SINGVLARITEZ DB TROYE, LIVRE III

ques en Soaue et aux montaignes de Trente, qni séparent Italie d'Âlleroaigne. Si passa lesdites montaignes la première desdites deux bendes, par grand force et vertu, nonobstant Ihyuer et les neiges, et en despit de Quintus Catulus, Proconsul des Romains, commis à garder le passage et les destroits. Et lautre bende demoura pour arrieregarde, secours et renfort en Allemaigne : cestasauoir, es montaignes de Soaue et de Bauiere. I>

De ladite bende qui entra en Italie, en nombre de denx cens mille hommes de fait, sans leurs femmes et leurs enfans, estoient conducteurs les dessusnommez deux frères Roy s Teutonius et Cloadic, enfans de Menapius, lesquels auoient aussi auec eux plusieurs autres Roys et Princes, tant alliez, comme subietz, dont dessus est faite mention. Si comme les Roys Bolus, Lucius, Claudius, Boiorix et Cesorix, et autres assez, dont nous nauons point les noms. Lesquelz tous ensemble auoient iuré leurs Dieux, de non sarrester iamais en lieu déterminé iusques à ce quilz eussent destruit Romme : ce quilz ne feirent pas, comme vous orez, et dont mal leur en print.

Comme donques ilz eussent passé les Alpes à viue force, et eussent desia rué ius le dessusdit Quintus Catulus Proconsul Romain, et abatu vn fort chasteau sur le fleuue Athesis, (1) qui passe parmy Trente et Vérone : lequel ledit Catulus nauoit peu garder, ains sonfuyoit deuant eux : finablement sans autre résistance, ilz passèrent la riuiere non pas à gué, ce quilz cuiderent faire, mais ilz ne peurent : ny aussi à force de ponts de bateaux, lesquelz ilz ne sceurent ou ne daignèrent faire, mais à force de gros trônez darbres, quilz coupèrent et ietterent dedens, tant quilz les feirent surmonter leau, et ainsi passèrent.

(1) L'Adige.

554 ILLVSTRÂTIONS DE GATLE, ET

Apres auoir passé ladite riuiere d'Athesis, ilz sestendirent par la plaine de Lombardie et de la terre Veronoise, Paduanne et Vénitienne, dont les Romains eurent merueilleuse crainte et estonnement autant quilz eurent iadis d'Annibal . Et si nosdits Cimbres fussent tirez oultre tout dune marche, comme ilz auoient premièrement délibéré, ilz eussent mis en grand hazard toute la puissance de Romme : mais pource quilz trouuerent ledit territoire gras et plein, doux et fertile, et quilz commencèrent à menger du pain et de la chair cuite et des figues, et autres doux fruitages, dont la région abonde : et boire du vin à planté ; et aussi saccoustumerent destuues et de baings, ce quilz nauoient encores accoustumé, comme met Lucius Florus : leur force et leur dureté robuste, et parauant si terrible et si redoutable, se commença à amollir et anichiler. (1) Et en ce temps pendant le Consul Marins fut derechef créé Consul alencontre d'eux, et luy fut baillé pour collatéral Quintus Catulus, lequel parauant sen estoit fuy deuant lesdits Cimbres, comme nous auons dit.

De la merueilleuse bataille entre les Romains et les Cimbres : et de la defifaite desdits Cimbres par la subtilité des Romains : et de la forte bataille quilz eurent contre les femmes.

Le consvl Caius Marivs, auecques son collatéral Quintus Catulus, feit marcher son armée iusques auprès de celle des Teutons et des Cimbres, laquelle chose voyans les Roys dessusnommez feirent demander par vn héraut audit Con-

(1) L'édition 1512 fait de ce paragraphe une vingtaine de petites phrases découpées par des points.

SINGTLÂRITEZ DB TROTE. LIVRE UI. 335

sul Marius iour et lieu assigné pour combatre : ce qui leur fut accordé à certain iour prochain, et en vne grande et large campaigne, nommée Gandin.

Le iour de la bataille assigné venu, les deux Consulz Marius et Catulus furent diligents et meirent leurs gens en ordonnance subtilement de grand heure, pour surprendre les Cimbres, tellement que larmee des Romains fut plustost approchée à combatre main à main quilz neussent peu penser quelle eust esté preste. Par ainsi comme gens de cheual des Cimbres eussent soustenu le premier fais, ce pendant que les autres se mettoient en ordre, ilz furent de léger (1) reculez par la foule des Romains et contraints à rentrer dedens les leurs, lesquelz ilz entretroubloient et mettoient en desordonnance. Si vserent oultreplus les Romains dune cautelle et artifice de guerre semblable à celle dont Annibal vsa vers eux à la bataille de Cannes. Cestasauoir, de leur sauoir donner la pouldre et le Soleil au visage : au moyen desquelles choses, vne si terrible multitude de Cimbres fut vaincue et desconfite, sans grand perte des Romains.

En ceste iournee mourut nostre Roy Teutonius, filz de Menapius, lun des principaux chefz de larmee des Cimbres, et le Roy Belus ou Beleus, et le Roy Lucius, et le Roy Boiorix, tous vaillans Princes : et auec eux le nombre de sept vingts mille hommes. Il y eut deux autres vertueux Princes dont on ne scait les noms, comme met Orose : lesquelz quand ilz veirent la perte de la bataille, coururent sus lun à lautre et sentretuerent. Le Roy Cloadic, firere dudit Teutonius, fut prins prisonnier : auec deux autres Roy s Claudius et Cesorix : et quarante mille de leurs gens.

(1) c.-à-d. rapidement, facilemont.

336 ILLVSTRATIONS DK GAVLE, ET

Le Consul Catolus, combien quil eust premièrement esté rebouté par lesdits Cimbres à lentree d'Italie, combatit neantmoins plus heureusement que Marius : car il eut en sa part trente et vne enseignes des Cimbres et des Teutoniques, là où. Marius nen eut que deux. Et fut ceste desconfiture, lan deuant lincarnation nostre Seigneur quatre vingts quatorze.

De la cruelle et noble mort des femmes des Cimbres : et de la tierce bende dont depuis yssirent les Goths, qui bien se vengèrent des Romains : et diceux Goths extraits des Cimbres, descendirent les anciens Roys de Bourgongne et d'Espaigne.

Apres la desconfiture des hommes, les Romains, eurent presques autant à faire à vaincre les femmes : car pour deffendre leur honneur et chasteté, elles sestoient fortifiées entre leurs chariots et bagages : comme dedens fortes tours ou chasteaux, et dillec combatoient de lances, de dards et despees, par vne merueilleuse hardiesse et obstination de courage, tellement que par longue espace on ne pouuoit entamer sur elles : mais quand il aduenoit que aucunes desdites femmes en combatant tomboient es mains diceux Romains, ilz les faisoient mourir de plajes cruelles et deshonnestes, en la présence des autres, pour leur donner crainte et frayeur : mesmemènt ilz leur coupoient le test (1) de la teste, auec les cheueux : de laquelle nouuelle et exécrable manière de mort, lesdites femmes espouuentees , enuoyerent premièrement au Consul Marius, vne ambassade comme auoient fait les autres dessusdites, pour impe-

(I) c.-à-d. le haut du crâne. Cf. testa «s vertex ap. Ducange.

SmCYLARlTEZ DE TRÔTE. tIVBE III. ^57

trer liberté, et quelles poussent seruir les Dieux et les Déesses en aucuns temples comme religieuses. Laquelle chose comme elles ne peurent impetrer, elles estranglerent premièrement et ietterent contre terre leurs enfans, et puis tournèrent contre elles mesmes les armes quelles auoient prinses contre les Romains : tellement que les aucunes sentretuoient de coups de lances, de haches' ou despees : les autres prenoient lune lautre par la gorge, et sestrangloient par merueilleuse fureur et desesperation. Et telles en y eut qui nouèrent des cordes par lun des bouts aux iambes derrière de leurs cheuaux, et de lautre bout à leurs mesmes gorges : puis en aguillonnant leurs cheuaux, se faisoient trainer par iceux iusques au mourir. Les autres se pendirent aux arbres prochains, aux timons de leurs chariotz, voire à tout leurs cheueux mesmes par faute de cordes. Si en fut trouué vne pendant à vn arbre, ayant à chacun de ses piedz vn de ses enfans penduz.

La tierce bende, laquelle comme nous auons dit cy douant, estoit demouree sur les frontières de Soaue et de Bauiere, pour donner secours à ceux cy : quand ilz entendirent la desconfiture de leurs compaignons, neurent garde dentrer en Italie, voyans la fortune contre eux, ains sen allèrent par Allemaigne et Hongrie chercher autre habitation : iusques aux paluz Meotides, deuers Tartarie : ïâ oîi ilz sarresterent, et y demourerent long temps. Si déuindrent vn grand peuple : et disent aucunes Histoires, mesmement Raphaël de Volaterre en son premier liure des Commentaires vrbains (1) : Que de ceux mesmes yssirent les

(1) Raphaël Maffei, surnomme Volaterranus, né à Yolterra en 1452, mort en 1522. Le plus connu de tous ses ouvrages est intitulé : Cotnmentariirerum «rbanarutn libri XXXVI II, espèce d'encyclopédie. II. 23

338 ILLVSTRATIONS DE GAVLE, ET

Goths, Vesegoths et Ostrogoths : qui depuis se vengèrent ^es Romains à grand oultrance : et se respandirent par toutes les Italies, Gaules et Espaignes. Et de ceux sont yssuz les Rojs de Bourgongne et d'Espaigne, comme nous dirons cy après en son lieu.

Le consul Caius Marius auec son collatéral Quintus Lucanus Catulus, après leur victoire, eurent leur entrée triomphale à Romme et menèrent auec eux les Roys Cloadic, Claudius et Cesorix, prisonniers. Et pour la mémoire de ladite victoire, et à fin de remercier les Dieux, le Sénat fit faire vn temple dœuure merueilleuse, lequel iusques auiourdhuy sappelle le temple Cimbrique : et est situé auprès de sainte Marie maiour. Ainsi demoura Cloadie prisonnier à Romme.

Comment après la deffaite de Teutonius et Cloadie, Roys des Cimbres, Léon le quart, leur frère fut occis par les Saxons. Et son frère, et successeur Godefroy surnommé Karle, chassa daupres de luy son filz nommé Charles Ynach.

La desconfitvre des Cimbres en Italie, comme il est assez vray semblable, causa en noz païs de par deçà vn grand trouble. Et fut ce quartier bien estonné, (1) dauoir perdu vne si grand force de gens : attendu que tous les ieunes et forts hommes y estoient allez. A cause de quoy, Léon le quart, Roy des Belgiens, des Cimbres et des Tongrois, auec son frère Godefroy, furent bien esbahis, et menèrent grand dueil de la mort de leur frère Teutonius : et de la captiuité de leur autre frère Cloadie, détenu à Romme, et sur ces

(1) c.-à-d. consterné.

SIMGTLAHITBZ DB TROTE. LIVRB III. 339

entrefaites, comme il aduient coastumierement que dune mauaaise fortune sensuiuent plusieurs autres, Âusonarix, Roy de Saxone, ayant quelque ancienne querele alencontre des Belgiens et Tongrois, descendit d'AUemaigne auec un grand exercite de Saxons, Vuandelz, Huns, Istriens et Austrichois, et combatit en la campaigne contre le Roy Léon le quart, et Godefroy son frère. Si fut ledit Roy Léon tué en la bataille, et Godefroy se sauua à la fuite. Parquoy ledit Ausonarix Roy de Saxone demeura vainqueur.

Dont après tant dinfortunes, ledit Godefroy, seul et dernier des quatre frères, fut Roy de Tongres, mais trop affoibly. Si se retira en son chasteau de Megue (1) sur la riuiere de Meuse, et vescut illec assez tristement et solitairement. Et pource quil se tenoit ainsi estrange et melencolique, sans communiquer auecques les gens, il fut surnommé Karle, qui signifie en langage Teutonique ou Thiois, rude, robuste ou rustique : toutesfois il paya la rançon de son frère Cloadic, estant prisonnier à Romme : lequel Cloadic neantmoins ne fut pas deliuré à plein, mais demeura comme ostager et pour seureté à Romme.

Iceluy Godefroy surnommé Karle, eut vn filz nommé Charles Ynach, lequel son père chassa et bannit de sa présence et de son Royaume, pource quil auoit vsé de force enuers vne fille : tellement que ledit Charles Ynach, contraint de partir des païs de pardeça, se retira vers son oncle Cloadic, ostager à Romme, duquel il fut honnorablement receu. Si le logea et colloqua auec vn noble Sénateur nommé Gneus Octauius, pour voir et aprendre du bien et de Ihonneur Romain. En ce mesme temps, cestasauoir

(1) Metgue (éd. 1528), peut-être Megen, près de Njmègue, ou plutôt Nymôgue même (▼. plus bas).

340 ILLVSTRATIONS DE GAYLE, ET

enuiron septantedeux ans deuant lincarnation de nostre Seigneur, Mithridates, Roy de Ponte, faisoit la guerre aux Romains, es parties d'Orient et de Grèce, laquelle dura bien quarante ans, selon les histoires, et fut souuent renouuellee.

Pour lors, cestasauoir enuiron aucun temps de ladite guerre, estoit en la prouince de Péloponnèse, qui est vne partie de Grèce, quon dit maintenant la Moree, contenant les païs d'Arcadie et d'Achaie, estably pour Duc, Proconsul et Président, vn Prince Romain, nommé Lucius Iulius, qui fut père de Caius Iulius César, Dictateur perpétuel, et qui premier instaura la monarchie de Lempire, et dont tous les autres ses successeurs depuis ont esté nommez Empereurs et Césars. Ledit Lucius Iulius, donques selon le deuoir de sa charge, feit tantost assauoir au Sénat et peuple de Romme, les nouuelles entreprises dudit Roy Mithridates, à fin dy pouruoir.

Comment Charles Ynach milita pour les Romains, en la guerre du Roy Mithridates, et amena pardeça vne des sœurs de Iulius César : et de limposition du nom de Yalenciennes.

Povr fournir donc à la guerre dessusdite, furent mis sus nouueaux gensdarmes à Romme, auec lesquelz alla Charles Ynach exillé et banny des païs de pardeça par son père Godefroy Karle, comme dessus est dit. Et milita en icelle guerre, souz lenseigne de Lucius Iulius dessusnommé, proconsul d'Arcadie et d'Achaie. Et en ces entrefaites mesmes, et pour loccasion de ladite guerre du Roy Mithridates, sourdit à Romme la grand discorde ciuile entre SyUa et Marius : dont Sylla, qui demeura vainqueur, feit vne mer-

SMGVLARITEZ DE TftOYB. LitEE 111. 341

tiëilleuse occision et prôscrij^tion de ceux qui auoient tenk le party de Marius, son ennemy. A cause dequoy plusieurs citoyens Romains abandonnoient leurs biens et leurs maisons et senfuy oient, pour fuyr la cruauté énorme de Sylla.

Entre ceux qui laissèrent Romme, pour euiter ladite tyrannie, fut le dessusnommé Octauius Sénateur, en la maison duquel Charles Ynach auoit premièrement esté logé et à luy recommandé par son oncle Cloadic, comme nous auons dit cy dessus. Lequel Octauius se retira en Arcadie, vers ledit Lucius Iulius Proconsul, là où il trouua Charles Ynach, son hoste. Si se tint illeçques auec luy, iusques à la mort de Sylla, et ce pendant mourut le Roy Cloadic, estant ostager à Romme.

Or auoit ledit Lucius Iulius, proconsul d' Arcadie, deux filles, lune nommée Iulia et lautre Germaine. Iulia estoit de la mesme mère dudit Iulius César : lautre il lauoit eiie dune noble dame dudit païs d' Arcadie. Quand donques après la mort dudit tyrant Sylla, iceluy Octauius voulut retourner à Romme, il désira prendre alliance et affinité auec ledit Lucius Iulius. Laquelle chose luy fut de léger ottroyee, pource quil estoit fort noble et preudhomme. Si furent faites les noces solennelles, et puis Octauius monta sur mer et partit d' Arcadie auec sa femme. Et Iulius César, son beau frère, pour lors ieune adolescent, fut député pour les accompaigner.

Lautre fille dudit Lucius Iulius proconsul, nommée Germaine, tresbelle damoiselle, demoura auecques sa mère en Arcadie. De laquelle deuint amoureux Charles Ynach , estant cheualier de son père. Et pour la priuauté quil auoit leans, feit tant secrètement quil la pria damours et la rendit enceinte. Mais craingnant que la chose vint à lumière, et que tous deux en eussent à soufirir, après quil

542 ILLVSTRATIONS DE GAVLE, ET

luy eust conté comment il estoit filz de Roy, mais exillé de son pais par le maltalent de son père, et que neantmoins esperoit de retourner en sa grâce, ilz sentrepromeirent mariage : et elle fut contente dabandonner ses parens et son pais, et sen venir auec son amy Charles Ynach, es pais de pardeça. Si troussèrent les meilleurs de leurs bagues, auec ce quilz peurent de trésor, et sembarquerent celeement par vne belle nuict, et sen vindrent en Italie, du costé de Venise là où ilz prindrent terrre.

En après délibérant comme dessus est dit, Charles Ynach de retourner pardeça, et de trouuer quelque moyen de rentrer en la grâce de son père : ilz montèrent à cheual, luy, sa femme et son train, le plus desguisément et couuertement quilz peurent, de peur destre congnuz. Si dressèrent leur chemin, premièrement à Milan, et dillec par les AUobroges quon dit maintenant Sauoyens et Bourguignons, et par le pais de Gaule, qui maintenant sappelle France, et firent tant par leurs iournees, quilz arriuerent à Cambray.

De Cambray ilz tirèrent oultre, et vindrent iusques à vne place, qui pour lors se nommoit le chasteau de Sesnes, là où ilz se refreschirent et reposèrent en la belle vallée, sur vne plaisante riuiere, en laquelle nageoient plusieurs cygnes. Alors lun des varletz, lequel estoit archer, benda son arc, et tira vne flesche après lun desdits cygnes. Mais loisel euita le coup, et en volant tout effroyé, se vint rendre au gyron de la belle Germaine, dont elle fut ioyeuse, pour la nouueauté du cas, et en prenant bonne signification diceluy, pource que au temps passé le cygne estoit dédié à la déesse Venus de laquelle elle estoit descendue de par Eneas, filz d'Anchises de Troye. Si demanda à Charles Ynach, son mary, comment tel oisel auoitnom au langage

SIMGVLARITBZ OB TROTE. LIVRE lU. 343

de son païs : et il respondit, quon le nommoit Sauane, en langue Thioise. Lors dit elle quelle vouloit désormais estre ainsi appellee, et non plus Germaine, de peur quelle ne fust quelque fois recongnue à cause dudit nom. Si fut obtempéré à son plaisir et à cause de la multitude des cygnes, ledit lieu fut deslors appelle Val des Cygnes, et est maintenant le lieu où est située la ville de Vallenciennes, sur la riuiere Descault, et elle feit emporter auec elle ledit Cygne, et le nourrit et garda songneusement.

Comment Charles premier de ce nom en ceste généalogie, surnommé Ynach, régna à Tongres après la mort de son père Godefroy Karle, et fut occis en bataille par Iulius César, son beau frère. Et est aussi désigné le tenement de Ambiorix, Roy des Ebarons.

Dvdit lieu, quon dit maintenant Vallenciennes, Charles Ynach et sa femme Suuane , qui plus ne voulut estre appellee Germaine, tirèrent iusques au chasteau de Froidmont, quon dit Cauberghe, (1) en langage Thiois, près de Bruxelles. Là endroit fut aduerti Charles Ynach, de la mort de son père Godefroy Karle, Roy de Tongres. Si tira oultre auec sa femme et son train, et alla au grand temple de Mars et de Pluton, estant à Louuain, là où il rendit grâces aux Dieux, de sa pérégrination et exil acheuez, et leur feit sacrifice solennel. Et dillec alla prendre possession de sa cité de Tongres, en laquelle il fut receu à grand ioye et triomphe par ses subiets, comme leur Prince et vray héritier de son père. Si régna illec paisiblement aucun temps, et eut de sa femme Suuane, deux enfans, cestasa-

(1) C'est le quartier de Bruxelles appelé CautUnberff ,

544 ILLVSTRATIONS DiE GÀVLE, ET

^r,; vn filz ]pommé Octauius, et vne fille appellee Suuane.

Aucun temps après Ariouistus, Roy des Allemans Saxons, eut aspre et mortelle guerre contre Iulius César et les Romains, à cause de celle partie de Gaule, quon disoit alors le pais des Sequanois, cest maintenant la franche Conté de Bourgongne. Et pource que Charles Ynach craingnoit que ledit lulles César ne marchast plus auant en Gaule, il se ioingnit et feit alliance, comme plusieurs autres, auec ledit Ariouistus Roy des Saxons, et alla à toute sa puissance en personne, contre les Romains. Mais en vne grosse bataille quilz eurent auprès de Bezenson, du costé de la conté de Ferrete, Ariouistus fut vaincu et Charles Ynach tué. Si demeura la poure Royne Suuane sa femme vefue, esperdue et bien désolée, auec ses deux ieunes enfans, atout lesquelz elle sen alla musser au chasteau de Megue, sur la riuiere de Meuse, craingnant que son frère Iulius César, lequel entroit tous les iours plus auant en païs, nouyst quelque nouuelle délie. Par ainsi elle laissa le gouuernement de la terre de Tongres à Ambiorix, Roy des Eburons, son allié. Si feit emporter auec elle son cygne, dessus mentioné, et le mit es fossez du chasteau de Megue, et passoit son temps à le nourrir et paistre de sa propre main, en souuenance de son feu mary le Roy Charles Ynach, et aussi de la haute extraction de la déesse Venus, et du sang de Troye dont elle estoit yssue, comme dessus est dit à cause de la maison de lulles.

Ambiorix, Roy des Eburons, est souuentesfois mentionné es Commentaires de lulles César. Et par ce que ientens des bons acteurs, ledit Ambiorix, tant comme Roy des Eburons, comme régent de Tongres, dominoit sur tout ce que contient maintenant leuesché du Liège et le païs qui siet entre Rhin et Meuse. Pour toutes lesquelles terres on peult

SINGVLARITEZ DE TROTE. LITRE Ul. 345

entendre par coniecture , que leurs limites sestendoient autant que contiennent maintenant lesDuchez de Lembourg, de Lothric et de luliers, auec la eité et les appartenances d'Aix la chapelle et quelque portion de la conté de Namur. Si feit ledit Ambiorix grand diligence de nuire aux Romains : et de fait les deffit au fort de Vatucca, que aucuns disent estre Bosleduc et les autres luliers. Et combien quil fust parauant tributaire des Aduatiques, lesquelz estoient de la lignée des Cimbres, qui furent desconfltz en Italie, comme dessus est dit, et lesquelz Aduatiques on dit maintenant estre les Brabansons, neantmoins il fut depuis leur chef. Si ioingnit auec luy les Belgiens et Neruiens, qui sont maintenant les Haynnuiers et Tournisiens, desquelz leur Roy nommé Andromadas estoit mort en bataille. Et auoit ledit Ambiorix le nombre de soixante mille hommes. Si feit beaucoup darmes, et assiégea Quintus Cicero, lieutenant de Iulius César, en sa garnison estant au pais des Neruiens. Et fut beaucoup assisté des Menapiens, lesquelz iay dit icy dessus estre ceux de la duché de luliers. Mais en fin, la fortune et la force demeura à luUes César et aux Romains, comme il est cler par les histoires.

De la tresnoble et tresantique généalogie des Brabons, et de lear blason qui fut tel, que le porte auiourdhuj la maison d'Austricbe et de Lothric.

Ivlivs César, ainsi prospérant en Gaule Belgique, auoit entre ses gensdarmes, vn cheualier et principal porteur denseigne, nommé Saluius Brabon, extrait de lancienne lignée de Francus, filz d'Hector de Troye. Et pour mieux entendre ceste généalogie, il faut vn petit repeter ce que

au Commencement de ceste œuure en est mis. Cestasauoir, que Sicamber, filz d'Hector de Troye, duquel porta iadis le nom la cité de Sicambre, qui maintenant sappelle Bude en Hongrie, eut vn filz nommé Priam deuxième de ce nom, qui régna après luy. Ledit Priam engendra Hector second de ce nom. leeluy Hector eut trois en fans, cestasauoir, Troïus, Polydamas et Brabon lancien. Brabon lancien eut deux enfans, dont laisné fut nommé Priam, qui régna après luy, et lautre fut dit Brabon du nom paternel : lequel print à femme, vne dame d'Arcadie, prouince de Grèce, cy dessus spécifiée. Iceluy Brabon le ieune, pour iamour de sa femme, fut content dabandonner son pais de Pannonie et aller habiter en Arcadie, là où ses successeurs se tindrent iusques à la vingtième génération, de laquelle fut Saluius Brabon, cheualier de lulles César, dont nostre propos est mis en termes. Lequel Saluius Brabon, ayant premièrement seruy en guerre le père de lulles César, contre le Roy Mithridates de Ponte, sestoit depuis retiré souz lenseigne de lulles César, suiuant le noble mestier des armes, esquelles il estoit fort exercité vaillant homme et féal, portant en son escu, vne faste (1) dargent en champ de gueuUes. Lequel blason portent de toute ancienneté, les Roy s d'Austrasie, ou d'Austriche la basse, quon dit mantenant la Duché de Lothric. Et tel le porte auiourdhuy la maison d'Austriche.

(1) pour/eue^, terme de blason.

SIMGVLARITEZ D£ TROTE. LIVRE 111. 347

Comment laRoyne Germaine, aurnomm^e Suuane, vefue du Rojr Charles loach, fut recongnne par luUus César son frère, an moyen dudit Cheualier Saluius Brabon : et de la vraye histoire do Cjgne de Cleuea.

Lhistoire dit, que ainsi comme vn iour entre les autres, lulles César, à peu de train et priuee maisnie se fust retiré au chasteau de Cleues, pour illec se reposer et refreschir vn petit de ses grans trauaux de la guerre, ledit cheualier Saluius Brabon, estant lun de ceux de sa compaignie, passoit le temps autour dudit chasteau, à tout vn arc et vne trousse de flesches, pensant en soy mesmes à* vn songe quil auoit eu de nuict, par manière de vision. Et en recordant beaucoup de ses fortunes passées, prioit de bon cœur à ses Dieux, que quelquefois (1) ilz luy donnassent repos de la guerre, en laquelle il auoit esté nourry toute sa vie, en quelque recompense et félicité honneste de ses trauaux passez. '' En cepensement, tournoyant ledit Saluius Brabon, il ne se donna garde, quil se trouua sur la riue du Rhin, qui nest pas loing dudit chasteau de Cleues, là où il veit vn Cygne blanc comme neige, qui se iouoit et mordoit de son bec vne petite naisselle estant sur le bort du riuage, de laquelle chose Saluius Brabon print grand plaisir et merueilles tout ensemble. Si se ailla aduiser de son songe et pensa, quen cecy pouuoit auoir quelque bonne signifiance de nouuelUe auenture : car le Cygne est vn oyseau de noble nature et bien aymé des Dieux. Parquoy il entra dedens le petit vaisseau, et le Cygne seslongna vn petit en auant tout priuément sans soy assauuagir, comme par semblant

(1) c.-à-d. qu'un jour.

348 ILLTSTRATIOMS DE GAYLE, ET

de luy vouloir monstrer le chemin. Et le cheualier délibéra de le suiure, en se recommandant aux Dieux.

Par ainsi, quand il se fut empaint (1) dedens le Rhin, il suiuoit le Cygne son conducteur, lequel le menoit tout pacifiquement par le cours du fleuue. Et le cheualier regardant tousiours et de toutes pars, sil verroit ou trouueroit quelque chose faisant à son propos, erra tant et si longuement, que le Cygne recongnut le chasteau de Megue, auquel estoit sa maistresse, la Royne Germaine surnomme Suuane, iadis femme du Roy Charles Ynach, laquelle viuoit illec assez petitement et solitairement, en nourrissant ses ieunes enfans, comme vne poure vefue estrangere. Quand donques le Cygne veit son repaire accoustumé, il commença à batre les esles et sesleuer hors de leaue, et sen vola celle part, iusques aux fossez du chasteau, là où il auoit accoustumé prendre sa nourriture, de la main de sa dame. (2)

Quand Saluius Brabon se veit abandonné de son Cygne, il cuida bien estre moqué et frustré de son aduision, attendu quil nauoit encores trouué auenture digne de mémoire. Si fut despit et dolent à merueilles, et mit sa nasselle à bort et saillit en terre, ayant son arc bendé et délibérant de tuer le Cygne sil le pouuoit aucunement ratteindre, dont en le poursuiuant à veiie de païs, quand il leut apperceu dedens lesdits fossez du chasteau de Megue, il mit sa flesche en coche et commença à effonser lare pour tirer, alors la dame suruenant à la fenestre pour festoyer son Cygne,

(1) c.-à-d. boute, poussé, cf. impingere et empeindre.

(2) C'est la légende ou plutôt le mythe solaire du Chevalier au Cygne, Schmànnritter, qui a été rattaché au Cycle des Croisades. {Germania, I, art. W. Miiller.) — Michel de Castelnau (Mémoires t. II, p. 511) attribue à J. Le Maire un roman du Chevalier de (sic) Cygne., « composé en faveur de la maison de Clèves. »

SINGVLARITEZ DE TROTE. LIVRE III. 549

quand elle veit ceste homme incongna, prest à desbender sur son oyseau, elle sescria à haute voix féminine et par grand frayeur, en langage Grec qui luy vint premier en la bouche par naturel instinct : « Cheualier, quel que tu soyes, par tous les Dieux ie tadiure que ne vueilles tuer mon Cygne. »

A ces mots Saluius Brabon quand il se ouyt ainsi arraisonner en son langage Grec naturel, mesmement par vne femme et en si estrange et loingtain pais, fut plus esbahi que iamais : et ne sauoit penser si cestoit fantôme ou resuerie. Neantmoins il abaissa sa main et osta la flesche de la corde. Puis demanda à la dame en Grec, qui elle estoit et quelle faisoit en ce pais si diuers (1) et saunage. Et lors elle dautre part se voyant estre arraisonnée en son langage maternel, fut plus estonnee que luy, et luy pria quil entrast en son chasteau, et ilz deuiseroient plus à plein, ce quil feit voulentiers, pensant que parauenture il auroit trouué leffect de son songe nocturne.

Quand il fut dedens, elle larraisonna de plusieurs choses, et sceut par luy comment luUes César estoit au chasteau de Cleues. Alors entendant que le Cheualier estoit natif de son pais d'Arcadie, elle fut bien réconfortée. Et print serment et fiance de luy quil layderoit en son affaire, comme vray cheualier et noble homme doit faire aux vefues et aux orphenins. Ce quil luy promit et asseura sur son honneur. Alors elle commença à luy declairer tout au long comment elle estoit sœur germaine de son seigneur Iulius César. Et en grand pleur et pitié femenine luy conta toutes ses fortunes, et la mort de son mary, le Roy Charles Ynach, et luy monstra les deux beaux enfans, filz et fille,

(1) c.-à-d. dur.

350 ILLVSTRATIONS DE GAVLE, ET

quelle auoit eu (1) de luy : en luy priant doucement quil se voulsist employer à faire la paix de son offense enuers sondit seigneur. Et à fin quil la recongnust par certaines enseignes, luy bailla à porter audit Iulius César, son frère, vne image ou simulacre de lupiter, faite de fin or massif et garnie de riches pierres précieuses : laquelle image sondit frère luy auoit autresfois baillée en garde. Par ainsi le cheualier après auoir esté bien festoyé de telz biens que auoit la Dame, sen partit ioyeux, et se tint pour bienheureux, dauoir trouué si tresbonne fortune et telles nouuelles, dont son seigneur luy sauroit bon gré. Et promit à la Dame que bien tost auroit nouuelles de son retour.

Par ainsi le noble cheualier Saluius Braboii (2) estre retourné au chasteau de Cleues, vers son seigneur, le salua treshumblement de par sa poure sœur germaine : et luy feit présent de la riche image dor : laquelle César recongnut de primeface. Si demanda à Saluius où il lauoit recouuree, car il sen esbahissoit bien fort. Alors le cheualier luy conta toute la vie et les fortunes de sa sœur germaine, et luy requist pardon pour elle. Si print à Tulles César grand pitié de sa sœur, car il estoit de sa nature clément et débonnaire : et ne luy pardonna pas seulement, mais dauantage fut bien desplaisant de la mort de son beau frère le Roy Charles Ynach, combien quil eust esté son ennemy. Si coniouist (3) assez le cheualier et luy promit pour ses bonnes nouuelles, ce quil luy sauroit (4) demander. Et par désir damour fraternelle, voulut incontinent aller voir sa sœur et ses neueux, au chasteau de Megue. Auquel lieu Saluius Brabon le guida par grand liesse.

(1) eut (éd. 1513).

(2) Cette suppression de après se rencontre encore dans Rabelais.

(3) c.-â-d. fit fête. — (4) c.-à-d. pourrait.

SINGVLARITEZ DE TROTB. UTRB III. 351

De la première institutioa de 1a duché de Brabant donnée en douaire par lulles César, à sa nièce, fille de Charles Yaach : et du Royaume de Coulongae donné à Octauien Germain, duquel la nation Germanique porte le nom : auec epilogation de la hante noblesse dadit sang en ceste généalogie.

Avx premières entreveiies du frère et de la sœnr, de loncle et des neueu et nièce, mesmement de si haute noblesse et fortune si estrange et si nouuelle, il est facile à coniecturer quelle ioye et quelle pitié , quel amour et quelle reuerence il y eut dune part et dautre. Dont pour faire le conte sommaire Saluius Brabon, selon lottroy du don que César luy auoit promis, luy demanda en mariage sa nièce Suuane la ieune Damoiselle, ce quil obtint sans diflficulté. Et furent célébrées les noces en grand pompe et solennité au temple des Dieux Mars et Pluton à Louuain, selon lancienne coustume, en la présence de César, lequel offrit plusieurs grans dons audit temple : et donna à sa nièce pour douaire en tiltre de Duché toute la terre, depuis la mer Ruthenique, cestadire de Noruueghe, iusques aux dernières limites des Neruiens, qui sont maintenant les Haynnuiers et Tornisiens, (1) en comprenant les bois de Soigne et la riuiere Descault, iusques au ruisseau qui se nomme lacea, (2) dont les Barons feirent hommage audit Saluius Brabon, leur premier Duc, comme à leur Prince. Et deslors ladite contrée fut appellee Brabant.

Et oultre ce, César donna à son neueu Octauien, filz de sa propre sœur Suuane Germaine et de Charles Yuach, la

(1) Tmmisùiu {éd. 1513).

(2) La Gette.

Royaume d'Agrippine quon dit maintenant Coulongne sur le Rhin. Souz le tiltre duquel estoit contenue toute la terre depuis Velue, (1) iusques à Eyffle (2) et Moselle, et iusques aux limites de Treues et à la riuiere de Meuse, et aux confins où la Sambre entre dedens Meuse, auec toute la terre, qui git entre Meuse et lace : laquelle il voulut estre des appartenances de Tongres, et que désormais elle fust appellee Germanie, du nom de sa sœur, quil auoit retrouuee. Aussi ordonna que son neueu Octauien fust surnommé Germain : et de là procède le nom des Germains AUemans. Si furent faites ces choses, lan deuant la natiuité nostre Seigneur cinquante et vn.

Il appert icy clerement par les choses dessus narrées, combien grande noblesse de sang fut meslee et redoublée pour lors en ceste généalogie. Premièrement de Charles Ynach, yssu des Belgiens et des Cimbres, auec sa femme, nommée Germaine, sœur de lulles César, premier Empereur des Romains. Et en après de Saluius Brabon, extrait de Sicamber, filz de Francus, auec Suuane, la ieune fille desdits Charles Ynach et Germaine. Parquoy les Princes descendus de ladite propagation, se peuuent bien vanter destre les plus nobles du monde. Et encores apperra il mieux par la déduction finale de ce premier liure. (3)

-" (1) c.-à-d. la Velwvt, plaine aride qui s'étend d'Amhem jusqu'au Zuiderzée.

(2) L'Eifel.

(3) ou plutôt traité.