CHAPITRE XI
En Italie passa à force le grand Hercules de Libye^ dixième Roy de Gaule : et y dompta les orguilleux et tyranniques Geans. Puis y régna pacifiquement lespace de vingt ans. Et finablement couronna aon filz aisné Tuscus Roy et lupiter dicelle. Et establit aussi son filz puisué Galateus onzième Roy de Gaule. Puis ledit grand Hercules alla finer ses iours en Espaigne, dont il mourut Roy, et y feit de grans biens, parquoy luy furent faits de grans honneurs après sa mort.
Or avons nous ce me semble, quelque peu desia proufîté, commençant à faire ouuerture des illustrations de Gaule : Maintenant nous faut il approcher les singularitez de Troye, et retourner à Ihistoire du preux Hercules de Libye, dixième Roy de Gaule. Lequel ayant renforcé son armée de plusieurs nobles et vaillans hommes, de la nation Gallicane, auoit premièrement trenché les montaignes du costé de deçà, et estoit entré par force en Italie, comme nous auons dit cy dessus. Et après auoir deffié les orguilleux Geans, nommez Lestrygons, tous tyrans et mengeurs de gens, lesquelz auoient consenty à la mort de son père Osiris surnommé lupiter le luste, commença à les guerroyer fort et ferme. Mais tant ne sceut auoir de force et de prouesse, quil ne meist dix ans à les desconfire, tant trouua il grande et fiere resistence en eux. Toutesuoyes au bout de dix ans, ilz furent tous deffaits et dechassez par la vertu Herculienne. Et le lieu de lune des batailles ou il les
vainquit, sappelle encores iusques auiourdhuy la Valee des Geans, près de la cité de Tuscanelle en Toscane. Et lors le grand Hercules Roy de Gaule, fut paisible posses^ seur d'Italie, en laquelle depuis il régna pacifiquement lespace de vingt ans, comme son père Osiris y auoit régné, et son grand père Cam, et son aue Noë.
Régnant ainsi le grand Hercules Libyus en Italie, il y feit beaucoup de biens, édifia plusieurs citez : Et enuoya vn Prince nommé lolaus, de la lignée d'Apollo, auec les Tespiades (1) ses filles, habiter premièrement et peupler lisle de Sardaine, laquelle iusques à ce temps nauoit point esté cultiuee. Puis en Italie il seicha, et escoula plusieurs paluz et maretz inutiles, mesmement autour du fleuue Arnus, qui passe parmy Florence : et rendit la région ydoine à labourage. Et audit fleuue Arnus il donna son nom : Car ledit Hercules estoit aussi surnommé Musarnus. Laquelle chose est enseignement quil habita voulentiers enuiron ledit fleuue, et en la cité de Fesule, en Toscane, laquelle iusques auiourdhuy porte les armes dudit Hercules : Bt aussi tint il son siège Royal à Viterbe cité capitale du Royaume d'Italie.
Hercules donques Roy pacifique de Gaule et d'Italie, pource quil vouloit aller finer ses iours en Espaigne, pensa destablir desalors et de son plein viuant, deux de ses enfans successeurs esdits Royaumes. Si manda à la Royne Galatee sa femme, quellfe luy enuoyast son filz Galateus (2) : Car il estoit desia grand assez pour armes porter. Et dautre part, il envoya en Scythie, quon dit maintenant Tartarie, quérir son filz aisné nommé Tuscus, lequel (3) il auoit
(1) Cospiades (éd. 1512).
(2) Galatheus (éd. 1512).
(3) Membre de phrase omis dans l'éd. 1512.
74 ILLYSTRATIONS DE GAVLE, ET
engendré auec la belle Araxa. Icelle Araxa (comme nous pouuons comprendre) fut fille, ou nièce d'Araxa la grande, lune des filles de Noë, engendrée après le déluge : et donna le nom au grand fleuue Araxes et Tartarie. Ladite Araxa la ieune, comme nous auons touché cy douant, estoit demy femme et demy serpente, comme on dit de Melusine la Faee : Et estoit Royne de Scythie, habitant sur le fleuue Tanais, et sur les paluz Meotides.
Au mandement du grand Roy Hercules, Galatea la belle Geande enuoya son filz Galateus en Italie à son père, triomphamment accompagné de la noblesse de Gaule, lequel le receut à grand ioye, en sa court et en son palais : et luy monstra grand signe damour paternelle : Car ledit enfant estoit grand et bel à merueille, comme celuy qui estoit né de deux plus beaux, et plus nobles personnages de tout le monde. Et certain temps après suruint, de la terre loingtaine de Tartarie, Tuscus son filz aisné, lequel estoit desia de grand aage : Car Hercules lauoit engendré en sa prime ieunesse, et estoit grand et corpulent, sage, vaillant, et attrempé. Si fut bien ioyeux de le voir tel : et alors tint court ouuerte. Et en la présence de tous ses barons de diuerses contrées, cestasauoir d'Egypte, de Libye, quon dit Afrique, d'Espaigne, de Gaule, d'Italie, et de Tartarie, par grand solennité, créa et establit son filz aisné Tuscus Roy d'Italie, en la dignité de Coritus, cestadire lupiter couronné, ou Patriarche de Toscane. Et son filz puisné le bel adolescent Galateus de laage de xxv. ans, il le couronna Roy de Gaule à Grand triomphe et merueilleuse pompe. Et fut fait ce glorieux acte en la cité de Viterbe, lan depuis le déluge six cens vingt et cinq, douant la fondation de Troye, neuf vingt et un ans, et douant lincarnation nostre Seigneur, mille six cens soixante et huit ans.
Ces choses ainsi noblement acheuees par le grand et magnanime Hercules, despouillé voluntairement de deux grands couronnes Royalles, mais (de ce) non moins glorifié, il se prépara daller finer le demourant de sa vie en Espaigne, autresfois par luy conquise : Donc après que le bon père eut ses deux enfans Tuscus et Galateus nouueaux Roys amonnesté de bien faire et de bien viure tousiours en paix et en concorde, il leur dit adieu, et aux autres Princes de leur fuite. Et en partant d'eux, à leur tresgrand regret, il monta sur mer, auecques sa plus ancienne baronnie, et se retira en Espaigne. Là où il trouua que son filz Hispalus, (1) lequel il auoit couronné Roy, estoit desia mort, et nauoit régné que xvii. ans. Si regnoit après luy son neueu nommé Hispanus, dixseptieme Roy d'Espaigne, et le premier qui luy donna ce nom : car parauant elle sappelloit Hiberie : Et régna ledit Hispanus (2) lespace de xxxii. ans.
Lan dixneuuieme dudit Hispanus son neueu, le grand Hercules desia fort ancien, vint en Espaigne, et y demeura XIII. ans sans auoir nom de Roy, ains soufFroit patiemment et luy plaisoit bien que son neueu regnast, puis quil nestoit point vicieux. Parquoy appert la grand noblesse de son courage : Car sil auoit conquesté plusieurs grans Royaumes, comme souuerain Prince et monarque du monde, ce nauoit pas esté par ambition tyrannique, ou par vaine gloire, comme plusieurs autres conquereurs ont fait depuis : Mais il estoit content de les oster aux mauuais tyrans vsurpateurs, pour les donner aux bons Princes. Et qui demanderoit quelle chose il faisoit donques en Espaigne, sans auoir tiltre de Roy en icelle ; A ce respond Ihistoire, quil
(1) Hispanus (éd. 1512).
(2) Hesperus féd. 1512).
7Q ILLVSTRATIONS DE GAVLE, ET
passoit le temps à faire tousiours quelque grand bien au païs : Car des grans trésors innumerables quil auoit, il édifia plusieurs villes et citez. Dont encores à ceste cause iusques auiourdhuy les Espaignolz lappellent, Hercules l'edificateur. Et oultre ce par art Magique et astronomie, dont il estoit grand clerc (mais il nen vsoit sinon en bien) il trouua plusieurs remèdes et enchantemens contre les serpens, et autres mauuaises bestes nuisibles, dont la terre et les habitans d'Espaigne estoient par trop greuez et molestez. Et disent encores les Modernes, quil enchanta les coleuures qui sont si priuees à Tolette (1), quelles ne font iamais mal. Et plusieurs autres choses merueilleuses en racontent ilz.
Le trespreux Hercules ainsi se reposant en sa vieillesse, après ses grans trauaux, Hispanus son neueu Roy d'Espaigne alla mourir. Alors par le commun consentement de tous, et pour le bien nécessaire de la chose publique, il reprint le gouuernement du Royaume en sa main, et fut le quatorsieme Roy diceluy. Si régna glorieusement et saintement la reste de sa vie. Cestasauoir xix. ans et non plus : comme met frère lean de Viterbe, au recueil des chroniques d'Espaigne. Et puis rendit son vertueux esprit au commandement de la diuine clémence, enuiron lan de son aage cccl. Apres quil eut régné en Europe, cestasauoir Gaule, Italie, et Espaigne, Lxvii. ans. Si luy feirent les Espaignolz vne riche et somptueuse sépulture, au lieu quon appelle encores Gades Herculis, ou les Colomnes (2) d'Hercules, près du destroit de Gilbalthar : Et luy attribuèrent honneurs diuins, et édifièrent plusieurs citez triomphalles
(1) Toulette {éd. 1512).
(2) Coulompnes (éd. 1512).
rt
en son nom. Si trespassa ayant encores en vie la Déesse Isis Royne d'Egypte sa tante. Car nmis nauons pas de certain quelle fust sa mère, laquelle vescut encores ccl. ans après, comme nous dirons en son lieu.
Les surnoms dudit grand Hercules d'Egypte, furent Her, Hercol, Arno, Musarno. Qui signifient en langue Hébraïque (tesmoing S. Hierome) Her, poilu': Hercol, tout poilu : Arno, Lyon de grand renommée : Musarno, enseigne de Lyon de grand renommée. Et estoit ainsi surnommé, tant pource quil estoit barbu et velu par tout le corsage, comme pource quil estoit armé de peaux de fieres bestes sauuages : comme sont Ours, Lyons et Leopars, attendu que lusage des harnois nestoit pas encores trouué : et pource aussi quil portoit en son escu vn grand Lyon rampant couronné, tenant vne hache darmes entre ses pattes. A tout lequel blason, il se feit renommer par tout le monde. Les Viterbiens portèrent en leur monnoye limage dudit Hercules et de son Lyon, iusques au temps de Didier Roy des Lombards. Vn acteur nommé Iginius, en son liure d'Astronomie met ledit Hercules entre les Images du ciel : cestasauoir entremy la couronne d'Ariadné, et la lyre de Mercure. Et plus ne dirons nous présentement dudit tresuertueux Prince Hercules, sinon quil ordonna pour son successeur au Royaume d'Espaigne Hesperus, qui fut père d'Atlas. Maintenant se tourne Ihistoire à parler des deux filz dudit grand Hercules, cestasauoir Tuscus Roy d'Italie, et Galateus Roy de Gaule, et de leurs postérieurs.
7^ ILLVSTRATIONS DE GAVLE, ET
