CHAPITRE II
Explication clere et ample de la généalogie de la belle Heleine : et de son premier rauissement fait en ieunesse par Tbeseus Roj d'Athènes : et comment elle fut reaouuree par ses frères Castor et PoIIqz, sa virginité sanne : selon la commune opinion.
Selon ce que mect (1) messire lean Bocace de Certal, Florentin, au cinquième liure de la généalogie des Dieux, Tyndarus Roy de Laconique ou Oebalie, qui est en Achaie, quon dit maintenant la Moree, comme plus à plein sera touché au dernier liure, fut filz de Oebalus, qui fut d'Argulus (2) : qui fut d'Amyclas : qui fut de Lacedemon, lequel fonda Lacedemone : qui fut de lupiter deuxième de ce nom, Roy d'Arcadie, et de Taygeta fille d'Agenor, Roy des Phenicea. Et fut ledit Roy Tyndarus assez noble et puissant entre les Princes de Grèce : comme met Euripides en la tragédie d'Iphigenia. Or eut à femme ledit Tyndarus la belle Leda, dame de Therapne, fille de Thespius Roy de Tholie : comme met lean Baptiste Plus sur lexposition de Fulgentius Placiades. Et eut nom la mère de Leda Androdice, fille de Glaucus filz de Sisyphus Roy de Corinthe. Dicelle Leda lupiter troisième de ce nom, Roy de Crète fut amoureux. Et selon les fables antiques, se transforma en vn cygne, cest-
,(1) Ces quatre premiers ont été omis dans le mscr. de Genève. (2) Argalus (mscr. de Genève).
22 ILLVSTRATIONS DE GAVLE, ET
adiré il se feit beau et plaisant comme vn cygne, et chanta si doux par ses belles paroles, quelle le coucha en son giron, par tel moyen quil lengrossa : et luy feit pondre deux enfans (1) à diuerses fois : Cestadire luy feit faire quatre enfans à deux portées : dont de lune nasquirent Castor et Pollux frères iumeaux : et de lautre Heleine et Clytemnestre sœurs iumelles selon lopinion de Bocace : mais Fulgentius Placiades dit, que dun seul enfantement nasquirent Castor, Pollux et Heleine, enfans de lupiter : mais Clytemnestre fut fille du bon Roy Tyndarus. Euripides poëte Grec en vne tragédie nommée Iphigenia, translatée en Latin par Erasme de Roterodam,(2)met que Leda eut trois filles, dont oultre les deux dessusdites, la tierce fut nommée Phebë. Et voicy les propres mots dudit Euripides :
Lsedse obtigerunt Thestiadi très filise :
Phœbe, Clytemnesti'aque quam mihi duxi ego, Heleneque.
Comment quil en soit, Tyndarus en fut le père putatif au vray : et les nourrit bien et doucement en son hostel : cuidant quilz fussent tous siens. Et aussi aucuns tiennent que Clytemnestre fut sa fille légitime, et les trois autres de lupiter.
Icelle Clytemnestre fut premièrement mariée à vn Prince nommé Tantalus. Et eut de luy vn enfant. Mais depuis, Agamemnon Roy de Mycenes en fut enuieux. Si occit le père et lenfant : et rauit la dame par force. A cause de quoy Castor et Pollux luy menèrent la guerre, et leussent destruit, se neust esté le bon Roy Tyndarus qui les meit
(1) ev,ft (mscr. de Genève). — Clitemnestre ou Clykennestre (passim, ibid.).
(2) Roterdan (éd. 1512).
SINGTLARITEZ DE TROTE. LIVRE H. 0
daccord : en confermant le mariage : comme ces choses met Euripides, en la tragédie d'Iphigenia, disant en la personne de Cljtemnestre à Agamemnon :
Me non volentem, vique raptam coniugem Duxti : necato Taatalo cui nupseram Prius, ac puello sortis ex vsa ta89 Itidem perempto.
Or eut ladite Clytemnestre dudit Agamemnon plusieurs enfans. Cestasauoir Orestes et ses sœurs, Iphigenie, Electra, Chrjsoteray, (1) Laodice, et autres. Mais en la fin elle traita mal son mary au retour de Troye, comme sera dit en son lieu. Touchant Phebé sa sœur, ie nen treuue rien (2). Si faut venir à Haleine.
Heleine sœur germaine, ou a tout lemoins vterine dicelle Clytemnestre, des sa naissance creut en beauté supernaturelle : tellement, que quand elle deuint grandette, fat renommée pour la plus belle créature que iamais on eust veiie sur terre. Et cest la principale raison, pourquoy elle fut dite et estimée fille du Dieu lupiter. Si fut instruite en tout artifice de lesguille, de tistre, et de broder, ainsi que filles de Princes sont communément. Et oultre ce, fut introduite au ieu de la palestre : Cestadire, de la luitte. Car par les loix de Lycurgus Roy des Lacedemoniens, les nobles pucelles du pais de Lacedemone, estoient subiettes à aprendre toutes choses viriles : Si comme à chasser les bestes saunages, à tirer de lare, à ietter le dard, et principalement à luitter. Et ce tesmoigne Christofle Landin au\ comment du premier liure des Eneïdes : et sur ce passage :
(1) Crisotomi (mscr. de Genève).
(2) trouve riens (mscr. de Genève).
1^ ILLVSTRATIONS DE GAYLE, ET
Uirginis os hahitumque gerens, et virginis arma Spartana, etc. Et aussi aucuns acteurs tiennent, que le ieu de la palestre fut premièrement trouué par iceux Lacedemoniens, pourquoy il leur estoit plus familier. Et à ce propos dit Thucydides au commencement de son liure : Lacedamonii primi corpora certaturi nudauerunt, oleoque vnxerunt.
En ce temps là, selon les historiens, estoient en bruit et en vigueur deux ieunes Princes de grand vertu : cestasauoir Theseus Roy d'Athènes, et Pirithous, filz d'Ixion Roy des Lapithes. Lesquelz durant leurs vies furent tousiours vrays amis , frères et compaignons darmes. Et auoient donné la foy lun à lautre : par tel si, que iamais ne feroient aucune emprinse lun sans lautre : ainçois sentredonroient secours mutuel iusques à la mort : comme il -apparut aux noces dudit Pirithous et de la belle Hippodamie : esquelles les Centaures moitié cheuaux et moitié hommes tous yures vouloient faire force à lespousee, si Theseus ne leust secourue, comme descrit bien amplement le poète Ouide, au xii. liure de sa Métamorphose. Apres donques que iceux deux Princes furent vefues, et que Theseus eut perdu sa femme Phedra, fille de Minos Roy de Crète : et Pirithous ladite Hippodamie, comme raconte Diodorus Siculus au cinquième liure des Gestes antiques : et Bocace, au xxxiii. chapitre du ix. liure de la Généalogie des Dieux, Pirithous vint à Athènes voir son amy Theseus : et feit tant par son exhortation, quilz conuindrent ensemble, et promeirent lun à lautre, par serment (attendu quilz estoient tous deux de grand noblesse, et descenduz de Ja^ligaee des Dieux : et aussi quilz cherchoient voulentiers hautes et difficiles auentures, ensemble, comme preux cheualiers errans) quilz nauroient iamais femme espousee, si
SINGVLARITEZ DE TROYB. LTVmB II. 96
elle nestoît extraite sans aucun moyen (1) du grand Dieu lupiter, et silz ne lauoient conquise par force et par vaillance : promettans de ayder lun à lautre en ceste querelle iusques à la mort. Si en feirent ilz tous deux lun à lautre vœu solennel et serment irreuocable. Or ne sauoit on plus en ce temps là des filles de lupiter viuans sur terre, fors vne : Cestasauoir la belle pucelle Heleine, laquelle estoit au Royaume de Oebalie ou Laconique. Si se meirent à chemin auec certain nombre de gens pour la conquester. La pucelle Heleine pouuoit auoir enuiron dix ans, comme met Diodorus Siculus au cinquième liure des Gestes antiques. Mais de son aage elle estoit desia formée en beauté céleste, et merueilleuse. Son père putatif, le bon Roy Tyndarus, dauenture quelque iour (2) tenoit vne grand feste solennelle : et par manière de passetemps faisoit esbatre et exerciter ses enfans masles et femelles ensemble, sus Iherbe verdoyant, auec les autres nobles enfans de ses Barons, au ieu dessusdit de la palestre, hors de la cité principale de la seigneurie dudit Roy Tyndarus, appellee Amycla, et assez près dun temple de Diane, comme met Antoine Volsc sur lepistre de Oenone à Paris. Ainsi sesbastoit à la palestre ou luitte la pucelle Heleine toute nue, oincte sans plus dhuile doliue, auecques les autres de son aage, à la manière dadonques. Et ce tesmoigne Ouide en lepistre de Paris à Heleine, disant :
More tuse gentis nitida dum anda palsestra Ludis, et es nudis fœmina mixta viris.
Aussi tesmoigne Hérodote père des historiens, en son
(1) c.-à d. ea droite ligne.
(2) c.-à-d. certain jour.
9B ILLVSTRATIONS DE GAVLE, ET
sixième liure, que ledit ieu de la palestre se faisoit par enfans nuds, disant ainsi : Cùm DemaratTius Aristonis Mius, eiectus regno Lacedamonîomm gereret magistratutn : adessetque spectaculo gymnopœdiarum,, idest, nudorum puerorum palastrce.
Le Roy Theseus donques, et le Prince Pirithous, lesquelz par espies secrètes auoient couuertement pourietté tout leur cas, se trouuerent à ladite feste en habit dissimulé : là où Theseus nota le grand et merueilleux commencement de beauté qui estoit en la pucelle Heleine. Si en fut esprins damour extrême, plus que deuant. Parquoy eux deux sen retournèrent promptement à leur embûche, qui estoit mussee en aucuns bois et taillis prochains : contèrent à leurs gens lopportunité de leur affaire. Si montèrent sur leurs cheuaux légers tous bien armez, et vindrent soudainement donner sur le Roy Tyndarus, et sur lassemblee, en grand bruit et tumulte. Ledit Roy Tyndarus et ses gens prins en desarroy, sans armures ne deffense, comme ceux qui de nulz ennemis ne se doutoient, ne tascherent fors de sauuer eux et leurs enfans dedens ledit temple de Diane, qui estoit là près. Mais ce nonobstant, Theseus et Pirithous obstinez en leurs affection, rompirent les portes du temple, en commettant sacrilège, et entrèrent dedens par force : et sans toutesuoyes faire mal à personne, prindrent et esleuerent seulement la pucelle Heleine : laquelle en plourant et criant, se deffendoit au mieux quelle pouuoit. Et quand le Roy Theseus leut assise sur le col de son cheual, et leust enueloppee de son manteau, pource quelle estoit toute nue, il donna de lesperon luy et ses gens, qui tous estoient bien montez à lauantage, tellement que à force des grandes traites quilz feirent, en peu de temps ilz furent en son Royaume et cité d'Athènes. Et incontinent
SmGVLARITEZ DE TROTE. LIVRE II. ff
quilz y furent, luy et son compaignon Pirithous, ietterent sort auquel d'eux deux Heleine seroit espousee. Si escheut le sort au Roy Theseus, et luy demoura la pucelle, par telle condition quil promist et iura daller ayder à Pirithous en conquérir une autre.
Le Roy Tyndarus, et sa femme la Royne Leda, furent bien désolez et bien marris de liniure que faite leur auoit esté. Et seurent tantost que Theseus Roy d'Athènes leur auoit fait cest oultrage. Mais pource que iceluy Tyndarus no se- sentoit pas si puissant pour lors, quil peust recouurer sa fille par moyen de guerre hors des mains de Theseus, il ne sceut que faire, sinon quil enuoya ambassadeurs exprès aux seigneurs et citoyens d'Athènes, leur requérir, que ayans regard à Ihonneur et dignité de Royale noblesse, et au droit de gens et de voisinage, ilz ne souffrissent point que leur Roy detinst sa fille par violence, ainçois feissent tani quelle luy fus! rendue, autrement il en demanderoit vengeance aux Dieux et aux hommes. Les Athéniens sages et prudens, et ausquelz la chose ne plaisoit point, comme met Antoine Volsc, sur le comment de lepistre de Oenone à Paris, remonstrerent à leur Roy Theseus laggrauation de liniure faite aux voisins : à fin que de luy mesmes il la reparast. Mais voyant quil estoit obstiné à retenir la pucelle Heleine par force voluntaire, ilz se déclarèrent pleinement, que point ne soustiendroient ladite Heleine en leur cité : prians à leurdit Roy, quil la transportast ailleurs, la où seroit son plaisir. Adonc Theseus congnoissant leur délibération arrestee, fut content denuoyer Heleine autre part : ce quil feit secrètement, et la bailla à sa mère nommée Ethra, treshonnorablement accompaignee, pour la mener en la ville d'Aphidue,(l) non pas loingtaine d'Athènes,
(1) pour Aphidna. De même dans le mscr. et en 1528.
28 ILLVSTRATIONS DE GAVLE, ET
et illec la nourrir et garder. En escriuant à son amy Aphiduus seigneur dicelle ville, quil en feist bonne garde, iusques à son retour. Lequel Aphiduus receut magnifiquement la pucelle Heleine et la mère de Theseus, et les traita le plus humainement quil peut. Et pource quil restoit à Pirithous filz d'Ixion, Roy des Lapithes, aussi vne femme des filles de lupiter, selon leurs sermons et conuenances, et que nulles nen auoit plus en terre, si ne pouuoient monter au ciel, ilz ouyrent dire que Pluton Roy des basses régions, cestasauoir de Molosse, qui est en Epyre, maintenant nommée Albanie, comme sera dit au dernier liure, dont la principale cité sappelloit Dis, auoit puis nagueres rauy en Sicile, la belle Proserpine fille de lupiter, et de Ceres. Si se meirent prestement à chemin, pour laller conquester et tollir à Pirithous. Combien que ce ne fust point du bon gré de Theseus, sil ny eust esté astraintpar promesse. Et aussi ce fut à leur maie santé, comme raconte à plein Seneque, en sa première tragédie : Car Pirithous y fut estranglé par le grand chien Cerberus à trois testes, portier denfer : et Theseus y fut détenu prisonnier, iusques à ce que Hercules reuenant d'Espaigne le deliura. Tyndarus ce sachant, après aucuns temps que Castor et Pollux ses enfans furent assez puissans, pour porter armes, il leur bailla vne assez bonne armée, équipée au mieux quil peut, à layde de ses amis : et les enuoya recouurer leur sœur Heleine, laquelle estoit en ladite ville d'Aphidue. Et iceux deux ieunes frères, courageux et de grand vertu, exploitèrent tant par mer et par terre, quilz vindrent au Royaume d'Athènes : et commencèrent denuahir le plat païs, par tous exploits de guerre : chassoient les habitans hors de leurs maisons, et pilloient leurs biens, combien que du tout ilz nen poussent mais : car ilz ne sauoient aucunement en quel lieu le
SmCYLARITEZ DE TROTE. LITRE H. W
Roy Theseus auoit retiré la pucelle Heleine : iusques à ce que fînablement vn nommé Deceleus seigneur de la ville de Decelee, comme met Hérodote en son ix. liure, voyant fouler le païs et Royaume d'Athènes, et craingnant que la puissance de Castor et Pollux ne meist tout le demeurant à néant, print hardiesse dexposer ausdits deux frères toute la chose ainsi quelle estoit allée, et les mena deuant ladite ville d'Aphidue. Là ou après, le siège planté deuant icelle, combien quelle fust désensable et bien murée, neantmoins ilz la prindrent par force : comme met Nicolas Perot au VI. liure de sa Cornucopie. Et selon Diodorus Siculus, la desmolirent du tout : combien que Herodode audit ix. liure, dit quelle leur fut liuree par vn de ceux de la ville, nommé Pittacus : au moyen dudit Deceleus qui le procura. Et pour ceste raison, dit il que ceux de Lacedemone et de Decelee, furent depuis tousiours amis ensemble.
Ainsi recouurerent lesdits frères Castor et Pollux leur sœur Heleine, sans ce que Theseus leust iamais touchée, autrement que pour la baiser. Car elle estoit trop ieunette : si comme de laage de dix ans, quand elle fut prinse, comme dessus est dit. Et Bocace en lonzieme liure de la Généalogie des Dieux sy concorde. Aussi Ouide en lepistre d'Heleine à Paris, tesmoigne quelle fut recouuree pucelle : en tant quil touchoit Theseus, disant ainsi :
Oscula lactando taatummodo pauca proteruus Abstulit, ylterius nil habet ilie mei.
Et ainsi le tesmoignent Diodore et Plutarque. Toutesuoyes Oenone en son epistre, quelle escrit à Paris, ne croit point que le rauissement d'Heleine eust peu estre fait, sa virginité sauue : mesmement que le Prince qui la rauit estoit ieune et luxurieux, disant ainsi :
38 ILLVSTRATIONS DE GAYLE, ET
 iuueae et cupido credatur reddita virgo ?
le men rapporte à ce qui en fut. Toutesuoyes lesdits deux frères emmenèrent aussi auecques leurdite sœur Heleine, la mère de Theseus pour prisonnière : car son filz qui estoit détenu en région loingtaine, nauoit garde de la secourir.
sraGVLARITEZ DE TROTE. LIVRE H. 8f
