CHAPITRE IIII
Le genre humain desia grandement multiplié, Noë lanus, commença à distribuer la terre vniuerselle à ses enfans et neueux : et leur monstra la cosmographie : cestadire, la situation de la terre, comme il lauoit velie auant le déluge. Et premièrement establit la monarchie des Babyloniens en Asie. Mais en Europe il institua quatre Royaumes principaux : dont celuy de Gaule fut lun. Et puis alla visiter sa génération par tout le monde, et fonda plusieurs citez en Asie.
Le genre humain se multiplia tant par succession de temps au païs d'Arménie, que force fut de commencer à quérir nouuelles mansions. Alors le bon père Noë, surnommé lanus. Empereur et souuerain Patriarche de tous les humains, commença à enhorter tous les Princes et chefz dhostel de sa famille, quilz pensassent de se mettre en queste, pour trouuer autre résidence chacun en son endroit, et illecques fonder villes et citez, pour entretenir les gens en communication humaine. Si leur feit partage de la terre vniuerselle, laquelle il désigna en trois parties, ainsi quil auoit veu douant le déluge. Sem, surnommé Melchisedech, laisné, eut pour sa part Asie la maiour qui contient la moitié du monde : Et eut xxv. Ducz en sa famille. Il fonda la cité de Salem qui depuis ha esté nommée Hierusalem, et vescut iusques iusques au temps d'Abraham, laphet son frère fut fait chef d'Europe, qui ne contient que le quart de la terre. Et eut auec luy xiiii. Ducz de sa gène-
d& ILLVSTRATIONS DE GAVLE, ET
ration : Et à ces deux donna Noë sa bénédiction tresampie, selon le texte de la Bible. Mais Cam, combien quil ne fust en la grâce de son père, si ne fut il pas fraudé de Iheritage, ainçois obtint pour luy et pour les siens, lautre tierce partie du monde, comme nous dirons cy après plus à plein.
Frère lean Annius de Viterbe, expositeur de nostre acteur Berosus, recite quun autre acteur luif nommé Philo, met, que le centième an après le déluge, Noë pour monstrer la cosmographie, cestadire la description de la terre, à ses enfans, lesquelz le suiuirent en grand nombre de peuple, il monta premièrement sur la mer Pontique, quon dit la mer maiour, et vint enuironner toute la mer mediterrane, comme il auoit veu parauant le déluge. Si monstra à son filz aisné, Sem Melchisedech, tout le riuage Asiatique, depuis le fleuue Tanaïs, qui est en Tartarie, iusques au Nil, qui est en Egypte. A Cam, il monstra toute la riue de la mer d'Afrique, depuis le fleuue du Nil iusques au destroit de Gy balthar (1). Et à laphet, tout le riuage d'Europe depuis le destroit de Gybalthar en passant pardeuant les terres d'Espaigne, Gaule, et Italie. En laquelle Italie, il entra premièrement par le fleuue du Tymbre, et laissa illec certaine quantité de peuple, au lieu ou depuis fut fondée Romme, du costé de Toscane, Lan cviii. après le déluge, au temps de laage doré. Puis partit dilec, costoyant toute la riue de Grèce pour y mettre du peuple, et rentra au destroit de Constantinoble, et en la mer maiour, et paruint iusques au dessusdit fleuue de Tanaïs en Tartarie, dont il estoit premièrement party. Et est à noter, que en faisant le tour dessusdit, lequel il parfeit en dix ans, il
(1) OibaIthar(éd. 1512 et 1528).
avoit distribué parmy lesdites prouinces, sur chacun riuage certain nombre de peuple pour y habiter. Parainsi luy retourné en Arménie, il y seiourna lespace de cinquanteneuf ans, en laissant croitre et multiplier son peuple : Pendant lequel temps, il en enuoya vne grande partie dehors, pour habiter nouuelles terres, chacun en son endroit, comme il leur auoit desia monstre.
Car enuiron xxi. ans après son retour du voyage dessusdit, ledit bon père Noë commença à fonder les Royaumes et Monarchies du monde, dont le premier fut celuy de Babylonne, sur lequel Nembroth le géant, filz de son neueu Cur, qui fut filz de Cara, fut premièrement estably, Lan cxxxi. après le déluge : Et fut dit le premier Saturne et Roy des Babyloniens, ou Assyriens. Si lenuoya son grand père Noë celle part, auecques ceux de sa famille pour édifier vne cité. Alors Nembroth auec son filz Belus, qui depuis fut surnommé lupiter, et tout son peuple allèrent en la champaigne de Sennaar : Et illec commencèrent à fonder la grand tour et cité de Babel. Laquelle ilz esleuerent iusques à la hauteur des montaignes, pour designer que le Royaume de Babylone estoit la première et souueraine monarchie de tout le monde. Mais Nembroth nacheua point sa tour ne sa cité, à cause de la confusion des langues. Toutesuoyes il régna illec en paix et tranquillité par lespace de cinquantesix ans.
Tantost après le règne de Babylone, quon peult dire Monarchie, Noë fonda en Europe quatre Royaumes particuliers : Cestasauoir celuy d'Italie, celuy d'Espaigne, celuy de Gaule, et celuy d'AUemaigne. Car le dixième an du règne de Nembroth, Comerus Gallus, dont dessus est faite mention, aisné filz de laphet, par le commandement de son grand père Noë, mena son peuple en Toscane, qui est
ÎW ILLUSTRATIONS DE GAVLE, ET
vne partie d'Italie, laquelle estoit lors appelée Rytim (1) : et establit illec sa station et son règne, lan trentetroisierae après que son grand père lanus y auoit premièrement mis du peuple, comme nous aûons dit. Deux ans après son frère Tubal qui aussi est appelle lubal, cinquième filz de laphet, print possession du Royaume d'Espaigne : Et peu après Samothes surnommé Dis, quatrième filz de laphet, entra en Gaule pour y régner. Et puis le vingtcinquieme an du règne de Nembroth, Tuyscon le géant, lun des filz de Noë, de ceux qui nasquirent après le déluge, se saisit de la domination des Allemaignes. Et oultre ce, en plusieurs autres parties du monde Noë enuoya des gens, et des Princes desquelz ie me déporte, pour ce quilz ne sont pas à nostre propos, neantmoins trestous chacun en son quartier, par le commandement exprès de Noë leur père, imposèrent leurs noms aux peuples, païs, citez, fleuues et montaignes, quilz tenoient, à fin que les postérieurs sceussent par ce moyen, de qui ils auoient premièrement esté fondez. Quand donques le bon Patriarche Noë eut ainsi enuoyé ses gens peupler le monde, et que dabondant, il leur eut promis de leur mener par luy mesmes des gens de renfort, quand il veit le temps prochain de son partement d'Arménie, il diuisa ce qui luy restoit de peuple en deux parties. La première (en laquelle estoient beaucoup de ses enfans engendrez après le déluge, auecques grand multitude de peuple) il retint auec luy : Et sur lautre bende, laquelle il laissa pour habiter en Arménie, il ordonna pour Roy et souuerain Patriarche Sabatius Saga, dit Saturne, son neueu, frère de Nembroth Roy de Babylone Et Araxa la grande sa fille, mère dudit Sabatius Saga. Et confina leur
(1) Kytim (éd. 1512). Kytin (éd. 1528).
tenement, depuis Arménie iusques à la terre des Bactriens, qui sont vers les Indes, laquelle estendue, iusques auiourdhuy sappelle Scythie, ou Tartarie.
Ces choses ainsi ordonnées, Noë surnommé lanus, partit pour la seconde et dernière fois du pais d'Arménie, lan CLXix. après le déluge, qui fut le trentehuitieme an du règne de Nembroth, et le cinquanteneufieme an après le premier voyage dessudit. Et certes son partement fut au tresgrand regret, et lamentation de tout le peuple d Arménie, et mesmement de sa fille Araxa la grande, et de son neueu Sabatius Saga , surnommé Saturne. Si emmena auecques luy sa femme Tytea la grande, et plusieurs de ses enfans nez après le déluge, auec grand multitude de peuple, en délibération daller visiter ses enfans et neueux desia disr persez par tout le monde, et voir leur gouuernement, comme bon père de famille doit faire, et les ayder de son bon conseil, et de son peuple : et finablement aller vser le demeurant de ses iours en Italie. En ce propos il commença à faire son voyage par terre, premièrement en Hyrcanie, laquelle il peupla de gens, quil nomma lanees de son nom. Et dillec alla habiter en Mésopotamie deuers la mer, au dessouz de Babylone, là ou il laissa aussi des gens. Puis après en Arabie la bienheureuse, en laquelle il fonda deux citez de son nom et de son surnom : Lune nommée Noa, et lautre laninea, lan quarantecinquieme du règne de son beau neueu Belus, surnommé lupiter, filz de Nembroth, second Roy de Babylone : cestasauoir ccxxxii. ans après le déluge. Lesquelles citez il fournit de peuples. Et en fonda aussi des autres, puis laissa Arabie, et sen vint en Afrique.
En Afrique, qui est lune des tierces parties du monde, assignée en souueraineté à Cam, second filz de Noë regnoit
