CHAPITRE XIIII

Entre lasius lanigena lupiter et Patriarche d'Italie et xv. Roy de Gaule, et son frère Dardanus, sourdit guerre trescriminelle, à cause de laquelle Dardanus le plus ieune, occit traîtreusement son frère aisné lasius, aux bains de Viterbe. Lequel cas perpétré, il senfuyt en vue isle de TArchipel, appellee Samos, en Grèce. Et audit lasius occis, succéda au Royaume d'Italie, son filz Corybantus et en celuy de Gaule, AUobrox. Lequel fonda plusieurs citez en Dauphiné et Sauoye.

Revenons donques à nostre puissant Roy de Gaule, lasius lanigena, frère aisné de Dardanus fondateur de Troye. Iceluy lasius en tesmoignage desdites noces, et de sa couronnation, en laquelle le peuple Herculien, cestasauoir de Gaule et d'Italie, lauoit salué son Roy et son Patriarche, feit faire les statues et images dessus mentionnées, nha gueres trouuees à Viterbe, et en la souzbasse de la sienne estoit graué ce qui sensuit, lasio acclamauit populus Herculeus : Dux inuicte : Inuicta corona. Et puis ne tarda gueres après que son père lupiter Camboblascon alla mourir. Si ioingnit lors le Royaume d'Italie auee celuy de Gaule : et fut le plus puissant Prince de son temps. Et eut de sa femme Cy bêles vn beau filz nommé Corybantus. Mais comme il est de coustume en ce monde, de tant plus que les prosperitez des hommes sont haut esleuees, de tant tombent elles en plus grande ruine. Comme il apperra de ce Roy cy.

Car quand Dardanus son frère puisné , lequel estoit homme de cœur, veit le Roy lasius constitué en si hautaine gloire et resplendissance, augmentée de deux si grans Royaumes, comme celuy de Gaule et d'Italie, il en eut dueil et enuie à merueilles : Attendu mesmement, quil nauoit ne tiltre de Royaume, ne grand estât assez à son gré. Pour laquelle cause il demanda partage à son frère le Roy lasius. Laquelle chose il refusa de faire, ou aumoins ne luy voulut pas ottroyer à son appétit. Et à ceste cause, commença vne guerre ciuile et intestine, aspre et cruelle à oultrance entre les deux frères. Tous les peuples, villes et citez, de delà le fleuue du Tymbre, cestasauoir les Latins, que nous nommons présentement le Royaume de Naples, la terre de labour. Fouille et Calabre, estoient de la part de Dardanus. Mais ceux de deçà le Tymbre, cestasauoir les Toscanes, auec les Gaulois, tenoient le party de lasius leur Roy. En ce temps aduindrent plusieurs merueilles par le monde vniuersel. Si comme tremblemens de terre, monstres et comettes. En Thessale y eut vn grand déluge deaue. Et en vne autre partie de Grèce vn horrible embrasement de feu. Aussi en ce temps mesmes Pharaon Roy d'Egypte poursuiuant Moyse et les enfans d'Israël, périt en la mer rouge, auec toute son armée. Toutes lesquelles diuersitez de signes, signifioient mutations de Royaumes par tout le monde, comme il apperra cy après.

Estant donques ainsi enflambee la terrible guerre et inimitié entre les deux frères, Dardanus auoit du pire : Mesmement pource que de nouueau, Siceleus Roy de lisle de Sicile, qui depuis aussi fut xvi. Roy d'Espaigne, estoit venu de renfort à layde du Roy lasius son parent, alencontre de Dardanus. Parquoy Dardanus soy sentant de beaucoup trop foible , sappensa que puis quil nauoit peu auoir

94 ILLVSTRATIONS DE GAVLE, ET

raison de son frère par amour, ne par force, il sen vengeroit par cautelle et trahison. Pour laquelle chose faire, il feit secrètement sa preparatiue daucuns nauires, au plus prochain port et riuage de mer, non pas loing de Viterbe : et meit dedens ce quil peut finer de trésor, et les plus féaux de ses gens et seruiteurs. Puis espia tant les allers et les venirs du Roy lasius son frère, lequel ne se donnoit garde pour Iheure (car parauenture auoient ilz tresues ensemble, ou vne paix fourrée) que finablement ledit Dardanus le trouua à despourueu, qui se baignoit aux thermes lasinelles, ce sont aucuns bains sulphurez en la plaine de Viterbe ; Et le tua et murtrit de sa main : puis cheuaucha hastiuement iusques à ses nauires, tout chaut et tout ensanglanté de loccision fraternelle, dont toute leaue de la mer ne leust sceu lauer.

Ainsi mourut piteusement par les propres cruelles mains, homicides de son frère, le tresnoble et trespuissant Roy de Gaule et d'Italie lasius lanigena, lan de ses règnes, cinquantième et de son aage quatre vingts et quatre, deuant la fondation deTroye, xxix. ans. De laquelle mort estrange et scandaleuse, non seulement Italie et Gaule furent troublées, mais aussi toute la terre vniuerselle. Attendu quil auoit tousiours eu paix et amytié auec tous les autres Princes du monde, ses parens et alliez. Mais sur tous en fut la plus dolente la noble Royne Cybele deuenue vesue. Toutesuoyes son filz Corybantus succéda au Royaume d'Italie. Mais non en celuy de Gaule, ainçois furent les Gaulois aucun temps sans chef : et puis finablement en eslurent vn autre tousiours de la lignée d'Hercules, pource quilz aymoient ce tresillustre sang. Et eut non Allobrox, leur xvi. Roy. Lequel domina depuis le pie des monts Apennins affrontans Italie, iusques aux monts Pyrénées, qui séparent

Espaigne de Gaule, et depuis la mer Mediterrane iusques à la grand mer Oceane, et au fleuue du Rin. Et fonda plusieurs citez es contrées quon dit maintenant Piémont, Sauoie, Prouence et Dauphinë : Lesquelz peuples de son nom furent appeliez Allobroges. Et de son temps fut fondée la tresrenommee cité de Troye, comme nous dirons assez tost. Si nous faut retourner au conte de Dardanus.

Quand Dardanus eut perpétré ce criminel oultrage en la personne de son frère germain, comme nous auons monstre, et il fust eifroyeusement et en grand trouble monté sur mer, il feit dresser la pointe de son nauire vers orient pour tirer en Grèce, et se sauner quelque part, en lune des isles Cyclades, en attendant meilleur auenture. Si feit tant quil paruint iusques en la mer quon dit Larchipel : et aborda en vne isle de Grèce, nommée Samos, ou Samothrace. louxte ce que dit Virgile au vu. des Eneïd.

Auruncos ita ferre senes : his ortus ut agris. Dardanus, Idseas Phrygiae penetrauit ad vrbes, Threïciamque Samum, quse nunc Samothracia fertur.

Ladite isle est opposite à la région de Thrace en Grèce, en laquelle siet Constantinoble. Et fut iadis noble isle et bien peuplée : fertile de vignes et doliuiers, et abondante de tous biens. Et en fut natif Pythagoras le grand philosophe : et lune des Sibylles nommée Samie. Maintenant elle est souz la main du Turc, lequel la tient déserte et inhabitée. Et ne veult quil y demeure personne : de peur des Chrestiens : comme nous declairerons plus à plein en nostre œuure de Grèce et de Turquie. Ainsi peupla Dardanus premièrement ladite isle, et y demeura long temps auant quil edifiast Troye : espérant tousiours moyenner et

ILLVSTRATIONS DE GAVLE, ET

impetrer son retour en Italie. Mais quand il en eut du tout perdu lespoir, il meit son entente et délibération totalle, de demeurer es parties de pardela : comme nous verrons maintenant.

SINGVLARITEZ DE TROTE. LIVRE I. ^