CHAPITRE XVI

Deuers le Roy Dardanus de Phrygie, se retira la Royne Cybeles, vesue de lasius, iadis Roy de Gaule et d'Italie : et y mena son filz Corybantus auec multitude de peuple et grans trésors : dont le pouuoir de Dardanus se augmenta beaucoup en Asie, quon dit maintenant Turquie. Il estoit grand clerc et magicien, dont il composa des liures : et eut vn filz nommé Erichthonius. Enuiron lequel temps Allobrox successeur de lasius lanigena (quant au Royaume de Gaule) laissa pour héritier son filz Romus, qui fonda Romans au Dauphiné, et donna le nom à la langue Rommande. Et eut vn filz nommé Paris fondateur de la noble cité de Paris en France,

Manethon fut prestre d'Egypte, fort recommandé entre les historiens par Eusebe et losephus. Lequel ha continué Ihistoire des règnes du monde, là ou Berosus lauoit laissée, iusques après Troye destruite. Si suiurons son ordre, tant des Roys de Troye, comme de Gaule. Et neantmoins nous ayderons dautres acteurs autentiques ainsi que mestier sera, pour la décoration de nos Illustrations et singularitez . Or auons nous veu par le chapitre précèdent, comme par chanse tournée, se fait merueilleuse mutation de Royaumes. Car les Occidentaux vont dominer en Orient, et les Orientaux viennent en Occident. Mais combien que se fasse transmutation de lieu et de fortune, si ne se change en riens la droite généalogie du tresnoble sang d'Hercules, comme nous auons desia dit, ains demeure tousiours en son

SINGVLARITEZ DE TROYE. WVRE l, 105

entier, dun costé et dautre, et ny eut fraude ne dol aussi : car Turrhenus (comme met nostre acteur Manethon) régna paisiblement en Toscane lespace de Lxim. ans. Et après luy son filz Abas. Mais de luy ne du Royaume d'Italie, nous parlerons peu désormais : Pource que le Royaume de Troye requiert désormais sa description.

Corybantus ayant resigné le Royaume d'Italie à son parent Turrhenus, après que ledit Corybantus y eut régné xLviii. ans, comme met frère lean de Viterbe, et quil sen fut allé auec sa mère, la Royne Cybeles, habiter auecques son oncle, le Roy Dardanus, en Phrygie : et quilz eussent porté lusage et les cerimonies des sacrifices de leur grand mère Cybeles, dite Vesta ou Tytea la grande, femme de Noë lanus : louxte ce que dit Diodorus Siculus en son vi. liure. Ueriim ad, deos translata lasio, Dardaniis Cyheles ac Corybantus sacra deor%m matris in Phrygiam detulerunt. Au moyen de toutes ces choses, la puissance dudit Roy Dardanus creut soudainement. Or auoit il vn voisin nommé Teucrus, riche et puissant Prince : Dont les Phrygiens ont aucunefois esté nommez Teucres, comme met lacteur dessusdit. Lequel Teucrus ou Teucer, estoit filz du fleuue Scamander, et dune nymphe nommée Idea. Et auoit vne belle fille, appellee, Batea : laquelle il donna en mariage audit Roy Dardanus, filz de lupiter et d'Electra. Et dicelle Batea il eut vn filz et successeur, nommé Ericthonius. Si ne treuue ie plus rien des gestes diceluy Dardanus, sinon quil fut grand Magicien selon vn acteur nommé Petrus Crinitus. Lequel en son liure intitulé, de la Discipline honneste,(l) allegant Pline en Ihistoire Naturelle, met que ledit Dardanus souuerain en lart Magique,

(1) De honesîa disciplina. Florence 1500, in-fol.

i04 ILLVSTRATIONS DE GAVLE, ET

composa aucuns liures dicelle, lesquelz il commanda estre rais en sa sépulture. Mais depuis sa mort, vn grand philosophe nommé Abderites Democritus, feit tant quil les recouura : et les esclarcit et amplia de commentaires. Si régna xxxi. ans. A tant nous nous tairons de Dardanus le premier des Roys Troyens. Et pour mieux autoriser les Illustrations de Gaule auec les singularitez de Troye, en ensuiuant lordre de nostre acteur Manethon d'Egypte, nous meslerons les Roys Galliques entremy les Troyens : Car ilz ont ensemble affinité certaine, à cause du tresnoble sang du grand Hercules de Libye qui tousiours dure en eux. Allobrox XVI. Roy des Gaulois duquel nous auons fait vltime mention au quatorzième chapitre, et dit quil fonda le peuple des AUobroges, quon dit maintenant Dauphinois et Sauoyens, fut contemporain à Dardanus. Et régna en Gaule, iusques au xxix. an après la fondation de Troye. Le temps de son règne fut enuiron lxviii. ans, comme on peult cueillir par les escrits de noz acteurs Berosus et Manethon. Si succéda au Royaume de Gaule, son filz nommé Romus, XVI. Roy, lequel fonda vn peuple nommé Rommandz. Disant ainsi expressément nostre acteur Manethon : Ânno eiusdem xxxv. apud Geltiberos regnauit Romus, à quo Romandi. Ce sont ceux que Ptolomee descrit en sa Cosmographie, en la Gaule Belgique : et les appelle Romandissos. Nous disons encores auiourdhuy la ville de Niuelle estre située au Romanbrabant, à cause de la différence du langage. Car les autres Brabansons parlent Thiois, ou Teuthonique : Cestadire bas Alleman : Et ceux cy parlent le vieil langage Gallique, que nous appelions Vualon ou Rommand. Et les vieux liures en ladite langue, nous les disons Rommandz : Si comme le Rommand de la Rose. Et de ladite ancienne langue Vualonne, ou Rommande,

SmGYLARITËZ DE TROYE. LIVRE I. 105

nous vsons en nostre Gaule Belgique : Cestadire en Haynau, Cambresis, Artois, Naraur, Liège, Lorraine, Ardenne et le Romraanbrabant, et est beaucoup différente du François, lequel est plus moderne, et plus gaillart. Il est donques bien facile à conclure, que ladite langue Rommande, ha prins sa dénomination du Roy Romus. Encores est en Dauphinë vne bonne ville nommée Rommans, sur le fleuue de Liseré, de la fondation dudit Roy Romus : et Valence sur le Rhône, par interprétation, nest autre chose queRoma, selon aucuns. Par ainsi Romus signifieroit vaillant. Mais selon saint Hierome en linterpretation des noms Hébraïques, cest autant à dire comme tenant haut et sublime.

Du temps du dessusdit Roy Romus de Gaule, commença à régner en Phrygie, Erichthonius, filz de Dardanus et de la Royne Candauia sa femme et sœur, comme met Bocace. lasoit ce que Diodorus Siculus, comme nous auons dit cy dessus, met que la femme de Dardanus, fille du Prince Teucrus, sappelloit Hatea : comme nous auons dit cy dessus. De cela ie ny mets point de différence, car il nest pas impossible quil eust deux femmes. Cestuy Erichthonius fut le premier des Roys Troyens qui commença à resplendir, en félicité, et en richesse : comme met ledit acteur Diodorus en son cinquième liure. Homère lappelle le plus riche des hommes : Car il auoit trois mille chenaux paissans en ses pastures. U eut vn filz nommé Tros, ie ne scay de quelle femme, lequel il laissa son successeur après auoir régné Lxxv. ans, selon Archilocus en son liure des Temps.

Au mesmes temps, que le dessusdit Erichthonius commença à régner sur les Phrygiens ou Dardaniens, qui puis après furent nommez Troyens, commença aussi à régner sur les Gaulois, quon dit maintenant François, le filz du dessusdit Roy Romus, nommé Paris leur xviii. Roy, duquel

106 ILLVSTRATIONS DE GAVLE, ET

porte le nom iusques auiourdhuy, la tresnoble cité Royale, assise sur le fleuue de Seine, qui conioint les Celtes auec les Belges. Cest la tresheureuse Parisienne cité capitalle de la couronne de France : mère et maistresse souueraine des estudes de tout le monde, plus que iadis nulles Athènes, ne nulles Rommes. De laquelle iay principalement succé tout le tant (combien que peu) du laict de literature, qui viuifîe mon esprit. (1) Et me tiens pour bienheureux, de ce que ores il eschet que ie luy puisse rendre ceste grâce, que de declairer, premier que nul autre, aumoins que ie sache, en nostre langue vulgaire, sa tresantique et tresueritable origine. Laquelle fut, selon que ie puis cueillir par les dits autentiques de Manethon d'Egypte, enuiron lxx. ans après la première fondation de Troye par Dardanus : Qui est depuis le déluge neuf cens ans. Deuant que Romulus instaurast Romme quatre cens quatre vingts et dixhuit ans. Et auant lincarnation nostre Seigneur, mille quatre cens et dixsept ans. Cest la vraye fondation de la cité de Paris en France, laquelle est honnoree, du nom de son Roy, après lequel régna son filz Lemanus, comme nous dirons cy après.

(1) Témoignage curieux.