CHAPITRE IL
Les expositions de ce terme Gallus, lequel est equiuoque, et signifie plusieurs choses. Comment et en quelle manière les Gaulois et les Troyens deduysoient iadis leur origine et noblesse, par la tresparfonde antiquité du Patriarche Noô, surnommé lanus : qui luy huitième seulement au temps du déluge^ fut sauué des vndes.
La figure deuant mise au Prologue, (1) bien entendue, sert de beaucoup à singulariser Troye, et illustrer Gaule, selon nostre propos prétendu : car nous nentendons point faire lun sans lautre. Pour donques commencer à vn bout, la première et plus digne illustration que nous puissions faire à nostre nation Gallique, cest de monstrer lexposition de ce noble terme Gallus, lequel est equiuoque, et dénote plusieurs choses, selon diuerses langues. Car en letymologie Grecque, il signifie blanc comme lait. En langue Phrygienne, cestadire Troyènne, il désigne les prestres de la grande Déesse Cibele, mère des Dieux, et vn fleuue du dit païs. En François cest vn coq : Mais en langage Babylonien ou Hebraïc, cest autant à dire, comme sur vnde ou surmontant les vndes : Et de ce prennent leur dénomination vne manière de nauires quon dit Galees, ou Galleres. Desquelles choses ie prens à tesmoings trois bons acteurs, cestasauoir Xenophon en ses equiuoques, Isidore en ses etymologies, et saint Hierome, sur les interprétations des noms Hébraïques.
(1) « La ligne des roys de Tuscie. »
Conques selon ladite dernière interprétation Hébraïque, le premier entre les humains qui eut ce tresnoble surnom de Gallus, fut Noë le bon Patriarche : autrement surnommé Ogjges, comme met ledit acteur Xenophon en ses Equiuoques, disant ainsi : Ogyges j^lures fiiere:. Pnmus supradicûus attauus Niifii \ quem Bahylonij Qallum cognominai^i : quod m ifiundatione etiam superstes alios eripuerit i eu genuerié, Hinc Sagœ apud quos nauigio saluaius est^et erepHs, raUm i^ocant Oallerim ; quàd vndis saluet, etc. Le second après, qui fut surnommé Gallus, fut le neuei^ dudit saint Patriarche, nommé Comerus, ou Gomer, sel^n .la.sainte. escriture : filz de laphet premier Roy de Ga\ale, selon laques .de Bergame en son supplément des chroniques. Mais selan Berosus de Ghaldee, premier Roy d'Italie, iouxte ce quil dit en .seS'- Décorations : Italiam tenuit Comerus Gallus, (1) ,: r.r. sb iuc» •>
Or si nous voulons bien descendre à la généalogie de Dardanus premier fondateur de Troye, il nous faut prendre nostre theume audit premier Prince et Patriarche Noë, surnommé Gallus. Laquelle chose nous fei^onspar abbreuia^ tion, en ensuyuant la chronique de Berosus de Chaldee, lequel saccorde merueilleusement à la sainte escriture du Vieil testament escrite par Moyse. Et est asauoir, que lesdits Chaldeens estoieht grans Philosophes, et de leur nation fut le Patriarche Abraham. Ausquelz Chaldeens Noë après le déluge auoit enseigné Ihistoire et la vérité de la création du monde, iusques à son temps : et Noë lauoit aprinse de son père Lamech, lequel en auoit esté informé par son grand père, le saint Prophète Enoch, auant quil fust transporté en Paradis terrestre : Et ledit Enoch lauoit sceu du pre-
(l) Jlorilegium, extrait. >
18 ILLVSTRATIONS DE GAVLE, ET
mier père Adam, qui de ce fut aduerty par reuelation diuine. Voyons donques que nous dira Ihistoire de Berosus de Chaldee, acteur tresancien et tresrenommé, lequel flourissoit auant le temps d'Alexandre le grand, et auquel selon Pline en son histoire naturelle, les Athéniens pour sa grand éloquence et sagesse, feirent en leur vniuersité vne statue publique à sa semblance, ayant la langue dorée. A laquelle autorité de Berosus nous ne nous sommes par arrestez simplement, ainçois lauons corroborée des dits delà sainte escriture, et dautres dignes de foy.
Noë se peult interpréter, reposant, selon saint Hierome, es noms Hébraïques : et fut filz de Lamech, ^ui signifie humilité : et fut ledit Noë géant et homme de merueilleuse stature et grand corpulence. Si auoit altaint lan cinq cens de son aage, comme escrit Moyse au vi. chapitre du liure de Genèse, quand il eut de sa femme Tytea la grande, autrement surnommée Aretia, ses trois premiers enfans : cestassauoir Sem, qui est interprété fameux, ou renommé, autrement nommé Melchisedech : Cam le second, ou selon Berosus, le plus ieune, qui vaut autant à dire, comme chalereux ou cauteleux : Et laphet, qui signifie eslargissement. Si se tenoit pour lors Noë auecques sa famille en vne cité nommée Enos, qui fut la première en tout le monde, fondée par Cayn le filz d'Adam, au pied du mont Libanus en Syrie, et en la prouince de Phenice, non pas trop loing de Hierusalem en la terre sainte.
Icelle cité estoit lors toute habitée de terribles Geans, qui dominoient sur la terre vniuerselle, depuis le soleil couchant, iusques au louant. Lesquelz se confians en leur force et corpulence énorme et nompareille, après auoir trouué lusage des armes, opprimoient et tyrannisoient vn chacun. Si auoient aussi esté inuenteurs de faire tentes et
pauillons : Et dinstrumens de Musique, et de toutes autres délices efféminées : Et (qui est grand horreur à raconter) iiz faisoient entremetz de chair humaine. Et commettoient tous crimes d inhumanité, luxure, et abomination quon sauroit dire ou penser, sans auoir regard au droit de nature, honnesteté, ne crainte de Dieu.
En ce temps là plusieurs sages Vaticinateurs et Astronomiens prophetisoient, ou prognostiquoient et grauoient en marbre la future destruction du monde. Mais iceux horribles geans, obstinez et endurciz en leurs vices détestables, tournoient tout à moquerie. Cestasavoir pource que la puissance diuine estoit prochaine de les punir, et leur infelicité leur bendoit les yeux. Excepté le bon père Noë, qui seul dentre tous les geans, estoit sage prend homme, et craingnant Dieu, auecques sa famille, Cestasavoir Tytea la grande sa compaigne, Sem, Cam, et laphet, leurs enfans : Pandora, Noëla, et Noëgla, leurs femmes. Lesquelz de long temps il auoit instruit en bonnes mœurs, et en la reuerence du souuerain Créateur. Luy donques, tant par le commandement diuin, comme par la science dastronomie, par laquelle il preuoyoit le futur déluge, commença à fabriquer la grand arche et nauire, assez congnue par les histoires de la sainte escriture, tant pour la saluation du genre humain, comme des autres créatures. Et quand il sentit approcher celle grand et horrible inondation de toutes les eaues du ciel, de la terre, de la mer et des abysmes, des montaignes creuses, qui sassemblerent tout à vne flotte, il se sauua dedens son arche, lan six cens de son aage. Le XVIII. iour du moys d'Auril. Et lors commença à finer le premier aage du monde, lequel auoit duré seize cens cinquantesix ans, selon lautorité de Philo le luif.
20 ILLVSTRATIONS DE GAVLE, ET
