CHAPITRE X
De la tresancienne noblesse et parentage de la belle Geande Galatee, Royne de Gaule : commençant au tressage Prince nommé Saraothes, filz de laphet : lequel Samothes surnommé Dis, fat ordonné premier Saturne, et Roy de Gaule, par son grand père Noë lanus. Des gestes dudit Roy Samothes, et de sa tresnoble postérité, iusques audit neuuieme Roy Celte, père de Galatee. Et daucunes citez premièrement fondées en Gaule, successiuement par-lesdits Roys.
Puis que Dieu mercy nous auons fait le mariage du grand Hercules de Libye, auec la belle Galatee Royne de Gaule, et que la noblesse Herculienne est assez congnue, et entendue par le dessus narré, il faut selon nostre intention monstrer aussi lexcellence et illustrité (1) du sang de Galatee mère des Gaules. Pour laquelle chose faire, il faut commencer au premier Roy et Saturne des Gaulois : et dillec amener toute sa suite, de père en filz, iusques au Roy Celte père de Galatee, pour mieux fournir noz Illustrations de Gaule : ce que nous ferons à peu de langage, et le plus clerement que nous pourrons.
Cy dessus au quatrième chapitre, il est dit comment le centième an après le déluge le bon Père Noë partit pour la première fois d'Arménie, auecques plusieurs de ses enfans, et neueux, et grand nombre de peuple. Si se meit sur la
(1) illustrie (éd. 1512).
64 ILLVSTRATIONS DE GAVLE, ET
mer maiour, quon dit la mer Pon tique, et entra en la mer Mediterrane, de laquelle il costoja tous les riuages dune part et dautre, pour monstrer à tous sesdits enfans et neueux, la situation de la terre : comme il la sauoit estre auant le déluge. Et la différence des trois parties du monde, Asie, Afrique, et Europe, desquelles auoit proposé de distribuer la souuerainetë, à ses trois enfans nez deuant le déluge, Sem, Cam, et laphet. En laquelle chose faisant, et en enuironnant toute ladite mer Mediterrane, il meit en chacun riuage des diuerses contrées de ladite mer aucun nombre de peuple, et de bestail : et leur commanda quilz creussent et multipliassent, et possédassent la terre, chacun en son endroit. Parquoy il est nécessité de conclure, quen passant par deuant les riuages de Gaule, sur les quartiers quon dit maintenant Languedoc et Prouence, il y laissa du peuple et des bestes pour les nourrir, et alimenter. Et est vraysemblable, que parauenture Noë y entra par le fleuue du Rhône : et puis quand il eust fait ainsi par tout, il retourna en Arménie le dixième an après quil en estoit party. Par ainsi peult on cleremeni; voir, en quel temps la terre de Gaule commença destre habitée après le déluge : Cestasauoir enuiron cent et sept ans. Car il est certain que après auoir mis du peuple en Gaule, Noë entra pour la première fois en Italie, par le fleuue du Tymbre, lan cent et huit après le déluge.
Apres ledit voyage, Noë retourné en Arménie commença le XXI. an après son retour, fonder les Royaumes et segneurier (1) par tout le monde : tellement, que lan cxxxi. après le déluge, il instaura la première monarchie des Babyloniens, de laquelle fut le premier Roy Nembroth son
(1) seigQouries (éd. 1512).
neueu. Et enuiron le xiii. an du règne dudit Nembroth, il ordonna pour estre Roy des Gaules, vn autre sien neueu, nommé Samothes, et surnommé Dis, quatrième filz de laphet, comme le plus prudent, et propice à ce. Par ainsi ledit Samothes constitué premier Roy de Gaule, print congé du saint Patriarche Noë, lequel luy donna sa bénédiction : et de sa grand mère Tytea, et aussi de son père laphet, et de sa mère Noëgla, et de ses autres parens. Et auec sa femme, sa famille et sa suite, en grand nombre de peuple, vindrent iusques à la mer maiour. Et est à noter, quilz menoient auec eux toute leur substance et richesse, Cestasauoir toutes manières de bestes priuees, et qui seruent à lusage de Ihomme, et aussi volaille (1) domestique. Esquelles choses consistoit pour lors le trésor des Roy s. Et à tout ce train, Samothes monta sur ses nauires. Et feit tant à layde des vents, quil aborda sur le riuage de Gaule XXXVII. ans ou enuiron, après la première fois, quil luy auoit esté monstre par son grand père Noë. Cestasauoir cxLiiii. ans après le déluge. Si peult on facilement coniecturer, que laage dudit Samothes quatrième filz de laphet, nestoit gueres moindre de cxl. ans quand il arriua en Gaule.
Or descendit le noble Samothes, en son Royaume de Gaule, auec sa femme, dont nous ne sauons le nom, ses enfans, son peuple et son bestail, et cheuance. Et en print possession lan que dessus ; cestasauoir deux mille quatre vingts et treize ans auant lincarnation nostre Seigneur. Si trouua desia la terre peuplée, dun grand nombre de gens : comme ceux qui pouuoient estre beaucoup multipliez, en lespace de xxxvii. ans, depuis que Noë les y auoit mis. Si
(1) voulatille (éd. 1512).
66 ILLVSTRATIONS DE GAVLE, ET
luy feit ledit peuple obéissance comme à son Roy. Et feirent trestous grand chère à sa venue. Et le nommèrent leur Roy, leur Patriarche et leur Saturne. Car tous chefz de famille estoient ainsi nommez par excellence et dignité, comme declaire Xenophon en ses Equiuoques, disant ainsi : Saturni dicîintur familiarum nohilium regum, qui vries condiderunt, senissimi (1) : Primogeniti eorum loues et lunones : Hercules mrb, nepotes eorum foriissimi, etc. Mais il est bien facile à coniecturer que ces gens là, qui long temps auoient esté sans chef, viuoyent rudement, simplement et pastorallement, selon la loy de Nature : Neantmoins le bon Roy Samothes les laissa croistre et multiplier en telle manière de viure vn long temps : Cestasauoir cviii. ans auant quil leur baillast loix, ne restrictions de leur liberté : auquel espace, ilz peurent bien parauenture décliner de leur simplicité primeraine, et tomber en quelque desordre et malice, ainsi que Nature est tousiours encline à mal. Et à caste cause le tressage et tresuertueux Prince Samothes, pour refréner et modérer la fragilité de son peuple, leur commença à donner loix, et ordonner police, lan quatrième du règne de Ninus, troisième Roy de Babylone. Et le semblable feirent Tuyscon le Géant son oncle, Roy d'Allemaigne, et Tubal son frère, Roy d'Espaine, comme nous auons allégué cy deuant au cinquième chapitre. Si leur enseigna aussi beaucoup de philosophie, dastronomie et de lettres, lesquelles il auoit aprinses de son grand père Noë, et de son père laphet : Et qui demanderoit de quelz lettres et caractères ilz vsoient lors, Berosus respond, que de lettres Phéniciennes, desquelles ilz auoient vsé en Arménie, lesquelles estoient semblables à
(1) sftvissimi (éd. 1512j.
SINGVLARITEZ DE ÏROYE. LIVRE I. 67
celles que Cadmus apporta long temps après de Phenice, en Grèce. Et pource dit Iulius César au sixième liure de ses Commentaires, que les Gaulois de son temps vsoient de lettres Grecques. Mais certes Hz les auoient telles beaucoup auant que les Grecz. Tesmoing Xenophon en ses Equiuoques, qui dit, que Cadmus vn peu deuant les ruines de Troye, apporta aux Grecz xvi. caractères de lettres, non tant resemblans les Phéniciennes que les Galatees.
Samothes donques surnommé Dis , fut le plus sage Prince de tout son temps, qui nest pas petite louenge. louxte ce que dit nostre acteur Berosus : iSamotJies qui et Dis, Celtas colonias fundauit. Neque quisquam illa œtate, isto sapientior fvM : ac propterea Samothes dictus est. Entre les autres choses de philosophie quil aprint à ses gens, fut, que les âmes estoient immortelles. Et après quil eut establi loix droiturieres à son peuple, il vescut encores xlvii. ans, et puis mourut plein dans et de gloire, laissant son filz aisné nommé Magus, pour héritier de son Royaume, le cinquantevnieme an du règne de Ninus troisième Roy de Babylone, qui fut lan du règne dudit Samothes, sept vingts et quinze, et de son aage peu moins de trois cens, enuiron cinquante ans deuant la mort de son grand père Noë régnant en Italie. Et fut ce noble Prince Samothes de si grande estime, que les Gaulois ne se glorifioient dautre chose, que destre yssuz de luy, iusques au temps de Iulius César, comme il tesmoigne au sixième liure de ses Commentaires.
A cause de ce tresnoble Roy Saturne, et Patriarche Samothes, surnommé Dis, nostre Gaule commence bien destre illustrée et anoblie. Et ne fust ce que pour lamour des lettres et de philosophie quil enseigna premier en icelle, ne desplaise à la vanter ie de Grèce, qui long temps
68 ILLVSTRATIONS DE GAVLE, ET
ha vsurpé ce los : Car dudit Samothes procéda la première secte des Philosophes de toute Europe, nommez Samothees : Lesquelz estoient experts en toute science diuine, et humaine : iouxte ce que dit Diogenes Laërtius au commencement du liure de la vie des Philosophes. Philoso^hiam à Barharis initia sumpsisse, complures auctores asserunt. Constat enim apud Persas claruisse Magos : apud Babylonios et Assyrios Jlor%isse Chaldœos : apud Celtas et Gallos, Druidas : et qui Samothei dicuntur. Et à tant suffise de nostre premier Roy de Gaule : et viendrons à ses successeurs, qui tous furent bons Princes et sans vice, dont nous deuons grâces et louenges au bon père Noë qui telz nous les bailla : Et en ce appert quil auoit grand désir que le monde fust bon, quand il leur bailloit telz Princes.
En Gaule commença à régner Magus, deuxième Roy filz aisné de Saturne Samothes, surnommé Dis. Justement trois cens ans après le déluge, huit ans après la natiuité du Patriarche Abraham, et douant lincarnation nostre Seigneur deux mille dixsept ans. Cestuy Magus fut sage Prince, et grand edificateur, comme son nom le declaire : Car Magus en langue Scythique signifie edificateur : et en langue de Perse, cest autant à dire, comme sage et philosophe. De Cestuy Magus dit Berosus en son histoire : Nini Li. anno apud Celtas regnauit SamotJiis Hlius Magus, à quQ illis oppida pliirima posita sunt. Et par cela peult on entendre, que ce fut le premier Roy de Gaule, qui commença à édifier villes, citez et maisons. Car parauant les gens viuoyent aux champs, en lombre des arbres. Ce terme icy Magus, comme met frère lean Annius de Viterbe, expositeur de Berosus, signifioit iadis en la première langue Gallique, palais ou édifice, ou bourg. Et pource en la Cosmographie de Ptolomee, on treuue les noms de plu-
sieUrs villes qui se terminent en magus. Si comme en Aquitaine Nouiomagus : En la prouince Lyonnoise, Neomagus : En la Gaule Belgique Rhotomagus. Cest la cité de Rouen en Normandie. Belgitomagus (l),Vindomagus et autres, portans le nom dudit Roy Magus : et mesmement Nouiomagus, quon appelle Nymeghe, la première ville de Gheldres. Parquoy II appert assez, que ce fut celuy qui premièrement réduisit son peuple de Gaule en villes et en bourgz. Mais le temps de la duration de son règne, ne des .autres subsequens, nest pas proprement distingué en Ihistoire de nostre acteur Berosus, parquoy nous ne le mettrons pas de peur de faillir.
Apres Magus régna en Gaule, son filz nommé Sarron, troisième Roy dicelle, lequel à fin quil refrenast la férocité des hommes encores tous crudz et tous nouueaux, institua les premières estudes de lettres, quon dit maintenant vniuersitez publiques. Et de luy vindrent vne secte de philosophes nommez Sarronides desquelz parle Diodorus Siculus en son vi. liure des Antiquitez, disant ainsi : Sunt apud Geltas tlieologi, vt (2) pMlosopM : ^uos vocant Saronidas^ qui 'prœciyuè ah cis eoluntur : JVam moris est apud eos, nullum ahsque 'pliiloso'pJio sacriûciumfacere.etc. Cestadire, que lesdits philosophes estoient en grand estime, et ne se faisoit nul sacrifice sans eux.
Le quatrième Roy de Gaule, fut Dryius filz de Sarron : Auquel Berosus baille ce tiltre : A'pud Geltas Dryius périti(B plenus. Il commença à régner, lan quatre cens et dix après le déluge : Cestasauoir, deux cens cinquantecinq ans, depuis la première fondation du Royaume de Gaule. De
(1) Berbetomagus (éd. 1512).
(2) aciéà. 1512).
70 ILLVSTRATIONS DE GAVLE, ET
cestuy Dryius tant plein de grand science et Philosophie, il est certain que print son nom la cité de Dreux, en Normandie, et vne manière de philosophes appeliez Druides, lesquelz estoient grans deuins, Augures, Magiciens, et sacrificateurs. Mais leurs sacrifices et diuinations estoient pleins dhorreur et de cruauté : et ne faisoient rien sinon par effusion de sang humain. Et pourtant fut leur superstition defFendue : et depuis abolie, du temps des premiers empereurs Rommains, Auguste, et diuus Claudius, comme mettent Suétone Tranquille, et Iulius César, au vi. liure de ses Commentaires, lesquelz en racontent merueilles. Aussi fait Pline, au xvi. liure de son Histoire Naturelle, disant que les Druides cueilloient en grand cerimonie et reuerence, le guy, qui croit sur les chesnes, et autres arbres, et le gardoient pour guérir de toutes maladies.
Quand le Roy Dryius fut mort, son filz Bardus, régna en son lieu cinquième Roy de Gaule, lequel fut inuenteur de rhythmes, (1) cestadire de Rhétorique et de musique. Et pource fut il fort renommé entre les siens. Et introduisit vne secte de Poètes et rhetoriciens, (2) lesquelz furent nommez Bardes, qui chantoient mélodieusement leurs rhyhtmes, ailec instrumens, en louant les vns et blasmant les autres, comme met Diodorus Siculus en son vi. liure des Antiquitez. Voire, et estoient de si grand estime entre les Gaules, que si deux armées ennemies estoient prestes à combatre, et lesdits poëtes se missent entredeux, la bataille cessoit, et moderoit chacun son ire, en faisant reuerence ausdits poëtes. Dont ledit acteur dit vn bon mot, sur ce passage : Ita apud agrestiores larharos ira ce dit sapientia : et Mars reueretur Musas.
(1) rymes(éd. 1512).
(2) rhetoricques (éd. 1512].
Consequemment régna le fîlz dudit Bardas , nommé Longho, VI. Roy de Gaule, duquel nous nauons autre chose que le nom. Se ce nest quon peult coniecturer, quil eust fondé la cité de Langres, quon dit en Latin ciuitas Lingonensis, qui nest pas loing de Langhonensis, et approche assez du nom dudit Roy Longho. Lequel eut vn filz, nommé Bardus le ieune, qui fut septième Roy de Gaule. Et commença à régner cccxli. ans après la première fondation du Royaume Gallique, duquel aussi nous ne trouuons rien des gestes, sinon quon pourroit imaginer, ce qui est vraysemblable : Cestasauoir, que du nom de ces deux Roys ensemble, cestasauoir, Longho et Bardus, print sa dénomination le peuple des Lombards, qui se dit en Latin Longobardi. Lesquelz combien quilz fussent extraits d'Allemaigne, dominèrent depuis en Italie par lespace de deux cens ans et plus, iusques au temps de Charlemaigne, qui leur en tolut la domination.
Le huitième Roy de Gaule fut Lucus filz de Bardus le ieune. De cestuy cy semble bien que fussent fondez aucuns peuples, lesquelz Ptolomee en sa Cosmographie nomme Luces et Lucenses : et les situe auprès et autour de Paris. Et autre chose nauons nous de luy, sinon quil engendra lupiter Celte, neuuieme Roy de Gaule, père de la belle Geande Galatee, duquel nous auons parlé cy dessus assez amplement. Si peult on conter selon nostre acteur Berosus, depuis le premier Roy et Saturne de Gaule, Samothes surnommé Dis, iusques au règne de lupiter Celte, enuiron quatre cens ans. Maintenant nous retournerons au conte du grand conquérant Hercules de Libye, dixième Roy de Gaule, lequel nous auons laissé à lentree des Italies. (1)
(1) Ytalles (éd. 1512).
ILLVSTRATIONS DE GAVLE, ET
