SINGULARITEZ DE TROYE. LIVRB
dit, se tint illec, iusques au règne de lempereur Constantin le grand. Auquel temps Geberith, Roy des Goths, les enuahit puissamment par aspre guerre, et vainquit en bataille eux et leur Roy nommé Vismar : tellement quilz furent contraints laisser leur propre territoire. Et impetrerent dudit Empereur Constantin, quilz poussent habiter en Pannonie, quon dit maintenant Hongrie : ce qui leur fut ottroyé, et y demourerent enuiron lespace de quarante ans, tousiours souz le tribut et manutenance des Romains. Mais pource que lesdits Goths leurs anciens ennemis et voisins ne les y souffroient viure en paix, il leur fut force derechef abandonner le païs de Pannonie, et sen allèrent à leurs auentures, sur la mer Balthee : là où ilz vescurent aucun temps de proye et de pillage, comme font coursaires. Mais finablement ilz furent chassez par vn autre peuple nommé les Gepides, et sen retournèrent en leur premier païs d'Vuandelie : là où ilz se contindrent iusques au temps quun Prince de leur nation, nommé Stilco, fut moyen (1) de les tirer dehors, pour les faire entrer en Gaule, au desauantage de Lempire Romain.
Il est asauoir, quen la court de lempereur Théodore (2) lancien fut en ce temps nourry et esleué vn Prince nommé Stilco, yssu de lancienne noblesse des Vuandelz, dessus mentionnée : et y obtint si grand crédit, que comme ledit empereur natif d'Espaigne, veit approcher la fin de ses iours, et quil laissoit ses deux enfans Honorius et Arcadius, ses héritiers futurs, encores ieunes et non capables à gouuerner Lempire, il leur ordonna pour tuteurs, gouuer-
(1) Cf. médius, médiateur, entremetteur.
(2) Les édit. 1513 et 1628 portent également Théodore au lieu de Théodose.
384 ILLVSTRATIONS DE GÀTLE, £T
neurs et mambourgs, trois de ses principaux Barons, esquelz il auoit sa totale fiance, cestasauoir, Ruffin, qui eut la charge de tout Orient : Stilco, qui fut régent de tout Occident : et Gildo, qui fut constitué au gouuernement de toute Afrique, qui sont les trois principales parties du monde.
Et pource que opportunité et loisibleté, communément font les gens hardis à emprendre quelque grand chose, les trois Princes et gouuerneurs dessusdits , voyans quilz auoient et pouuoir et loisir, chacun en son endroit, de se faire grans, tandis que leurs seigneurs estoient petis et moindres daage chacun d'eux trois par grand ardeur, conuoitise et ambition de régner, délibéra dusurper pour luy et pour les siens, la seigneurie et partie de Lempire, en laquelle il auoit puissance et autorité. Et de ce eurent ilz secrète intelligence et consentement ensemble, sans faire semblant lun de lautre.
Or fut le premier et le plus hardi à commencer son emprinse Gildo, régent d'Afrique, quon dit maintenant Barbarie : car apertement et sans dissimulation quelconque , il tascha dusurper ladite contrée pour luy, en la soustrayant de lobeïssance de Lempire Romain. Mais pource que son propre frère nommé Mescelger, (1) redoutoit fort sa cruauté, il luy résista puissamment et le chassa hors d'Afrique : dont ledit Gildo mourut de despit selon aucuns acteurs, ou de poison selon les autres. Et tantost après comme ledit Mescelger fust monté en orgueil et en cruauté intolérable, il fut tué par ses propres gensdarmes. Ruffin, qui dautre part sessayoit doccuper toute la domination d'Orient, fut rué ius par lempereur Arcadius, combien que ledit empereur fust encores bien ieune.
(1) de mâme que dans l'éd. 1513 pour le nom maure Mascezel.
8IKGVLARITEZ DE nOTS. UYEE III. 385
Lesquelles choses voyant Stilco, Prince des Vnandelz et régent de Lempire Occidental : il dissimula son courage par grand prudence et cautele, et sentretint (1) de ses seigneurs les empereurs Arcadius et Honorius, en telle sorte que non seulement il2 ne se doutoient de luj, mais dauantage Honorius luy bailla lune de ses filles à femme. Laquelle morte auant la consommation du mariage, ledit Stilco espousa vne autre fille dudit empereur Honorius. Par ainsi lesdits empereurs, ses seigneurs, ne le tenoient pour suspect en manière quelconque.
Estant donques Stilco constitué en telle autorité, sans souspeçon quelconque, pensant en luy mesmes, comment ses consorts dessusdits Ruffin et Gildo sestoient tresmal conduits, et auoient esté infortunez en leurs emprises, il ne perdit pas courage pourtant : ains délibéra totalement de faire son filz nommé Eukerius, empereur de toute la monarchie Romaine. Lequel treshaut entreprendre, il ne pouuoit mentr à chef, sinon que premièrement et auant toute œuure, il eust enuelopé ses seigneurs, les empereurs Arcadius et Honorius, de merueilleux troubles et guerres diflBciles, espérant que par ce moyen il se feroit tousiours plus grand et auroit encores plus grand charge et entremise, quil nauoit au parauant.
Souz cest arrest et conclusion faite en lay mesmes, le Duc Stilco feit solliciter par secrètes ambassades, plusieurs nations de Germanie, cestasauoir les Soaues, les Bourguignons, les Alains et les Vuandelz, desquelz le Roy se nom»^ moit Corsico. Enuers toutes lesquelles nations, ledit Stilcd " auoit crédit et autorité : comme Prince de leur sang et extraction. Si les esmut à venir enuahir et conquester les
(1) e.-à-d. se soutint auprès d*euz.
