CHAPITRE VIL

Du tresnoble Empereur Osiris, qui circuyt et enuironna tout le monde : et fut filz de Cam et de la grand Déesse Isis, autrement nommée Ceres, qui fut sœur et femme dudit Osiris. Et du grand Hercules de Libye filz dudit Osiris. Et aussi est faite mention especiale des grans Geans du temps iadis.

Maintenant se tourne nostre histoire à parler des deux derniers enfans de Cam Zoroast. Lesquelz furent aussi accompliz en bonté comme leur père auoit esté excellent en malice. Or dit nostre acteur Berosus de Chaldee, que la mesme année que le cler Soleil du monde, le saint Patriarche Noë, alla de vie à trespas, comme cy dessus auons dit, à fin que le genre humain ne tombast totalement en ténèbres de viciosité, par la mauuaise doctrine de Cam Zoroast, et de ses semblables. Dieu feit resplendir vne nouvelle lumière de vertu : Cestasauoir le tresnoble Osiris, filz légitime et naturel dudit Cam et de Rhea, sa femme : Lequel comme dessus est dit, auoit esté adopté en filz, par Dionysius Roy de Libye, qui le feit nourrir et introduire en toute science et vertu, par son précepteur Olympus. Et quand il fut paruenu en aage, il luy donna à femme sa sœur Isis, la plus belle et la plus vertueuse dame du monde, auec le Royaume d'Egypte.

Par ladite année du trespas de Noë, eu regard à la natiuité dudit Osiris, on peult conter quil pouuoit auoir lors

soixante ans, et sa femme et sœur Isis enuiron cinquante. Et toutesuojes nostre acteur Berosus les appelle ieunes enfans audit aage. A quoy respond son commentateur frère lean de Viterbe, que bien les pouuoit on dire estre encores en enfance en cest aage là, attendu quilz paruenoient à si grand nombre dans, comme de six cens et plus. Or donques Osiris en laage de soixante ans, et sa sœur et femme Isie aagee de cinquante, sestudierent par ensemble de faire autant de biens au monde, comme le père y auoit fait de maux. Si trouuerent premièrement au pais de Libye, quon dit maintenant Afrique ou Barbarie, lusage de semer et cueillir le froument, (1) dont Osiris premièrement l'alla enseigner à ses voisins, les habitans de Palestine, là ou regnoit encores son oncle Sem, surnommé Melchisedech, lequel offrit premièrement pain et vin à Dieu. Et dillec Osiris vint en Egypte, là ou il fut inuenteur de la charrue, et de tout ce qui appartient au labourage. louxte ce que dit le poëte TibuUe :

Primus aratra manu solerti fecit Osiris, Et teneram ferro sollicitauit humum.

Et de là se print à voyager par toutes contrées, en monstrant aux rudes gens qui lors viuoyent de glands et dautres fruitages, tout ce dont il auoit trouué linuention. Et par ainsi il fut seigneur souuerain de la terre vniiierselle, excepté de ceux qui desia estoient souz lempire des Babyloniens. Si dirons par le menu comment il conquist le monde plus par amour que par force, en ensuyuant tant nostredit acteur Berosus, comme Diodorus Siculus, lequel en parle bien amplement au premier, deuxième, et cinquième liure de ses Antiquitez.

(1) fourment (éd. 1512).

48 ILLVSTRATIONS DE GAVLE, ET

Osiris donques surnommé lupiter le luste, ayant de sa femme et sœur Isis, autrement appellee luno, et dautres dames aussi, desquelles on ne scait le nom, plusieurs beaux enfans, cestasauoir le grand Hercules de Libye, Anubis, Macedon, Lydus, Meon, Neptune, Oros et autres, assembla vn grand exercite, et merueilleux peuple, de toutes gens puissans, forts et hardiz, et experts en toutes sciences : Et laissa le gouuernement du Royaume d'Egypte à la Royne Isis, et emmena auec luy aucuns de ses enfans dessusdits, et de ses neueux. Entre lesquelz enfans estoit chef de toute son armée, son filz aisné, le grand Hercules de Libye, portant en ses armes vn Lyon rampant couronné, tenant vne hache darmes en ses pattes. Ses deux autres frères Anubis et Macedon, portoient en leurs blasons, lun vn Chien, et lautre vn Loup, selon la signification de leurs mœurs et nature. Mais les armes de lempereur Osiris, estoient vn sceptre Royal, et dessus la forme dun œil, comme on voit encores es colomnes antiques : laquelle chose nestoit pas, sans grande signifiance. Parquoy appert que lusage des blasons est de merueilleuse ancienneté. Et tous lesdits Princes estoient appeliez Dieux : Et y furent aussi Pan et ApoUo, et autres Demydieux, auec aucunes dames, qui se nommoient Muses et Demy déesses.

A tout ceste grande noble et puissante armée, Lempereur Osiris circuyt toute la terre vniuerselle. Et au partir d'Egypte commença premièrement à entrer en Libye, quon dit maintenant Afrique, ou Barbarie, là ou il desconfit le géant Antheus, et son père de mesme nom en Arabie. Et puis alla en la terre des Indes et des Ethiopiens, ausquelz il feit de grans biens, en monstrant au rude peuple la manière de labourer la terre, et vne bonne manière de viure en ordre de Police et lustice, en punissant les mauuais, et

SINGVLAÏIITEZ DE TROTE. LIVRE I. 49

guerdonnant les bons. Et mesmement en subiuguant les terribles Geans, pleins de grand cruauté, qui tyrannisoient et guerrojoient les bons par toute Asie la grande. Dont quand il leut enuironnee, et rué ius Busiris le tyrant de Phenice, qui sacrifioit les hommes à ses Dieux, et que ledit Empereur Osiris eut oultreplus occis au territoire de Phrygie, auquel depuis fut assise Troye, vn autre tyranniseur de gens, nommé Typhon, et restablit son filz en son lieu, il voulut passer deçà en nostre Europe, par le destroit de la mer Hellesponte, quon dit maintenant le bras saint George, diuisant la Turquie de Grèce.

Pour le temps dadonques (1) regnoit au païs de Thrace, qui est vne partie de Grèce, ou Constantinoble est assise, vn grand tyrant et horrible géant nommé Lycurgus, lequel voulut destourber le passage au grand Empereur Osiris, surnommé Jupiter le luste, et se rengea en bataille contre luy, mais il y fut tué (2) par les propres mains dudit Osiris. Lequel constitua Roy en son lieu, pour estre Roy de Thrace, vn vaillant Prince de sa compagnie, nommé Maron : puis passa oultre en vne prouince nommée alors Emathie, là ou il abolit et rua ius tous les Geans, lesquelz y auoient vsurpé tyrannie et domination : Et constitua en ladite prouince pour Roy, vn de ses filz dessus nommez : cestasavoir Macedon, qui donna le nom à la contrée : et de luy descendirent les Macédoniens, et leur tresnoble Roy Alexandre le grand. De là Osiris passa en lisle de Crète, quon dit maintenant Candie, là ou il desconfit Milinus le tyrant, et constitua le filz diceluy mesme, Roy de ladite isle : puis retourna en la terre ferme de Grèce, et de là trauersa en

(1) doncques (éd. 1512).

(2) il fut tué (éd. 1512).

50 ILLVSTRATIONS DE GAVLE, ET

Scytliie, quon dit maintenant Tartarie, là ou le grand Hercules de Libye son filz aisné fut amoureux dune dame nommée Araxa la ieune, en laquelle il engendra vn filz nommé Tuscus, qui depuis fut Roy d'Italie : et de luy descendit Dardanus le premier fondateur de Troye : comme nous dirons en son lieu. Et de ladite Araxa Hérodote le prince des historiens, en son quatrième liure raconte quelle estoit Faee et demy femme et demy serpente, comme nous lisons de Melusine.

En après lempereur Osiris, et Hercules son filz, au partir (1) de Tartarie vindrent en Hongrie, et en AUemaigne, iusques à la sourse du grand fleuue Dunoé : qui part de la noire montaigne en Soaue, non pas trop loing de la sourse du Rin. Si enseigna premièrement aux AUemans la manière de semer bledz, enter arbres, et planter vignes en lieux conuenables. Et là ou le terroir (2) nestoit point ydoine à porter vin, il leur aprint à faire vn bruuage dorge dassez bon goust, lequel il nomma ceruoise, du nom de sa sœur, surnommée Ceres. Si fonda là en tour aucunes citez. Dont il est vray semblable que de luy qui estoit surnommé Apis, porte encores le nom la tresancienne maison des Contes de Hasbourg, en AUemaigne, quon dit en Latin Axisburgus, desquelz sont yssuz noz Princes de la tresillustre maison d'Austriche. Pareillement aussi donna il le nom aux montz Apennins, par lesquelz il passa pour venir en Italie, comme nous dirons présentement. Et de ce ây ie mon acteur Caton lancien, en ses fragments, disant ainsi : Aurea œtas usque ad Apim, deorum Italie nltimnm : zt Antioclms Syracusanus scrihit : à quo Apennina, quam Taminam idem interpretatur.

(1) départir (éd. 1512).

(2) terroy (éd. 1512).

SINGVLARITEZ DE JROYE. LIVRE I. Sf

En ce temps là regnoit en Allemaigne vn Prince nommé Gambriuius, (1) septième Roy des Germains, de la lignée de Tuyscon le géant, premier Saturne de Germanie, et filz de Noë. Auecques celuy se festoya le grand Empereur Osiris, comme il est vraysemblable : car il estoit son parent. Et ce temps pendant les peuples d'Italie , oppressez des grans Geans nommez Titans, lesquelz après la mort de leurs bons Princes successeurs de Noë les molestoient, sans nulle miséricorde, enuoyerent leurs embassades au bon Prince Osiris, dit Jupiter le luste, luy supplier humblement quil luy pleust les venir deliurer de la misérable seruitude ou ilz estoient, comme il auoit fait les autres prouinces. Alors en obtempérant à leur tresraisonnable requeste, il fut content de laisser Germanie, pour aller contre les Geans. Lesquelz combien quilz fussent tous ses parens, comme yssuz des dixsept Tytans filz de Noë, neantmoins pour ce quilz estoient iniustes et inhumains, il les desconfit en trois grands batailles, et les^ subiuga du tout : à layde de son filz aisné le grand Hercules de Libye. Si tint deslors le Royaume de Toscane, auquel auoit régné son père Cam, et son grand père Noë. Et régna sur les Italiens par lespace de dix ans, résident pour la pluspart du temps en la cité de Viterbe, pour lors appellee Vetulonia, en grand triomphe, paix, et tranquilité. Au bout diceux dix ans, il constitua Roy d'Italie son neueu Lestrygon le géant, filz de son filz Neptune.

Mais pource que souuent en ce premier liure Ihistoire fait mention des Geans, et que parauenture aucun scrupuleux pourroit cuyder que ce sont fables, oultre ce que la

(I) C'est Gambrinus, le légendaire inventeur de la bierre. C'est aussi un géant de la cavalcade de Cambrai.

52 ILLVSTRATIONS DE GAVLE, ET

sainte escriture fait mention diceux, si comme de Nembroth et de Golias : et que losephus en lantiquité ludaïque les cuyda estre engendrez daucuns esprits de nature Angélique, lesquelz habitèrent auecques les femmes mortelles. Il seroit bien séant damener à ce propos lautorité de Bocace, lequel afferme au lxviii. chapitre du quatrième liure de la généalogie des Dieux, que de son temps fut trouuë au creux dune montaigne prochaine de la cité de Drepane en lisle de Sicile, le corps dun merueilleux géant, tout entier, estant assis, et tenant en sa main vn baston, ou plustost vn arbre, de la forme, grosseur et hauteur dun mast de nauire : lequel baston incontinent quil fut touché, tomba en cendres. Mais il estoit garny par dedens tout de plomb : lequel demeura debout, et depuis fut fondu : si trouua on quil pesoit quinze quintaux, chacun quintal de cent liures. Le corps aussi touché, tomba tout en cendres, excepté aucuns os et trois de ses dens. Des os il nj auoit sinon la partie antérieure du crâne de la teste, et los dune cuisse non pas tout entier, mais pourry et consumé en plusieurs lieux. Les dens furent pesez, et reuenoient à cent onces communes, les trois ensemble. Et fut trouuépar les geometriens du païs, tant par la longueur dudit baston de plomb, comme par les proportions particulières desdits os, que le corps entier dudit géant pouuoit auoir deux cens coudées de haut. Les dens furent penduz à chaînes de fer, en leglise de Nostredame de Drepane, pour monstre et pour mémoire. On voit aussi en autres lieux assez dos de geans, mais non pas de quantité si énorme. Car cestuy là fut de ceux du premier aage. Les autres par trait de temps allèrent tousiours en décroissant, si comme nous faisons auiourdhuy. Dont ie croy que auant la fin du monde les gens deuiendront nains. Mais de cest incident suffise, et retournons à nostre propos principal.

SINGVLARITEZ DE TROYB. LIVRE I. 53