CHAPITRE XII

Lhistoire de Tuscus filz du grand Hercules de Libye : et d'Araxa la ieune Royne de Scythie, quon dit maintenant Tartarie, laquelle estoit demy femme et moitié serpent. Et de la postérité dudit Tuscus Roy et lupiter d'Italie, duquel porte le nom la prouince de Toscane. Et de luy descendit lupiter Camboblascou, père de Dardanus, premier fondateur de Troye.

Av chapitre précèdent ha esté veu, comment le grand Prince Monarque Hercules de Libye retournant en Espaigne, laissa en Italie ses deux enfans Tuscus et Galateus, après les auoir couronnez tous deux Roys lun d'Italie et lautre de Gaule : Lesquelz sentreaymerent fraternellement : et se festoyèrent aucun temps après le partement de leur père ensemble. Puis quand le Roy Galateus sen uoulut aller, Tuscus son frère aisné, pour luy monstrer signe damour et libéralité, luy donna lisle de Sicile, estant des appartenances d'Italie : Et luy pria que pour exaucer (I) sa renommée, il y allast fonder aucunes citez, auant que retourner en Gaule. Et pour ce faire luy bailla grand nombre de gens d'Italie, hommes, femmes et enfans. De laquelle chose fut content le Roy Galateus, et en remercia le Roy Tuscus son frère. Si print congé de luy, et auec son peuple sen alla habiter en Sicile, et y fonda aucuns peuples, de son nom appeliez Gallatenes (2), et vne cité nommée Cene-

(1) exaulcer (éd. 1512).

(2) Galathenes (éd. 1512).

galata, dont fait mention Pline au troisième liure de Lhistoire Naturelle. Or est il à sauoir, quen ce temps là cestoit le plus grand honneur quon sceust faire à vn Prince, que de luy bailler charge daller fonder villes et citez en son nom. Et nappartenoit ceste autorité sinon à celuy qui estoit laisné de toute la lignée, estant en la dignité de lupiter : cestadire, Patriarche, ce questoit ledit Tuscus. Par ainsi appert quil honnora grandement Galateus son frère, en luy donnant charge daller peupler ladite Isle : laquelle neantmoins auoit premièrement esté habitée par Cam filz de Noë, comme nous auons dit cy douant. Mais peult estre quelle estoit retournée en solitude par faute de gens, si fut repeuplée par ledit Galateus. Laquelle chose acheuee, il sen retourna par mer en son Royaume de Gaule. Maintenant de luy se taira vn peu nostre histoire pour acheuer le conte du Roy Tuscus, et des siens.

Tuscus donques demoura seul regnateur, lupiter, et Patriarche d'Italie : et donna le nom à la prouince de Toscane, en laquelle il se tint le plus : autrement nommée Hethruria (1), laquelle parauant sappelloit lanicula, de par le bon père lanus : et tous ceux qui auoient seigneurie en Italie sappelloient lanigenes : cestadire enfans de lanus. Or régna Tuscus pacifiquement et sans guerre quelconque : et feit adouber (2) et consacrer ses nobles hommes dessusdits nommez lanigenes en lordre et dignité de cheualerie Palladienne. Laquelle chose se faisoit à force denchantemens par aucuns prostrés à ce ordonnez par son père Hercules, auprès dun lac sulphuré. Et des gestes dudit Tuscus ne se treuue autre chose. Sinon quil laissa son filz Altheus héritier du Royaume d'Italie.

(1) Ethrurla (éd. 1512).

(2) adoubter (éd. 1512). , . ,

80 ILLVSTRATIONS DE GAVLE, ET

Altheus donques filz du Roy Tuscus commença à régner en Italie le troisième an après la mort de son père Hercules Roy d'Espaigne. Lequel comme cy dessus est dit, auoit laissé pour testament àHesperus frère d'Atlas (1) son parent, iceluy Royaume d'Espaigne, auquel Hesperus régna aucun temps : mais finablement il en fut débouté par sondit frère Atlas le Géant, surnommé Italus. Par ainsi Hesperus despouillé de son Royaume d'Espaigne, sen vint en Italie et y régna, et lappella de son nom Hesperie. Derechef après sa mort, sondit frère Atlas Italus, créa et constitua son filz Sicorus, xiiii. Roy d'Espaigne en son lieu : et sen alla en lisle de Sicile, en laquelle il mena du peuple pour illec habiter, comme parauant auoit fait Galateus Roy de Gaule : et après y auoir régné aucun espace, il nauiga en Italie auecques ses Siciliens : et entra au fleuue du Tymbre (2), à lenteur duquel il fonda son Royaume. Et de son nom appella toute la contrée Italie : dont encores iusques auiourdhuy luy demeure le nom, tous les autres aboliz. Cestuy Italus estoit descendu de la lignée de laphet, et de son filz Comerus Gallus, premier Roy d'Italie. Et, selon les acteurs, estoit grand astrologue. Et à ceste cause feignent les Poètes, quil soustenoit le ciel sur ses espaules.

Pour reuenir à nostre propos d'Altheus lupiter de Toscane, filz de Tuscus, ayeul de Dardanus, fondateur de Troye, nous ne trouuons point quil feist aucune grande chose, oppressé parauenture de la puissance dudit Atlas Italus : et ne sauons comment se portèrent ses besongnes. Toutesuoyes il nest point de mention que son filz Blascon fust couronné ne Roy, ne Coritus : cestadire lupiter de

(1) Datias (éd. 1512).

(2) Tybre (éd. 1528).

Toscane. Mais bien trouuons nous que ledit Atlas Italus, Roy d'Italie, créa et consacra le sien propre filz nommé Morges, Cor i tus, et Jupiter : qui vaut autant à dire comme, Roy, Patriarche couronné de Toscane, au desauantage dudit Blascon, yssu de la lignée d'Hercules : et sa fille nommée Roma (1), il la feit Duchesse des Aborigines. Laquelle fut mariée à vn Prince de Toscane, dont elle eut vn filz nommé Romanessos, qui fonda Romme, et la nomma de son nom. Parquoy ceux errent beaucoup (comme met Sempronius en la diuision d'Italie) qui escriuent Romme auoir esté premièrement fondée par Romulus : mais bien fut elle instaurée par luy. Et nest pas dite Romme de Romulus, mais Romulus de Romme.

Par ainsi Atlas surnommé Italus florissant puissamment en Italie, combien quil fust affectionné à son filz Morges, comme dessus est dit, ne mesprisa point pourtant la tresnoble lignée du grand 'Hercules de Libye : Cestasauoir Camboblascon filz de Blascon, qui fut filz du dessusnommé Altheus filz de Tuscus, Roy et lupiter de Toscane, ainçois donna audit Camboblascon Prince des lanigenes sa fille Electra en mariage : et pour douaire luy assigna certaine quantité de peuple, pour venir habiter aux Alpes et montaignes prochaines d'Italie. Et encores quand ledit Roy Atlas Italus fut mort, son filz Morges Roy d'Italie, et lupiter de Toscane, considérant parauenture que son père auoit eu tort de son beau frère Camboblascon, se desmit de la dignité de Coritus : cestadire, lupiter ou Patriarche de Toscane, et la céda et transporta audit Camboblascon mary de sa sœur Electra, et peu de temps après mourut.

Or à fin que la matière de scrupule et murmuration soit

(1) Rhoma(éd. 1512 et 1528).

82 ILLVSTRATIONS DE GAVLE, ET

tollue à plusieurs qui pourroient ouyr ce liure : Disans, quil nest ia besoing si souuent ramenteuoir aux oreilles Chrestiennes les noms des Idoles, que iadis les Payens adoroient : Cestasauoir, Saturne, lupiter, et Hercules, etc. Tout homme de sain entendement peult bien congnoitre, que le nom de Coritus (1) ou lupiter couronné, estoit en ce temps là tiltre de dignité Royale ou Pontificale, si comme les Pharaons en Egypte, et les Césars à Romme : Et ce quilz appelloient lupiter leur Dieu, cest comme nous appelions le Pape, nostre tressaint père : car lupiter signifie, luuans pater. Et Papa, Pater patrum. Ausurplus comme met Xenophon en ses Equiuoques, iadis au premier aage doré le plus ancien père de chacune noble famille Royale, fondateur de Royaume ou de cité, estoit dit Saturne : Leurs enfans aisnez lupiter et luno : et leur neueux les plus fors et les plus vaillans, estoient nommez Hercules, comme cy dessus est allégué au dixième chapitre. Donques si noz ancestres nommoient leurs Princes Dieux, il appert que cestoit pour quelque excellence de bonté et iustice quilz trouuoient en eux, ainsi que dit Fabius Pictor, au commencement de son liure de lorigine de Romme : Principes quia iusti erant^ et religionihus dediti, iure liaUti DU et dicti : Non enim arhitria illorum ah mqiio , t)el populus à iure innato discedebant.

Puis que nous auons satisfait à ce poinct, nous parlerons maintenant plus hardiment de lupiter lancien, père de noz Princes de Troye, duquel lupiter le propre nom estoit Camboblascon : et comme met frère lean de Viterbe, commentateur de nostre acteur Berosus, il fonda la cité de Montblascon (2) et Toscane, laquelle se dit maintenant par lan-

(1) Corytus(éd. 1512 et 1528).

(2) Montoblascon (éd. 1512 et 1528).

gage corrompu, Montflascon, à cause du bon muscadel qui y croit. Il édifia aussi vne cité nommée Coritus : et on lappelle maintenant Corne te : et sied sur la mer à XL. miliaires de Romme. Or eut il de sa femme Electra, fille du grand géant Atlas Italus, Roy d'Italie, trois enfans : cestasauoir, lasius, Dardanus et Armonia : lasius laisné, fut créé et couronné en la dignité de Patriarche, quilz nommoient Coritus, par son père Camboblascon. Lequel neantmoins se reserua le tiltre, et la prééminence de Roy. Et lannee ensuiuant, escheut audit lasius le Royaume de Gaule. Si nous faut bien voir comment ne par quel manière.

84 ILLVSTRATIONS DE GAVLE, ET