CHAPITRE VI
Des gestes de Cam, qui fut tresperuers et tresmaliceux tyrant, et surnommé Zoroast, pource quil fut premier inuenteur de lart Magique. Et aussi Ihistoire de sa femme surnommée Rhea.
Apres que nous auons sommairement descrit le decours de la vie du tressaint Patriarche Noë, en laquelle déduisant nous auons aussi touché la narration de la mauuaise vie de Cam, son second fîlz, ou (selon Berosus) troisième, laquelle combien quelle soit odieuse et détestable, neantmoins nous est il nécessaire la continuer, pour descendre à la généalogie du grand Hercules de Libye, ataue de Dardanus premier fondateur de Troye. Et certes il nest point de si grand lignage, ou il ny ayt eu de gens vicieux, comme il appert par le liure de la génération de nostre Seigneur lESVS CHRIST. Or faut il donc repeter ce que nous auons touché de Ihistoire de Cam. Mais ce ne sera pas sans grans merueilles, douyr comment dun si tresbon père peult yssir vn fîlz si tresmalicieux et tresperuers.
Cy dessus est narré comment le bon Prince Noë, en distribuant la terre vniuerselle à ses en fans, combien que Cam poilu de tous vices et ayant encouru lindignation paternelle ne fust pas digne den auoir sa portion, neantmoins la debonnaireté du père ne volut frauder le mauuais enfant du droit de la succession héréditaire, ainçois luy assigna pour luy et pour les siens en sa part et portion de
perpétuel héritage, la tierce partie du monde : cestasavoir Egypte et Afrique, quon dit maintenant Barbarie. Et luy commanda partir d'Arménie, et sen aller habiter celle part auecques sa femme Noëgla, et trentecinq Ducz : cestadire chefz de famille de son sang, et de sa maison, et leurs femmes et enfans, ce quil feit, et fut Roy et Saturne d'Egypte : Si luy édifièrent vne cité, nommée Chem Myn. Et nommèrent Cam leur Roy, Pan et Syluanus. Et pour recompense des honneurs quilz luy faisoient, il les introduisit selon sa nature, en toutes vilenies, ordures, et infametez : affermant publiquement, que les humains deuoient avoir compagnie auec leurs mères, leurs sœurs, leurs filles, comme paravant le déluge, et autres choses détestables qui ne sont point à dire. Lesquelles doctrines toutesfois ilz ne retindrent point, par instinct de propre naturelle vergongne, sinon seulement de prendre en mariage leurs sœurs, pour multiplier le monde. Et à fin de manifester les vices de leur Prince, ilz lappelloient communément Cam Esenuus : cestadire leur .Dieu Pan ou Syluan infâme. Si demeura en Egypte long temps : cestasauoir iusques à lan cinquantesixieme du règne de lupiter Belus deuxième Roy de Babylone, laquelle année il vint en Italie, qui lors sappelloit Kitim, vers son neueu Comerus Gallus, premier Roy dicelle. Apres la mort duquel il vsurpa à luy le Royaume d'Italie, comme desia auons touché par cy deuant.
Cam donques le corrupteur du genre humain, et lusurpateur d'Italie, tandis que les autres Princes de son lignage, en Germanie, Espaigne, et Gaule, monstroient bon exemple à leurs peuples, et les introduysoient en bonnes loix, il tout au contraire gastoit et corrompoit la ieunesse d'Italie, de toutes manières de vices, non seulement de ceux qui sont cy dessus touchez, mais aussi les induysoit à vsure,
42 ILLVSTRATIONS DE GAVLE, ET
larrecin, homicide, et empoisonnement, et mesmement à exercer lart Magique : à cause de laquelle il fut surnommé Zoroast ou Zoroastres. Et fut le premier inuenteur de ladite art diabolique, selon lopinion de tous les historiens, et qui dicelle composa plusieurs liures. En perseuerant en tous ces maux, Noë lanus son père suruint en Italie, non pensant y trouuer son filz Cam, là ou par sa bonté il le souffrit demourer quelque trois ans, et puis finableraent luy commanda partir, et luy bailla aucun nombre de gens pour aller peupler vne autre contrée : Et fut deslors appelle publiquement par tout le monde Cam Esenuus : là est, Cam infamis et impudicus, incuhus, propagator. le croy que le Turc pour semblable cause sappelle en ses lettres patentes Chan, et le grand Can de Tartarie : comme nous monstrerons plus amplement en nostre œuure de Grèce, et de Turquie. Et certes on congnoit bien que ce nom de Cam, sonne en mal, et est dissonant du nom du bon père Noë, lequel iusques auiourd'huy en toutes ioyes publiques (si comme à la natiuité de nostre Seigneur, et aux entrées des Princes, et à la publication dune paix, comme elle fut dernièrement à Cambray) est acclamé et vociféré par la tourbe des enfans, Noë Noë Noë. (1) Si nha on garde de crier le nom de Cam.
Or auoit Cam vne sœur nommée Rhea, mariée au Roy Hammon de Libye, lequel fut amoureux dune autre belle dame, nommée Amalthee, et eut délie, par adultère, vn filz qui eut nom Dionysius, lequel il enuoya secrètement nourrir en vne cité d'Arabie, appellee Nysa : toutesuoyes la chose ne fut point si celée, que Rhea sa femme ne le sceust. Dont de despit et ialousie elle abandonna son mary
(1) Autrefois Noël et Noé pour le même nom.
Haramon, et sen vint rendre à son frère Cam, en lisle de Sicile, lequel incontinent lespousa. Si ne dit point Ihistoire si sa première femme Noëgla estoit morte ou non. Neantmoins il en auoit eu plusieurs enfans. Cestasavoir, Cur, père de Nembroth premier Roy de Babylone, Typhon le géant, et autres.
Cam et Rhea sa sœur, ainsi remariez ensemble, délibérèrent d'eux venger du Roy Hammon de Libye. Si mirent sus vne grosse armée, à layde de leurs frères les dixsept Titans, qui furent tous geans. Partirent de lisle de Sicile, et sen allèrent par mer en Libye : donnèrent la bataille au Roy Hammon, et le vainquirent, tellement quil sen fuyt en lisle de Crète, quon dit maintenant Candie, et se feirent Roys dudit Royaume de Libye. Et tantost après Rhea eut vn filz de son mary Cam, lequel fut nommé Osiris, et depuis surnommé lupiter le luste : le meilleur et le plus noble Prince du monde. Par ainsi appert que ce fut le premier bien que Cam feit onques, que dengendrer ledit Osiris.
Certain temps après, cestasauoir enuiron lan quarantetroisième du règne de Ninus souuerain Roy de Babylone, Dionysius filz du Roy Hammon de Libye, et de la belle Amalthee, estant desia paruenu en aage, puissant assez pour porter armes, voulut venger loutrage que Cam et Rhea auoient fait à son père Hammon, en vsurpant son Royaume de Libye : Et de fait vint à grand puissance contre eux, et les dechassa et exila. Si se restablit luy mesmes en son Royaume paternel. Et neantmoins vsa de si grand debennaireté enuers le petit enfant Osiris son parent, quil le garda et retint pour son filz adoptif : et pour Ihonneur et remembrance de son père le nomma Hammon, et lupiter. Et luy bailla vn maistre descole nommé Olympus : à cause duquel ledit Osiris fut aussi surnommé Olympicus.
4ê ILLVSTRÂTIOMS DE GAVLE, ET
Apres que Cam et sa sœur Rhea eurent esté desconfiz par Dionysius nouueau Roy de Libye, et quilz se furent retirez en Egypte, Rhea enfanta à son mary Cam vne fille, qui fut nommée luno Egyptienne, et depuis surnommée Isis la grande. Laquelle nasquit le premier an du règne de Semiramis, qui fut lan cccii. après le déluge. Et fut ladite Isis lune des meilleures dames du monde : et la plus heureuse et de plus longue vie, aumoins de toutes celles qui nasquirent après le déluge comme nous dirons cy après. Mais son malheureux père Cam estant audit païs d'Egypte ny demeura gueres paisiblement. Tant estoit il haï et débouté de tout le monde : comme celuy qui auoit encouru la malédiction de son père Noë. Si sen alla au païs des Bactriens, qui est loingtain en tirant vers les Indes, et les Perses : là ou à force denchantemens, et dart diabolique dont il estoit le maistre et le grand ouurier (comme celuy qui lauoit premièrement inuentee) feit tant quil attira le peuple dudit païs à sa subiection, tellement quil dominoit en grand force et puissance sur eux. Et de ce non content, il assembla vne merueilleuse armée, et alla enuahir les Assyriens. Alencontre duquel marcha en bataille le Roy Ninus, le ieune filz de ladite Semiramis, cinquième Roy de Babylone, pour deffendre son païs : Si se trouua vainqueur, et tua Cam surnommé Zoroast, Saturne des Egyptiens : le commun ennemy de Dieu et du genre humain : et brusla ses liures dart Magique, autant quil en peut trouuer.
Neantmoins aucuns historiens afferment, que ledit Zoroastres, (1) que nous disons estre Cam, fut homme de merueilleux engin : Et trouua premièrement les sept ars libéraux : Si les graua en sept colomnes de marbre, et autres sept de
(1) Zoroastes (éd. 1512).
terre cuitte, à fin quelles demourassent à perpétuité contre le feu et leaue. Et disent encores que ledit Cam Zoroast, seul entre tous ceux du monde, risit incontinent au partir du ventre de sa mère : qui estoit chose montrueuse et contre nature, et ne signifioit point de bien. Voyla le conte finy du plus peruers tyrant qui onques fut sur terre : Lequel laissa pour héritier de sa malice Typhon le géant Egyptien, engendré en Noëgla sa première femme.
46 ILLVSTRATIONS DE GAVLE, ET
