CHAPITRE V

En Espaigne vint le bon Patriarche Noë, du temps de son neueu lubal, premier Roy des Espaignolz, et y fonda deux citez. Puis alla fînablement régner en Italie, et en chassa son filz Cam, lequel lauoit vsurpee par tyrannie, et corrompue de tous maux. Et y fonda ledit Prince Noë lanus, la cité de laniculum, ou depuis Romme ha esté assise. Si recueillit benignement son neueu Sabatius Saga, autrement dit Saturne : et régnèrent ensemble pacifiquement. Puis trespassa ledit bon père Noë lanus : et après son trèspas fut estimé Dieu. Et furent grans honneurs attribuez à luy et à sa femme Tytea la grande,

lubal cinquième filz de laphet, premier Roy d'Espaigne, ainsi quil est à présupposer, receut en grand honneur son grand père Noë lanus, et Tytea sa grand mère, lesquelz furent tresioyeux du bon gouuerneraent de leur neueu lubal : Car ilz trouuerent quil regentoit son peuple en grand iustice et police : Et leur auoit establi depuis six ans au parauant, plusieurs loix et manière de bien viure : Disant ainsi nostre acteur Berosus, Ânno huius Nini quarto : Tuyscon gigas Sarmatas legihus format apud Rhenum. Idipsnm agit lubal apnd Celtiieros : et Samothes apud Celtas, Noë donques pour ayder son neueu lubal à peupler Espaigne, fonda deux citez, lesquelles il nomma Noëla, et Noëgla, en Ihonneur et remembrance de ces deux belles filles, ainsi nommées, les femmes de laphet et de Cam. Puis se délibéra daller en Italie, et illec se repo-

^ ILLVSTRfTlONS DE GAVLE, ET

ser désormais auprès de son neueu Comerus Gallus, premier filz de laphet, lequel il auoit ordonné premier Roy d'Italie, comme dessus est dit : Et meit Noe neuf ans entiers, tant en seiournant en Espaigne, comme en allant d'Espaigne en Italie, là ou il arriua pour la deuxième fois lan après le déluge cclxviii. Cestasauoir, quatre vingts dixneuf ans après son dernier partement d'Arménie. Lacteur ne dit point quel chemin il tint, ou par mer, ou par terre. Toutesuoyes il est bien vraysemblable, que le bon père ne passa point sans voir le tressage Prince son neueu Samothes, cinquième filz de laphet, et frère dudit lubal Roy d'Espaigne. Lequel Samothes il auoit institué premier Roy de Gaule, comme dessus est touché. Et pouuoit auoir lors régné enuiron six vingts ans. Et vescut encores trentecinq ans depuis.

Ainsi vint le bon père lanus pour la seconde fois en Italie auec sa femme et toute sa famille, lan de son aage huit cens soixantehuit. Car au temps du déluge, il auoit six cens ans : tesmoing la sainte escriture, cestasavoir, huit vingts ans, depuis la première fois qu'il y auoit esté. Si trouua que son neueu Comerus Gallus premier Roy d'Italie, estoit pieça mort. Mais son fîlz Cam, contre lintention dudit Noe, non content de la souueraine domination d'Afrique, laquelle luy estoit assignée pour partage, estoit venu vsurper la seigneurie d'Italie, et y auoit desia régné vingt et cinq ans ou enuiron. Et, qui pis est, en lieu que les autres Roys d'Europe, comme dessus est dit, auoient informez leurs subietz des bonnes loix, iustes et droiturieres, Cam au contraire auoit desia corrompu les ieunes gens d'Italie, de tous vices et infaraetez : et principalement à lajde dune manière de gens nommez Aborigines, lesquelz il auoit amené auecques luy pour mieux peupler Italie. De

toutes ces choses fut terriblement mal content le bon père Noë. Toutesfois il eut patience lespace de trois ans pour voir si Cara samenderoit. Mais quand il veit que non, il luy commanda vuyder hors d'Italie : et luy donna aucun nombre de peuple pour laccompaigner, et sen alla habiter en risle de Sicile. Ainsi fut despouillé Cam du Royaume d'Italie, quil auoit vsurpé à tort.

lanus donques le bon Patriarche commença à régner tout seul, en Italie, lan cclxxii. après le déluge. Et pour donner ordre à son Royaume, premièrement et auant toute œuure, comme bon pasteur doit faire, il sépara les brebis saines arrière des infectes : cestadire, le peuple bon et innocent il retint pour luy : Et lautre qui auoit esté gasté et corrompu par la mauuaistié de Cam, il feit passer oultre le fleuue du Tybre : nommé premièrement laniculum de son nom. Lequel peuple estoit nommé Aborigines. Et demandèrent à Noë sa fille Crana pour estre leur Royne, ce quil leur ottroya : et luy bailla sceptre et domination sur eux. Mais ceux sur lesquelz régna lanus, ilz voulurent estre nommez lanigenes, à la différence des autres. Et le quatrième an de son règne, il édifia sur le riuage du Tybre (1), de la part de deçà, cestasauoir deuers Toscane, vne cité sur vn tertre, ou montaigne, laquelle il nomma laniculum, et depuis ha esté nommée Vaticanum (2) : Maintenant on lappelle le Bourg saint Pierre de Romme. Et est le propre lieu auquel est située lesglise de saint Pierre, et le palais du Pape, quon dit maintenant Belvédère, en Italien : cestadire Beauregard, en nostre langage. Et voulut estre illecques le siège perpétuel de son Royaume, iusque au fleuue

(1) Tymbre (éd. 1512). Tybre (éd. 1528).

(2) Vaticanuum (éd. 1512).

34 ILLVSTRATIONS DE GÂVLE, ET

Arnus qui passe parmy Florence, autour duquel fleuue il enuoya habiter du peuple, et fonder citez, lesquelles il nomma Aryn lanas, Id est à lano exaltatas. Et commença premièrement à escrire et enseigner les Droits et les Loix, en vne cité nommée pour lors Vetulonia, quon dit présentement Viterbe. Et oultre plus, le bon père lanus commença à enseigner à ses lanigenes, les sciences de Physique, d'Astronomie, et de Diuination, et les Cerimonies des diuins sacrifices : et leur en composa des liures. Si vserent de mesme langage au seruice divin, comme ilz auoient fait premièrement en Arménie, iusques au temps des Rommains.

Nous auons cy dessus fait mention comment au dernier partement que le bon père Noë feit d'Arménie, il y constitua et establit son neueu Sabatius Saga, surnommé Saturne, Roy et Patriarche d'Arménie : lequel y régna paisiblement aucun temps : cestasavoir, iusques à la fin du règne de lupiter Belus, filz de Nerabroth, deuxième Roy de Babylone : lequel par rage désordonnée, désirant régner tout seul au monde, fut le premier violateur de laage doré, auquel toutes choses estoient communes et pacifiques : tascha par tous moyens de delFaire ledit Saturne, et commanda à son filz Ninus ainsi le faire. Parquoy Saturne homme tout bon et tout pacifique, ayant à peine peu eschapper des mains desditz Belus et Ninus, sen vint rendre à refuge à son grand père Noë, le premier an du règne de Semiramis quatrième Roy ne de Babylone. Et cecy demonstre Virgile en. yn passage, ou il dit :

Primus ab aethereo venlt SaturnUs olympô, Arma louis fugiens, et regnis exul ademptis.

Noë recueillit tresbenignement son neueu Saturne, et

luy feit grand honneur : Car il le créa Roy et Patriarche des Aborigines, dont dessus est faite mention. Si luy feit fonder vne cité du costé de lautre riuage du Tymbre, laquelle il nomma Saturnia, vis à vis de celle de lanus, qui sappellcit laniculum. Et est la partie de Romme qui sappelle auiourdhuy Transtymbre : louxte ce que met Virgile, au VIII. des Eneïdes, là ou il introduit Euander parlant à Enee, et disant :

Haec duo prseterea disiectis oppida mûris, Relliquias veterum vides monumenta virorum : laniculum huic fuerat, illi Saturnia nomen.

Par ainsi régnèrent ensemble daccord, lanus et Saturnus. Et en ce temps là, la bonne et sainte dame Tytea la grande surnommée Vesta, femme de Noë, commença en Italie la religion des Vierges et Nonnains Vestales, et aprint aux filles de maintenir virginité, et de garder perpétuellement feu et lumière ardant au temple : Laquelle institution dura iusques au temps des Rommains en grand honneur et reuerence. Le bon Saturne aussi monstra à son peuple quelque enseignement de labourage, et de religion. Et après auoir créé son filz et successeur nommé Sabus, Roy des Sabins et des Aborigines (1), il mourut lan cccxliiii. après le déluge. Et ceste mesme année, Noë lanus le trèsancien père et Patriarche, sentant la fin approcher, créa lun de ses filz, nommé Cranus, Roy et Patriarche des lanigenes, quon dit maintenant Toscanes. Et le huitième an après, il rendit son tresnoble esprit au commandement de Dieu, après auoir régné en Italie quatre vingts deux ans, depuis son dernier partement d'Italie enuiron neuf vingts

(1) Aborigènes (éd. 1512).

36 ILLVSTR AXIONS DE GAVLE, ET

ans, après le déluge trois cens cinquante, deuant la fondation de Troye, quatre cens quatre vingts ans, auant lincarnation nostre Seigneur, mille neuf cens soixantesept ans : et de laage dudit Noë neuf cens cinquante. Parquoy il appert quil vescut moins que son grand père Mathusalem, seulement dixneuf ans.

Or fut il plaint et plouré généralement par tout le monde. Et les Arméniens, Italiens et autres nations, incontinent quilz sceurent son trespas, célébrèrent ses obsèques, et luy attribuèrent honneurs diuins. Si luy édifièrent temples et autelz comme nous faisons maintenant aux saints de Paradis : Car ilz cuyderent que son ame fust transmuée en aucun des corps célestes. Parquoy ilz lappellerent le Ciel, le Soleil, Labyme, la Semence du monde, le Père des Dieux, maieurs et mineurs : Lame du monde qui mouuoit les cieux : Le Dieu de paix, de iustice et de sainteté : Expulseur des choses nuisibles : et le Gardien des bons. Encores lappellerent ses successeurs enfans et neueux : lanus^ Geminus, Quadrifrons, Oenotrius, Ogyges, UertumnuSy Uadymon, Protheus, MuUisors, Diespiter, là est matutinus et diei {l)pater : lupiter, id est iuuans paier, optimus, maximus. Et tant dhonneur luy feirent ilz par lesdites intitulations, comme ilz peurent. Ainsi que mettent plusieurs acteurs, et mesmement frère lean Annius de Viterbe, expositeur de nostre acteur Berosus.

Hz le figurèrent aussi de plusieurs et diuerses sortes : aucunesfois à deux visages, pour dénoter sa prudence de tous costez : aucunesfois à quatre, pour signifier quil estoit leur Dieu de toute lannee : Car il auoit diuisë lan en quatre pars : cestasauoir, printemps, esté, automne, et hyuer.

(1) deipater (éd. 1512).

louxte ce que dit Macrobe au premier liure des Saturnaux. lanus apud nos in quatuor spartes spectat : nt demonstrat eius simulacTum Ualeriis (1) aduectum, etc. Et puis il dit encores tantost après, que les Phéniciens le pour tray oient en guise dun dragon qui mordoit sa queiie : pour dénoter qnil est le commencement et la fin de lan. Et encores sappelle auiourdhuy le premier moys de douze, lanuarius : en rhonneur de luy. Et à ce saccorde Seruius sur le quatrième liure des Eneïdes. Les anciens encores oultreplus le peingnirent tenant vn sceptre de domination Royale en lune de ses mains, par lequel il fouloit rebouter et dechasser les mauuais : Et deux clefz en lautre, par lesquelles ilz denotoient quil avoit esté inuenteur des portes et des serrures, à fin que les humains entretinssent religion et chasteté : et que 'les larrons nocturnes, et les adultères, fussent par ce moyen prohibez dentrer es bonnes maisons. Et dudit lanus portent iusques auiourdhuy les noms tous les huys et les portes, du nom quon nomme en Latin lanua : et de plusieurs autres sortes le formèrent ilz, comme on peult mieux voir par vn acteur Rommain, nommé Properce, qui de son Image, Idole, ou simulacre fait ample mention au un. liure de ses Elégies. Et commence ainsi :

Quid mirare meas tôt in vno corpore formas ?

Accipe Vertumni signa paterna dei.

Tuscus ego, Tuscis orior, etc.

Certainement lacteur qui ceste histoire ha recueilli et mis en la forme telle quelle est, ne treuue nulz des humains auant laduenement de nostre Seigneur (lequel estoit Dieu

(1) e phaleris (éd. 1512, 1528 et 1533). C'est pour Phaleris dans Macrobe I, 9.

38 ILLVSTRATIONS DE GAVLE, ET

et homme) qui fasse à comparer au bon père Noë, Empereur et Patriarche de tout le monde, ne qui ayt receu plus dhonneurs de son mesme viuant et après sa mort, que luy. Et si aucun lecteur estoit scandalisé de ce quil fut appelle Dieu, après sa mort, il faut quil sache, quen ce temps là tous bons Princes et iustes, estoient appeliez Dieux, sans aucune idolâtrie. louxte ce que dit Metasthenes historien Persan : Ante Ninum, âucentis et guadraginta nouem annis regnatîim fuisse snh tribus diis regibus : quorum qui primus loniuerso imperauit orbi, fuit Ogyges : qui prafuit inundationi terrarum, etc. Et Caton lancien le conferme en ses fragments, disant : Italia complura à diis et ducibus sortita fuit nomina : à lano quidem laniculay quem quidam Oenotrium dictum existimant : quia inuenit mnum et far. Et par ceste mesme raison, Moyse et les autres bons Princes et Patriarches furent appeliez Dieux, non par essence, mais par participation : comme il est escrit au VII. chapitre d'Exode : Fgo te dedi Deum Pharaoni. Et au XXIII. chapitre : Diis non detraJies : et principem populi tui ne maledicas. Et Dauid le Prophète psalmiste Royal, par la bouche duquel le saint Esprit parloit, dit ainsi : Principes populorum congregati sunt cum deo Abraham : quoniam dii fortes terrce veJiementer eleuati sunt.

Ces choses sont exposées vn petit amplement, à fin que les Lecteurs ne sesbahissent point, si nous faisons souuent mention en ce liure des Dieux et des Déesses : desquelz ainsi nommer cestoit au temps passé lusage, comme cest maintenant de Saints et de Saintes. Et certes Noë estoit tressaint homme : comme tesmoigne Moyse au sixième chapitre de Genèse, disant ainsi : JVoë mr iustus atque perfectus fuit : in gêner ationibus fuis cum Deo ambulauit, etc. Et vn peu devant il dit : Noë verà inuenit gratiam coram Domino.

Pour lesquelles raisons si lancien peuple, avant lidolatrie le nomraoit Dieu pour ses mérites, il nen faisoit point à reprendre. Et nous mesmes qui aussi ne sommes point idolâtres, ne deuons faire nulle difficulté (si Lesglise le permet) de ladorer comme Saint, non plus que saint lob, ou saint Abraham. Donc pour reuenir à nostre propos principal, il est à sauoir, que laage doré (dont les Poètes parlent tant) commença à faillir tantost après sa mort : Et ce tesmoigne Ouide au premier liure des Fastes, disant en la personne dudit lanus, que Justice et Chasteté regnoient en son temps :

Tune ego regnabam, patiens cùm terra deorum

Esset, et humanis numina mista locis.

Nondum lustitiam facinus mortale fugarat :

Ultima de superis illa reliquit humum.

Proque metu populum sine vi pudor ip«e regebat,

Nullus erat iustis reddere iura labor.

Nil mihi cum bello : pacem postesq tuebar,

Et clauem ostendens, Hsec, ait, arma gero.

Donques si lanus fut fort estimé et honnoré par tout le monde, et quen la cité nommée alors Vetulonia, et maintenant Viterbe, luy fut fait le premier temple et statue : aussi la bonne dame Tytea la grande sa femme, après son trespas fut réputée Déesse et mère des Dieux : et fut grandement honnoree par Sicanus huitième Roy d'Italie, et nommée Horchia, Uesta, Terra sine Aretia, Reginasacromm, magna Gyheles, Materq denm : atque Uestalium 'princeps sine Âhbatissa. Comme mettent nostre acteur Berofus, et frère lean de Viterbe son expositeur.

40 ILLVSTRATIONS DE GAVLE, ET