CHAPITRE IX
De lupiter Celte neuuierae Roy de Gaule, qui donna le nom à la Gaule Celtique, laquelle est amplement descrite. Et colloqua ledit Roy Celte, en tiltre de mariage, sa fille Galatee la belle geande, au grand Hercules de Libye. Et de la fondation de la puissante cité d'Alexia, faite par ledit Flercules dixième Roy de Gaule. Laquelle cité fut fondée en vne province dudit Royaume, quon dit maintenant la Duché de Bourgogne.
Pvis que Dieu mercy nous sommes maintenant paruenuz à ce poinct désiré, auquel lopportunitë nous ameine, de declairer la merueilleuse noblesse et antiquité de ce Royaume de Gaule : il nous faut sauoir premièrement en quel temps et en quel aage, le grand Hercules de Libye y vint à ceste fois : Car il nest pas bien certain sil y auoit passé parauant, quand il alla en Espaigne auec son père lupiter le luste, du temps de Lucus huitième Roy de Gaule, comme nous auons dit cy douant. Si pourrons nous bien cecy sauoir par le temps que ledit Hispalus fut establi Roy d'Espaigne : Dont frère lean Annius de Viterbe tresdiligent historiographe, au recueil de la chronique d'Espaigne, dit que ledit Hispalus fut couronné Roy d'Espaigne par son père Hercules, le XXVI. an de Baleus second de ce nom, onzième Roy de Babylone, qui est depuis le déluge, cinq cens quatre vingts et dix ans. Douant la fondation de Troye, ccxli. et auant lincarnation de iesvs christ, mille sept cens et vingtsept. Or nasquit Hercules tantost après Ninus, troisième
58^* ILLVSTRATIONS DE GAVLE, ET
Roy de Babylone. Depuis laquelle mort iusques au trentesixième an de Baleus onzième Roy, il y ha iustement deux cens quatre vingts et dix ans. Par ainsi peult on bien voir et (1) clerement en quel temps, et en quel aage Hercules vint en Gaule : Car ce fut tantost après la couronnation dudit Hispalus son filz en Espaigne.
En ce Royaume Gallique, quon dit présentement France, dominoit pour lors vn Roy nommé lupiter Celte, filz du Roy Lucus, dont nous auons touché cy douant : lequel estoit tresriche et trespuissant en bestial, et en pasturage : laquelle chose estoit Tauoir des Princes du temps d'adonq : Car il nestoit point encores question de leuer tailles ne tributs, ny aussi vsage de monnoye, comme maintenant. Or aduint il en son temps vne chose mémorable en Gaule, comme met nostre acteur Berosus : et à ce se concorde Diodorus Siculus en son sixième liure. Les pasteurs dudit Roy lupiter Celte, repairans parmy les montaignes, quon dit maintenant Pyrénées, lesquelles séparent le Royaume de France dauec Espaigne, boutèrent le feu es bois desdites montaignes : tellement quelles bruslerent par vne merueilleuse inflammation et longue espace de temps. Et furent cuites par la force du feu les roches et les mynes, tellement que grans ruisseaux dargent pur couloient iusques aux valees. Dont les rudes pasteurs de ce temps là, non sachans que cestoit, ne faisoient autre conte, sinon quilz sen esmerueilloient. Mais dauenture aucuns marchans de Phenice, qui est en Syrie, passèrent par là, et congnurent tantost la valeur du métal. Si feirent change avec lesdits pastoreaux daucunes marchandises de petite valeur : et emportèrent largent en masse aux autres nations qui desia sauoient que
(1) bien veoir cler;^ment (éd. 1512).
cestoit, dont ilz feirent vn merueilleux gain. Voire et estoit ladite cendrée dargent en telle quantité, que après auoir chargé leurs nauires à comble, ilz en feirent des ancres de mesmes, laquelle chose on ne feroit pas maintenant. Et dudit feu portent encores le nom lesdites montaignes Pyrénées : Car pyr en Grec signifie feu en François.
Le noble Roy lupiter Celte auoit vne seule fille, laquelle excedoit toutes les autres dames du monde en grandeur, force et beauté naturelle. Dont il est facile à coniecturer quelle estoit geande. A laquelle soy confiant en toutes ses valeurs et prééminences, il sembloit bien quil ny auoit Prince au monde qui la vaillit : et ne voulut iamais saccorder à estre mariée ; combien quelle en fust requise et solicitée par plusieurs hauts personnages : dont son père estoit bien desplaisant, attendu quelle luy estoit vnique, iusques à ce quelle ouyt parler de la renommée du grand Hercules de Libye, lequel auoit fait tant de merueilles par le monde, et mesmement de récente mémoire en Espaigne. Comme donques ledit Hercules en grand gloire et triomphe fust venu d'Espaigne en Gaule, et que le Roy lupiter Celte leust receu en grand appareil, sadite fille ayant nom Galatee, quand elle veit la hautesse et corpulence, force et beauté d'Hercules, qui estoit Géant, et fut aussi informée de sa tresnoble extraction, elle accorda à son père, et à tous ses parens, par grand et affectionné désir, ce quelle avoit tousiours refusé de tout autre homme : cestasavoir destre alliée par mariage auec le preux Hercules.
Par ainsi du consentement du Roy lupiter Celte, et de tout le parentage, furent célébrées les noces triomphantes et solennelles du grand Hercules de Libye, et de la belle geande Galatee (1) : Laquelle conceut tantost vn filz nommé
(1) Galathée (éd. 1512).
60 ILLYSTRATIONS DE GAVLE, ET
Galateus, qui passa tous ceux de son aage, en force, et en vertu, comme nous dirons cy après quand le cas y escherra. Et en ces entrefaites, comme ie puis coniecturer par Ihistoire, mourut le Roy lupiter Celte. Lequel fut de si grand estime, que iusques auiourdhuy la tierce partie de Gaule porte son nom, et se dit Celtique : combien que maistre Alain Charretier la vueille aussi nommer Lyonnoise. Pourtant est il bien raisonnable que nous mettons icy lestendue de la Gaule Celtique portant le nom de son Roy. Et ce ferons nous bien selon la description de messire Robert Gaguin (1) es chroniques de France, et Raymond Marlian sur les commentaires de Iules César.
La Gaule Celtique est située entre quatre grans fleuues renommez : cestasauoir Rhône, Seine, Garonne (2), et Marne. Et courent parmy icelle assez dautres fleuues : Si comme Vienne, Lysere, Aube,Sorgue, Durance,etc. Les principales citez dicelle sont, Lyon, Authun, Mascon,Chalon, Auxerre, Troyes, Sens, Paris, Meaux, Orléans, Chartres, Eureux, (3) Lysieux, Auranches, Constance, Bayeux, Lemans, Nantes, Vannes, Rennes, Angers, Neuers, Vienne, Grenoble, Embrum, Gap, Sisteron, Carpentras, Orenge, Viuiers, Auignon, Arles, Marseille, Aix en Prouence, Cauaillon, et Nice. Il est bon de sauoir les limites de ladite Gaule Celtique, pour la remembrance dudit Roy Celte. Lequel encores comme faisoient les vertueux Princes du temps passé, estendit son nom plus loing quen Gaule. Car de luy furent nommez les Celtiberes en Espaigne (ie croy que ce sont ceux qui habitent sur les frontières dentre Aragon et Cas-
(1) Guaguin (éd. 1512).
(2) Gai-urane (éd. 1512).
(3) Rouan (éd. 1512).
tille) et les Celtoscythes en Tartarie : desquelz Strabo fait mention en son premier liure.
Apres donques le trespas du bon Roy lupiter Celte, le grand Hercules de Libye régna en Gaule, pour le dixième Roy, auec sa compaigne, la belle Galatee. Et comme met Diodorus Siculus en son v. liure, il enuironna (1) toutes les prouinces de Gaule, en enseignant au peuple toute bonne manière de viure. Et leur osta Ihorrible coustume quilz auoient de sacrifier les estrangers. Et comme il eut vne merueilleuse suyte de peuple innumerable, il se meit à fonder vne grosse et puissante cité, sur vne haute montaigne en vne partie de Gaule Celtique, quon dit maintenant la Duché de Bourgogne, entre Authun et Langres, qui est lun des bons païs du monde. Laquelle cité il nomma Alexia, qui signifie coniunctiue ou copulatiue : pource que le tresnoble sang de deux diuerses nations y fut conioint : et peupla icelle grandement. Si fut depuis en grand florissance, mesmement du temps de Iulius César. Douant laquelle il planta vn merueilleux siège, et feit des bastillons en forme de fleurs de liz, comme luy mesmes escrit au vu. liure de ses Commentaires. Laquelle chose sembloit auoir quelque présage et signification de la prééminence future de la Duché de Bourgongne en la couronne de France. Maintenant Alexia, nest quune petite bourgade, au païs de Lauxois, non pas loing de Flauigny.
La grand cité d'Alexia ainsi peuplée et fortifiée par le grand Hercules Roy de Gaule, laquelle il constitua chef de son Royaume, après auoir donné bon ordre à toutes choses, il se délibéra daller conquester Italie. Si meit sus vne tresgrosse armée, print congé de sa femme, la Royne Gala- Ci) C.-à-d. il parcourut.
62 ILLVSTRATIONS DE GAVLE, ET
tee, et de son filz le noble Galateus aagé de cinq ans ou enuiron : Et entra au pais des AUobroges, quon dit maintenant Sauoye. Et rompit premièrement les dures roches et montaignes dicelle à force de gens : car elles estoient trop difficiles et trop inaccessibles. Si y feit ouuerture assez large pour passer ses ckeuaux et bagages : et destruisit tous les larrons et brigans desdites montaignes, lesquelz auoient accoustumé de molester les passans : et rendit le chemin seur et net. Puis descendit à grand force et puissance en Italie, pour faire vindication des Geans lesquelz auoient donné leur consentement à la mort de son père lupiterle luste. Mais de luy se taira vn peu le conte, iusques à ce que nous ayons monstre quelz Roys auoient régné en Gaule, avant ledit Jupiter Celte père de Galatee, la belle Geande.
