INGTLARITBZ DE TROYE. UVRE III
Les Cimbres gaignerent les deux camps des deux Proconsulz, auec vn merueilleux butin : mais par vue execrableté non accoustumee, ibz gasterent et meirent à perdition tout ce quilz auoient prins. Mesmes, ilz débâchèrent les babillemens et despouilles des Romains, et ietterent les pièces ça et là : lor et largent ilz le ruèrent dedens le fleuue. Les haubers et autres armures des hommes, ilz les froissèrent et desrompirent, les freins et chanfreins des chenaux furent dispersez et gastez : et les cheuaux noyez dedens les gouffres du fleuue, et les hommes penduz aux arbres. Tellement que les vainqueurs ne iouyrent daucun fruit de leur proye, ne les vaincuz de quelque miséricorde. Alors y eut vn merueilleux dueil à Romme, auecques crainte extrême que tout incontinent les Cimbres ne passassent les monts et destruisissent Italie. Et certes comme met Lucius Florus, cestoit fait à iamais des Romains : si neust esté que Marias le vaillant capitaine estoit de ce temps là.
De la d«ffaite du Roy Teutobochus I« Oeant, aaecques tes Ambrons et Tigurins, qui demeurèrent auprès d*Âiz en Prouence.
Les romains estonnez dauoir desia perdu trois grands batailles contre lesdites nations Galliques et Germaniques, firent Consul pour la quatrième fois, ledit Marins qui nagueres auoit vaincu lugurtha, Roy de Numidie, en Afrique, et iceluy amené prisonnier à Romme en son triomphe. Quand donques ledit Marins fut venu en Prouence, il nosa de prime face assaillir noz gens : mais entretint ses gendarmes en son camp, bien fortifié : attendant que la terrible impétuosité de ceux de pardeça fut vn peu rassise. Orose met que lassiete du camp dudit Marius estoit auprès du
330 ILLVSTRATIONS DE 6ÀVLE, ET
lieu où le fleuue de Liseré entre dedens le Rhône : cestasauoir, auprès de Valence en Dauphiné. Les Teutoniques, Cimbres, Tigurins et Ambrons assaillirent par trois iours continuelz le fort des Romains, pour cuyder les auoir, ou attraire aux champs, et donner la bataille : mais quand lesdits Cimbres et autres virent quilz ne profitoient riens à lassault, ilz laissèrent en paix lesdits Romains, en les menassant, et demandant silz vouloient riens mander à leurs femmes : tant se monstroient ilz asseurez daller prendre Romme. Si se diuiserent en trois bendes délibérez de ce faire.
Teutobochus, vn Roy Géant, estoit chef de lune des bendes, cestasauoir, des Ambrons et des Tigurins, lesquelz cy dessus ont esté spécifiez. Icelle armée estoit de trois cens mil hommes ou enuiron : si prindrent leur chemin deuers Prouence. Mais après leur partement, le consul Marins en grand diligence, sauança de leur couper chemin, pour leur défendre le passage des montaignes. Si les vint trouuer en vne vallée, assez près d'Aix en Prouence : là où lesdits Ambrons et Tigurins sestoient parquez tout du long dune riuiere. Si planta Marins son camp sur vn tertre vis à vis d'eux. Et comme son ost fut en grand nécessité deau et les gendarmes se plaingnissent à luy, disans, quil laissoit mourir de soif eux et leurs chenaux : il leur respondit : Vêla la riuiere que les ennemis tiennent : si vous estes hommes, il la faut gaigner au fer esmoulu, et au trenchant des espees.
Ce mot ne fut pas si tost hors de la bouche du Consul Marius, que ses gens firent de nécessité vertu. Tout premièrement les coustilliers (1) et gros varletz à grans cris et huées, entamèrent la bataille. Puis après les hommes dar-
(1) armëa de la coustille ou coutelas.
SINGVLARITEZ DE TROTB. LIVRE lU. 33f
mes donnèrent dedans en bon ordre. Et fut combatu par vne merueilleuse ardeur et aspresse : tellement que les Ambrons et Tigurins furent reboutez et vaincuz pour la première fois. Et les Romains gaignerent la iournee, et la riuiere, là où ilz se refreschirent pour estancher leur grand soif. Et dit Lucius Florus, que loccision fut si grande, que les Romains altérez de soif et de chault, buuoient autant de sang humain comme deaue. Aucuns historiens tiennent que ledit Marius laissa ses gens auoir soif tout à essient : à fin que pour recouurer eaue, ilz combatissent plus ardamment.
Le quatrième iour après que chacune desdites deux armées eust reprins son alaine : elles se mirent de rechef en bataille, lune contre lautre. Et fust combatu depuis le matin, iusques à mydi presques également, sans sauoir lequel auoit du meilleur ou du pire. Mais après que le soleil commença à seschauffer, comme met Orose, les corps des Allemans et des Gaulois commencèrent à fondre comme neige. Et fut faite d'eux vne horrible boucherie, iusques à la nuict. Et y moururent deux cens mille hommes de ladite nation des Ambrons et Tigurins, et furent prins quatre vingts mille. Si en eschappa enuiron trois mille.
Teutobochus leur Roy, lequel comme met Lucius Florus, auant la bataille estoit si puissant et si dextre, quil souloit saillir oultre et pardessus quatre ou six cheuaux tout à vne fois, estoit si aflfoybli des playes quil auoit receiies, que à peine peult il monter sur vn coursier pour cuider se sauner à la suitte : mais il fut poursuiuy et ratteint en vn prochain tertre : et estoit chose merueilleuse de voir sa grandesse. Car après que son cheual fut tué souz luy, et il se tint encores debout, en soy deffendant vaillamment, la hauteur de sa corpulence surpassoit les colomnes qui illec estoient
332 ILLVSTRATIONS DE GAVLK, ET
plantées pour trophées et enseignes de victoire. Parquoy il faut dire quil estoit de stature de Géant. Finablement il fut tué par les Romains.
Telle fut la desconfiture des Tigurins et des Ambrons. Mais de leurs femmes, Orose et saint Hierome racontent vne chose mémorable : cestasauoir, que après la bataille, quand elles eurent entendu quelles seroient liurees en seruitude et concubinage aux Romains vainqueurs : trois cens des plus nobles et apparentes dentre elles vindrent se présenter deuant le consul Marins : et luy firent requeste, que sil les vouloit auoir en vie, quil leur fut loisible garder leur chasteté. Et pour ce faire, que on leur assignast lieu au seruice des Vierges et-Nonnains sacrées, en aucun temples de Ceres et de Venus. Laquelle chose comme elles ne peurent impetrer, ains furent reboutees par les sergens dudit Consul, la nuict suruenant elles tuèrent leurs petis enfans : et le lendemain furent tout trouuees mortes et entretuees, la pluspart tenans lune lautre embrassée.
Comment la bende des deux frères Teatonius et Cloadic, Roy des Cimbres, entrèrent en Italie à force et maugré les Romains.
La seconde et la tierce bende des Cimbres et Teutons, Belgiens, Tongrois et Menapiens, après quilz se furent partis, comme dessus est dit, dautour du fleuue du Rhône en Gaule, ilz ne peurent passer les montaignes quon dit maintenant de Sauoye : à cause de ce que le Consul Marins, après sa victoire des Ambrons et des Tigurins, les auoit desia occupées. Si furent contraints de faire vn grand tour et denuironner vn grand païs, en passant par les Heluetiens, quon dit maintenant Souyceres, et tirant de là, ius-
