as

38G ILLVSTRATIONS DE GAVLE, ET

Gaules, pour eux et pour les leurs, lesquelles estoit en la puissance des Romains. Et oultre ce, par vne merueilleuse astuce, procura enuers les Empereurs, que la soulde et pension, qui se souloit donner aux Vesegoths ne leur fust plus payée, espérant que par ce moyen, ilz se mutineroient et se parforceroient dentrer en Italie, et il seroit créé et estably Duc et Consul alencontre d'eux. Et auroit si grand puissance et autorité au fait de la guerre et gendarmerie de Lempire, que facilement il pourroit paruenir à son intention.

Toutes les pratiques et intelligences du Prince Stilco ainsi dressées et mises à effect : cestasauoir, que premièrement les Vesegoths sesmurent et rebellèrent contre Lempire, à cause de leur pension et soulde non payée, ilz establirent sur eux vn Roy, nommé Alaric, auec lesquelz ilz entrèrent en Pannonie, quon dit maintenant Hongrie. Et ce temps pendant, Stilco, auec vn autre Prince, nommé Aurelianus, furent créez Ducz et Consulz, par les empereurs, pour résister ausdits Vesegoths, lan de lincarnation nostre Seigneur, quatre cens et sept. Et enuiron ce temps, les Soaues : qui sont hauts Allemans, quon dit maintenant Lansquenets, entrèrent les premiers en Gaule, cestasauoir, iusques à la cité d'Authun, au pourchas dudit Stilco. Et consequemment Corsico, Roy des Vuandelz, et les Alains et les Bourguignons, qui desia, comme dessus est dit, auoient occupé le pais enuiron du Rhin. Lesquelles quatre nations se fortifièrent et ioingnirent ensemble par alliance. Et furent estimez au nombre de trois cens mille hommes portans armes.

81NGVLARITEZ DB TROTE. LITRB 111. 3S7

Comment lei François, vne autre nation d'Âllemaigne, fnrent reboutez oultre le Rhin par les Vuandelz, Bourgaignons et Alains. Et lesdits Bourguignons eslurent leur demeure au pals qui maintenant porte leur nom : «t les autres passèrent ouHre, dont le« Vuandelz donnèrent le nom au pals d'Vuandalousie en Espaigne : et les Oothf et les Âlains au pals de Catbelongne.

Environ ce mesmes temps, vne autre nation de Germanie nommez François, de la prouince de Franconie, oultre le Rhin, autresfois domptée et suppeditee par lempereur Constantius Flauius, filz de Constantin le grand, voulut entrer en Gaule, tant pour changer meilleur territoire, comme par enuie des nations dessusdites, lesquelles auoient grand bruit de faire merueilles en Gaule. Et de fait, lesdits François occupèrent les citez de Treues, de Metz, de Toul et de Verdun, et le pais circonuoisin. Mais à listingation des Soaues, anciens ennemis desdits François, les Vuandelz, Bourguignons et Alains contraingnirent lesdits François par force darmes à repasser le Rhin et retourner en Franconie, dont ilz estoient partis.

Apres que les François furent ainsi rudement repoulsez, les bendes victorieuses des Bourguignons, Vuandelz, Alains et Soaues, alliées ensemble, mespartirent toutes les Gaules. Par lequel partage, les Bourguignons, à leur choix et élection, obtindrent les païs et citez desia conquestees, cestasauoir : Bezenson, Langres, Chalon, Mascon et leurs appartenances. Et les Vuandelz, Alains et Soaues tirèrent oultre, pour aller conquérir nouuelles terres et seigneuries : et entrèrent premièrement en Aquitaine. Si gaignerent toute la terre qui sied entre la riuiere de Loire : et les montaignes Pyrénées deuers Espaigne, et sessayerent dentrer en

388 ILLVâTRATlONS DE GAVLE, ET

Espaigne : mais ilz en furent reboutez pour ceste fois : neantmoins depuis ilz la conquirent toute : et encores Afrique, quon dit maintenant Barbarie, oultre le destroit de Gybalthar. Tellement que desdits Vuandelz porte iusques auiourdhuy le nom, le païs de Vuandalousie : quon dit Landalousie, lun des plus fertiles quartiers de toute Espaigne. Et des Alains qui depuis se meslerent auec les Goths, est nommé le païs de Gothalania, quon dit en langage vulgaire, Cathelongne. (1) Et ce peult on mieux voir par les histoires d'Espaigne, desquelles ie me déporte pour maintenant : à fin de retourner à noz Bourguignons.

Comment leg Bourguignons encores Gentilz et Payons receurent la i;.!foy catholique : et la cause pourquoy : et de la victoire quilz eurent ■ /par ce moyen, alencontre des Huns, quon dit maintenant Hongres.

Cassiodore le Sénateur, acteur tresautentique, au quatrième chapitre du douzième Hure de Ihistoire Tripertite : et après luy Celius Calanus de Dalmace, en la vie du Roy Attyla, recitent, quun Prince nommé Subthar, obtint le Royaume des Huns, tout seul, après la mort de Madhlucus, son frère aisné : cestasauoir, Attyla et Bleda, que les autres nomment Buda. Et comme il se veit desia sur aage et sans enfans, il adopta pour ses filz légitimes, à la maniera des Princes Romains, ses deux neueux, filz de son frère Madhlucus defunct, et les establit ses héritiers futurs, et participateurs de sa domination.

Apres lesquelles choses, le Roy Subthar, auec ses deux neueux et vn ost innumerable des Huns, qui depuis ont

(1) Cette étyraologie de Gotks 4. Alain* est encore assez répandue.