SIKGVLARITBZ DE TROTS. LIVRE UI
Selon les choses mises en termes, les trésors du Roy Gundebaud et de ladite Clotilde furent cherchez et visitez. Si trouua on au trésor du Roy Gundebaud, le signet (1) du Roy Clouis de France, marqué de son nom et de sa pourtraiture. Lequel signet icelle Clotilde y auoit mis comme dessus est dit. Dont quand il fut recongnu, lesdits Barons et conseilliers louèrent au Roy Gundebaud, quil enuoyast sa nièce au Roy Clouis, à fin dauoir paix et deuiter guerre : ce quil feit assez enuis et par grand desdain. Aucuns historiens tiennent quelle fut rauie, de son bon gré et consentement, pendant que le Roy son oncle estoit delà les monts : et fut menée à Soissons, où les noces furent célébrées solennellement.
Des deux requestes que Clotilde de Bourgongne, Royne de France, feit premièrement au Roy Clouis, son mary : et de leffect dicelle quant à la guerre, contre son oncle Gundebaud. Et de la mort de Gundegisil, son autre oncle, qui tint le party des François.
Venu le iour de solenniser les noces, après toutes bonnes chères, Clotilde pleine de prudence et dastuce, ains que son mary la touchast, luy feit deux requestes expresses : lune quen délaissant la culture des idoles et des faux Dieux, pleins de vanité, il creust au Dieu seul qui créa le ciel et la terre, le père, le filz, et le saint esprit. La seconde requeste fut, que ledit Roy vengeast la mort de son père Chilperic, et de sa mère, et de son oncle Gothmar, et de ses petis frères et neueux occis iniustement et outrageuse-
(1) c.-à-d. Tanneau qui, au moyen-âge comme chez les Romains, servait à sceller les affaires courantes. Cf. Ducaoge, v. Signetum.
404 ILLYSTRATIONS DE GAVLE, ET
ment, par son oncle le Roj Gundebaud de Bourgogne. Et que ledit Roy Clouis recouurast le Royaume de Bourgongne qui par droit dheritage appartenoit à elle. Desquelles deux requestes le Roy Clouis luy ottroya la seconde, mais non pas la première.
Certain temps après, au pourchas dicelle Royne Clotilde, le Roy Clouis enuoya deuers le Roy Gundebaud le dessusnommé Aurelian ambassadeur, pour demander les trésors et biens meubles, bagues et loyaux appartenans à la Royne Clotilde, à cause de son feu père le Roy Chilperic et de sa mère aussi. Dont le Roy Gundebaud, enflambé d'ire et de maltalent oultre mesure, commença à vser de grands menasses enuers ledit ambassadeur : mais par le conseil de ses Barons, lesquelz esleuoient iusques aux cieux le merueilleux courage des François, ledit Roy Gundebaud vaincu de leurs paroles, deliura audit Aurelian ambassadeur, vne bonne partie desdits trésors pour porter au Roy Clouis et à sa femme. Et par ainsi il demoura aucun temps en paix.
La Royne Clotilde, enuieuse et dolente de ce que son oncle demouroit si long temps paisible Roy de Bourgongne, pressa tant et sollicita son mary dentamer la guerre ouuerte à son bel oncle, et tant luy rameutent sa promesse et lappella de sa foy, que Clouis fut contraint dy aller à grand puissance. Laquelle chose voyant, Gundebaud rallia auec luy son frère Gundegisil : et donnèrent ensemble la bataille, auprès de Diion, qui nestoit lors quun chasteau, sur la riuiere nommée Ostara, (1) là où les Bourguignons eurent du pire et ne peurent supporter le fiEiix des François, ains perdirent la iouruee et se sauuerent à peine iceux deux Roys à la fiiite.
(l) L'Ouchtl
SINGVLARITEZ DE TROYR. LIVRK 111. 405
Gundebaud se retira dedens sa cité d'Anignon sur !e Rhône, auquel lieu Clouis lalla assiéger et le tint illec en merueilleuse angoisse et nécessité, iusques à ce quun Baron treslojal dudit Roy Gondebaud salla rendre par feintise au Roy Clouis. Et eut tant de crédit et dautorité autour de luy, quil trouua finablement manière de faire lappointement, en telle sorte, que le Royaume de Bourgongne deuroit estre deslors en auant, subiet et tributaire perpétuellement aux François. Et que la plus grand partie des trésors du Roy Gundebaud seroit deliuree au Roy Clouis. Lesquelles choses accordées, chacun sen retourna en sa chacune. Puis ledit Gundebaud mourut, après auoir régné ans (1) : et laissa deux filz, cestasauoir, Sigismund et Gondemar, lesquelz succédèrent au Royaume de Bourgongne, après leur père Gundebaud et Gundegisil, leur oncle, qui mourut sans hoirs de son corps.
Cela est couché selon vne vieille chronique que iay trouuee en la librairie de saint Hierome à Dole. Mais Gaguin met vne autre opinion de ladite guerre de Clouis et de Gundebaud : et dit, que Gundegisil fut contre son frère et tint le party des François : et que après ce que le Roy Gundebaud sen fut fuy de la bataille et assiégé par Clouis, il fut prins : mais il fut racheté en payant grand rençon, car il estoit trespuissant en trésors. Laquelle chose pourchassa et moyenna vn tresriche citoyen d'Arles, nommé Aredes : lequel feit au Roy Clouis plusieurs grans presens pour rauoir son Prince. Par ainsi lappointement fut fait entre les deux Roy s, moyennant ce que le Roy Gundebaud pro-
(1) même lacune en éd. 1513, 1528 et 1533. Il s*agitda roi Gombaad, auteur de la loi Gomhetta, et mort à Genéye en 516. J. Lemaire s'explique plus bas au sujet de cette lacune.
406 ILLVSTRATIONS DE GAVLE, ET
mit au Roy Clouis certain tribut par an. Apres lequel accord le Roy Clouis sen retourna en France : mais laissa en Bourgongne cinq -mille hommes de guerre, souz la charge et conduite de Gundegisil, frère du Roy Gundebaud, lequel se tenoit à Vienne.
Tantost après que le Roy Clouis fut party de Bourgongne, Gundebaud, bien dolent de sa perte et désirant la recouurer, mit sus vne grosse puissance et vint assiéger son frère Gundegisil et les François qui estoient en sa cité de Vienne. Durant lequel siège, Gundegisil ietta tous les poures mesnagers dehors, de peur destre affamé : laquelle chose fut cause de sa destruction. Car vn maistre masson qui autresfois auoit eu la charge des conduits des eaues venans par artifice à Vienne, indigné et marry de ce quil auoit esté chassé comme les autres, se tira deuers le Roy Gundebaud et luy monstra le secret dentrer en la cité par vn conduit desdites eaues, dont il fut le tresbien venu. Et au moyen de ce Vienne fut prinse par les Bourguignons. Et iasoit ce quil y eust grand resistence de par Gundegisil et les François, et grand tuerie dun costé et dautre, finablement la victoire demeura au Roy Gundebaud, et fut Gundegisil occis en la foule. Les gensdarmes François qui demeurèrent en vie, furent enuoyez à Tolouse, au Roy Alaric des Goths, ennemy de Clouis, Roy de France. Mais pource que le règne desdits quatre frères, Chilperic, Gothmar, Gundebaud et Gundegisil, fut confuz et indistinct, et que le temps du règne dunchacun diceux nest point limité, (1) nous ne les conterons que pour vn en ceste généalogie historiale et viendrons à leurs successeurs.
(1) V. la note précédente.
SINGVLABITEZ DE TftOTB. LIVBB III. 407
f>h xiT9t5*f'>'T 107 '.rrr.Vi r-h rn-/
De saint Sigismuad, trouieme Roy de Bourgong^e : et de Oondemar, ou Qondeual, ion frère. Et comment la Rojme Clotilde fut cause de leur deffaite : et de Clodomir, Roj d'Orléans, qui feit mourir crueU lement ledit Sigismund, Roy de Bourgongne.
Sigismvnd et Gondemar, enfans du Roy Gundebaud, régnèrent après leurdit père et leur oncle Gundegisil, et vescurent paisiblement ensemble. Or auons nous dit cy dessus comment Sigismund, auant quil fust Roy : cestasauoir, du viuant de Gundebaud, son père, espousa premièrement la fille du Roy Theodoric, des Ostrogoths, qui dominoit en Italie et tenoit son siège et sa court Royale à Rauenne. De laquelle fille du Roy Theodoric, il eut vn filz nommé Sigeric : et puis sa femme mourut. Parquoy le Roy Sigismund de Bourgongne se remaria de nouueau à vne autre dame, dont ie ne scay le nom, ne de quelle maison elle estoit. Laquelle, comme marastres bayent naturellement les enfans des premières femmes de leurs marys, pourchassa tant enuers le Roy Sigismund, quil print en hayne son fîl« Sigeric et le feit mourir.
Apres que le Roy Sigismund de Bourgongne eut perpétré cest homicide en la personne de son propre filz, il en print yne merueilleuse desplaisance : et en feit pénitence extrême et incroyable. Et à fin que Dieu luy pardonnast son péché, il print sa totale deuotion aux saints Maurice, Exuperius, Candidus et Victor, et aux autres martyrs, quon dit la légion de Thebes, qui recourent mort et passion par le commandement de lempereur Maximian, au lieu quon dit Agaunum, maintenant Chablais en Sauoye, au pied du mont Columnaiou, quon dit maintenant saint Bernard. Si leur feit faire vne église somptueuse : et la renta et
lOS ILLYSTRATIONS DE GAVLE, ET
doua de grans biens, et feit desseruir par religieux de sainte vie et bonne conuersation : tellement que par ce moyen, il obtint remission de son péché, ainsi que tesmoignent les grans miracles, que Dieu luy ha donné grâce de faire après sa mort : si comme guérir de fièvres et autrement. Messire Robert Gaguin qui ha escrit les histoires de France, dit que ce ne fut pas Sigismund, qui feit faire ledit monastère, mais son frère Simon. Il se trompe luy mesmes : comme il est aucunesfois négligent en son histoire. Et cuide qpe Sigismund et Simon soient deux noms diuers. Tout fiinsi qui diroit, que Goderaar, Gondemar et Gondeual, fussent trois noms differens, et ce nest quun prononcé diuersement : car il ne se treuue point que le Roy Gundebaud eust autres enfans que ces deux cy Sigismund et Gondemar.
Endementiers que le Roy Sigismund mettoit son estude à fonder ladite église de saint Maurice en Chablais, et autres dont on dit quil édifia grand nombre, Clotilde, sa pousine, Roy de France, ne peut longuement souffrir sa prospérité. Ains après la mort du Roy Clouis, son mary, elle estant à Tours, sen vint à Paris, là où elle assembla ses quatre enfans, cestasauoir, Theodoric, Roy de Metz et fi'Austriche la basse : Clodomir, Roy d'Orléans : Clotaire, Roy de Soiffons : et Childebert, Roy de Paris. Ausquelz elle feit vne grand plein te : et leur remonstra comment vne bonne partie du Royaume de Bourgongne leur appartenoit par droit dheritage , et comment Sigismund et gondemar, enfans de Gundebaud, la leur retenoient par vsurpation. Car ledit Gundebaud, son oncle, auoit fait mourir mauuaisement et tyranniquement le père délie, Chilperic, leur ayeul maternel, et sa mère, leur ayeule, et ses frères, leurs oncles : et vsurpé la despouille et Iheritage
SINGVLARITEK DE TROTE. LITRE III. 409
dicenx. Lequel elle prioit à toute instanoe à sesdits enfans vouloir recouurer, comme à eux appartenant : et prendre vengeance de ce grand outrage, sur lesdits Sigismund et Gondemar de Boargongne.
Ces paroles et instigations maternelles enflamberent ias cœurs de ces quatre ieunes Princes, Theodoric, Clodomir, Olotaire et Ohildebert, de telle sorte, quilz ne penserait iamais assez à temps auoir satisfait à la voulenté de leur mère : ains après luy auoir fait promesse certaine de ce, mirent sus toutes leurs forces et puissances de guerre, à tout lesquelles ilz entrèrent au Royaume de Bourgongne : et alencontre d'eux vindrent en bataille rengee, le Roy Sigismund et Gondemar, son frère. Lestrif fut grand dun costé et dautre, et la bataille sanglante : mais en parfin, les Bourguignons déclinèrent. Gondemar, qui estoit nauré, se retira premier, auecques ses gens. Sigismund senfuyt en leglise de saint Maurice en Chablais : laquelle il auoit fondée comme dessus est dit. Et là fut il prins par Clodomir, Roy d'Orléans, son cousin : auec sa femme et ses enfans, et mené prisonnier en la cité d'Orléans.
Puis (l)que Clodomir, Roy d'Orléans, eut mené prisonnier le Roy Sigismund de Bourgongne, sa femme et ses enfens à Orléans, il les tint assez estroitement, et aucunesfois délibéra de les faire mourir. A quoy vn saint Abbé d'Orléans nommé Auitus, qui lors flourissoit en bruit de sainteté, cuida bien contrester : priant et enhortant le Roy Clodomir, quil ne le feist pas, et disant, que sil comraettoit ce criminel outrage, mal luy en prendroit auant long temps. Mais au pourchas de la Royne Clotilde, mère dudit Clodomir,. qui desiroit la totale destruction de son sang, le bon
(1) c.-à-4. après que.
410 ILLVSTRATIONS DE GAVLE, ET
saint Abbé ne fut point ouy : ains furent tuez et meurtris piteusement ledit Roy Sigismund, la Royne, sa femme, et leurs enfans, et iettez dedens vn puits, au lieu qui se dit Coulonnanic : dont il aduint que lannee ensuiuant, selon ce que le bon Abbé saint Auit auoit prophétisé, ledit Clodomir, Roy d'Orléans, et ses enfans, moururent meschamment : comme sera dit cy après. Certain temps après leur mort, leurs corps furent portez d'Orléans à saint Maurice en Chablais, par ledit saint Abbé, nommé Auitus, et enseuelis honnorablement. Là où iusques auiourdhuy ledit Roy Sigismund est réputé saint, pour les miracles que Dieu monstre à son intercession.
De Gondemar, quatrième Roy de Bourgongne et dernier de la lignée des Goths, et comment au poorchas de la Rojne Clotilde, sa cousine, il fut totalement destruit : et le Royaume de Bourgongne ■vint en la main des François. Et de la mort du Roy Clodomir d'Orléans.
Encores ne suflSt il pas à la Royne Clotilde, appetant vengeance oultremesure : ne elle ne fut saoule du meschef pitoyable du Roy Sigismund, de sa femme et de ses enfans, si elle ne voyoit parfaire la totale destruction de son sang. Si instiga derechef son filz Clodomir, Roy d'Orléans, dacheuer la reste contre Gondomar, Roy de Bourgongne, qui maintenoit ladite Royne, après son frère Sigismund. Par ainsi Clodomir à linstance de sa mère, assembla la plus grosse armée quil peut, et à tout icelle entra au Royaume de Bourgongne. Si luy vint au deuant le Roy Gondemar, auec si grand puissance, quil peut finir de ses vassaux : et sassemblerent au territoire de Viennois, en vn lieu qui est
SINGVLARITEZ DE TROTB. LIVRB tll. 411
appelle Visoront. La bataille fut aspre et cruelle. Mais quand les Bourguignons ne peurent soustenir le faix des François, ilz tournèrent en fuite auec leur Roy Gondemar. Lequel fut suiuy par Clodomir, Roy d'Orléans, par si grand roideur et aspresse, quil seslongna assez de ses gens : et pressa si fort Gondemar, Roy de Bourgongne, quil le rataingnit à la fuite, en le menassant par derrière de grosses paroles, et le pbursuiuant par grand orgueil et vantise. Alors le Roy Gondemar de Bourgongne retournant sur luy par grand fureur et indignation, coucha sa lance et abbatit ledit Clodomir ius de son cheual , tellement quil demeura là : et Gondemar retournant à sa course, se retira dedens sa cité d'Authun.
Les nouuelles esparses de la mort de Clodomir, Roy d'Orléans, Clotilde ne dormit pas : ains resueilla ses deux filz Clotaire, Roy de Soissons, et Childebert, Roy de Paris, à venger la mort de leur frère Clodomir, Roy d'Orléans, Lesquelz obteraperans à la voulenté de leur mère, vindrent assiéger la cité d'Authun, en laquelle sestoit fortifié Gondemar, Roy de Bourgongne. Si la prindrent par force et tuèrent ledit Roy Gondemar : toutesuoyes Gaguin es chroniques de France, met quil eschappa, et les François emmenèrent sa femme prisonnière.
Par ainsi faillit en cestuy Gondemar la lignée masculine du sang des Goths, dont Gundengus, premier Roy des Bourguignons, estoit yssu. Et ne demoura dudit lignage, sinon Clotilde, Royne de France, fille de Chilperic, Roy de Bourgongne : a la poursuite de laquelle femme trop vindicatiue, tout le dessus narré aduint. Mais de tant fut heureux le trespreux Roy Gondemar, que auant sa mort il se vengea de son ennemy mortel et raauuais cousin le Roy Clodomir d'Orléans, interfecteur et meurtrier de saint Sigismund, son
412 ILLVSTRATIONS DE GAVLE, ET
frère. Et ne iouyt pas iceluy Clodomir de sa conqueste vsurpatiue du Royaume de Bourgongne, ne nul de ses enfans après luy, comme Ihistoire dira tantost.
Comment Theodoric, Clotaire et Childebert, enfans dn Roy Clouis de France et de Clotilde de Bourgongne, tindrent ensemble le Royaume de Bourgongne : et de la mort des enfans de Clodomir, Roy d'Orléans : et aussi dudit Childebert, Roy de Paris.
Apres la mort de Clodomir, Roy d'Orléans, et de Gondemar, Roy de Bourgongne, Clotaire, Roy de Soissons, et Childebert, Roy de Paris, diuiserent entre eux le Royaume de Bourgongne : mais ce ne fut pas sans Theodoric, leur frère aisné, Roy de Metz et d'Austriche la basse : lequel tant à cause de sa primogeniture, comme pource quil auoit esté chef à la première victoire contre Sigismund et Gondemar, eut la meilleur part dudit Royaume de Bourgongne. Or auoit la Royne Clotilde retiré les trois enfans de son filz, le Roy Clodomir d'Orléans, et les nourrissoit en son hostel, dont Childebert et Clodomir, mal contens, craingnans quelle ne les gardast pour les auancer au Royaume de Bourgongne et d'Orléans, les feirent venir vers eux, souz couleur de beniuolence. Et quand ilz les eurent, Clotaire en tua deux de sa main : cestasauoir, Gunthier et Theodoald. Le tiers nommé Clodoal eschappa et senfuyt en franchise, là où il deuint moyne, de toutes lesquelles choses la Royne Clotilde eut grand regret. Mais elle en auoit donné les principes et fondemens.
Ainsi feirent partage ledit Childebert et Clotaire par ensemble, des despouilles et de Iheritage de leur frère Clodomir. Mais en parfin (comme cest de coustume entre gens
