ILLVSTRATIONS DE GAVLE, ET

pour lors Triton filz de Saba, qui fut fîlz de Cur, aisné filz de Cam. Lequel Triton receut à ioye inestimable son grand ayeul Noë et Tytea la grande, auecques tout leur train. Si seiourna illecques le bon père Noë vne bonne espace de temps, pendant lequel iceluy Roj Triton mourut, et laissa son filz Hammon, héritier du Royaume d'Afrique, autrement appelle Libye. Ledit Hammon print à femme Rhea sœur de Cam, Saturne des Egyptiens : Mais ladite Rhea labandona depuis par ialousie, comme nous dirons cy après quand il escherra den parler. Puis après le bon père Noë partit d'Afrique, et sen vint en Espaigne, lan ceux, après le déluge : Cestasauoir quatre vingts et dix ans après son dernier partement d'Arménie, qui fut le dixième an du règne de Ninus, troisième Roy de Babylone.