SIMOTLAHITEZ DE TROYE. LIVRE
pèlerin, monstra et descouurit son riche accoustrement, qui estoit pardessouz iceluy. Parquoy Ciotilde entendit facilement quil nestoit point poure, et que non sans cause il auoit fait ce tour. Si fut curieuse de sauoir qui il estoit. Et commanda à aucun de ses gens quil fust suiny et qxton ne le perdist point de veiie.
Lambassadeur Aurelian après auoir fait cest acte, sachant que voirement il seroit suiuy, se alla loger en vne bonne hostelerie en la cité, en lieu apparent. Et Ciotilde après estre informée de son logis, enuoya deuers luy vne sienne femme de chambre, laquelle luy dit, quil eust de venir par-> 1er à sa dame, ce quil feit diligemment. Et quand il fut en sa présence, il la salua de par le Roy Clouis de France : et luy dit la charge de sa légation. Si luy présenta laneau du Roy son maistre, auec autres riches bagues et loyaux, en signe d'arres (1) de mariage.
Ciotilde de primeface feit difficulté de prendre lesdites bagues, pour arres de mariage, en sexcusant et disant, quil nestoit point licite à vne fille Chrestienne, despouser vn mary Payen. Neantmoins finablement elle se consentit de prendre ledit aneau. Et donna charge à lambassadeur, quil dist secrètement au Roy son maistre, quelle feroit tout ce quil luy plairoit : et que deslors et desia elle le tenoit pour son seigneur et mary : posé que encores nen fust autres nouuelles, sinon entre eux trois, pour doute du Roy Gundebaud, son oncle. Et que ce pendant le Roy Clouis deust faire ses diligences de la demander en mariage à sondit oncle, par solennelles ambassades. Ainsi fut il conclu entre eux deux. Et après le partement dudit Aurelius, Ciotilde mit laUeau du Roy Clouis au trésor du Roy Gundebaud, son oncle.
(1) derres (éd. 1512).
402 ILLVSTRATIONS DE GAVLE, fiX
Il sembla bien à lambassadeur Aurelian quil auoit assez exploité dauoir obtenu si bonne response de la principale partie. Si délibéra- , pour ceste fois non tirer plus outre enuersle Roy Gundebaud, ains retourner premièrement deuers son maistre et laduertir de son exploit, comme il feit. Et ce fait, certain temps après, comme sur chose asseuree, il fut derechef enuoyé en ambassade bien magnifiquement, deuers le Roy Gundebaud de Bourgongne, auquel il exposa tout à plein la matière de son enuoy, selon ses instructions : et disoit que le Roy son maistre ne demandoit que la personne de la fille simplement, sans douaire quelconque. Le Roy Gundebaud, sentant et entendant bien comme il aduint depuis, que lastuce des François luy demandoit non seulement sa nièce, mais aussi son Royaume, fut bien dolent et courroucé. Si monta tantost en sa fureur et respondit par grand fiereté audit ambassadeur, que iamais il ne bailleroit sa nièce à vn tyrant Payen. A quoy lambassadeur répliqua, quil se preparast donques à la guerre : car il auoit charge expresse, en cas de refus, de le deffier de par le Roy Clouis son maistre : et de le sommer à luy assigner iournee, et camp de bataille, pour vuider ceste querele. Quand les Princes et Barons, conseilliers du Roy de Bourgongne, entendirent le deffy et sommation du Roy Clouis de France, craingnans la fureur et puissance des François, qui tous les iours de plus en plus alloient prospérant, ilz dirent à leur Roy Gundebaud, que attendu la grand poursuite du Roy des François, il se donnast garde que Clotilde sa nièce neust receu secrètement aucuns presens dudit Roy, parquoy elle luy eust peu faire quelque promesse de, mariage. Souz lombre de laquelle, si ladite Clotilde luy estoit refusée, il auroit occasion de présenter la bataille.
