CHAPITRE III

Du grand nombre des Princes qui demandèrent en mariage la pucelle Haleine, après son recouurement, pour la singulière beauté délie. Et qui fut celuy qui eut la première despouille de son pucellage auant la marier. Auec narration du chois, que son père le Roy Tyndarus, luy bailla de plusieurs Princes. Et comme elle eslut le Roy Menelaus de Lacedemone, à seigneur et mary.

Qvand donques la pucelle Heleine fut retournée en la maison paternelle au moyen du secours et vaillance de ses deux frères Castor et Pollux, tous les Princes de Grèce, d'Achaie, et des isles circonuoisines, vindrent voir le Roy Tyndarus, père putatif d'Heleine par manière de coniouyssement. Et célébrèrent grosses festes, pour la victoire et bienuenue desdits Castor, Pollux, et Heleine. Or estoit elle parcrue en beauté, surpassant toute chose humaine. Si fut tantost conuoitee et requise en mariage, par vn grand nombre diceux hauts Princes, qui tous desiroient de lauoir, et importunoient le Roy Tyndarus par toutes manières : voire iusques aux menasses, comme met Ouide en lepistre d'Heleine à Paris, disant :

Ciiw, mea virginitas, mille petita proeis.

Et Euripides en la Tragédie d'Iphigenia ;

Heleneque at huius uuptias multi proci Petiere, iuuenes GrsBcisa opulentissimi.

Ueram huic minse truces coortse, etc.

Or la demandoient ilz non pas tant pour espérance du grand douaire , comme pour sa tressinguliere beauté. Laquelle estoit si esmerueillable, que le prince des poètes Homère, eut assez de peine de la bien exprimer. Et Donatus expositeur de Virgile, met quelle fut de si extrême formosité, que plusieurs peintres tresexpers labourans ensemble à la peindre au vif, et ayans plusieurs belles femmes nues deuant eux, ny sceurent onques parataindre. Toutesuoyes le noble ouurier Zeuxis Heracleotes, la tira en perfection après le patron de cinq pucelles eslues par toute Grèce. Le Roy Tyndarus et sa femme la Royne Leda, différèrent long temps daccorder leur fille à nul des Princes dessusdits : pource quilz craingnoient quen lottroyant à lun, les autres nen fussent malcontens, et leur feissent guerre par despit de leur reboutement. Et à ceste occasion, ne cessassent iusques à ce quilz les eussent déshéritez. Et ce fut la cause qui leur feit tenir Heleine assez plus que trop longuement sans marier. Tellement que la belle ne pouuoit plus tolérer le grand désir damours, qui solicitoit sa fleurissante ieunesse. Dont vn acteur nommé Antoine Volsc au comment de lepistre Oenone à Paris : dit quelle senamoura secrètement, dun des ieunes gentilzhommes de la maison de son père : lequel auoit nom Enophorus filz de Hicophon, tant que ledit Enophorus obtint la première despouille de sa virginité. Toutesuoyes ie ne lay trouué ailleurs : et ne scay ou il Iha prins. Et sil fut vray, si nen fut il pas grand bruit.

Finablement le père et la mère de la belle Heleine, voyans que ce nestoit pas chose seure de la tenir si longuement sans mary : et que de tous costez elle estoit requise : et ny auoit plus remède de différer, ne lieu dexcuses enuers les Princes qui la demandoient : craingnans