CHAPITRE VIII
La mort du Prince Osiris fut procurée par son frère Typhon le géant Egyptien : et depuis vengée par la sœur et femme dudit Osiris, laquelle esloit nommée Isis ou Ceres, et par le grand Hercules de Libye son filz et neueu.
Les choses dessusdites acheuees contre les Geans, et autrement par lempereur Osiris, dit lupiter le luste, il partit d'Italie auec son tresnoble exercite tout equippé de Dieux, Demydieux, et Heroës : Cestadire, de tous vaillans, preux et vertueux Princes, à la différence des mauuais tjranniques Geans. Et nest pas en Ihistoire sil print son chemin par Gaule, quon dit maintenant France, ou sil alla par mer. En Gaule regnoit pour lors Lucus leur huitième Roy, duquel nous parlerons en son lieu. Neantmoins Osiris se trouua en Espaigne, là ou derechef il eut vne mortelle guerre contre les Titans geans, parens de ceux quil auoifc deffaits en Italie, lesquelz il deffit aussi. Puis laissa le Royaume d'Espaigne es mains de Geryon. Et derechef nauigua en Grèce, cestasauoir, en la prouince de Péloponnèse, quon dit maintenant la Moree. Et régna en la cité d'Arges, par lespace de xxxv. ans : comme met Eusebe en son liure des Temps. Puis finablement constitua son filz Egialeus Roy d'Achaie : et auec son peuple sen retourna glorieusement en son Royaume d'Egypte, vers sa tresnoble sœur et femme, la Déesse Isis, surnommée luno, qui le
54 ILLVSTRATIONS DE GAVLE, ET
receut à grand ioye. Et lors luj furent baillez par tout le monde vniuersel ces tiltres triomplians : Jupiter iusHis, Pater, Dux.Rex, et Consultor, Cums o^egnum perpetuum, et Jiahitatio in Olympo. Lesquelz sont bien différons de ceux que son père Cam auoit.
Luy retourné du tout en Egypte, feit dresser vne haute colomne triomphale, en laquelle il feit grauer, pour mémoire éternelle, ce qui sensuit. Comme met Diodorus Siculus en son premier liure : MiM pater iSaturnus deorum omnium iunior. Sum verà Osiris rex qui vniuersum peragraui orhem.vsque ad Indorum desertos fines . Ad eos quoquesum profectî(,s, qui arcto suHacent : vsque ad Isiri fontes . (1) Ft iterum alias qiioq or Us adii r)sque ad mare Oceanum parteis. Sum Saturni Mius antiquior : germen expulcTiro et generoso orlum, oui non semen gemis f%dt, Neque 'cllus est in orbe, ad quem non accesserim, locus : docens omnes ea quorîcm inuentorfui. Apres lesquelles choses ainsi heureusement acheuees, son frère Typhon Egyptien, en qui toute la malice de Cam son père estoit ressuscitee, fut tant enuieux et despit de la gloire de ce tresnoble Empereur, Monarque de tout le monde, quil conspira auec tous les autres Geans de la terre pour machiner sa mort : dont fînablement il fut le ministre, et le tua murtrierement et en trahison : et le despeça en xxvi. pièces : lesquelles il distribua et bailla à xxvi. autres Tyrans qui lauoient aydé en son maléfice. Lesquelles depuis par Isis la Déesse et Princesse tresdolente furent diligemment recouurees, et mises en sépulture. Et fut par les Egyptiens estimé Dieu, tant que la chose tourna en idolâtrie : et fut adoré en la forme dun bœuf ou dun veau, mesmes par les enfans d'Israël
(1) et Isti fontes et usque occasum (éd. 1512).
au désert. Et depuis sa mort fut nommé Serapis, comme met Bocace au second liure de la généalogie des Dieux. Les Poètes Payons lont appelle Dionjsius, Liber, pater, et Bacchus : et disent que ce fut le premier qui onques porta couronne, et qui triompha des Indes. (1)
le treuue par le recueil de nostre acteur Berosus, que le Roy Osiris fut tué comme en la fleur de son aage : cestasavoir ayant seulement enuiron trois cens ans. Car il nasquit du temps de Ninus troisième Roy de Babylone, et fina durant le règne de Baleus onzième Roy des Babyloniens. Parquoy il estoit apparent de viure encores assez. Car sa sœur et femme la Déesse Isis le survuescut de trois cens ans, comme nous dirons cy après, laquelle Isis Royne d'Egypte, trescourageuse dame, après quelle eut honnoré de sépulture le corps de son frère et mary, conuoqua ses enfans et neueux, desquelz estoit chef le grand Hercules de Libye, pour faire vengeance solennelle de ladite mort. Et auec eux entra en champ de bataille contre Typhon le géant son frère. Et le desconfît auprès dun grand fleuue en Arabe, au lieu mesmes auquel le Roy Osiris son mary auoit occis Antheus le tyrant. Et par ainsi quand le monde futdeliuré de ceste peruerse génération de Cam, Isis la Déesse demeura Royne pacifique d'Egypte, tant par sa propre vertu, comme par la prouesse de son filz ou neueu, le grand Hercules de Libye. Si se taira le conte présentement de ladite Déesse Isis iusques à vne autre fois : et parlerons de son filz Hercules.
Hercules donques le trespuissant Prince, après que par son ayde cheualereuse la mort de son père eut esté vengea sur son mauuais oncle Typhon l'Egyptien, il tascha aussi
(1) Hérodote identifie déjà Osiris et Bacchus.
promptement den faire repentir tous les autres quelzconques qui sur ce auoient ottroyé leur consentement et machination. Pour laquelle chose faire, il partit d'Egypte à tout vne grosse armée : et ouurit la guerre à tous les Geans du monde, lesquelz auoient desia reprins de nouueau la tyrannie, chacun en son quartier, souz la confidence de la mort de son père lupiter le luste. Si marcha tout premièrement en la prouince de Phenice, ou il occit Busiris le tyrant, filz de celuy lequel Osiris auoit tué. Puis alla en Phrygie, ou depuis fut assise Troye, et tua Typheus le .ieune tyrant de ladite contrée. Et donna la terre à son filz Athus, lequel il auoit eu dune dame nommée Omphale, comme nous dirons à la fondation de Troye. Pareillement il desconfit Mylinus le ieune, Roy de la mer en lisle de Candie. Et de là vint en Afrique, quon dit maintenant Barbarie, et renuersa sur les sablons dicelle Antheus le géant, et nomma le païs de son nom Libye, lequel parauant se nommoit Phutee : et y esleua vne haute colomne en mémoire de sa conqueste. Et puis passa le destroit de Gybaltar, et vint en Espaigne ou il combatit corps à corps les trois Geryons qui estoient frères, et Roys d'Espaigne, et les rua ius. Si créa son filz Hispalus neuuieme Roy d'Espaigne, duquel iusques auiourdhuy porte le nom la cité d'Hispalis, quon dit vulgairement Siuile en Espaigne. Ce fait. Hercules se délibéra daller en Italie, pour deffaire les Tyrans, qui nouuellement sestoient esleuez en icelle : Pour laquelle chose acheuer, voulant faire sou voyage par terre, luy fut mestier de passer par le Royaume Celtique, qui depuis sappella Gaule, et maintenant se nomme France.
