SINGVLARITE£ DB TRUYE. L1VR8 III
esté appeliez Hongres, entrèrent par force en Germanie de tous costez, et mirent à feu et à sang plusieurs villes et citez : et entre les autres la cité d'Argentine, quon dit maintenant Strasbourg. Et de là entrèrent sur la terre des Bourguignons : cestasauoir, en la Conté de Ferrette et au païs des Souyceres. Et coururent iusques à Bezenson, Lan»grès, Auxonne, Chaalon et Lyon : et y feirent des maux incroyables. Et ne peurent pour ceste heure là les Bourguignons résister à la puissance, fureur et multitude des Huns, combien quilz y eussent mis toute leur force et leur valeur : ains furent foulez et outragez sans remède. Lesquelles choses acheuees à son souhait, le Roy Subthar et ses neueux se retirèrent en Hongrie.
Or estoient les Bourguignons encores Gentilz, cestadire» Payons et idolâtres : et telz que leurs ancestres auoient esté de tous temps en leurs païs : dont quand ilz se veirent auoir souffert vne si grieue playe et persécution, et congnurent que nulle puissance humaine ne pouuoit supporter le faix de leurs ennemis, ilz furent conseillez par leurs voisins, desquelz ilz estoient aymez et bien vouluz, pource quilz viuoient auec eux assez simplement et de leur propre labeur, sans outrage, sans hausagerie (1) et sans tyrannie (car pour la plus part estoient feures et charpentiers) quilz deuoient auoir recours à layde diuin. Or estoit deslors nostre foy catholique en bruit et en estime presques en toutes les contrées de Gaule : sur lesquelles les Romains dominoient. Parquoy les Bourguignons furent conseillez de prendre le saint sacrement de Baptesme et la créance des Chrestiens. Et ny eut gueres à faire À les induire à ce, tant pource que cestoit vn simple peuple, comme pource que la
(1) c.-à-d. aiTOgance.
590 ILLYSTRATIONS DE GATLE, ET
nécessité les y contraingnoit, mesmement en temps dafflioticm et tribulation.
Par ainsi le peuple des Bourguignons, tout dun accord et commun consentement, selon le conseil de leurs voisins et amis, se tirèrent vers vne cité de Gaule, de laquelle Ihistoire nexprime point le nom, supplians humblement au prélat dicelle cité : quilz poussent receuoir Baptesme, et alors leuesque les receut en toute bénignité : et leur enioingnit quilz ieunassent par lespace de sept iours, et fissent aumosne, pour lamour de iesvs christ, et en remission de leurs péchez : ce quilz feirent voulentiers. Et ce pendant il leur prescha les articles de la foy et la créance du saint Euangile : et au huitième iour les baptisa, et leur donna licence de retourner en leurs mansions.
Eux retournez chacun en son domicile, ilz prindrent conseil, courage et fiance en Dieu de pouuoir résister vaillamment contre leurs ennemis, quand ilz retourneroient les assaillir. Et ne furent point frustrez de leur espérance : car comme ledit Subthar, Roy des Huns, lan reuolu, auecques vne armée innumerable de ses Huns, fut retourné au pais des Bourguignons, pour destruire le reste par vne merueilleuse horreur et rage forcenée : il fut défiait par vne petite bende de Bourguignons : cestasauoir, trois mille hommes sans plus, mais cestoient des plus nobles et des plus vaillans dentre eux. Lesquelles espierent vn soir que le Roy Subthar estoit couché en son pauillon, tout yure et tout aggraué de vins et de viandes, parquoy ses gens et son guet estoient en desordre. Si ruèrent les Bourguignons sur eux par vne soudaine escarmouche et mirent les Huns en desarroy, tellement quil y eut merueilleuse desconfiture desdits Huns : cestasauoir, dix mille hommes morts sur la place et trois mille prisonniers, le reste se sauua à la fuite,
8IN0VLARITEZ DE TROTB. LITRB III. 391
au moyen de la nuict obscure. Et le lendemain le Roy Subthar fut trouué entre les morts, occis de trois playes. Apres laquelle desconfiture, Buda et Attyla, successeurs dudit Subthar leur oncle, au Royaume des Huns, furent contraints faire paix et appointementauec les Bourguignons. Par lannee du commencement du règne dudit Roy Attyla, est assez congnu le temps de ladite victoire des Bourguignons. Et aussi le temps que iceux Bourguignons furent premièrement Chrestiennez, qui fut la mesme année, ou à tout le moins lannee précédente. Or est il certain par les histoires que ledit Attyla commença à régner sur les Huns, lan de lincarnation nostre Seigneur quatre cens et vn. Mesmement selon vn historien nommé Michel Riz de Naples : cestasauoir, du temps de lempereur Theodose le ieune, filz d'Arcadius, séant au siège apostolique le Pape Boniface premier de ce nom, enuiron lequel temps flourissoit saint Hierome. Et les Saxons Allemans ietterentles anciens Bretons hors de la grand Bretaigne et la nommèrent Angleterre, dé par leur Roy Anglus. Et régna ledit trescruel Attyla, quarantequatre ans. Si tua son frère Bloda, (1) ou Buda, lequel donna le nom à la cité de Bude en Hongrie. Car parauant elle sappelloit Sicambre, du nom de Sicamber, filz de Francus, qui fut filz d'Hector, comme iay monstre plus à plein au principe de ce liure des Illustrations de Gaule et Singularitez de Troye. Mais retournons au propos prétendu.
(1) Bloday également dans les éd. 1512 et 1528.
392 ILLVSTRATIONS DE GAVLE, ET
Confutation de lerrenr de ceux qui cuîdent que du temps de la Magdeleine il y eust aucun Prince qui se nommast Roy de Bourgongne. Et de la vérité de Ihistoire du Roy Gundengus qui premier fut institué par les Bourguignons : et de ses gestes. Lequel Gundengus estoit de lancienne noblesse des Goths, dont les Roys d'Espaigne se disent auiourdhuy estre yssuz.
Povrce que cest chose difficile dextirper les erreurs inueterees, et que plusieurs sarrestent et sahurtent quant à lopinion des anciens Roys de Bourgongne, à ie ne scay quel abrégé vulgaire, qui se intitule, les Chroniques des Roys, Ducz et Contes de Bourgongne, depuis lan quatorze après la résurrection nostre Seigneur, etc. , où il met que ledit an Trophinius, Roy de Bourgongne, fut conuerty à Marseille en Prouence, par la prédication de la Magdeleine, et fut le premier Chrestien. Et le second eut nom Estienne, etc. A fin que les Lecteurs congnoissent que cela est faux et apocryphe, regardent bien (1) la diligence que iay mis à inuestiguer la vérité. Tout premièrement, si la Magdeleine conuertit à Marseille aucun Prince ou seigneur nommé Trophinius, ou autrement, ie ne le vueil nier ny afiermer, car il est bien possible : et ie men raporte à ce qui en est : mais quil se nommast Roy de Bourgongne, ny de Prouence, ie le nie tout plat, et preuue le contraire en ceste manière : Puis que, comme il est apparu cy deuant par acteurs autentiques, les Bourguignons ne partirent d'AlIemaigne pour entrer en Gaule, sinon trois cens septantesix ans après lincarnation nostre Seigneur, comment y eust il eu Roy de Bourgongne habitant en Prouence du temps
(1) c.-à-d. qu'ils regardent bien.
SIIfGVLÂRITBZ DE TROTE. LIVRE III.
de la Magdeleine, cest argument est inuincible. Dautre part, il est tout certain que celle partie de Gaule qui depuis fut nommée Bourgongne, nestoit pas ainsi nommée du temps que la Magdeleine vint en Prouence, ains auoit autres diuers noms. Car ceux quon dit ores de la franche Conté, se disoient lors Sequanois, ceux de la Duché se noramoient Heduois, les Sauoyens et Dauphinois estoient nommez AUobroges, et autres diuers noms particuliers auoit la terre qui depuis fut nommée le Royaume de Bourgongne, par la conqueste des Bourguignons, qui dicelle chassèrent les Romains. Et qui plus est, quant au païs de Prouence, où la Magdeleine vint, qui eust ce esté qui en iceluy eust osé porter couronne ou se nommer Roy, mesmement du temps de lempereur Tibère, ou Claudius, ou Caius Caligula ? Attendu que ledit païs de Prouence estoit rédigé en propre prouince de Lempire Romain. Certes il ne peult estre ne vray, ne vraysemblable. Parquoy ceste histoire se monstrera plus véritable et plus clarifiée.
Le peuple des Bourguignons donques, depuis quil fut descendu de la haute et parfonde Allemaigne, cestasauoir deuers la mer de Danneraarch, comme dessus est dit, et eurent passé le Rhin ladite année trois cens septantesix, ilz conduiront leur police en estât de communauté et popularité sans auoir Roy sur eux, par lespace de trentehuit ans ou enuiron, cestasauoir, iusques à lan de nostre Seigneur, quatre cens et quatorze. Laquelle année ilz eslurent et establirent vn Roy sur eux, nommé Gundengus, aucun temps auant que Pharamond fust constitué Roy des François, qui encores habitoient en Allemaigne : cestasauoir, enuiron treize ans après que lesdits Bourguignons furent faits Chrestiens. Toutesuoyes laques de Bergome en son Supplément des chroniquejs met, que ledit premier Roy des
ILLVSTRATIONS DE GAVLË, ET
Bourguignons, lequel il nomme Gundiochus, nestoit pas vray catholique, mais Arrien. Pource que quand le peuple des Goths se voulurent conuertir à la foy, lempereur Valens, lequel estoit hérétique, leur enuoya des Euesques pour les baptiser et des docteurs pour les introduire en. ladite hérésie Arrienne. Mais il est vraysemblable, que iasoit ce que ledit Gundengus eust esté nourry en ladite secte, auecques ses Goths, que quand il vint à régner sur les Bourguignons, il print la foy catholique, à fin de se mieux conformer à son peuple.
Iceluy Gundengus ou Gundiochus estoit de lancienne noblesse et lignée d'Athanaric et Alaric, Roys des Goths et Vuisegoths, qui furent yssus des Cimbres, comme nous auons veu au premier traicté de ce liure. Et fut ledit Alaric, celuy qui premier abaissa Lempire Romain en Italie et print Romme par force. Et tindrent longuement luy et ses successeurs vne grand partie d'Italie et de Gaule en leur subiection. Et depuis conquirent les Espaignes, tellement que du sang diceux Roys des Goths, les Princes d'Espaigne sont descenduz de ligne en ligne : cestasauoir quant au costé maternel. Parquoy il appert que tousiours de plus en plus se redouble la noblesse et illustrité de ceste généalogie historiale.
Par ainsi Gundengus, premier Roy de Bourgongne , homme de grand noblesse et vertu, se mit en deuoir damplier les limites de son Royaume. Et de fait, conquit la cité de Lyon et tout le pais de Lyonnois, le Dauphiné, Marseille et Prouence, iusques à Nisse sur la mer. Mais il eut contre luy Etius Patricius, consul Romain, tresuaillant capitaine, lieutenant gênerai et maistre de la cheualerie des empereurs Honorius et Arcadius, et de Theodose le ieune, successiuement tant en Gaule, comme en la grand
SINGTLABITBZ DE TROYE. LIVRB III. 395
Bretaigne. Si furent faites de merueilleuses batailles dun costé et dautre : par lesquelles les Bourguignons eurent finablement du pire. Mais pource quen ce mesme temps les François premièrement reboutez oultre le Rhin par les Bourguignons, et secondement par ledit Etius Patricius Romain, estoient pour la tierce fois entrez en Gaule, du costé de Tournay et Cambray, et paruenus iusques aux riuieres de Somme, Seine et Loire, souz la conduite de leur deuxième Roy, nommé Clodio le cheuelu, et de Meroneus, son fîlz : et que dautre part les Goths tenoient Aquitaine et les Huns menassoient de redescendre en Allemaigne : a fin que ledit Etius, Consul et lieutenant des empereurs Romains, neust tout à vn coup affaire à tant de nations, il feit paix et appointement final auec les Bourguignons.
Ainsi régna ledit Gundengus premier Roy de Bourgongne paisiblement vne bonne espace de temps : cestasauoir, iusques à ce que le dessusnommé Attyla, Roy des Huns, quon dit maintenant Hongres, lequel se nommoit par ses tiltres le Flayau de Dieu, descendit de Pannonie, quon dit ores Hongrie, et d'Allemaigne, à tout cinq cens raille hommes, tant de ses propres subietz, comme de ses alliez : lesquelz furent Vualaud, Roy des Ostrogoths, et Ardaric, Roy des Gepides, auec autres Princes et peuples merueilleux. A tout laquelle armée, ledit Attyla entra comme foudre et tempeste, dedens les Prouinces de Gaule, là où il gasta tant en allant, comme en venant, vn grand nombre de citez et grosses villes : entre lesquelles furent Mayence, Tongres, Metz, Treues, Tournay, Cambray, Arras, Terouanne, cestadire terre vaine : car parauant, elle sappelloit Morinum : Amiens, Beauuais, Chaalons en Champaigne, Rheims. En laquelle il martyrisa S. Nicaise et sa sœur
396 ILLVSTRATIONS DE GAVLE, KT
sainte Eutrope. Si print aussi Troyes en Champaigne, laquelle il ne démolit point, par les prières de saint Loup, Euesque dudit lieu, qui luy ouurit la cité. Aussi furent destruites Lyon et Narbone, et la cité d'Orléans assiégée. Mais Attyla ne la print point, pour crainte du Duc Etius et de ses alliez, qui se renforçoient de iour en iour.
Le Duc Etius, pour lors lieutenant gênerai en Gaule pour Lempereur Theodose le ieune, voyant le treshorrible gast et dépopulation que faisoient les Huns en sa Prouince, délibéra de résister à leur cruauté. Si feit alliance auecques Gundengus, Roy des Bourguignons, Meroveus, Roy des François, Theodoric, Roy des Goths, et Charles le Bel, Duc de Tongres et de Brabant. loingnit aussi auec luy les AUemans, Saxons et Ambrons. Toutes lesquelles nations hayoient, craingnoient et redoutoient extrêmement la tresdetestable inhumanité des Huns. Iceux donques confederez ensemble, vindrent trouuer le Roy Attyla, es champs Catalauniques, lequel auoit abandonné son siège deuant Orléans, pour doute d'eux, ou plustost pour les venir combatre, comme ie croy. Aucuns disent, que lesdits champs Catalauniques sont auprès de Chaalons en Champaigne : les autres tiennent quilz sont auprès de Tolouse.
Les armées abordées près lune de lautre, la bataille fut donnée entre les deux parties, combien que le Roy Attyla leust voulentiers refusée, ou dilayee, pource que les deuins ne luy promettoient pas bonne fortune. lasoit ce quil eust cinq cens mille hommes en armes, comme dessus est dit, finablement il y fut combatu par si grand estrif et merueilleuse contention, quil y mourut que dune part que dautre, cent quatre vingts mille hommes de fait. Entre lesquelz y demeurèrent deux Princes de nom, cestasauoir, Gundengus, premier Roy de Bourgongne, et Theodoric, Roy des Vuise-
SINCTLABITEZ DE TROYB. LIVRE III. 397
goths. Mais Charles le Bel, Duc de Tongres et de Brabant, y acquit grand honneur, car il abbatit Ardaric, Roy des Oepides, comme de ce ha esté touché au premier traicté en parlant dudit Charles le Bel.
Ceste merueilleuse bataille et dosconfiture, par laquelle Attyla receut grand perte et diminution de sa puissance, fut cause de le faire sortir hors de Gaule et se retirer en Hongrie, comme demy vaincu. Mais en se retirant il feit des maux innumerables. Et aucun temps après il entra par force en Italie où il feit le semblable. Et mourut lan quatre cens cinquantequatre selon la chronique de saint Hierome. Aucuns tiennent que Meroveus, Roy des François, mourut aussi à ladite iournee qui fut faite lan de nostre Seigneur quatre cens cinquante, selon ledit saint Hierome. Theodoric, Roy des Vuisegoths, fut enseuely royalement à Tolouse par son filz Thorismund. Mais de Gundengus, pr^ mier Roy des Bourguignons, ie nay point encores trouaé où il fut enterré : mais tant y ha, quil mourut vertueusement et en bonne querele, contre les Payens idolâtres, après auoir régné trente ans. Et laissa après luy quatre enfans masles, desquelz nous parlerons maintenant.
Des quatre filz de GnndeDgun, premier Rojde Bonrgongne : cestasaaoir Gundebaud, Gundesigil , Chilperic et Oothmar : lesquelz régnèrent par ensemble en Bourgogne après leur père. Et de la guerre que les deux frères eurent contre les deux autres à cause de la succession.
Apres la mort du Roy Gundengus, ses quatre filz, Gundebaud, Gundegisil, Chilperic et Gothmar, partirent Iheritage du Royaume en quatre parties, dont chacun obtint sa portion et son quartier. Mais pource quil est bien diflS-
398 ILLVSTRATIONS DE GAVLE, ET
cile que quatre frères se puissent longuement entretenir (1) pacifiques en matière de régner, il sourdit guerre et dissension entre eux. le ne scay pour quelle occasion, sinon peult estre pour les limites de leurs seigneuries. Et tellement y fut procédé, que Gundebaud et Gundegisil furent dune bende, Chilperic et Gothmar, dune autre. Mais Chilperic et Gothmar furent vaincuz et occis en pleine bataille, par Gundebaud et Gundegisil, leurs frères aisnez. Et la femme dudit Chilperic iettee dedens le fleuue du Rhône à tout vne pierre au col, près de Marseille en Prouence. Et les enfans raasles desdits Chilperic et Gothmar tuez. Les deux filles dudit Roy Chilperic tenues en estroite garde, dont laisnee nommée Sedelinde selon aucuns acteurs, ou Chrona selon les autres, se rendit religieuse en vn Monastère. La plus ieune nommée Clotilde fut nourrie et entretenue en Ihostel dudit Roy Gundebaud, son oncle.
Da règne de Gundebaud et de Gundegisil son frère : et daucuns de leurs gestes.
Qvand Gundebaud fut paruenu à la monarchie, cestadire à estre seul dominateur du Royaume de Bourgongne, au moyen de la victoire obtenue contre ses frères Chilperic et Gothmar, il permit à son frère Gundegisil, iouyr et vser dune portion du Royaume de Bourgongne. Et puis pour soy fortifier par alliances, espousa la fille de Theodoric, Roy des Ostrogoths, qui pour lors dominoit en Italie. Et cela fait, le Roy Gundebaud passa les monts à tout vne grosse et puissante armée : print et conquesta la cité d'Iaorie, (2)
(1) c.-à-d. se maintenir.
(2) Divoire {éd. 1528) pour Jvrea.
SiNGVLARIT£Z DE TROYE, LIVRE 111. 399
en la val d'Oste, et Turin en Piedmont, Corne et Nouare en Lombardie, et assez dautres villes, chasteaux et citez. Si se feit renommer et redouter par tout. Et à fin de renforcer tousiours lalliance entre les Princes dessus mentionnez, lesquelz occupoient Lempire Romain, Theodoric, Roy des Ostrogoths, dominant en Italie, comme dessus est dit, donna vne autre de ses filles à Sigisraond, filz dudit Gundebaud Roy de Bourgogne : sa nièce nomme Almaberge, il la colloqua à Hermofrum, (1) Roy de Thuringe. Sa sœur à Thrasimund, Roy des Vuandelz. Et après la mort de sa première femme, ledit Theodoric, Roy des Ostrogoths, demanda en mariage la fille du Roy Clouis de France, et leut, et tint le siège de son Royaume à Rauenne, qui est vne grosse cite et port de mer, sur la mer Adriatique en Italie.
Comment Clotilde de Bourgongae appetant la vengeance de la mort de son père et de sa mère, consentit secrètement destre raaie par Clouis, Roy de France.
Ce temps pendant que Gundebaud, Roy de Bourgongne, estoit embesogné en ses conquestes de delà les monts, Clotilde, sa nièce, deuint grande et belle en perfection. Et si les Bourguignons faisoient merueilles de conquérir sur Lempire Romain en Italie, aussi croissoient de lautre part les François en Gaule, et prosperoient de mieux en mieux, ainsi que par manière denuie de mieux faire. Et flourissoit alors en son règne, en sa force et en sa ieunesse le Roy Clouis de France, filz de Childeric. Lequel ayant certaines affaires auec Gundebaud, Roy de Bourgongne, comme ont
(1) Hermo/ron (éd. 1528).
400 ILLVSTRATIONS DE GAVLE, ET
coustumierement Princes les vns auec les autres, enuoya vue ambassade vers ledit Roy Gundebaud. Lesquelz ambassadeurs retournez, contèrent à leur maistre, la grâce et la beauté de Clotilde de Bourgongne ; et luy donnèrent grand espoir de pouuoir iouyr du mariage délie et aussi du Royaume de Bourgongne, auquel elle auoit droit et action. Lesquelles nouuelles donnèrent facilement impression damours et dambition, en vn ieune cœur Royal.
Par ce motif, le Roy Clouis enuoya derechef vne autre ambassade deuers le Roy Gundebaud de Bourgongne, de laquelle es toit chef vn baron nommé Aurelian, ayant charge de demander au Roy Gundebaud sa nièce Clotilde en mariage pour son Roy. Lequel Aurelian, homme de grand prudence et discrétion, venu iusques bien près de la court du Roy de Bourgongne, auant quil entamast la matière de son ambassade vers le Roy Gundebaud, voulut premièrement taster si le courage de la pucelle Clotilde se consentiroit à ce : laquelle difficulté luy sembloit grande, pource quelle estoit Chrestienne et son maistre (1) Payen.
Aurelian donques lambassadeur, pour essayer le courage de Clotilde, laissa ses gens et son train en vn bois prochain de la court par vn iour de Dimenche. Et estant informé que ledit iour elle auoit de coustume de donner laumosne aux poures, il despouilla ses riches habillemens et vestit par dessus son pourpoint vn habit de pèlerin, et salla mettre deuant le portail de leglise au reng des poures. Quand la messe fut finee, Clotilde selon sa coustume, donna à chacun poure vne pièce dor. Laquelle receiie par ledit Aurelian" ambassadeur, il feit la reuerence à Clotilde et en luy baisant la main la luy rendit. Et en ouurant son manteau de
(1) «»arîf(éd. 1513).
