SIM6VLAR1TEZ DB TROYB. LIVRE III
dessus narré, autres nobles fleuues et montaignes : si comme le mont lura, quon dit la montaigne saint Claude, le mont des Faucilles, le mont Daiguebelette et plusieurs autres, que ie laisse à cause de brieueté. Et des fleuues, le Rhône, Liseré, le Doux et la Durance : auec autres infinies riuieres et ruisseaux. Et le grand lac de Lausanne : et assez dautres moindres.
Dont il appert que ledit Royaume participoit de tontes les trois Gaules, cestasauoir, Belgique, Celtique et Aqui- ^anique : car il coraprenoit presques tous les fleuues qui font séparation desdites Gaules entre elles : si comme la riuiere de Seine, qui diuise dun costé la Gaule Belgique, dauec la Celtique : et aussi font les riuieres de Saône et de Liseré chacune en son quartier, et le grand fleuue de Loire, qui sépare la Celtique dauec l'Aquitanique.
Aussi sestendoit la domination dudit Royaume sur trois langues principales et différentes lune de lautre, cestasauoir : Germanique, Romande ou Vuallonne, et Italienne. Et comme on peult coniecturer, ledit Royaume comprenoit les pais qui sensuiuent : et se nomment maintenant ainsi, cestasauoir : les Duchez de Bourgongne, de Sauoye, de Chablais et d'Aouste , les principautez de Piedmont et d'Orenge, la Landgrauie d'Alsate, la Conté Palatine de Bourgongne, les Contez de Habsbourg, de Ferrettes, de Mont Beliard, de Charrolois, de Nyuernois, de Forestz, de Valentinois, de Prouence, de Geneuois et de Venisse, (1) cestadire Auignon et ses appartenances, les seigneuries de Bresse, de Salins et de Noyers, les pais de Viueretz, d'Auxerrois, de Vuaud, de Foucigny, et toutes les montaignes et ligues des Souyceres.
(1) Le Cointat-VenaissiQ.
3711 ILLYSTRATIOWS DE GAVLE, El
Par ainsi auons nous assez demonstré comment le Royaume de Bourgongne estoit voisin et limitrophe au Royaume d'Austriche la basse, ou d'Austrasie, cestasauoir du costé des montaignes septentrionales qui maintenant séparent la Conté de Ferrettes, dauec la Duché de Lorraine. Or donques puis que nous sauons quelle fut lamplitude dudit Royaume, il nous faut voir la vraye sourse et antique origine de ladite tresnoble nation. Pour laquelle chose faire, il est nécessaire monstrer premièrement lantiquité des Roys de Germanie, desquelz sont yssuz les Roys de Bourgongne.
De la merueilleuse antiquité des Rojs de Germanie, desquelz furent iadis extraits les Roys de Bourgongne.
Il nest rien plus certain, que tout ainsi comme la grand mer Oceane est la vraye mère et sourse de tous les fleuues, fontaines et ruisseaux du monde : aussi est la terre de Germanie , la vraye germinateresse et produiteresse de toute la noblesse de nostre Europe. Nest il pas tout certain, que les premiers François habitèrent plus de quinze cens ans en Germanie, auant que descendre en Gaule ? Les Roys d'Angleterre et d'Escosse ne sont ilz pas de vraye Germanique origine, comme partiz des Saxons et des estocz Germains ? Les Roys d'Espaigne ne se vantent ilz pas iusques auiourdhuy destre yssuz des Gothz, qui furent Germains ? Certes si font pour leur plus beau tiltre. Pareillelement aussi les Roys de Bourgongne se gloriâoyent iadis destre yssuz de Vandalus, Roy de Germanie : qui donna nom à la nation des Vuandelz, tresforte, tresillustre et tresbelliqueuse : comme il appert par toutes les histoires. Or pour entendre qui fut ledit Vandalus : il est nécessité
SINGYLARITBZ DE TROYB. LIVRE III. 375
de prendre le fondement à Tuyscon le Géant, premier fcojy de Germanie. - m
De Taysoon le Oeant, premier Roy de Germanie et ûlz de No9, et des autres Princes de sa maison.
Berosvs de Chaldee, tresdigne et tresexcellent historien, lequel iay souuent allégué au premier Hure des Illustrations de Gaule et singularitez de Troye, met que le tresbon et tressaint Patriarche Noë, Prince et père de famille de tout le monde après le déluge, engendra en sa femme Tytea la grande , plusieurs enfans : entre lesquelz fut Tuyscon le Géant par luy constitué Roy de lun des quatre principaux Royaumes d'Europe, cestasauoir, de toute Germanie et Sarmatie. Lesquelles terres comprennent depuis le fleuue du Rhin, qui fait la séparation de Gaule, auecques la Germanie : iusques au fleuue Tanaïs, qui est en Tartarie, et fait les termes d'Europe alencontre d'Asie de ce costé là.
La vraye Germanie est comprise depuis le dessnsdit fleuue du Rhin, iusques au fleuue Vistula, quon dit maintenant Viscla : lequel passe parmy Craco, qui est la cité capitale du Royaume de Polone : et la Sarmatie sestend par toute la reste dudit Royaume de Polone, Gothie, Roussie, Prusse et Dannemarch.
Si se ioingnirent auec ledit Tuyscon le géant, tous les enfans de Mesa et Ister : qui furent parens et de la postérité de Sem, frère aisné dudit Tuyscon le géant.
Mesa fut filz d'Arameus et neneu de Sem. Il fonda les peuples de Mysie haute et basse : qui se nomment auionrdhuy les deux Valaquies, subiettes au Turc. Et en la basse
Yalaquie est le Royaume deBossigne. (1 ) Ledit Mesa fut frère d'Alan, qui fonda les Alains en Allemaigne : et engendra ledit Mesa cinq Princes qui fondèrent diuerses nations. Getus fonda la nation des Goths : Dacus, le peuple de Dannemarch : Bannon, les deux Pannonies, cestasauoir, Pannonie la haute : quon dit maintenant Austriche, et Pannonie la basse, qui se nomme Hongrie. Brigus fut père des Frisons, qui depuis repassèrent en Asie et donnèrent le nom au pais de Phrjgie, où depuis Troye fut fondée : auec Thynnus, frère dudit Brigus, qui peupla le pais de Bithynie, lequel est situé à lopposite de Constantinoble, comme met Pline au cinquième liure de Ihistoire Naturelle.
Ister, de ladite postérité de Sem, fut filz de Heber : dont procédèrent les Hebrieux, et est ledit Ister appelle Ictan en la sainte escriture. Il donna le nom au pais d'Istrie et au grand fleuue Ister, autrement appelle le Dunoe, qui passe par iceluy. Et eut vn filz nommé Dalmadan, qui nomma de son nom le Royaume de Dalmace. Dalmadan engendra Sarmates, qui occupa toute la terre de Sarmatie dessus spécifiée. Et furent autres Princes consequemment de sa maison, qui donnèrent les noms à assez dautres prouinces : dont ie me passe à cause de brieueté. Et qui en voudra sauoir plus à plein, aye recours au liure des Généalogies dudit acteur Berosus.
Il appert donques que Tuyscon le géant, filz de Noë, nestoit pas mal accompaigné de Princes en sa maison, quand il vint prendre la première possession de son Royaume de Germanie et Sarmatie, qui fut le vingtcinquieme an du règne de Nembroth, son neueu, surnommé Saturnus, premier Roy de Babylone : cestasauoir, lan sept
(l) Bossine (éd. 1513). C'est la Bosnie.
8INGVLAR1TEZ DE TROTE. LIVRE III. 375
vingts et seize après le déluge. Et régna quatre vingts dixsept ans premièrement : en laissant croitre son peuple et viure selon la loy de Nature. Mais quand ce vint audit an quatre vingts dixseptieme : voyant parauenture la nature de ses gens décliner à mal et à corruption, il leur establit loix restrictiues, auec certaine manière de viure, par reigle et par raison. Et régna, en tout, lespace de sept vingts onze ans. Parquoy on peult coniecturer, quil vesquit bien trois cens ans ou enuiron : car il nasquit tantost après le déluge. Et est à noter, que toute sa postérité fut adoptée en la maison du Patriarche Noë : car ilz sont tous mis en larbre de la postérité dudit Noë, par ledit acteur Berosus. Et du nom dudit Tuyscon, les Germains sappellent iusques auiourdhuy en leur langage Tutschen, ce que nous autres Vualons et Romans disons Thiois, et les Italiens les appellent Tudesques. Et fut le Roy Tuyscon après sa mort, réputé Dieu par les siens.
De Mannua, second Roj de Germanie, qui fat filz de Tuyscon le Géant.
Cornélius Tacitus, ancien historien Romain, se concorde auec ledit acteur Berosus, disant que Mannus, second Roy des Germains, fut filz de Tuyscon le géant : lequel Mannus, selon lexpositeur de Berosus, donna le nom au fleuue, nommé premièrement Allemannus, cestadire : la sourse de Mannus, (1) qui depuis ha esté appelle le fleuue du Rhin : et selon ce, les Allemans auroient prins leur nom dudit fleuue. Le temps de son règne nest point spécifié. Mais il eut vn filz, qui régna après luy nommé Inghaueon.
(1) Étymologie grotesque qui s'explique par le latin alere, alimenter.
376 ILLVSTRATIONS DE GAVLB, ET
Bë' Ing^ièlon, troisfeMé ^f dià^erMUas.
n'ilnghaueon ou Ingheuon, succéda à son père Mannus, et de luy furent nommez les Ingheuons, lesquelz Pline, au quinzième chapitre du quatrième liure de Ihistoire Naturelle, nomme pour la seconde nation de Germanie : et dit quune partie diceux estoient les Cimbres et les Teutons, desquelz nous auons parlé bien amplement au premier traicté de ce liure. Et est interprété ledit terme Inghaueon, habitateur incertain, (1) pource que de son temps, les Germains nauoient encores nulles citez : ains estoient vagabonds par cy par là, comme sont auiourdhuy les Tartres et les Arabes.
De Isteuon, quatrième Roy de Germanie.
Isteuon régna après son père Inghaueon : et de luy furent nommez vn peuple de Germanie, Isteuons, habitant près du Rhin, desquelz vue partie sont les Cimbres mediterrans, cestadire, habitans loing du riuage de la mer, comme met Pline, qui les nomme en la seconde nation des Germains.
De Hermion, cinquième Roy des Germains.
Apres Isteuon, régna Hermion son filz, homme fort belliqueux et de grand férocité : lequel enseigna à ses subietz lexercice des armes : et fonda vn peuple de son nom, lequel Pline, au quatrième liure de Ihistoire Naturelle, met pour la quatrième génération de Germanie : et dit quune partie diceux sont les Soaues. Et desdits Hermions Cornélius fait mention en son histoire.
(1) Peut-être à cause de in supposé privatif.
8INGVLARITEZ DE TRÔYB. LITRE III. wlT
De Marsas, sixième Koy de Oermanb.
Marsus fut filz du Roy Hermion, qui pareillement donna iadis son nom à vn peuple de Germanie : duquel Pline et Cornélius Tacitus font mention. Et est Marsus, interprété Prince de conseil : car il introduisit premièrement aux Germains, la manière de tenir conseils et parlements.
De Gambrinius, septième Roy de Germanie.
Apres Marsus, régna son filz Gambrinius, (1) homme de grand cœur et flereté, lequel fut le premier entre les Roys Germains, qui porta couronne et sceptre Royal publiquement et du consentement de tous ses subietz : et donna son nom à vn peuple de Germanie : dont Pline et Cornélius Tacitus font mention. Et de son temps Osiris, Roy d'Egypte, surnommé lupiter le iuste, empereur pacifique de tout le monde, vint en AUemaigne : et monstra la manière de semer le froument et planter les vignes, enter arbres et aussi brasser la ceruoise. (2)
De Sueaus, huitième Roy de Germanie, qai donna le nom aux Soaoes.
Sueuus, filz de Marsus, fut plus heureux que beaucoup dautres ses prédécesseurs : pour autant que iusques à présent, lune des principales prouinces d'Allemaigne garde son nom : cestasauoir, le grand et noble pais de Soaue, dont sera faite mention souuentesfois en ce volume.
(1) Gambrinus, aujoord'huil» dieu de la bière, autrefois Téponyme des Gambriniens ou Gambriviens.
(2) Le vin d'orge, dont parlent Eschyle et Hérodote à propos des Egyptiens.
S78 ILLVSTRATIONS DE GAVLE, ET
De Vandaliis, neuuieme Roy de Germanie, duquel sont yssus les Bourguignons, et du temps de son règne.
Vandalus, filz de Sueuus, duquel est nostre propos principal, régna sur les Germains du temps d'Altades, douzième Roy de Babylone, et du temps du grand Hercules de Libye, Roy d'Italie : et de son filz Galates, dixième de Gaule, duquel iay parlé bien amplement en mon premier liure des Illustrations de Gaule, et singularitez de Troye. Et comme il est illec mentionné, ledit Galateus commença à régner lan depuis le déluge six cens vingtcinq : deuant la fondation de Troye par Dardanus neuf vingts et vn et deuant lincarnation nostre Seigneur, seize cens soixantehuit.
Or auons nous pour certain, que dudit Vandalus descendirent et furent nommez les Vuandelz, tant congnus par les histoires : lesquelz Vuandelz Pline au xiiii. chapitre du quatrième liure de Ihistoire Naturelle, met pour la première des cinq nations de Germanie, et pour partie dicelle les Bourguignons, disant expressément ainsi : Gênera Germanorum quinque : Uindelici, quorum pars Burgundionés, Uarrini, Garini, Guttones. (1)
De Teutanes, dixième Roy de Germanie, duquel sont nommez les Teutoniques.
Teutanes régna après son père Vandalus, et fut surnommé le Mercure des Germains : et adoré comme Dieu, après sa mort. Auquel on sacrifioit de cruel sacrifice, cestasauoir, de sang humain, comme tesmoigne Lucan, au premier liure de sa Pharsalique, disant ainsi :
(1) Vandali quorum paries sunt Burgundiones^ Varini, Carini, etc. (ëd. 1513 et 1528).
SINGTLARITEZ DE TROTE. LIVRE 111. 379
s,n rlT Et qaibo* imœitis placatur tangaioe diro
Teotanei, borrensqae feris altaribus Heeui.
Aucuns estiment que dudit Teutanes, les AUemans sont nommez Teutoniques.
De Hercules Alemannus, onzième Roj de Germanie et père de Hannas, daqael sont descenduz les Hongres.
Hercules Alemannus succéda à son père Teutanes : au temps duquel la Déesse Isis, (1) Royne d'Egypte, vint en AUemaigne : et monstra au rude peuple lusage de mouldre la farine et faire du pain. Ledit Hercules fut le plus preux et plus vaillant de tous ses prédécesseurs. Et pource fut il ainsi nommé : car les Princes de haute emprise dudit temps estoient surnommez Hercules, dont, comme tesmoigne Cornélius Tacitus, (2) les Germains pour mémoire perpétuelle de luy, quand ilz marchoient en bataille, chantoient en leur langage aucunes chansons et dictiers terribles et merueilleux de luy : et de ce prenoient courage et férocité contre leurs ennemis. H fut après mort conté au nombre des Dieux. Et encores tient on pour chose certaine, quil y ha vn vieil temple en vue isle du Rhin, nommée Augia la grande : lequel est nommé Alman, du nom diceluy Dieu. Et diceluy mesmes nom, les Soaues et Lansquenetz ont esté nommez Allemans. l\ régna du temps de Mancaleus, quatorzième Roy de Babylone, et du temps de Lugdus, Roy de Gaule : qui fonda Lyon sur le Rhône, et
(1) La Demeter des Egyptiens, selon Hérodote.
(2) Germ. II. — D"" Hugo Meyer (Program. Bremen 1868) fait de Roland ou Chrodoland une espèce d'Hercule, patron des libertés municipales.
580 ILtVSTRATlONS DÉ GkVtX, ET
eut vn filz nommé Hunnus, duquel procédèrent les Huns, quon dit maintenant les Hongres.
Epilogation du temps de la duration du règne desdits Roys de Germanie en gênerai.
lusques icy, et non plus auant, ledit ancien acteur Berosus détermine (1) des Roys de Germanie, desquelz iay voulentiers mis la généalogie : à cause de Vandalus, père des Bourguignons. Et nen puis plus auant dire : pource que Manethon d'Egypte, successeur dudit Berosus, nen dit rien. Mais selon ce que ie puis cueillir par les dits dudit acteur, tout le temps du règne desdits Roys peult estre estimé à cinq cens soixante et vn an ou enuiron. Lequel terme, si nous prenons les cas (comme il est vraysemblable) que ce fut la dernière année du règne dudit Hercules Alemannus, ce seroit lan après le déluge, sept cens et dixsept : deuant la première fondation de Troye par Dardanus, six vingts et quinze. Auant la destruction dicelle par les Grecz, à loccasion d'Heleine, quatre cens trentedeux ans. Et auant lincarnation nostre Seigneur, seize cens ans. Et pource que nous nauons nulle histoire autentique, qui nous declaire les gestes desdits Vuandelz et Bourguignons durant lespace de seize cens ans, nous passerons tout oultre, et ferons vn sault, iusques au règne de Lempereur Octauien Auguste, du temps duquel nostre Seigneur iesvs christ voulut naistre de la Vierge Marie.
(1) c.-à-d. termine, finit.
SIKGVLARITEZ DJS TRUYg. UVEB 111. i8l
Du pals d'Vuandftlie en Âll«maigne : et dea g^stei des Vuandelz, commençant eauiron le temps de lincamation de noatre Seigmaor. Et la cause pourquoj voe )>artie diceax furent premièrement appeliez Bourguignons.
Selon la recitation des acteurs autentiques, Vuandalie est vne région septentrionale du Royaume de Polone et des appartenances de Germanie : ainsi dite, de par le Roy Vandalus dessus mentionné : et de par vn âeuue qui porte le mesme nom, arrosant ladite terre, dont le peuple des Vuandelz estoit ainsi nommé. Et aucimefois on les treuae es histoires nommez Vindiles et Vindeliciens. (1) Ces toit au temps iadis vne merueilleuse nation, fau-ouche, outrageuse et inhumaine : tellement que au temps de lempereur Octauien Auguste, vne partie diceux sesmut et se mirent en armes au nombre de quatre vingts mille hommes. Si laissèrent leur territoire pour conquester meilleur païs : et sen vindrent iusques sur le Rhin, cestasauoir au païs de Soaue. Contre lesquelz furent enuoyez par ledit Empereur Drusus et Tiberius, ses neueux : qui les contraingnirent à grand force de retourner en leurs contrées : et les diuiserent par bendes, de peur quilz ne se ralliassent ensemble. Et les contraingnirent de non habiter villes, chasteaux, ne citez fermées : mais bien leur estoit permis de se tenir souz tentes et pauillons, ou édifier maisons, tugurions (2) et bordes, sans forteresse : sinon de hayes ou paliz, pour se garder des loups, comme sont les villages de pardeça. Lesquelles
(1) Confusion du pajs des Wendes Slaves avec la Vindélicie au aud-ouest de la Germanie.
(2) du latin tugurium., huttb, cabane.
582 ILLVSTRATIONS DE GAVLE, ET
manières dhabitacles ilz appelloient Bourgs, en leur langage : de laquelle dénomination, il y ha auiourdhuy plusieurs grands citez, depuis édifiées en Allemaigne : si comme Ausbourg, Madebourg, Salsembourg, Strasbourg, Rotembourg, Fribourg, Vuissembourg et plusieurs autres. Et à ceste cause on les commença peu à peu à nommer Bourguignons. Et perdit ladite bende le nom des Vuandelz, mais non les autres qui estoient demeurez au païs, comme nous verrons cy après.
Les Bourguignons dessusdits par traict de temps se multiplièrent si fort, que pas ne leur sufiisoit la terre ferme où ilz habitoient : mais occupèrent aussi vne grande et merueilleuse isle nommée Scandauia, en la mer Germanique, du costé deuers Dannemarch. Et illec se tindrent sans se mouuoir autrement iusques au temps de lempereur Valentinian : cestasauoir, lan de grâce trois cens septantesix, comme met saint Hierome, en la fin de sa chronique, que lors ilz sesmurent derechef, enuiron le nombre de quatre vingts mille hommes en armes et sen vindrent iusques sur le riuage du Rhin : comme leurs prédécesseurs auoient fait autresfois, en laissant les régions froides et Septentrionales, pour conquester meilleur païs sur Lempire Romain. Si plantèrent leur siège sur ledit fleuue du Rhin, enuiron le païs d'Alsate, qui est lune des meilleures et fertiles contrées quon sache.
Des gestes des aulies Vuandelz et de Stilco, Prince de leur nation, qui secrètement incita les Bourguignons, Vuandelz et autres nations à enuabir les Gaules.
Lavtre partie des Vuandelz, qui demoura en son païs, là où habitent présentement les Poulaques, comme dessus est
