CHAPITRE III
Noô lanus, et sa femme Tytea la grande, réparateurs du genre humain, eurent plusieurs enfans après le déluge. Et acquist ledit saint Patriarche Noë plusieurs nobles tiltres et surnoms. Il monstra aux Scythes et Arméniens lusage de labourer la terre, et cultiner la vigne. Et fut en parfiu ledit Noë, rendu stérile, charmé, et enchanté par son fîlz Cam.
Tovs les animaux de dessus le descouuert de la terre, morts et suffoquez par le déluge vniuersel, le bon père Noë et ceux de sa maison seulement, furent reseruez en la grande arche et nauire dessus mentionnée, laquelle finablement sarresta sur le haut mont Gordiens en Arménie. Et après que les eaues furent descrues et retournées en leurs abysmes, Noë le tresnoble Prince et Patriarche, aagé pour lors de six cens ans, comme met Moyse au septième chapitre du liure de Genèse, au commandement de Dieu vujda dillec lan reuolu, le xvii. iour du moys d'Auril, qui fut huit cens et trente ans deuant la fondation de Troye, et deuant lincarnation de nostre Seigneur, deux mille trois cens dixsept ans, comme met frère lean de Viterbe, commentateur de nostre acteur Berosus. Et lors commença le second aage du monde. Si feit Noë sortir hors de larche sa famille, et tous les animaux, bestes et volatilles, dune partie desquelz il feit solennel et agréable sacrifice à la maiesté diuine, laquelle deslors donna bénédiction à Noë, et aux siens.
Par ainsi le bon Prince Noë se voyant seul Roy, Monarque, Empereur, Patriarche, Maistre et seigneur de toute la terre vniuerselle, quand il apperceut que les fanges se commencèrent à seicher, par la grand ardeur du Soleil, il descendit du haut mont Gordiens en Arménie, luy huitième seulement : car plus nen y auoit au monde et vint en la plaine qui estoit toute ionchee de corps morts, et illecques graua en vne grand pierre toute Ihistoire de déluge. Et encores appellent ceux du païsiusques auiourdhuy ledit lieu, Myriadam, qui signifie, Lyssue de Noë. Mais puis que nous sommes tombez sur le propos d'Arménie, il est asauoir, que cest vne grande prouince d'Asie la maiour, laquelle touche deuers Orient à la mer Hyrcane, deuers Mydi à Mésopotamie, deuers Septentrion à la mer Maiour, à Colchos, et à Albanie : et deuers Occident à Cappadoce. Et passent par ladite prouince deux grans fleuues descendans de Paradis terrestre, comme met la sainte escriture : cestasavoir, Tigris, et Eufrates. Mais de ladite région nous parlerons plus à plein en nostre œuure de Grèce et de Turquie. Quand donques le bon père Noë, Sem, Cam, et laphet, et leurs femmes Tytea la grande, Pandora, Noëla, et Noëgla, se veirent estre tous seulets au monde, ilz furent ententifz aux œuures de mariage, à fin de reparer la perte du genre humain : Et tant labourèrent que dedens peu de temps ilz peuplèrent Arménie : car Dieu et Nature, qui ne faillent iamais au besoing, leur faisoient produire à chacun enfantement deux enfans iumeaux, masle et femelle : lesquelz paruenuz en aage competant faisoient le semblable.
Apres ledit déluge vniuersel, Noë eut de sa femme Tytea la grande, trente enfans cy après nommez : Cestasauoir, Tuyscon le géant, Prometheus lancien, lapetus le
ieune, (1) Macrus, et les dix sept Tytans, qui furent tous geans Cranus, Granaus, Oceanus et Typheus. Et des filles Araxa la grande, Regina, Pandora la ieune, Crana et Thetis. Les autres histoires y adioustent aussi lonichus qui premier enseigna lastronomie à Nembroth le géant. Pareillement Sem, surnommé Melchisedech. Cam et laphet, eurent plusieurs enfans, lesquelz nostre acteur Berosus nomme tous. Et ie men déporte à cause de brieueté, et aussi pource quil ne fait pas maintenant à nostre propos. Or dit nostredit acteur, que le bon père Noë estant encores en Arménie, instruisit ses enfans et toute sa famille en sainte Théologie: cestasavoir, en la congnoissance de Dieu, et des choses appartenantes au diuin seruice : Cestasavoir, es cerimonies des sacrifices, à sainteté et à religion. Et oultre ce, les introduisit en bonnes mœurs et sapience humaine. De toutes lesquelles choses, il composa des Hures : et aussi des secretz des choses naturelles, lesquelles depuis les prestres de Scjthie et d'Arménie, gardèrent en grand secret et reuerence, et nestoit loisible à autre den auoir la congnoissance. Et à ceste cause, fut il premièrement appelle Ogyges Saga, en langue de Scythie, qui vaut autant à dire, comme illustre Souuerain prestre, grand Patriarche et Sacrificateur. louxte ce que dit Berosus. Primum itaque dixerunt, Ogygisam Sagam (2) : idest illustrem sacrorum pontiûcem Noam Dysir. Encores leur enseigna il oultreplus le cours des estoiles, et diuisa lan en douze raoys, selon le cours de la Lune. Et par la science d'Astronomie, prognostiquoit des le commencement de lan toutes les choses aduenir. Pour lesquelles causes les Scythes et Arméniens lestiraerent estre participant de nature diuine : Si le
(1) Capetus(éd. 1512).
(2) Ogygem sagam (éd. 1528).
SINGVLARlTliZ DE TROYE. LIVRE I. 25
surnommèrent Olybama et Arsa : cestadire, le Ciel et le Soleil : et fondèrent par trait de temps plusieurs citez en son nom, et pareillement honnorerent ilz grandement Tytea sa femme, à cause de ses vertuz et grand bonté.
Noë oultreplus monstra aux Scythes et Arméniens, lusage dagriculture et de labourer la terre tout simplement : cestadire sans trop grande curiosité et superfluité des choses tendans à délices : Car il aymoit mieux leur enseigner preudhommie, et bonne manière de viure, sachant que lire de Dieu auoit esté prouoquee par luxure illicite et autres vices exécrables, qui ne procedoient que de trop grand abondance des biens. Neantmoins ce fut le premier qui trouua lusage de planter la Vigne, et de faire le vin : et fut loccasion telle, comme met laques de Bergame, au second liure du Supplément des chroniques. Noë regardoit paistre plusieurs bestes en vne montaigne d'Arménie, nommée Corycus : Et entre les autres il se donna garde dun bouc, lequel broutoit les grappes et raisins de la lambrusque : cestadire de la vigne saunage, dont il deuint tantost yure, et commença à sauter dun costé et dautre, et à hurter de ses cornes tout lautre bestial, pour laquelle chose Noë congnut tantost que celle plante auoit grand vertu. Si la cultiua incontinent, et print le sang de quatre diuerses bestes : cestasauoir de Lyon, de Pourceau, d'Aigneau, et de Singe, dont il arrousa la racine de la vigne, pour signifier sa force qui se diuersifie selon les quatre complexions de Ihomme : et par ainsi la vigne cultiuee porta bon fruit, et Noë la vendengea, et monstra aux autres comment ilz deuoient faire. Pour laquelle inuention par luy communiquée aux humains, il fut surnommé lanus, qui signifie en langue Scythique, largiteur de vin. Mais ainsi que ce fut le premier qui trouua la vigne, aussi fut ce celuy qui
dé ILLVSTRATIONS DE GAVLE, ET
sentit premièrement la force de son bruuage : Car comme il ne fust encores accoustumé de sa vapeur véhémente, et il leust beu en moust en vn grand conuiue quil feit à toutes ses gens, il cheut en ebrieté tout plat estendu comme vn mouton, et se trouua couché moins honnestement sur la terre, et tout descouuert. Or auoit il son filz Cam, le plus ieune de trois engendrez deuant le déluge, comdie dit nostredit acteur Berosus. (lasoit ce que la sainte escriture le mette le deuxième comme desia auons dit cy dessus) lequel pour ce quil sestoit tousiours adonné à lart Magique, auoit acquis le surnom de Zoroast, et hayoit son propre géniteur, pource quil luy estoit aduis quil aymoit mieux ses autres frères engendrez après le déluge, quil ne faisoit luy. Mais au vray dire, la cause pourquoy Noë ne laymoit gueres, estoit la grande enormite des vices lesquelz il perpetroit, et enhortoit les autres à les commettre; en ensuyuant toutes les abominations que les horribles Geans faisoient auant le déluge. Par ainsi Cam quand il veit son père gisant à terre endormy tout yure, il luy sembla auoir trouué heure et opportunité de soy venger. Si toucha les parties viriles de son père, et ietta son charme dessus par enchantement et art diabolique, dont il estoit ouvrier, tellement que deslors en auant il le rendit inhabile et impotent de iamais pouuoir fecunder femme ny avoir autres enfans. Pour tous lesquelz maléfices il encourut la grieue indignation et malédiction de son père, lequel le chassa daupres de luy pour aucun temps. Et à ce concorde la sainte escriture.
