongrie. Et parmy toutes ces deux contrées passe le noble fleuue Danubius, qui se dit en langue vulgaire le Dunoe, lequel est le plus grand de toute Europe, et seul par dessus

8IM6TLAR1TES DE TROTE. UVRK III. 309

tous les antres ayant ce priuilege, quil dresse son cours iustement contre Orient. Sa sourse primitiue est en la montaigne Noire, qui se dit en Latin Sylua Eercinid : estimée par les historiens et cosmographes pour lune des plus grandes et des plusnobles du monde, au païs de Soaue en Âllemaigne, oultre le Rhin, qui se disoit anciennement et encores se dit France Orientale. La sourse et la première fontaine dudit fleuue Dunoe fut monstree pour vne singularité à madame Marguerite d'Austriche et de Bourgongne, par vn Cheualier du païs, nommé Vlric, conte de Fustemberghe, qui guidoit et conduisoit ladite Princesse, ayant charge de ce faire, de par lempereur Maximilian, père de ladite dame. Cestasauoir au temps quelle alla voir sondit seigneur et père, en habit de dueil, auquel elle estoit pour lors, et tout son train de trois cens chenaux ou plus, a cause du trespas de son frère vnique le Roy Phelippes de Cas tille. Si se feit donner ladite Princesse Marguerite, de leaue de la fontaine du grand fleuue Dunoe, en vne coupe dor. Et quand elle en eust tasté, elle dit lors en souzriant, selon sa manière douce et humaine, comme font toutes Princesses : Que la grâce à Dieu et à Fortune, elle auoit fait en sa vie, ce que pieça quelque autre femme de noble maison nauoit fait. Et quand aucuns des seigneurs plus priuez et plus apparens luy demandèrent gracieusement, la raison pourquoy : elle respondit : Pource quelle auoit veu tous les plus grans fleuues de Chrestienté, tant en France, Espaigne, Sauoye, Italie et ades (1) en Allemaigne, ce qui nestoit aduenu de long temps à Princesse quelconques. Laquelle parole (considéré ses infortunes esmut aux principaux des assistans grand pitié, iusques aux larmes.

(1) c.-à-d. maintenant. Cf. Titalien adesso.

310 ILLVSTRATIONS DE GAVLE, ET

Mais pour la consoler, ilz tournèrent à ieu, et tirèrent oultre.

En ce mesmes tenant, (1) il nous fut dit pour vn cas merueilleux, en la Noire montaigne, laquelle pour lors blanchissoit toute de neige et verdoyoit de hauts sapins bien reuestuz et bien branchuz : que de ladite montaigne sourdent les trois plus grans et plus nobles fleuues d'Europe, cestasauoir, le Dunoe, le Rhône et le Rhin. Le Rhône impétueux sen va rendre en la mer Mediterrane de Languedoc, en Prouuence, deuers le Soleil de mydi. Le Rhin tresfertile et tresriche, entre en la mer Oceane, de la basse AUemaigne, et de Flandres, deuers bise, à Soleil couchant. Et le Dunoe dresse son cours plus de cinq cens lieiies loing, et va cheoir en la mer Maiour, cestasauoir au Ponte Euxine plus bas que Constantinoble, deuers Tartarie, et se lance si tresimpetueusement dedens icelle mer, par sept portes ou entrées, que plus de quarante mille pas en auant, dedens la marine, on treuue leaue douce : car dedens ladite riuiere Dunoe descendent autres grans fleuues, iusquesau nombre de soixante, auant quelle aborde en ladite mer de Ponte. Et passe par plusieurs et diuerses nations estranges, d' AUemaigne, de Hongrie, d'Esclauonie et de Grèce. Dont les vues sont Chrestiennes, les autres errent en la foy, et les autres sont du tout hors de lobeïssance de leglise Romaine, cestasauoir de la secte Macommetiste, et subiettes au Turc et au Tartre.

Or donques sur ledit merueilleux fleuue Dunoe, fut édifiée par les Troyens la grand cité de Sicambre, en beau pais fertile et fort à merueilles, de laquelle fait grand mention la chronique de Bucalus estant en la tresriche et tresbelle

(1) c.-à-d. au même moment, en 1506.

SmGTLARITBZ DE TROTE. LIVRE lU. 311

librairie du Roy treschrestien Loys douzième en son chasteau de Blois. Et en icelle cite de Sicambre, dominèrent les François et Sicambriens, iusqnes au temps des Romains : mesmement de lempereur Octauien Auguste : lequel ne les dompta pas, mais ilz se donnèrent franchement à luy pour lamour de sa grand renommée et bonté, et que de son temps toutes guerres estoient cessées et paix vniuerselle regnoit au monde, et ce mesme honneur portèrent audit empereur les autres nations plus lointaines, cestasauoir, les Iules, (1) les Parthes et les Scythes, quon dit ores les Tartres. A laquelle occasion, lempereur Octauien Auguste, pour certaines raisons à ce le mouuans, remua la nation des Sicambres et leur feit changer pais, parauenture pource quilz estoient trop grand peuple ensemble, ou pource quil doutoit leur force estre trop prochaine d'Italie, comme est Hongrie, et les feit descendre ou partie diceux, en Gaule Belgique, sur le fleuue du Rhin. Ce que nous tesmoigne Suétone, en la vie d'Auguste : Germanosque vitra Âlhimjluuium summouit, ex quihus Sueuos et Sicamhros dedentes se traduxit in Oallia, atque in proximis Rlieno agris collocauit. Parquoy il est certain, que du temps de lempereur Auguste, auquel nostre seigneur iesvs christ nasquit, les François et Sicambriens obtenoient (2) la plus grand et la meilleur partie d'Allemaigne et de Gaule Belgique, es pais quon dit présentement, Cleues, Gheldres et luillers.

Puis que nous congnoissons assez que les François Sicambriens eurent en possession la terre de Pannonie, quon dit ores Hongrie, laquelle est si bonne et si riche de toutes

(1) Julles (ëd. 1513). Peut-être les Jurxs d'Hérodote IV, 22.

(2) c.-à-d. occupaient, obtinehant.

312 ILLVSTRATIONS DE GAVLE, ET

choses, mesmement de minières dor, pourquoy ne la gardèrent ilz ? A ce ie respons, que nonobstant, que par les choses dessus narrées soit assez satisfait à ceste question, cestasauoir, que la voulenté de lempereur, pour lors souuerain Prince du monde, fust telle, que de les transporter plus bas, neantmoins ie dis dauantage, quil semble que la destinée des François Sicambriens les menast à telle fortune, à fin que tousiours ilz fussent plus illustres, et mieux exercitez aux armes : car mutation de païs fait les hommes plus dextres et plus robustes, comme on le voit communément.

Ladite cité de Sicambre, fondée par les François, fut depuis en la subiection des Romains. Et quant vint le declin de lempire, les Gothz et les Lombardz, tous deux peuples de la nation d'AUeraaigne, la tindrent et depuis suruindrent les Huns de Tartarie, dont le premier Roy nommé Attyla, lequel auoit communément cinq cens mille hommes en armes, non content dauoir occupé toute Grèce, Macedone, Esclauonnie, Albanie, Istrie et Dalmace, sarresta en la cité de Sicambre à cause de la force et beauté du lieu. Et là se tint lespace de cinq ans : ce pendant quil faisoit espier les prouinces de Gaule, d'Espaigne et d'Italie, pour y descendre et se ruer en icelles. Laquelle chose il mit -à exécution. Car quand il vit son poinct, il courut toute Allemaigne et Gaule, là où desia estoient les Goths, les Bourguignons et les François, et y auoient prins et arresté leurs sièges en reculant et forcloant les Romains, pour la plusgrand partie. Tellement que après le siège d'Orléans, lequel il fust contraint dabandonner, il fut combatu en la plaine de Chaalons en Champaigne par les Romains, François, Bretons, Bourguignons et Goths. Et fut celle bataille merueilleuse et mémorable, car il y moururent Meroveus,

8INGVLARITEZ DE TftOTE. LIVRE III. 313

Roy des François, Gundengus, Roy des Bourguignons, et Theodoric, (1) Roy des Goths. Et fut ledit Attyla presques desconôt, iasoit ce quil eust cinq cens mille hommes en armes, comme il sera dit plusauant en ce liure. Il portoit en ses armes vn Esperuier couronné. Et en ses tiltrea et manderaens parents il disoit ainsi : Attyla filius Bendercum, nepos magni Nembroth^ nutritus in Engadi : dei gratia Rex Hunnorum, Medorum, Gothorum, Dacorum : Metus orhis, et Flagellum Dei. Il estoit extrait de la mesme rasse et païs des Turcs, qui se disent auoir prins origine de Turcus, filz de Troïlus. Et encores voit on que les Hongres ayment et fréquentent les arcz Turquois, et sont forts et hardiz comme Turcs, mais il sont leurs trop fiers ennemiz, à cause de la foy Chrestienne. Et bien en ont monstre les exemples de la fresche mémoire de noz pères. Car le Roy Albert de Hongrie, gendre de l'Empereur Sigismond, qui tendant à ces fins, assembla les conciles de Constance et de Basle, mourut ieune allant en son emprise contre les Turcs. Lancelot, (2) successeur dudit Albert, Roy de Hongrie et de Polone, combatant vaillamment contre le grand Amorat, tyrant de Turquie, cheut en la bataille, auec le Cardinal Cesarin, Légat du saint siège apostolique, qui fut vue ti'op piteuse iournee pour la Chrestienté. Et de nostre temps, le Roy Mathias, Prince de merueilleuse prouesse et affection à la deffense de nostre foy, tout le temps de son règne ha esté heureux et bien fortuné, par plusieurs victoires mémorables contre les Turcs. A laquelle besongne tressalutaire, il sest monstre plus affectionné par effect que nul autre Prince de son temps, ne desplaise aux autres.

(1) Théodore {éà. 1513).

(2) Vladislas VI, mort à la bataille de Varna, en 1444.

314 ILLYSTRATIONS DE GATLË, ET

Par quoy il ha mérité quil soit de luy mémoire éternelle en toute histoire et chronique.

Pareillement, son successeur moderne, le Roy Lancelot de Hongrie et de Bohême, allié de la maison de France et de Bretaigne, sest honnestement exercité en tel affaire contre la nation infidèle, et en ha raporté victorieuse renommée. Par quoy il appert, que iasoit ce que les Turcs et les Hongres soient dune mesme extraction quant à lorigine de Tartarie, neantmoins le changement du pais et des mœurs, et la diuersité de croire en Dieu, les ha faits ennemis si tresmortelz que riens plus : ioint à ce que le voisinage de leurs contrées augmente la hayne et les rend plus aspres : car lun entreprend tousiours sur lautre.

Or pleust à Dieu, que tous noz treshauts Princes de Chrestienté fussent ensemble si bons amys, que iamais il ny eust que redire ne que radouber en leurs quereles mutuelles et controuerses réciproques, ains alassent vnanimement ayder aux Hongres, aux Bohèmes et aux Polaques, qui sont sur les frontières des Tartres et des Turcs. Alors ce seroit vn beau passetemps, à la tresnoble et tresillustre nation Françoise et Britannique, procréez du vray sang légitime de Troye, daller voir en passant par le païs de Hongrie, Esclauonie et Albanie, les sièges de leurs premiers Princes et parents. Et dilec tirer en Grèce, pour contempler la ruine dune nation si audacieuse, qui eut iadis Ihonneur de deffaire et ruiner la grand cité de Troye. Et dillec passer à Constantinoble, la mer Hellesponte, cestadire le bras saint George. Et puis planter leurs enseignes triomphantes en la terre ferme d'Asie la Mineur, quon dit maintenant Natolie ou Turquie. Et recouurer par iustes armes le propre héritage, et les douze Royaumes que tenoit iadis le bon Roy Priam, ayeul de Francus filz du trespreux Hector.

SUfGVLARITBZ DE TROYB. LIVRS lU. 315

Tout lequel chemin, tant par mer que par terre, prouince pour prouince, cité pour cité, isle pour isle, iay entreprins et pieça commencé de monstrer par escrit, à ceux qui entreprendront vn si digne voyage, et lacheueray quelque fois au plaisir de Dieu, mais ce ne sera point auant que nous voyons tous noz Princes Chrestiens auoir du tout délaissé leurs guerres ciuiles, pour embrasser dun magnanime courage ceste tressainte emprise, par perpétuelle concorde et vnion fraternelle. Laquelle chose seroit trop plus que nécessaire. Mesmement en ce temps de trouble et misérable diuersité, auquel le Turc seiforce et menasse destaindre et abolir de tous poinctz en Orient la tresclere et trescheualereuse religion de Rhodes, pour tousiours affoiblir et diminuer la chose publique de la Chrestienté. Mais renouons au propos du premier Roy des Hongres.

Or auoit Attyla, premier Roy des Hongres, laissé son frère Buda, en la cité de Sicambre en Pannonie, pour la garde et gouuernement du païs : et luy auoit donné charge de la reedifier et augmenter : comme celuy qui, après ses conquestes, entendoit y faire sa résidence. Et vouloit en perpétuelle mémoire, que de son nom elle fust nommée Attelbourg, cestadire, la cité de Attyle : et que Pannonie fust nommée Hongrie, comme elle est de présent, à cause des Huns qui lauoient conquise et occupée. Mais sondit frère Buda, ou par ambition de propre gloire, ou pource quil se vouloit faire Roy du païs, tandis que son fi-ere estoit occupé en autres guerres, fit nommer ladite cité de Sicambre en Pannonie, Bude en Hongrie. Aucuns historiens tiennent, quil ne le feit pas par malice, mais ce fut la beniuolence de ses subietz ausquelz il estoit trop plus humain que son frère Attyla. Comment quil soit, Attyla comme trescruel homme, en print tel despit et vengeance, que après

316 ILLVSTRATIONS DE GAVLE, ET

son retour de la bataille des champz Catalauniques, il tua de sa propre main son frère Buda : et puis feit ietter son corps en la riuiere de Dunoe. Si commanda deslors en auant estroitement par toute Allemaigne et Hongrie, que la cité de Sicambre fust nommée de son nom Attelbourg. Lequel commandement les AUemans obseruerent par crainte, mais les Hongres non : car ilz estoient plus affectionnez à la mémoire de son frère Bude. Et vêla la raison pourquoy on nomme la cité de Sicambre, Bude en Hongrie, en laquelle est le siège Royal, et vn tresfort auantmur pour la Chrestienté contre les Turcz. Laquelle fust ainsi restaurée par Attyla, enuiron lan de grâce quatre cens et vn : quil commença à régner sur les Hongres. Mais de la fondation primitiue dicelle, faite par les François tantost après la fondation de Troye, iay trouué les fragments dun Poète antique, en leglise collégiale de saint lust de Lyon, par la teneur duquel il peult apparoir tout ce que dessus est touché.

Oucta per lUyricum vexit ratis alta leones, Migrât ia Hungariam, quse fertilis obtulit omen :

Terra satis placuit, gaudia multa mouent. Arte parant vrbem, fiimulantem mœnia Troise, Quae malà vicinos, p6st ad seruilia cogît

Sic, nisi eos reges terra subacta roget. Urbs ornata viris noua dicta Sicambria est. Multa per * Troiana potentia sseuit,

Percutit et Isedit, ssepe crueuta redit.

Lesquelz vers combien quilz ne soient pas des plus fins du monde, et que le liure estoit si vieil et si corrompu, que ie ne pouuoie bonnement tout lire, neantmoins pource quilz font aucune foy de lantiquité de Sicambre , ie les ay voulu mettre icy. Apres iceux, il y auoit autres vers, dont

SINGULARITtZ DE TROTE. LIYEB III. 317

la substance est, que la terre de Germanie, tant sur le fleuue Dunoe, comme sur le Rhin, estoit iadis nommée France. Parquoy il appert que les François occupèrent premièrement toutes les Allemaignes, et depuis les Gaules.

Rhenas ibi fluuias Danubiusque aalit.

Francia pôst dicta Qermaaia noscitur ipsa, Ex qaa Francoram regnum natura patriat.

Encores audit liure il y auoit vn abrégé de la chronique des Sicambriens, faisant mention, que du temps de Salmanasar, Roy des Assyriens, et deSennacherib, sonfilz, lesquelz persécutèrent beaucoup les enfans d'Israël, mesmement le prophète Tobie, les Sicambriens obtindrent le païs de Bauiere en Allemaigne et la grosse cité de Ratisbonne, assise sur le grand fleuue Dunoe : laquelle fut depuis fort augmentée par l'Empereur Charles le grand. Lesquelles choses iay voulentiers récitées, à fin dentendre tousiours de plus en plus, que les François se firent seigneurs de toute Allemaigne et Hongrie.

Raison vraysemblable, parquoy les Troyens soaz lâor Roy Franeus, surnommé Laodamas, et son filz Sicamber sarresterent plustot en Pannonie, quon dit maintenant Hongrie, que en quelque autre contrée. Et des Princes dudit païs, qui furent presens au rauissement d'Heleine, et vindrent depuis au secours du Roy Priam à Troye. Et comment les Gaulois de nostre nation de pardeça cuiderent aller secourir Troye, mais ilz la troauerent desia destruite.

Qvant à ce que les Troyens, François et Sicambriens sarresterent premièrement en Pannonie, quon dit maintenant Hongrie, il est assez -vraysemblable : car comme des-

518 ILLVSTRATIONS DE GATLE, ET

SUS est monstre, le sage Helenus, frère d'Hector, nourrit et esleua son neueu Francus. Et pource quil regnoit en Albanie et Esclauonie, qui ne sont pas lointaines de Hongrie, il fait assez à présupposer, quil voulut bien auoir son neueu pour son voisin, et luy bailla lindustrie de ce faire. Dautre part, il est certain, que les enfans d'Hector auoient quelque aflSnité en Pannonie, laquelle du temps de Troye se nommoit Peonie : comme met Raphaël de Volaterre, au huitième liure de sa Géographie. Et quilz y eussent congnoissance, alliance et aflSnité : il appert assez par les escrits de Dictys de Crète et d'Homère, lesquelz recitent, que les Roys et Princes de Thrace, de Mysie et de Peonie, donnèrent secours à Troye. Thrace est vne contrée en Grèce, dont la cité capitale est Constantinoble, assise deçà la mer Hellesponte. Mysie est située entre le grand fleuue Dunoe et les montaignes de Macedone. Et sappellent ores ces contrées, Bosne, Rasce (1) et Seruie, toutes conquises par le Turc sur la Chrestienté, et sont frontières dun costé au Royaume d'Hongrie. Peonie comme dessus est dit, ha depuis esté nommée Pannonie, et se diuise en deux : cestasauoir, en haute et en basse. La haute Pannonie, est ores Larchiduché d'Austriche. Et la basse Pannonie, est le Royaume de Hongrie, dont la cité principale est Bude, qui iadis se disoit Sicambre. Ainsi appert que les Princes de deçà la mer, ne furent pas exempts de la guerre de Troye, non plus que les Orientaux. Et à ce propos met expressément le Pape Pie, en la description de son Asie, que les Gaulois de nostre nation de pardeça passèrent d'Europe en Asie, pour aller deflfendre Troye. Mais quand ilz la trouuerent sans murailles, ilz la laissèrent, iasoit ce

(1) Bescc (éd. 1528). Âtg. la Rascie, partie occid. de la Servie.

8INGVLARITEZ DE TROTB. LIVRE III. 319

quelle fut réparée depuis par les enfans d'Hector. Et les mots dudit Pape Pie son telz : Agesianarus scrihit^ Oaîlos ex Europa transgressas tulela gratia in tyrbem {sciîicet Troiam) ascendisse : sedeam sine mœnibus repertam illico dimisisse.

Pour reuenir à nostre propos de Peonie, ou Pannonie, quon dit maintenant Hongrie, Paris et son frère Deïphobus furent enuoyez celle part par leur père Priam, auant le rauissement d'Heleine, à fin dauoir gensdarmes et souldoyers de ladite nation , ce quilz impetrerent. Si amenèrent grand cheualerie, comme met Dares de Phrygie. Lesquelz furent présents et complices à la destrousse de Lacedemone, quand Heleine fut rauie, et à toutes les autres bonnes actes que Paris feit en son premier voyage, comme bien amplement est descrit au second liure de ces Illustrations. Et quant à la guerre du siège de Troye, ledit acteur Dares nomme entre les Princes qui secoururent Priam, Alcamus de Peonie. Dictys de Crète, vn autre noble acteur, en son deuxième liure de Ihistoire Troyenne, met que Pyrechmus, (1) Roy de Peonie, fut occis en ladite guerre par Diomedes, Roy d'Etolie. Homère en son troisième liure de l'Iliade, translaté en prose par Laurens Valle, fait mention dun autre Prince nommé Pyrechmes de Peonie, lequel alla au secours de Troye, et mena ses gens tous bons archers. Encores voit on auiourdhuy, que les Hongres sont forts et expers à tirer de lare Turquois. Et fut iceluy Prince de Peonie, nommé Pyrechmes, (2) tué par les mains de Patroclus de Myrmidonne, comme met ledit poëte au zvi. liure de son Iliade. Et au xxi. il met

(1) Pyregamus {éd. 1513 et 1528).

(2) Pyrechines (éd. 1513 et 1528).

320 ILL VST RATIONS DE GAVLE, ET

que Asteropeus, filz de Pelegon de Peonie, mourut par les mains d'Achilles. Ainsi voit on que les Princes de Peonie, ouPannonie, quon dit maintenant Hongrie, et des prouinces circonuoisines de deçà la mer, se meirent en grand peine pour secourir Troye, et tous ny proufiterent gueres : car les destinées et la prouidence diuine estoient au contraire. Ces choses veûes, et toutes doutes qui eussent peu obombrer ceste histoire esclarcies, il nous faut retourner à Francus, premier Roy des François et Sicambriens, et declairer sommairement la progression de sa tresnoble postérité, et des peuples belliqueux et fortes nations qui de luy sont yssues, et de leurs gestes victorieux, iusques au tresglorieux empereur Charles le grand, Roy des François Orientaux et Occidentaux. Laquelle généalogie nous déduirons, si Dieu plait, heureusement, selon lordre qui sensuit.

Francus fut filz d^Hector de Troye, père de ceste Généalogie.

Dudit Francus, portent iusques auiourdhuy le nom, le pais de Franconie, quon dit en allemant Francland, oultre le Rhin, de Francfort en Allemaigne. Et la nation des François en Gaule, quon dit maintenant le Royaume de France.

Sicamber fut filz de Francus.

Dudit Sicamber fut iadis dénommée la grand cité de Sicambria en Pannonie , quon dit maintenant Bude en Hongrie. Et les premiers Sicambriens, qui furent tous vns auec les Francs Germains ou hauts Allemans : oultreplus les bas Sicambriens, quon dit auiourdhuy les Gheldrois, et les ducz de Cleues et luliers.

Priam second de ce nom fut filz dudit Sicamber. Hector second de ce- nom fut filz dudit Priam deuxième.

SINGVLARITEZ DE TROTE. LIVRE III. 3^

Ledit Hector second de ce nom eut trois fllz : cestasauoir, Troïus, Polydamas et Brabon. Dudit Brabon yssit, en la vingtième ligne, vn autre Brabon qui donna le nom aux Brabansons et à la duché de Brabant.

TroïuB fut filz dadit Hector deuxième, comme deMOs est dit. TorgotuB fut filz dudit Trolus. Tungris fut filz dudit TorgotuB.

' ï)iceluy Tungris porte auiourdhuy le nom la cité de Tongres auprès du Liège, et iadis fut vn grand peuple nommé Tongrois.

Teuto fut filz dudit Tungris.

Dudit Teuto portent le nom iusques auiourdhuy les Teutoniques, que les Italiens appellent Tudesques : les Vuallons les nomment Thyois : et les François les disent Allemans. Ce furent proprement iadis ceux qui habitoient deçà et delà le grand fleuue Dunoe, en Soaue, Austriche et Bauiere. Et diceux Teutoniques les histoires Rommaines font ample mention, maintenant on les appelle Lansqueneta : cestadire, enfans du pais d'Allemaigne.

Agrippa fut filz dudit Teuto.

Dudit Agrippa, porte le nom la cité Agrippine, quon dit Cologne sur le Rhin : laquelle nest contée sinon pour lune des quatre villes rustiques (1) de Lempire.

(I) En allemand landstadt, ou ce que Frisch, Teutsch-Lateinisches W8rterbuch (Berlin, 1741) appelle urbs municipaïis et distingue d'une reichstadt ou d'une amtstadt. Conring, De urbibus germanicis (Francf. 1693, p. 149), cite Cologne, Bâle, Strasbourg et Spire, comme ayant obtenu le rang de ville libre, /rei-ttadt, et les oppose aux urhes regni vel impériales. Le môme auteur {Definib%s imperii II. SI

522 ILLVSTRATIONS DE GAVLE, ET

Âmbro fut filz dudit Agi'ippa.

Dudit Ambro, porta iadis le nom le peuple des Ambrons, habitans sur le Rhin , desquelz lesdites histoires rommaines font aussi mention.

Thuringus fut filz dudit Ambro.

Dudit Thuringus porte iusques auiourdhuy le nom, vue prouince d'AUemaigne, nommée Thuringe.

Cimber fut filz dudit Thuringus.

De cestuy Cimber est procedee la domination du grand et merueilleux peuple des Cimbres, qui tant fatiga les Romains. Et fut la domination dudit Cimber, depuis la riuiere de Meuse iusques à Lescault, et depuis la forest Charbonnière, quon dit maintenant le pais de Flandres, iusques à la mer de Frise, de Dannemarch et de Noruueghe.

Camber fut filz dudit Cimber.

Du dessus nommé Camber, portent auiourdhuy le nom, la cité de Cambray et la terre de Cambresis, et Cambron en Haynnau. Il fut Roy des Cimbres, des Tongrois et des Belgiens.

Les successeurs dudit Camber furent ses deux filz Melbrand et Seruius, et leurs hoirs, lesquelz ie me déporte de nommer : car ilz ne seruent de rien au propos : et les remetz à Ihistoire de Belges ou de Tongres : iusques à celuy qui sensuit.

germanici, p. 415) ne fait remonter Tautonomie de Cologne qu'au XI1« siècle.

SIIfGTLARITEZ DB TROYE. LIVRE III. 323

De Meaapius, Roy des Cimbres, Belgiens et Toagroif , qai fut père de Qodefroj : surnommé Karle.

Menapivs, Roy des Cimbres, Belgiens et Tongrois, fut filz du Roy Magius, lequel fonda le chasteau de Megie(l) entre les riuieres de Rhin et de Meuse : descendu de ladite tresancienne et tresnoble lignée du Roy Cimber. Et donna ledit Menapius le nom aux Menapiens, qui estoit iadis vn peuple puissant en Gaule Belgique, voisin des Eburons, quon dit maintenant les Liégeois, et de la forest d'Ardenne , lesquelz Menapiens sont maintenant ceux qui habitent en la Duché de luliers et vne partie de Gheldres. César au cinquième et sixième liure de ses Commentaires fait mention d'eux : et dit quilz estoient alliez de ceux de Terouenne : et amys d'Ambiorix, Roy des Eburons. Et furent les derniers de ceux qui daignèrent demander paix et appointeraent audit César. Parquoy il est vraysemblable que cestoit vn fort et puissant peuple.

Ledit Menapius regnoit assez long temps auant la monarchie des Romains : cestasauoir du temps de Ptolomeus Euergetes, Roy d'Egypte. Lequel Ptolomeus commença à régner, lan deuant lincarnation nostre Seigneur, sept vingts

(1) Il faut chercher cette localité entre le Rhin et la Meuse Inférieurs, dans l'espèce de presqu'île qui se termine en aval de Nimôgue. On trouve dans ces parages la petite ville de Megen, Meghen ou Meghem ; mais elle est sur la rive gauche de la Meuse, dans le Maasland. Elle était le chef-lieu d'un petit comté qui était fief du duché de Brabant, et dont la seigneurie, dit Tauteur des Délices des Pays- Bas, a' ètend&it sur plusieurs villages audeça et audelà de la Meuse. — Guichardin cite le Mega Comitatvs.

324 ILLVSTRATIONS DE GAVLE, ET

et deux : enuiron lequel temps, les Romains et le peuple de Treues feirent vne forte confédération ensemble. Et fut nommée Treues, la seconde Romme : vsant des loix Romaines. Et pource que le Roy Menapius, voisin desdits de Treues, refusa lalliance desdits Romains, Lucius Cassius fut enuoyé contre luy, auec plusieurs légions de gensdarmes : et persécuta lesdits Tongrois et Menapiens : iusques à la grand mer Oceane : comme met Orose : mais en la fin il fut circonuenu, attrappé et tué par eux, auecques Lucius Piso, homme de dignité Consulaire et légat ou lieutenant dudit Cassius Consul.

Laquelle chose voyant, Lucius Cassius, vn autre Consul auquel le demourant de larmee Romaine sestoit retirée après ladite desconfiture : à fin quil les peust garder, fut contraint de faire vn appointement deshonnorable auec ledit Roy Menapius, en telle manière que les Romains des lors en auant ne deuroient entamer sur luy ne sur ses alliez. Et pour ses dommages et interestz, ledit Consul luy deliura toute son artillerie et instrumens de guerre : auecques la iuste moytié de toutes les bagues, harnois et autres biens desdits gensdarmes Romains. Lesquelles despouilles furent distribuées entre les Cimbres, Tongrois et Belgiens : et dicelles vne bonne partie oôerte en sacrifice au temple de Mars, Dieu des batailles, à Louuain : dont il fut fort enrichy. Et oultre ce, pour plus grand seureté dudit appointement , furent es mains dudit Roy Menapius cent nobles hommes Romains pour ostagiers.

De cest appointement tresuituperable, non contens le Sénat et le peuple Romain, quand ledit Lucius Cassius fut retourné à Romme, il fut cité à certain iour par deuant Celius, tribun du peuple. Mais luy craingnant plus grieue sentence nosa comparoir, ains senfuyt en exil : dont le Roy

8IM0VLAR1TBZ DE TROTB. LITRE III. 315

Menapias fut tant indigné contre lesdits Romains, quun peu de temps auant sa mort, il assembla au temple de Mars à Louuain ses quatre filz, Léon, Godefroy, Teutonius et Cloadic, et plusieurs autres de ses Princes, barons et vassaux, et illec leur feit iurer et vouer solennellement, à la statue dudit Dieu Mars, quilz feroient leur pouuoir de mettre à totale destruction lesdits Romains : comme auoient fait leurs prédécesseurs Brennus et Belgius, tresuaillans Princes, qui prindrent et destruisirent Romme, excepté le Capitule. Par ainsi au commandement du Roy Menapius, ses quatre enfans dessusnommez et les autres seigneurs promirent et vouèrent daccomplir son intention. Et certain temps après, ledit Roy Menapius mourut, après auoir régné lespace de treize ans. Si dirons maintenant de ses enfans.

Déclaration des Princes et nations qui conspirèrent contre lesdits Romains auec les enfans dudit Roy Menapius.

Le âlz aisné dudit Roy Menapius, nommé Léon le quart, régna sur les Cimbres, Tongrois et Belgiens : et le premier an de son règne, pour accomplir le vœu et promesse que luy et ses trois frères auoient fait au temple du grand Dieu Mars à Louuain, par le commandement de leur père, ilz feirent ensemble alliance à tous les peuples et Princes voisins, yssuz de la tresnoble et tresancienne génération de Sicamber, neueu d'Hector de Troye, et de Bauo, cousin germain de Priam : iadis premier Roy de Belges, quon dit maintenant Haynnau : et mesmement ilz se confedererent à la nation Teutonique, cestadire les hauts Allemans. Sur lesquelz regnoient pour lors plusieurs Princes, si comme le

326 ILLVSTRATIONS DE GAVLE, ET

Roy Bolus ou BelÏBUs : le Roy Lucius, le Roy Boiorix, le Roy Claudius, le Roy Cesorix et autres dont on ne scait les noms.

Pareillement fut de leur ligue et confédération vn Roy Géant et de merueilleuse stature, nommé Teutobochus, qui dominoit sur les Ambrons et sur les Tigurins. Desdits Ambrons nous auons fait mention cy dessus, et habitoient sur le Rhin. Touchant les Tigurins, aucuns disent que cest vne partie de Souycere : (1) les autres les prennent pour la Conté de Gymer.

A tous ceux là, ledit Léon, le quart Roy des Cimbres, Tongrois et Belgiens, associa et bailla pour conforts et frères darmes ses deux frères plus ieunes : cestasauoir, Teutonius et Cloadic, auecques vne merueilleuse multitude de Cimbres : quon dit maintenant Frisons, Ostrelins et Dains, (2) auec ses Menapiens, qui sont ceux de la Duché de luliers, Belgiens, qui sont Haynnuiers, et Namurois, Eburons, quon dit maintenant Liégeois, et Tongrois qui sont auiourdhuy Brabansons. Toutes lesquelles nations sont comprinses par les histoires Romaines souz la dénomination des Cimbres, pource quilz estoient en plus grand nombre.

Désignation dune autre raison ou opinion, pourquoy lesdits peuples partirent de leurs marches et enuahirent les Romains , et des premières victoires quilz eurent contre eux.

LvcivsFlorus, tresuoble historien Romain, met expressément vne autre cause, pour laquelle lesdites nations furent contraintes de partir de leurs païs, laquelle toutesuoyes se

(1) c.-à-d. Suisse. (2j Danois.

SINGYLARITRZ DB TROYE. LIVIB III. 397

penlt accorder à la dessusdite. Et penlt lune et lautre estro vraye selon diuers regards. Si met ledit acteur, que lesdits peuples furent contraints daller chercher autres territoires, pource que la grand mer Oceane auoit couuert et gaigné toutes leurs terres. Pour laquelle cause ilz entrèrent premièrement en Gaule, et dillec en Ëspaigne : dont ilz furent reboutez : et comme ilz voulsissent passer en Italie, ilz enuoyerent leurs ambassadeurs à Syllanus Consul, lequel auoit vn grand exercite pour leur contredire le passage. Et dillec au sénat de Romme, en suppliant benignement que le peuple Martial, cestadire le peuple Romain leur donnast aucun quartier de pais pour habiter, comme par manière de soulde. Et en ce faisant ilz seruiroient ledit peuple Romain, tant au labourage de la terre, comme au fait de la guerre : ce qui leur fut refusé. Et adonques ilz délibérèrent dauoir par force darmes ce quilz nauoient peu impetrer pas prières. Tellement que ledit Syllanus Consul ne peut porter de primeface leur horrible impétuosité : ne secondement Manlius, ne Cepion, pour la tierce fois : ains furent tous desconfis et chassez, et perdirent le camp. Et cela est selon la récitation dudit Lucius Florus.

Tite Liue, acteur de grand estime, met que Cneus Aurelius Scaurus, Légat consulaire, perdit vne bataille contre les Cimbres : et fut prins prisonnier. Et comme les Princes Cimbriens qui leurent vaincu leussent appelle en leur conseil, et demandé son opinion, asauoirmon silz deuoient passer en Italie ou non : ledit Aurelius Scaurus leur prisonnier, leur dit, quilz ny deuoient point passer : affermant que les Romains ne pouuoient estre vaincuz. A ce mot vn ieune Roy nommé Bolus, plein de grand férocité, le tua de sa main, en la présence des autres. Et depuis lesdits Cimbres desconfirent en bataille Cneus Manlius, Quintus Ser-

3^ ILLVSTRATIOWS DE GAVLE, ET

uilus et Cepion Proconsulz, et perdirent deux fois le camp. Si y moururent quatre vingts mille hommes Romains, et en y eut quarante mille prisonniers. Ledit proconsul Cepion, pource quil auoit donné la bataille trop auentureusement, fut demis de sa dignité, enuoyé en exil : et ses biens confisquez. Les Cimbres quand ilz eurent gasté tout le païs alenuiron du Rhône, passèrent les monts Pyrénées et entrèrent en Espaigne, là où ilz feirent beaucoup de maux. Mais ilz furent finablement reboutez par les Celtiberes, et sen retournèrent en Gaule, là où ilz se ioingnirent aux Teutoniques : cestadire aux hauts AUemans, qui est vne nation fort belliqueuse. Cela est prins de Titus Liuius.

Orose met sur ce propos, que lan de la fondation de Romme, six cens quarante deux, qui fut selon le Supplément des chroniques, douant lincarnation nostre Seigneur, quatre vingts et neuf ans, Caius Manlius et Quintus Cepio, furent créez Proconsulz, par le Sénat et peuple de Romme, et enuoyez alencontre des Cimbres et Teu toniques, Tigurins et Ambrons : qui sont gens de Gaule. Lesquelz alors auoient conspiré ensemble destaindre et abolir du tout lempire Romain. Quand lesdits Proconsulz furent sur le fleuue du Rhône, ilz départirent leurs prouinces, en sorte que lun tenoit le quartier de deçà le Rhône et lautre de delà. Et comme entre eux, ilz se debatissent par merueilleuse enuie et dissension, ilz furent vaincuz par les Cimbres, à la grand honte et danger de tout lempire Romain. Car en icelle bataille Marcus Emilius, homme de dignité Consulaire, fut prins et tué auec deux de ses filz. Si furent occis sur le champ quatre vingts mille nobles hommes, tant Romains que de leurs alliez, et soixante mille varlets prins : tellement que de tout ledit exercite, il nen eschappa que dix hommes, qui portèrent les nouuelles misérables à Romme.