CHAPITRE L
Comment la publication de ceste œuvre ha esté par le commandement exprès de madame Marguerite Auguste. Et comment par lintitulation et adresse dudit labeur, les dames de la langue Françoise sont benignement saluées. Et puis par trois poincts principaux sont rendues tresamples raisons du tiltre de ce volume. Et de la concorde et adhérence que ont ensemble ces deux termes icy, Gaule et Troye. Aussi j est faite mention de Francus et de Bauo Troyens, qui dominèrent en Gaule après le» ruines de Troye.
A la lovenge, exaltation et gloire éternelle du fouuerain Largiteur de toutes grâces, dequel au commencement de ceste œuure le nom tressaint et tresbenit par tous siècles doit estre inuoqué, et consequemment à Ihonneur, hautesse
iO ILLVSTRATIONS DE GAVLE, ET
et prééminence de noz tressacrez, tresexcellens et tresredoutez Princes des deux nations citramontaines,cestasauoir Françoise et Gallicane, qui dominent auiourdhuy sur plusieurs autres, et sont encores apparentes de plus. Lesquelles deux nations combien quelles vsent de langues différentes, cestasauoir Germanique et Thyoise, Vualonne, ou Romande, et Françoise, toutesuoies la dernière nommée est maintenant la plus élégante, congnue et vsitee es nobles courts de nosdits Princes. Entre lesquelz obtiennent la principauté souueraine deux maisons les plus nobles de tout le monde, cestasauoir la treschrestienne couronne de France, et la tresillustre maison d'Austriche et de Bourgongne, desquelles extraite tresclere et tresrenommee pacifique Princesse, madame Marguerite Auguste, Duchesse douagere de Sauoie, Contesse palatine de Bourgongne, etc. Régente et gouuernante des païs de larchiduc Charles son neueu, Prince des Espaignes, etc. Apres que ceste présente année. Mil cinq cens et neuf, elle par vne merueilleuse félicité qui est don de Dieu, ha employé sa vertu, son sens, et sa diligence, auecques Monseigneur tresreuerend, George Cardinal d'Amboise, Légat de France, (1) à pacifier deux chefz monarques. Princes et pères de famille desdites deux maisons, cestasauoir l'Empereur Maximilian le propre géniteur délie, et le Roy treschrestien Loys xii. à qui elle est coniointe par affinité de lignage, et que comme chacun scait, elle ha tant fait Dieu mercy, que de nostre aage il ne reste aucune doute ou souspeçon de voir renouueller le tumulte de guerre entre lesdits Princes, parquoy toutes Princesses, dames et damoiselles, et autre noblesse féminine de ladite langue Françoise, pourront mieux vaquer
(1) La ligue de Cambrai.
SINGVLARITEZ DE TROYE. LIVRE 1. ff
à leur gracieux et honnestes plaisirs et passetemps, entre lesquelz la lecture diuers volumes leur est familière et bien décente, dont parauenture entre les autres la matière de ce liure ne leur sera point désagréable, selon lopinion de ladite Princesse pacifique, et comme elle le désire. A cause dequoj, et à fin que tousiours quelque bien vienne de sa main libérale à la chose publique, elle ha commandé à lean le Maire de Belges Indiciaire et Historiographe stipendié dudit seigneur Archiduc et délie, de labourer en ce beau temps de paix à lacheuement de ce présent volume despieça commencé, à fin quil puist estre publié et diuulgué par plusieurs exemplaires, pour donner occupation voluptueuse, et non pas inutile, ausdites dames de France, en cueillant la substance de ceste œuure, par laquelle icelle treshumaine Princesse les salue debonnairement, comme celles auec lesquelles elle ha eu conuersation priuee et délectable, au temps de sa prospérité : et oultreplus courtoisie consolatiue en son aduersité : si luy souuient touiours délies.
Maintenant Lacteur dessusnommé, pour fournir à son pouuoir le tresnoble commandement de ladite tresillustre Princesse pacifique, sa tresredoutee dame et maistresse, prétend à layde de Dieu faire démonstration certaine de la signification du tiltre de ce volume. Cestasauoir esclarcir en ce langage François, que les Italiens par leur mesprisance acoustumee appellent Barbare (mais non est) la tresvenerable antiquité du sang de nosdits Princes de Gaule tant Belgique, comme Celtique : Et au surplus mettre en lumière les choses arcanes et non vulgaires de Ihistoire Troyenne, non touchées si à plein par autre quelconque qui par cy deuant en ayt escrit, en cestedite langue. Et si parauenture aucuns sesbahissoient, par quel moyen on peult faire symboliser et conuenir ensemble ces deux ter-
12 ILLVSTRATIONS DE GAVLE, ET
mes et vocables gavle et troye, attendu que ce sont noms de régions si tresdistantes lune de lautre, et qui nont proximité ne voisinage aucun, on leur respond à ce, que silz veulent auoir considération à trois poincts principaux, les quelz ont esté motifz de mettre la main à ce labeur, ilz auront semblable affection, à le parlire, comme Lacteur ha eu à lentreprendre : Et parauenture seront bien contens dentendre ce quilz ne sauoient pas.
Le premier poinct donques est. Que comme les ancestres des Troyens sestimoient les plus nobles et premiers Princes du monde, gueres moins aussi ne se prisoient les Gaules. Car si les vns se vantoient destre descenduz de lupiter le luste, autrement dit Osiris, qui domina iadis sur tout le monde, les autres aussi se glorifioient dauoir prins origine du tresnobleet tresvertueux Saturne, surnommé Dis. louxte ce que dit lulles César, au v. liure de ses Commentaires : Oalli se omnes ah Dite pâtre prognatos 2)rœdicant. Et à ceste cause fut premièrement faite lalliance matrimoniale du grand Hercules de Libye filz dudit Osiris auecques la belle Galatee fille de Celte Roy de Gaule, desquelz deux tresnobles personnages nasquit le Roy Galates : duquel les Gaules portent iusques auiourdhuy le nom. Pour le second poinct il est à noter, que lasius lanigena estant pour lors lupiter de Toscane, et Roy d'Italie et de Gaule, fut frère aisné de Dardanus, premier fondateur de Troye. Et à cause dune merueilleuse dissension quilz eurent ensemble pour le royaume d'Italie, Dardanus fut contraint de laisser le païs, et depuis non osant retourner, il fonda Troye. Quant au tiers poinct : Cest que après la désolation de Troye, deux des principaux Princes de ladite noblesse vindrent habiter auecques les Gaulois : sachans que leurs prédécesseurs y auoient eu alliance, parentage et domination. Le premier
desdits Princes qui y vint habiter, fut le Roy Bauo, de la haute Phrygie, cousin germain de Priam, lequel fonda iadis la tresgrande cité de Belges : si disent aucuns que cest Beauuais en Picardie, et les autres soustiennent que ce fut Bauais en Haynnau, dont ont voit encores les merueilleuses ruines : mais de ce nous disputerons plus à plein au m. liure. Si dominèrent les successeurs dudit Roy Bauo iusques à Dannemarch, et à la mer Balthee. Lautre Prince ensuyuant qui vint en Gaule, fut Francus filz d'Hector, et régna en Gaule Celtique, laquelle pour lors sestendoit depuis Tartarie iusques aux monts Pyrénées, et à la mer Britannique, comme nous prouuerons en son lieu, et donna le nom aux François. Ainsi par ces trois poincts il appert assez, que les Gaulois et les Troyens ont non seulement grande adhérence ensemble tant vieille comme nouuelle, mais sont si meslez quon ne les peult bonnement discerner ne séparer lun de lautre. Dont si ainsi est, que nous puissions prouuer tout le présupposé, ce sera assez satisfait pour le tiltre de ce volume. Pour laquelle probation déduire, il faut premièrement inférer vne conclusion qui est telle.
La Gaule généralement se diuise en deux parties : cestasavoir Cisalpine et Transalpine. La Cisalpine est deçà les monts : La Transalpine delà les monts. César en ses Commentaires mespart la Cisalpine en trois parties : Cestasauoir Belgique, Aquitanique et Celtique. Auguste son successeur (comme met Strabo au iiii. liure de sa Géographie) y adiousta la quarte, laquelle il nomma Lyonnoise. Et fut alors diuisee par limites de fleuues et de montaignes. Maintenant on ne sauroit proprement limiter les Gaules, sinon par la différence des dominations. Les successeurs de Francus filz d'Hector en tiennent plus que les deux pars : et la
14 ILLVSTRATIONS DE GAVLE, ET
reste possèdent les héritiers de Bauo, cousin germain de Priam.
Or donques puis que les successeurs de Francus et Bauo, dominateurs de Gaule, comme yssuz des Troyens remettent leur origine à Dardanus premier fondateur de Troye, et Dardanus à lupiter, il se faut enquérir qui fut celuy lupiter. Et si nous le voulons bien sauoir, il nous faudra inuestiguer du grand Hercules de Libye, et de lupiter le luste son père, et de là monter iusques à Cam, qui fut Saturne d'Afrique, et à son père Noë surnomme lanus, premier Prince et Patriarche de tout le monde, après le déluge. Pareillement pui^ que les Troyens, comme possesseurs et habitateurs de Gaule, déduisent leur extraction depuis leur premier Saturne et Roy nommé Samothes filz de laphet, et surnommé Dis, et de là viennent à Galates filz du grand Hercules, de la belle Galatee Roy ne de Gaule, et puis à lasius leur Roy, frère de Dardanus fondateur de Troye, et consequemment à Francus Roy de Gaule Celtique, et à ses Sicambriens et François dune part : et dautre part à Bauo regnateur de Gaule Belgique, et à ses successeurs Roys et Archidruïdes, et consequemment à Pépin et Charlemaigne, qui régnèrent sur toutes lesdites Gaules, si auant comme elles sestendent, il est bien mestier de ramener à lumière toute ceste belle antiquité, laquelle ha esté absconse et celée iusques à présent à la pluspart des hommes. Voila la conclusion que nous entendons monstrer par ce volume. Mais encores elle demonstree, ce seroit peu, si elle nengendroit vne fin finale.
La fin donques qui resuite de tout le présupposé est double. Cestasauoir, à fin que quand les subietz de nosdils trèshauts Princes, entendront la merueilleuse et tresantique
SINGYLARITEZ DE TROTE. LIVRE I. iB
générosité, et illustrité (1) de leurs Princes ancestres, iadis fondateurs des tresnobles citez, ou ilz habitent auiourdhuy, que à ceste cause ilz conforment leur vénération, amour, seruice et obéissance, envers les Princes modernes. Et dautre part, à fin que les nobles esprits de la langue Françoise et Gallicane, prennent cœur chacun en son endroit, denhorter tant par viue voix comme par leurs escritures, nosdits tresillustres Princes du temps présent, à ce quilz se congnoissent vrays Gaulois et vrays Troyens la plus noble nation du monde : et ne laissent plus fouler leur honneur par les Turcz. Lesquelz faulsement et torçonnierement (2) vsurpent, non seulement le nom de la nobilité de Troye, mais aussi tous les règnes, terres et seigneuries iadis du Roy Priam de Troye. Laquelle chose nont peu souffrir nosdit Princes, se congnoissans estre tenuz, non seulement comme Troyens, mais dauantage comme Chrestiens et treschrestiens. Ces choses dites par manière de préambule, il nous faut commencer de satisfaire à ce que nous auons promis, ce que nous ferons à layde de Dieu. Et pour mieux y donner ordre, et entendre le vray fondement de ce premier liure, nous auons cy deuant mis vne figure de lancienne généalogie des princes de Gaule et de Troye.
(1) iîlustrie^ illustricité {éd. 1512).
(2) injustement, tortionarie.
16 ILLYSTRATIONS DE GAVLE, ET
