CHAPITRE XV
Dardanus qui sen estoit fuy en lisle de Samoa, frustré d« tout espoir de iamais retourner en Italie, pour le crime de parricide par luy commis en la personne de sondit frère lasius, passa de lisle de Samos en Asie la Mineur, quon dit maintenant Turquie. Là ou il fonda la cité de Dardanie, qui depuis fut appellee Troye, en la prouince de Phrygie la basse, par eschange quil feit du droit quil pouuoit auoir en Iheritage du Royaume de Toscane en Italie. Lequel droit il resigna à Turrhenus filz de Athus le ieune Roy de Meonie, extrait d'Athus lancien filz du grand Hercules de Libye, et dune dame nommée Omphale : et lors se font grand mutations et rénovations de Royaumes, sans toutesfois changer le sang Herculien.
Il est à sauoir que oultre la mer Hellesponte, quon dit le destroit de Constantinoble, en la terre ferme d'Asie la mineur, quon dit maintenant Natalie ou Turquie, et non pas trop loing de ladite isle de Samos, est vne prouince nommée Lydie, qui parauant sappelloit Meonie. En laquelle et aussi en la prochaine nommée Phrygie, regnoit pour lors vn Prince duquel le nom estoit Athus le ieune, du mesmes sang et parentage de Dardanus. Car comme nous auons touché cy dessus, le grand Hercules de Libye eut dune dame nommée Omphale vn filz appelle Athus le grand. Et diceluy estoit descendu en la quatrième génération ledit Athus le ieune, Roy de Meonie et de Phrygie. Lequel auoit deux enfans, lun nommé Lydus, et lautre Turrhenus. Si
98 ILLVSTRATIONS DE GAVLE, ET
estoit Athus le père assez poure Prince, et chargé de grand multiplication de peuple. Et qui pis vaut, il y auoit famine et stérilité en son païs. Parquoy luy estoit force de se descharger dune grand partie de ses subietz, et les enuoyer cercher habitation en autre contrée.
En telle solicitude et nécessité estoit le poure Prince Athus. De laquelle chose, Dardanus estant en lisle de Samos, fut tantostaduerty. Si se transporta promptement celle part, et alla voir son parent Athus, et luy fit telle ouuerture. Cestasauoir puis quil estoit besoing audit Athus de soy deffaire dune partie de son peuple, et lenuoyer habiter en autre région, ledit Dardanus ne sauoit plus beau ne meilleur expédient audit Athus, que de leur bailler pour chef, lun de ses enfans, et lenuoyer habiter en Italie. En quoy faisant, Dardanus offroit de resigner et remettre à celuy qui yroit tout tel droit et action quil auoit et pouuoit auoir au Royaume d'Italie, pourueu et moyennant ce que ledit Roy Athus luy donnast vne certaine portion de sa seigneurie pour édifier vne cité.
Les conuenances furent tantost agréables au Roy Athus de Meonie et de Phrygie, comme celuy qui ne queroit autre chose sinon se defi'aire honnestement de la charge de tant de peuple, quil ne pouuoit plus soustenir. Si fut fait lappointement tel que Dardanus auoit mis en termes. Et à fin quil ny eust point de dissension entre les deux frères, asauoir mon (1) lequel yroit ou demeurer oit, on ietta le sort. Si aduint par ledit sort, que Lydus devoit demeurer héritier du Royaume, qui depuis fut appelle Lydie de son nom : Et Turrhenus fut appointé daller mener son peuple en Italie à tout le droit que Dardanus luy auoit resigné. Et par ce
(1) Autrefois Saveir mùH^ ti.-â-d. sahâ ôontredit, déâniti^einent*
moyen, le Roy Athus bailla et deliura à son parent Dardanus, la prouince de Phrygie pour la tenir luy et les siens à iamais, et en faire ce quil luy plairoit.
Ainsi furent faits les eschanges des seigneuries : sans toutesuoyes riens aliéner ny estranger du sang Herculien. Turrhenus auec son peuple et équipage, partit d'Asie la mineur, quon dit maintenant Turquie, pour venir en Italie. Et Dardanus auec ses gens et sa suite, laissa lisle de Samos, pour aller prendre la possession de Phrygie. Si commença illec à édifier vne cité, laquelle il nomma de son nom Dardanie, qui depuis fut appellee Troye. Et commença illecques à régner lan xxix. après la mort de lasius son frère, qui fut six ans après le trespas de Moyse : comme met frère lean de Viterbe. Mais pour trouuer au vray lannee de la fondation de Troye, nous dirons ainsi. Depuis la natiuité du Patriarche Abraham, qui fut lan xliii. du règne de Ninus, troisième Roy de Babylone, Moyse en lonzieme chapitre de Genèse, conte deux mille quatre vingts et douze ans. (1) Et à ce saccorde nostre acteur Berosus. Et depuis lan xliii. de Ninus que ledit Abraham fut né, iusques àla fondation de Troye, Eusebeen son liure des Temps, et ledit Berosus en ses Antiquitez, content cinq cens et trentetrois ans. (2) Ainsi depuis le déluge iufques à la dite fondation de Troye,' ce sont iustement, huit cens et trente ans. Or est il ainsi que ledit Eusebius conte depuis la natiuité d'Abraham, iusques à iesvchrist, deux mille vintcinq ans. Par ainsi ostez lesdits cinq cens trentehuit, qui sont depuis Abraham iusques à Troye, il appert clerement que depuis Troye fondée par Dardanus, iusques à lincarnation nostre
(1) 2082 (éd. 1512). 2420 (éd. 1528).
(2) 534 (éd. 1512 et 1528).
100 ILLVSTRATIONS DE GAVLE, ET
Seigneur, on doit conter sans nulle faute, mille quatre cens quatre vingts et sept ans. Et douant la fondation de Romme par Romulus, quatre cens uingt et huit. Et auant que Paris fut fondée, lxx. ans. Et ainsi nous sommes nous reiglez en toute ceste histoire, et ferons encores au plaisir de Dieu, tant comme elle durera.
Cy douant nagueres que nous auons dit, que selon les conuentions leschange fait entre Dardanus et Athus, de la terre de Phrygie au droit que Dardanus auoiten Italie, Turrhenus filz dudit Athus estre party d'Asie la Mineur, quon dit maintenant Turquie, arriua en Italie, pour prendre la possession dudit droit, et vint saluer la Royne Cybeles, vefue du Roy lasius, et son filz Corybantus Roy de Toscane, ausquelz il apporta de par son père le Roy Athus de Meonie, plusieurs riches et triomphans presens. Et ilz le recueillirent à grand ioye, comme celuy qui estoit du vray sang du grand Hercules de Libye, comme ilz estoient. Et luy donnèrent tresliberalement de prime face la cité Royale de Viterbe : Puis se délibérèrent de se retirer en Phrygie vers le Roy Dardanus. Si ordonnèrent en Toscane vne police, de XII. Ducz, et de xii. peuples, qui fussent tousjours de la famille des lanigenes, et le Roy Turrhenus par dessus tous. Duquel print le nom la mer Tyrrhene de laquelle dit Virgile au commencement des Eneïdes :
Gens inimica mihi Tyrrhenum nauigat sequor.
Et ce fait la Royne Cybeles et son filz Corybantus, montèrent sur mer auecques grand peuple et grand suite et merueilleux trésor, et sen allèrent habiter en la nouuelle cité de Dardanie, auecques le Roy Dardanus. Et icy se termine Ihistoire de Berosus de Chaldee. Laquelle nous
auons feablement recueillie. Doresenauant nous suiurons vn autre acteur nommé Manethon d'Egypte : lequel ha reprins ladite histoire, depuis le règne de Dardanus iusques à Francus filz d'Hector.
